അതിനിടെ തിരുവനന്തപുരം വിതുര മണലിയില്‍ ജനവാസ മേഖലയിലിറങ്ങിയ കാട്ടനയെ ഉള്‍വനത്തിലേക്ക് കടത്തിവിടുന്നു. വനം വകുപ്പിന്റെ നേതൃത്വത്തിലാണ് ദൗത്യം. ആനയെ 15 കിലോമീറ്ററില്‍ കുടുതല്‍ ഉള്‍വനത്തിലേക്ക് കടത്തിവിടാനാണ് ശ്രമം. മേഖലയില്‍ കാട്ടാനകളിറങ്ങി കൃഷി നശിപ്പിക്കുന്നത് പതിവാണ്. പ്രശ്‌നത്തില്‍ സ്ഥിരം പരിഹാരം ആവശ്യപ്പെട്ട് നാട്ടുകാര്‍ പ്രതിഷേധത്തിലാണ്.

പുലര്‍ച്ചെ മൂന്നുമണിയോടെ വാതില്‍ തകര്‍ത്ത് അകത്തുകയറി ആദ്യം കുട്ടിയെ ചവിട്ടുകയും പിന്നീട് 55കാരിയായ അസലയെയും ആക്രമിക്കുകയുമായിരുന്നു. വനപാലകരെത്തി ഇവരെ ആശുപത്രിയില്‍ എത്തിച്ചെങ്കിലും മരണപ്പെടുകയായിരുന്നു. ആക്രമണം നടക്കുമ്പോള്‍ വീട്ടില്‍ രണ്ട് പേര്‍ കൂടി ഉണ്ടായിരുന്നു. അവര്‍ ഓടി രക്ഷപ്പെടുകയായിരുന്നു.

കാട്ടാനകള്‍ കൂട്ടത്തോടെ ഇറങ്ങുന്ന വനം പ്രദേശമാണ് വാല്‍പ്പാറ. മൂന്ന് വീടുകള്‍ മാത്രമാണ് ഈ ഭാഗങ്ങളില്‍ ഉണ്ടായിരുന്നത്. അതുകൊണ്ട് തന്നെ സംഘം ചേര്‍ന്നുള്ള പ്രതിരോധമൊന്നും സാധ്യമായിരുന്നില്ല.

രാജേഷും ഭാര്യ ഗംഗയും രാത്രി നെല്ലാകോട്ട ബസാറില്‍ നിന്ന് ഓട്ടോറിക്ഷയില്‍ വീട്ടിലേക്ക് പോകുന്നതിനിടെ എസ്‌റ്റേറ്റ് ആശുപത്രിക്ക് സമീപമെത്തിയപ്പോള്‍ കാട്ടാന വരുന്നത് കണ്ട് ഡ്രൈവര്‍ ഓട്ടോറിക്ഷ നിര്‍ത്തി. ഈ സമയം, രാജേഷ് ഓട്ടോറിക്ഷയില്‍ നിന്ന് ഇറങ്ങിയോടി. പിന്തുടര്‍ന്നെത്തിയ ആന രാജേഷിനെ ആക്രമിക്കുകയായിരുന്നു. രാജേഷ് സംഭവസ്ഥലത്ത് തന്നെ മരിച്ചു. ഭാര്യയും ഓട്ടോറിക്ഷ ഡ്രൈവറും തലനാരിഴയ്ക്ക് രക്ഷപ്പെട്ടു.

വീടിന് അടുത്തെ ചോലയിലേക്ക് പോകുമ്പോഴാണ് ആനയുടെ ആക്രമണമുണ്ടായത്. വനം ഉദ്യോഗസ്ഥര്‍ ആനയെ തുരത്തുന്നതിനിടെയാണ് സംഭവം. വയോധികയെ ആന തുമ്പിക്കൈ കൊണ്ട് അടിക്കുകയായിരുന്നുവെന്നാണ് വിവരം. മൃതദേഹം മഞ്ചേരി മെഡിക്കല്‍ കോളജില്‍.