wildanimalattack – Chandrika Daily

വയനാട് പുല്‍പ്പള്ളിയില്‍ കാട്ടാന ആക്രമണത്തില്‍ വയോധികയ്ക്ക് പരിക്ക്

webdesk18 — Tue, 09 Dec 2025 16:22:02 +0000

വയനാട് പുല്‍പ്പള്ളിയില്‍ കാട്ടാന ആക്രമണത്തില്‍ വയോധികയ്ക്ക് പരിക്ക്. ചീയമ്പം ഉന്നതിയിലെ മാച്ചി(60)ക്കാണ് കാലിന് പരിക്കേറ്റത്. റോഡരികിലൂടെ കടന്നുപോകുകയായിരുന്ന ഇവരെ ആന തുമ്പിക്കൈ കൊണ്ട് റോഡിലേക്ക് തള്ളിയിടുകയായിരുന്നു. പശുവിനെ മേയ്ച്ച് മാച്ചിയും മകളും വീട്ടിലേക്ക് മടങ്ങുന്നതിനിടെയാണ് സംഭവം.

പരിക്കേറ്റവരെ പുല്‍പ്പള്ളി സാമൂഹിക ആരോഗ്യ കേന്ദ്രത്തില്‍ പ്രവേശിപ്പിച്ചു. നേരത്തെ, പൊന്മുടിയില്‍ വോട്ട് ചെയ്യാന്‍ പോകുകയായിരുന്ന സംഘം സഞ്ചരിച്ചിരുന്ന കാര്‍ കാട്ടാന നശിപ്പിച്ചിരുന്നു. കൊമ്പ് കൊണ്ട് കുത്തി നശിപ്പിക്കുകയായിരുന്നു. പൊന്മുടി സ്വദേശി രാഹുലിന്റെ കാറാണ് നശിപ്പിച്ചത്. വനംവകുപ്പും ഫയര്‍ഫോഴ്‌സും ചേര്‍ന്ന് വാഹനം എടുത്തുമാറ്റി.

കണ്ണൂരിൽ ഓട്ടോറിക്ഷക്ക് നേരേ കാട്ടുപോത്ത് ആക്രമണം

webdesk15 — Sat, 10 Jun 2023 05:02:47 +0000

കണ്ണൂരിൽ ഓട്ടോറിക്ഷക്ക് നേരേ കാട്ടുപോത്ത് ആക്രമണം. ഇന്നലെ രാത്രി കണ്ണൂരിലെ കോളയാഡിൽ ചങ്ങലഗേറ്റ് – പെരുവ റോഡിലാണ് ആക്രമണം.ഓട്ടോയുടെ ചില്ലും ഹെഡ് ലൈറ്റും തകർന്നു. കാട്ടുപോത്ത് വാഹനത്തിൽ ഇടിച്ചതോടെ ഓട്ടോ ഡ്രൈവർ ഓടി രക്ഷപ്പെട്ടു.കഴിഞ്ഞ രണ്ടാഴ്ചക്കിടെ ഈ പ്രദേശത്തു രണ്ട് ഇരുചക്രവാഹന യാത്രക്കാർക്ക് കാട്ടുപോത്തിന്റെ ആക്രമണമുണ്ടായിരുന്നു. കഴിഞ്ഞ മാസം പ്രദേശത്ത് മുപ്പതിലധികം കാട്ടുപോത്തുകൾ എത്തിയിരുന്നു

പത്തനംതിട്ട വടശേരിക്കരയിൽ കടുവ വീണ്ടും ആടിനെ കടിച്ചു കൊന്നു

webdesk15 — Thu, 25 May 2023 05:38:25 +0000

വടശേരിക്കരയിൽ വീണ്ടും കടുവ ആടിനെ കടിച്ചുകൊന്നു. കുമ്പളത്താമണ്ണ് മണപ്പാട്ട് രാമചന്ദ്രൻ നായരുടെ ഗർഭിണിയായ ആടിനെയാണ് കടുവ കടിച്ചു കൊന്ന് ഭക്ഷിച്ച നിലയിൽ കണ്ടെത്തിയത്. സമീപത്ത് കടുവയുടെ കാൽപ്പാടുകൾ തിരിച്ചറിഞ്ഞു. ആട്ടിൻ കൂട് പൊളിച്ചാണ് കടുവ ആടിനെ കടിച്ചുകൊണ്ട് പോയിരിക്കുന്നത്. കടുവയെ പിടിക്കാൻ കൂട് വച്ചതിന് സമീപം കല്ലാറിന്റെ മറുകരയിലാണ് ഇന്നലെ രാത്രിയിൽ കടുവ ഇറങ്ങിയത്.

