തൃശ്ശൂര്‍ ജില്ലയില്‍, മാള പുത്തന്‍ചിറയില്‍ ഇടിമിന്നലേറ്റ് വീടുകള്‍ക്ക് കേടുപാടുകള്‍ സംഭവിച്ചു. കിഴക്കുംമുറി സ്വദേശിയായ സ്റ്റീഫന്റെ വീടിന്റെ മേല്‍ക്കൂരക്കും ചുമരിനും വിള്ളലുകള്‍ ഉണ്ടായി. വീടിന്റെ മീറ്റര്‍ ബോര്‍ഡും വൈദ്യുത ഉപകരണങ്ങളും പൂര്‍ണ്ണമായും നശിച്ചു. സമീപത്തെ വീടുകള്‍ക്കും ചെറിയ തോതില്‍ നാശനഷ്ടം റിപ്പോര്‍ട്ട് ചെയ്തിട്ടുണ്ട്.

മാള പള്ളിപ്പുറത്ത് തെങ്ങ് വീണുണ്ടായ അപകടത്തില്‍ ഒരു കുടുംബം അത്ഭുതകരമായി രക്ഷപ്പെട്ടു. താണികാട് തൈവളപ്പില്‍ സിറാജിന്റെ ഓട് മേഞ്ഞ വീടിന് മുകളില്‍ തെങ്ങ് കടപുഴകി വീണതിനെ തുടര്‍ന്ന് മേല്‍ക്കൂരയും വാഷിംഗ് മെഷീനും അടുക്കള ഉപകരണങ്ങളും തകര്‍ന്നു. സിറാജ്, സഹോദരന്‍ സുരാജ്, ഭാര്യ ഷാജിത, മക്കള്‍ ശിഹാബ്, ഷാനവാസ് എന്നിവര്‍ അപകടത്തില്‍ നിന്നും രക്ഷപ്പെട്ടു.

കണ്ണൂരിലെ ചെറുപുഴയിലും ശക്തമായ മഴ മൂലം വീടുകളിലും വ്യാപാര സ്ഥാപനങ്ങളിലും വെള്ളം കയറി. മതിലുകള്‍ തകര്‍ന്നു വീണ സംഭവങ്ങളും റിപ്പോര്‍ട്ട് ചെയ്തു.

എറണാകുളത്ത്, കൊച്ചി, അങ്കമാലി, ആലുവ എന്നിവിടങ്ങളില്‍ ഇടിമിന്നലോടുകൂടിയ മഴയും വെള്ളക്കെട്ടും ഗുരുതരമായി അനുഭവപ്പെട്ടു. ജില്ലയില്‍ യെല്ലോ അലര്‍ട്ട് പ്രഖ്യാപിച്ചിരിക്കുകയാണ്. മഴയെ തുടര്‍ന്നു ഗതാഗതക്കുരുക്കും പലയിടങ്ങളില്‍ റിപ്പോര്‍ട്ട് ചെയ്തു.

ഇടിമിന്നലില്‍ ഇലഞ്ഞി കൊല്ലകെമ്പിലെ ഗോപിനാഥന്റെ വീട് ഭാഗികമായി തകര്‍ന്നു. വൈദ്യുതി ഉപകരണങ്ങളും വയറിംഗും പൂര്‍ണ്ണമായി കത്തി നശിച്ചു. ഭിത്തികള്‍ക്കും കേടുപാടുകള്‍ സംഭവിച്ചതായി അധികൃതര്‍ അറിയിച്ചു.

പരിശോധന നടത്തി ഗുണനിലവാരമുള്ളഭക്ഷ്യധാന്യ – വസ്തുക്കൾ വിതരണം ചെയ്യുന്നതിനും കുറ്റക്കാർക്കെതിരെ നടപടി സ്വീകരിക്കുന്നതിനും ബന്ധപ്പെട്ട അധികാരികളുടെ ഭാഗത്ത് നിന്ന് അടിയന്തിര നടപടി ഉണ്ടാകണമെന്നുമാണ് ഗുണഭോക്താക്കളുടെ ആവശ്യം.

സിവിൽ സപ്ലൈസ് വകുപ്പ് അധികാരികൾക്ക് അടുത്ത ദിവസംപരാതി നൽകുമെന്നും ഗുണഭോക്താവായ ഷാജിമുങ്ങാത്തം തറ, എൻ എഫ്’ പി ആർ വൈസ് പ്രസിഡൻ്റ് മനാഫ് താനൂർ എന്നിവർ പറഞ്ഞു.

ബോംബ് ഉണ്ടാക്കുന്നതിനുള്ള സ്ഫോടക വസ്തുക്കളും ഇവിടെ നിന്ന് കണ്ടെത്തി. കഴിഞ്ഞ ദിവസം പാനൂര്‍ കൈവേലിക്കല്‍ മുളിയാത്തോടാണ് ബോംബ് സ്ഫോടനമുണ്ടായത്. ബോംബ് നിര്‍മ്മാണത്തിനിടെയാണ് അപകടമുണ്ടായത്.

അപകടത്തില്‍ സിപിഎം ലോക്കല്‍ കമ്മിറ്റി അംഗത്തിന്റ മകന്‍ കൂടിയായ വിനീഷിന്റെ ഇരുകൈപ്പത്തികളും അറ്റുപോയിരുന്നു. ഇതിനിടെ സ്‌ഫോടനത്തില്‍ മുഖത്ത് ഗുരുതരമായി പരിക്കേറ്റാണ് ഷെറിന്‍ മരിച്ചത്. സ്ഫോടനത്തില്‍ ഷെറിന്റെ മുഖത്തിന് ഗുരുതരമായി പരിക്കേറ്റിരുന്നു.

നാല് പേര്‍ക്കായിരുന്നു സ്‌ഫോടനത്തില്‍ പരിക്കേറ്റത്. കൂടുതല്‍ ബോംബുകള്‍ കണ്ടെത്തിയതിന്റെ പശ്ചാത്തലത്തിലാണ് പൊലീസിന്റെ നേതൃത്വത്തില്‍ പരിശോധന നടക്കുന്നത്. പാനൂര്‍, കൂത്തുപറമ്പ്, കൊളവല്ലൂര്‍ മേഖലകളിലാണ് വ്യാപകമായി പരിശോധന നടക്കുന്നത്.

കൂടുതല്‍ ബോംബ് ശേഖരം ഉണ്ടെന്ന സംശയത്തിന്റെ അടിസ്ഥാനത്തിലാണ് പരിശോധനയെന്ന് പൊലീസ് അറിയിച്ചു. സ്ഫോടനത്തിന്റെ പശ്ചാത്തലത്തില്‍ കഴിഞ്ഞ ദിവസം കണ്ണൂരില്‍ ഉന്നത പൊലീസ് ഉദ്യോഗസ്ഥരുടെ യോഗം ചേര്‍ന്നിരുന്നു. ഈ യോഗത്തിലെ തീരുമാനം അനുസരിച്ചാണ് മേഖലകളില്‍ ബോംബ് സ്‌ക്വാഡുകളുടെ നേതൃത്വത്തില്‍ പരിശോധന നടക്കുന്നത്. ഇതിനിടെ പാനൂരില്‍ സ്ഫോടനം നടന്ന സ്ഥലത്തുനിന്ന് കണ്ടെത്തിയ ബോംബുകളെല്ലാം നിര്‍വീര്യമാക്കിയതായി പൊലീസ് അറിയിച്ചു.