മികച്ച തുടക്കമാണ് ഇന്ത്യക്ക് ലഭിച്ചത്. ഒന്നാം വിക്കറ്റില്‍ ഉമ ചേത്രി (24) സ്മൃതിയും ചേര്‍ന്ന് 50 റണ്‍സ് നേടി. എന്നാല്‍ ഉമയെ പുറത്താക്കി കരിഷ്മ റാംഹരക്ക് ബ്രേക്ക് ത്രൂ നല്‍കി. പിന്നീട് സ്മൃതിയും ജമീമയും ചേര്‍ന്ന് 81 റണ്‍സ് കൂട്ടിചേര്‍ത്തു. ഇതാണ് ഇന്ത്യയുടെ മികച്ച സ്‌കോറിന് അടിത്തറയായത്. 14ാം ഓവറിലാണ് ഇവരുടെ കൂട്ടുകെട്ട് പൊളിയുന്നത്. സ്മൃതിയെ കരിഷ്മ പുറത്താക്കുകയായിരുന്നു. 33 പന്തുകള്‍ നേരിട്ട താരം രണ്ട് സിക്‌സും ഏഴ് ഫോറും നേടി. തുടര്‍ന്നെത്തിയ വിക്കറ്റ് കീപ്പര്‍ റിച്ചാ ഘോഷിന് (20) അധികം ആയുസുണ്ടായിരുന്നില്ല. എന്നാല്‍ ജമീമ ഹര്‍മന്‍പ്രീത് (13) സഖ്യം ഇന്ത്യയെ മികച്ച സ്‌കോറിലേക്ക് നയിച്ചു. അവസാന ഓവറില്‍ നാലാം പന്തില്‍ ജമീമ റണ്ണൗട്ടായി. 35 പന്തുകള്‍ നേരിട്ട ജമീമ രണ്ട് സിക്‌സും ഒമ്പത് ഫോറും നേടി. ഹര്‍മന്‍പ്രീതിനൊപ്പം സജന (1) പുറത്താവാതെ നിന്നു. ഇരു ടീമുകളുടേയും പ്ലേയിംഗ് ഇലവന്‍ അറിയാം.

ഷെഫാലി വർമ്മ മൂന്ന് ഓവറിൽ 15 റൺസ് വഴങ്ങി മൂന്ന് വിക്കറ്റും, നാലോവറിൽ 12 റൺസ് വഴങ്ങി ദീപ്തി ശർമ്മ മൂന്നും വിക്കറ്റ് വീതം വീഴ്ത്തി.നേരത്തേ ടോസ് നേടി ബാറ്റിംഗ് തെരഞ്ഞെടുത്ത ഇന്ത്യ നിശ്ചിത ഇടവേളകളിൽ വിക്കറ്റ് വീണതോടെ സ്കോർബോർഡ് പിന്നോക്കം പോയി.19 റൺസെടുത്ത ഷെഫാലി വർമ്മയാണ് ടോപ്പ് സ്കോറർ. അമൻ ജോത് കൗർ 14 ഉം, സ്മൃതി മന്ഥാന 13 ഉം റൺസെടുത്തു. മിന്നു മണി മൂന്ന് ബോളിൽ ഒരു ബൗണ്ടറി സഹിതം 5 റൺസെടുത്ത് പുറത്താകാതെ നിന്നു.ദീപ്തി ശർമ്മയാണ് ഇന്ത്യയെ ജയത്തിലേക്ക് എത്തിച്ചത്.അവസാന ഓവറിൽ ജയിക്കാൻ പത്ത് റൺസ് വേണ്ടിയിരുന്ന ബംഗ്ലാദേശിന് കാലിടറി. ഒരു റൺ ഔട്ട് സഹിതം നാല് വിക്കറ്റാണ് ഷെഫാലി വർമ്മ എടുത്തത്.