കോട്ടയത്ത് രണ്ടുപേരേ കൊന്ന കാട്ടുപോത്തിന് നായാട്ടുകാരുടെ വെടിയേറ്റിരുന്നതായി വനം വകുപ്പ്

webdesk15 — Mon, 22 May 2023 05:03:20 +0000

കോട്ടയം കണമലയിൽ രണ്ടു പേരെ കൊലപ്പെടുത്തിയ കാട്ടുപോത്തിന് നായാട്ടുകാരുടെ വെടിയേറ്റിരുന്നതായും . വെടിയേറ്റ പ്രകോപനത്തിലാണ് പോത്ത് നാട്ടുകാരെ ആക്രമിച്ചത് എന്നാണ് വന വകുപ്പിന്റെ നിഗമനം. ഇക്കാര്യം പരിശോധിച്ചു വരികയാണെന്ന് വനം വകുപ്പ് ഉദ്യോഗസ്ഥർ പറഞ്ഞു.പോത്തിനെ വെടിവച്ച നായാട്ടുകാരെ പിടികൂടാനുള്ള ശ്രമങ്ങള്‍ വനംവകുപ്പ് ആരംഭിച്ചു.ഇവർക്കെതിരെ കൊലപാതക പ്രേരണക്കുറ്റം കൂടി ചുമത്തും. അതേസമയം ആക്രമണം നടത്തിയ കാട്ടുപോത്തിനെ ഇതുവരെ കണ്ടെത്താനായിട്ടില്ല.പോത്തിനെ കണ്ടെത്താന്‍ വനം വകുപ്പ് ഉദ്യോഗസ്ഥര്‍ ശ്രമം നടത്തുന്നുണ്ട്

അതേസമയം ആക്രമകാരിയായ കാട്ടുപോത്തിനെ വെടിവെച്ചു കൊല്ലണം എന്നാവശ്യപ്പെട്ട് പ്രദേശത്ത് ഇന്ന് വീണ്ടും പ്രതിഷേധം നടക്കും. റേഞ്ച് ഓഫീസിലേക്ക് നടക്കുന്ന പ്രതിഷേധ മാർച്ച് രമേശ് ചെന്നിത്തല ഉദ്ഘാടനം ചെയ്യും. ആക്രമണത്തിൽ കൊല്ലപ്പെട്ട പുറത്തേൽ ജേക്കബ് തോമസിന്റെ സംസ്കാരം ഇന്ന് രാവിലെ കണമല സെന്റ് തോമസ് പള്ളിയിൽ നടക്കും. വെള്ളിയാഴ്ച രാവിലെയാണ് അയൽവാസികളായ തോമസ് ആന്റണിയും ചാക്കോയും കാട്ടുപോത്തിന്റെ ആക്രമണത്തിൽ കൊല്ലപ്പെട്ടത്. തോമസ് ആന്റണിയുടെ സംസ്കാരം കഴിഞ്ഞ ദിവസം നടത്തിയിരുന്നു.

എരുമേലിയിൽ 2 പേരെ കൊന്ന കാട്ടുപോത്തിനെ വെടി വയ്ക്കാൻ ഉത്തരവ്

webdesk15 — Fri, 19 May 2023 10:16:49 +0000

എരുമേലിയിൽ രണ്ട് പേരെ കൊലപ്പെടുത്തിയ കാട്ടുപോത്തിനെ വെടിവയ്ക്കാൻ തീരുമാനം.മന്ത്രി വി.എൻ. വാസവൻ്റെ നിർദ്ദേശത്തെ തുടർന്ന്‌ കളക്ടറാണ് ഉത്തരവിട്ടത്. വനം വകുപ്പിനെതിരെ നാട്ടുകാർ പ്രതിഷേധ സമരം തുടരുകയാണ്.ഇന്ന് രാവിലെ കാട്ടുപോത്തിന്റെ ആക്രമണത്തിൽ കോട്ടയം കണമല സ്വദേശികളായ പുറത്തേൽ ചാക്കോ (65), പ്ലാവനാക്കുഴിയിൽ തോമസ് (60) എന്നിവരാണ് മരിച്ചത്

സംസ്ഥാനത്ത് രണ്ടിടത്ത് കാട്ടുപോത്ത് ആക്രമണം; മൂന്ന് മരണം

webdesk15 — Fri, 19 May 2023 07:07:33 +0000

സംസ്ഥാനത്ത് രണ്ടിടത്തുണ്ടായ കാട്ടുപോത്ത് ആക്രമണത്തിൽ മൂന്ന് പേർ മരിച്ചു.കോട്ടയം കണമലയിൽ രണ്ടുപേരും കൊല്ലം ആയൂരിൽ ഒരാളുമാണ് കൊല്ലപ്പെട്ടത് കോട്ടയം ക കണമല സ്വദേശി പുറത്തേൽ ചാക്കോ (65), പ്ലാവനാക്കുഴിയിൽ തോമസ് (60) എന്നിവരാണ് മരിച്ചത്.കൊല്ലം ആയൂരിൽ കാട്ടുപോത്തിന്‍റെ ആക്രമണത്തിൽ പ്രവാസിയാണ് കൊല്ലപ്പെട്ടത് ആയൂർ പെരിങ്ങള്ളൂർ കൊടിഞ്ഞാൽ കുന്നുവിള വീട്ടിൽ സാമുവൽ വർഗീസ് (64) ആണ് മരിച്ചത്.

