നടി പാര്‍വതിക്കെതിരെ മോശമായ രീതിയില്‍ ഒരു കമന്റും ചെയ്തിട്ടില്ല. വ്യക്തിപരമായ താല്‍പര്യത്തിന്റെ പേരില്‍ മാത്രമാണ് കമന്റ് രേഖപ്പെടുത്തിയിരുന്നത്. ബാക്കിയൊക്കെ എന്റെ മേല്‍ കെട്ടിച്ചമച്ചതാണ്. ഇതില്‍ ഞാന്‍ മാത്രമല്ല, എന്റെ കമന്റിന് താഴെ പാര്‍വതിയെ പിന്തുണയ്ക്കുന്ന ആളുകള്‍ തന്നെ എനിക്കെതിരെ മോശമായി സംസാരിച്ചിരുന്നു. അതൊന്നും അവര്‍ നോക്കിയിട്ടില്ല. പാര്‍വതിക്കെതിരെ എഴുതിയവരെ മാത്രമാണ് പൊലീസ് പിടികൂടുന്നതെന്നും പ്രിന്റോ പറഞ്ഞു. താന്‍ മമ്മൂട്ടി ഫാന്‍സ് അംഗമല്ല. വീട്ടില്‍ ഉറങ്ങിക്കിടന്നിരുന്ന തന്നെ വീടു വളഞ്ഞ് ഒരു കൊലക്കേസ് പ്രതിയെ തൂക്കിയെടുത്ത് കൊണ്ടുപോകുന്നത് പോലെയായിരുന്നു പൊലീസ് കൊണ്ടുപോയതെന്നും പ്രിന്റോ പറയുന്നു.

അതേസമയം, സെക്ഷന്‍ 67എ വകുപ്പ് പ്രകാരം അറസ്റ്റ് ചെയ്ത പ്രിന്റോയെ പാര്‍വ്വതിയുടെ ആരോപണം അടിസ്ഥാന രഹിതമാണെന്ന് കണ്ടെത്തിയതിനെ തുടര്‍ന്ന് കോടതി ജാമ്യത്തില്‍ വിടുകയായിരുന്നു.

സൈബര്‍ ആക്രമണത്തിനെതിരെ നടി പാര്‍വ്വതി ഇന്നലെയാണ് പൊലീസില്‍ പരാതി നല്‍കിയത്. കസബ വിമര്‍ശനത്തെ തുടര്‍ന്നായിരുന്നു സൈബര്‍ ആക്രമണം ഉണ്ടാവുന്നത്. ഡി.ജി.പി ലോക്‌നാഥ് ബെഹ്‌റക്ക് നടി നല്‍കിയ പരാതിയുടെ അടിസ്ഥാനത്തില്‍ അന്വേഷണം ആരംഭിച്ചിരുന്നു. കൊച്ചി സൈബര്‍സെല്ലിനാണ് അന്വേഷണ ചുമതലയുണ്ടായിരുന്നത്. സാമൂഹ്യമാധ്യമങ്ങളിലൂടെ അപവാദപ്രചാരണവും ഭീഷണിയും നടത്തിയവരുടെ പേരുവിവരങ്ങള്‍ സഹിതമാണ് പരാതി നല്‍കിയിരിക്കുന്നത്.

കസബ സിനിമയിലെ സ്ത്രീവിരുദ്ധ പരാമര്‍ശങ്ങള്‍ക്കെതിരെ രാജ്യാന്തര ചലച്ചിത്രമേളയിലെ ഓപ്പണ്‍ഫോറത്തില്‍ പാര്‍വ്വതി വിമര്‍ശനം ഉന്നയിച്ചിരുന്നു. തുടര്‍ന്നായിരുന്നു താരത്തിനുനേരെ സൈബര്‍ ആക്രമണം ഉണ്ടാവുന്നത്. മമ്മുട്ടി ആരാധകരുള്‍പ്പെടെയുള്ളവരാണ് സൈബര്‍ ആക്രമണം നടത്തിയത്. രണ്ടാഴ്ച്ചയായിട്ടും ആക്രമണം തുടരുന്ന സാഹചര്യത്തിലാണ് പാര്‍വ്വതി പരാതി നല്‍കിയത്.

ഒരു നടി എന്ന നിലയില്‍ തന്റെ കഴിവു കൊണ്ടാണ് തനിക്ക് അവസരങ്ങള്‍ ലഭിച്ചത്. കാസ്റ്റിംഗ് കൗച്ചുപോലുള്ള ഒരു അതിക്രമം സഹിക്കേണ്ടിവന്നവര്‍ ആരായാലും ഇതിനെതിരെ ശബ്ദമുയര്‍ത്തിയേ പറ്റൂ. താന്‍ അനുഭവിക്കാത്ത ഒരു കാര്യം സാക്ഷ്യപ്പെടുത്താന്‍ തനിക്കാവില്ല. അതുകൊണ്ട് മാധ്യമങ്ങളില്‍ വന്ന വാര്‍ത്തയില്‍ പ്രതിഫലിച്ചത് വിഷയത്തിലുള്ള തന്റെ നിലപാടല്ലെന്നും താരം പറഞ്ഞു. സിനിമയിലെ അവസ്ഥയെക്കുറിച്ചുള്ള പൊതുവായ ഒരു അഭിപ്രായമാണ് താന്‍ നടത്തിയത്. കാസ്റ്റിങ് കൗച്ച് പോലുള്ള പ്രവണതകള്‍ക്ക് വിധേയരാകേണ്ടിവന്നവര്‍ക്ക് തന്റെ പിന്തുണയുണ്ടാകുമെന്നും പത്മപ്രിയ കൂട്ടിച്ചേര്‍ത്തു.

