2022ലാണ് അംഗീകൃത ഷൂട്ടര്‍മാര്‍ മുഖേന കാട്ടുപന്നികളെ വെടിവെച്ചുകൊല്ലാന്‍ തദ്ദേശസ്ഥാപനങ്ങള്‍ക്ക് അനുമതി നല്‍കിയത്. ഇപ്രകാരം പാലക്കാട് ജില്ലയില്‍ 1,512 കാട്ടുപന്നികളെയാണ് കൊന്നിട്ടുള്ളത്. ജില്ലയില്‍ 82 പ്രദേശങ്ങളിലാണ് കാട്ടുപന്നിശല്യമുള്ളത്. 116 ഷൂട്ടര്‍മാരുമുണ്ട്.

മലപ്പുറം ജില്ലയില്‍ 988 കാട്ടുപന്നികളേയും കൊന്നൊടുക്കി. ഏറ്റവും കുറവ് ഇടുക്കി ജില്ലയിലാണ്. ഇവിടെ ഒരു കാട്ടുപന്നിയെ മാത്രമാണ് ഇതുവരെ കൊന്നിട്ടുള്ളത്. തിരുവനന്തപുരം854, കൊല്ലം120, പത്തനംതിട്ട159, ആലപ്പുഴ85, കോട്ടയംമൂന്ന്, എറണാകുളംആറ്, തൃശ്ശൂര്‍130, വയനാട്24, കോഴിക്കോട്472, കണ്ണൂര്‍723, കാസര്‍കോട്25 എന്നിങ്ങനെയാണ് വെടിവെച്ചുകൊന്ന കാട്ടുപന്നികളുടെ എണ്ണം.

വയനാട്ടിൽ . 84 കടുവകൾ ഉണ്ടെന്നാണ് ണ്ടെത്തിയത്. 2018 ൽ ഇത് 120 ആയിരുന്നു. അഞ്ച് വർഷത്തിനിടെ കേരളത്തിൽ കടുവകളുടെ എണ്ണം കുറഞ്ഞു. കാട്ടാന കണക്കെടുപ്പിൽ 1920 കാട്ടാനകളുണ്ടെന്ന് കണ്ടെത്തി. 2017 ൽ കണക്കെടുത്തപ്പോൾ 3322 ആനകളായിരുന്നു ഉണ്ടായിരുന്നിടത്താണ് ആനകളുടെ എണ്ണത്തിൽ ഇത്രയും കുറവ് കണ്ടെത്തിയിരിക്കുന്നത്. വന്യ മൃഗങ്ങളുടെ എണ്ണം വർദ്ധിച്ചതു കൊണ്ടാണ് ഇവ നാട്ടിലേക്കിറങ്ങുന്നതെന്ന വാദം കണക്കുകൾ പ്രകാരം പൊരുത്തപ്പെടുന്നില്ലെന്ന് വനം മന്ത്രി പറഞ്ഞു.