കൊല്ലത്തും കാട്ടുപോത്തിന്റെ ആക്രമണം ; കുത്തേറ്റ് പ്രവാസി മരിച്ചു

webdesk15 — Fri, 19 May 2023 05:57:45 +0000

കൊല്ലത്ത് കാട്ടുപോത്തിന്റെ ആക്രമണത്തിൽ പ്രവാസി മരിച്ചു.ആയൂർ പെരിങ്ങള്ളൂർ കൊടിഞ്ഞൽ കുന്നുവിള വീട്ടിൽ സാമുവൽ വർഗീസ് (64) ആണ് മരിച്ചത്. ഇന്നു രാവിലെ വീടിനോടു ചേർന്ന റബർ തോട്ടത്തിൽ നിൽക്കുമ്പോൾ വർഗീസിനെ കാട്ടുപോത്ത് പിന്നിൽനിന്ന് ആക്രമിക്കുകയായിരുന്നു.കഴിഞ്ഞ ദിവസമാണ് സാമുവൽ ദുബായിൽനിന്നു നാട്ടിലെത്തിയത്.കാട്ടുപോത്തിനെ പിന്നീട് ചത്ത നിലയിൽ കണ്ടെത്തി.

ചാലക്കുടിയിലും ജനവാസ മേഖലയിൽ കാട്ടുപോത്തിറങ്ങി

webdesk15 — Fri, 19 May 2023 05:45:56 +0000

ചാലക്കുടിയിലും ജനവാസ മേഖലയിൽ കാട്ടുപോത്തിറങ്ങി. മേലൂർ വെട്ടുകടവ് പ്രദേശത്താണ് രാവിലെകാട്ടുപോത്തിനെ കണ്ടത്. ആളുകൾ ബഹളം വെച്ചതോടെ ഒഴിഞ്ഞ പറമ്പിലേക്ക് ഓടി കയറുകയായിരുന്നു. നിലവിൽ വെട്ടുകടവ് പാലം കഴിഞ്ഞ് വരുന്ന ഭാഗത്ത് പറമ്പിൽ നിലയുറപ്പിച്ചിരിക്കുകയാണ് പോത്ത്. കാട്ട് പോത്ത് ആളുകളെ ആക്രമിക്കുകയോ മറ്റ് നാശനഷ്ടങ്ങൾ ഉണ്ടാകുകയോ ചെയ്തിട്ടില്ലെന്ന് നാട്ടുകാർ പറഞ്ഞു.

എരുമേലിയിൽ കാട്ടുപോത്തിന്റെ ആക്രമണത്തിൽ മരണം 2 ആയി ; പ്രതിഷേധവുമായി പ്രദേശവാസികൾ

webdesk15 — Fri, 19 May 2023 05:21:28 +0000

എരുമേലി കണമലയിൽ കാട്ടുപോത്തിന്റെ ആക്രമണത്തിൽ പരിക്കേറ്റ് ചികിത്സയിലുണ്ടായിരുന്ന ആളും മരിച്ചു. പ്ലാവനാക്കുഴിയിൽ തോമാച്ചൻ (60)ആണ് മരിച്ചത്.നേരെത്തെ പുറത്തേൽ ചാക്കോച്ചൻ (65) എന്ന ആൾ മരിച്ചിരുന്നു. കണമല അട്ടി വളവിൽ ഇന്ന് രാവിലെയാണ് സംഭവം. പത്രം വായിച്ച് വീടിനു മുന്നിൽ ഇരിക്കുന്ന ആളുകളെയാണ് കാട്ടുപോത്ത് ആക്രമിച്ചതെന്ന് നാട്ടുകാർ പറഞ്ഞു.സ്ഥലത്ത് നാട്ടുകാരും വനപാലകരുമായി വാക്കുതർക്കം ഉണ്ടായി.പ്രദേശവാസികളുടെ പ്രതിഷേധം തുടരുന്നു.നാട്ടുകാർ റോഡ് ഉപരോധിക്കുന്നു. ജില്ലാ കളക്ടർ സ്ഥലത്ത് എത്താതെ പിരിഞ്ഞു പോകില്ലെന്നും പ്രദേശവാസികൾ

എരുമേലിയിൽ കാട്ടുപോത്തിന്റെ ആക്രമണത്തിൽ വയോധികൻ മരിച്ചു ;ഒരാളുടെ നില ഗുരുതരം

webdesk15 — Fri, 19 May 2023 04:46:33 +0000

എരുമേലി കണമലയിൽ കാട്ടുപോത്തിന്റെ ആക്രമണത്തിൽ ഒരാൾ മരിച്ചു. കാട്ടുപോത്തിന്റെ ആക്രമണത്തിൽ ഒരാൾക്ക് പരിക്കേറ്റു. പുറത്തേൽ ചാക്കോച്ചൻ (65) ആണ് മരിച്ചത്. പ്ലാവനാക്കുഴിയിൽ തോമാച്ചൻ (60)നാണ് പരിക്കേറ്റത്. കണമല അട്ടി വളവിൽ ഇന്ന് രാവിലെയാണ് സംഭവം. സ്ഥലത്ത് നാട്ടുകാരും വനപാലകരുമായി വാക്കുതർക്കം ഉണ്ടായി
.