ദിലീപിനെ പുറത്താക്കിയതുമായി ബന്ധപ്പെട്ട് ഗണേഷ് നടത്തിയ പരാമര്‍ശങ്ങള്‍ തെറ്റാണ്. പൃഥ്വിരാജിന്റെ സമ്മര്‍ദ്ദത്തിന് വഴങ്ങിയാണ് മമ്മുട്ടി തീരുമാനമെടുത്തതെന്ന് തെറ്റാണ്. മുഴുവന്‍ പേരുടേയും അഭിപ്രായം ചോദിച്ചായിരുന്നു അത്തരത്തിലൊരു തീരുമാനം എടുത്തത്. താനടക്കം അതിനെ പിന്തുണക്കുകയായിരുന്നു. എന്നാല്‍ ഇപ്പോള്‍ തീരുമാനം തെറ്റിയെന്നാണ് സംശയിക്കുന്നതെന്നും ഷാജോണ്‍ പറഞ്ഞു. ദിലീപിനെ പുറത്താക്കിയ തീരുമാനം പുന:പരിശോധിക്കണമെന്നും ഷാജോണ്‍ ആവശ്യപ്പെട്ടു.

സിനിമയിലെ വനിതാ കൂട്ടായ്മയായ ‘വിമന്‍ ഇന്‍ കളക്ടീവ്’ സിനിമയിലെ എല്ലാ സ്ത്രീകള്‍ക്കും വേണ്ടിയാവണമെന്നും ഷാജോണ്‍ പറഞ്ഞു. സംഘടന നല്ല കാര്യമാണ്. പ്രവര്‍ത്തനം ചുരുക്കം പേരുകളിലേക്ക് ഒതുങ്ങരുത്. ജൂനിയര്‍ ആര്‍ട്ടിസ്റ്റുകള്‍ മുതല്‍ മുഴുവന്‍ സ്ത്രീകള്‍ക്കും സംഘടനയില്‍ ഇടം നല്‍കണമെന്നും ഷാജോണ്‍ കൂട്ടിച്ചേര്‍ത്തു.

ഭയത്തെ അതിജീവിച്ച് അവള്‍ മുന്നോട്ടു വന്നതാണ് അവരെ അസ്വസ്ഥരാക്കിയതെന്ന് സജിത മഠത്തില്‍ പറഞ്ഞു.

ഭയം വിതച്ചും അതിക്രമം നടത്തികൊണ്ടിരിക്കുന്ന ഒരുകൂട്ടം ആളുകള്‍ ആളുകള്‍ നടിയുടെ തിരിച്ചുവരവില്‍ അസ്വസ്ഥരാണെന്നും അവര്‍ പറഞ്ഞു.

ഫേസ്ബുക്ക് പോസ്റ്റിലൂടെയാണ് സജിത ആക്രമിക്കപ്പെട്ട നടിക്കു പിന്തുണയേകിയത്. പൂഞ്ഞാര്‍ എം.എല്‍.എ പി.സി ജോര്‍ജ്ജ് ഉള്‍പ്പെടെ പ്രമുഖര്‍ ആക്രമിക്കപ്പെട്ട നടിക്കെതിരെ രംഗത്തു വന്ന സാഹചര്യത്തിലാണ് സജിത തന്റെ നിലപാട് വ്യക്തമാക്കിയത്.

നേരത്തെ ഈ വിഷയത്തില്‍ സജിത ശക്തമായ ഇടപെടല്‍ നടത്തിയിരുന്നു.

സജിത മഠത്തില്‍ ഫേസ്ബുക്ക് പോസ്റ്റ് ഇങ്ങനെ:

ഭയം വിതയ്ക്കാനും കൊയ്യാനും നോക്കുന്നത് ആരാണ്? ആക്രമിക്കപ്പെട്ട ഞങ്ങളുടെ സഹപ്രവർത്തക പരാതി കൊടുത്തതിനു ശേഷം ഉണ്ടായ സാഹചര്യങ്ങളിൽ ചിലരെ ചൊടിപ്പിക്കുന്നതെന്താവും?

ഭയത്തെ അതിജീവിക്കാൻ അവൾക്ക് കഴിഞ്ഞു എന്നതാണു് അവളെയും ഈ സാഹചര്യങ്ങളെയും സവിശേഷമാക്കുന്നത്.

സ്ത്രീകൾക്ക് നേരെയുള്ള അതിക്രമങ്ങൾ എല്ലാ കാലത്തും ആസൂത്രണം ചെയ്യപ്പെട്ടതും നടപ്പിലാക്കിയതും ഈ ഭയത്തെ ഉപയോഗപ്പെടുത്തിയാണ്.

പണവും അധികാരവും പദവിയും മറ്റു മേൽകോയ്മകളും ഉപയോഗിച്ച് ഭയപ്പെടുത്തി സ്ത്രീകളെ ചൊൽപ്പടിക്കു നിർത്താം എന്ന ധാരണ സമൂഹത്തിൽ പൊതുവെ ഉണ്ട്. ഇതെല്ലം കണ്ട് നിശബ്ദമായി ഇതിന് കൂട്ട് നില്ക്കുന്ന മറ്റൊരു വിഭാഗം മറയത്തും ഉണ്ട്.