ബാറ്റ്‌സ്മാന്‍മാര്‍ പരസ്പരം ക്രോസ് ചെയ്യാതിരുന്നിട്ടും ഓവര്‍ ത്രോ ഫോര്‍ ഉള്‍പ്പെടെ ധര്‍മസേന 6 റണ്‍സ് അനുവദിച്ചത് മത്സര ഫലത്തില്‍ നിര്‍ണായകമായി. ശരിക്കും അഞ്ചു റണ്‍സ് മാത്രമേ അനുവദിക്കേണ്ടിയിരുന്നുള്ളുവെന്ന് സൈമണ്‍ ടോഫല്‍ ഉള്‍പ്പെടെയുള്ള അമ്പയര്‍മാര്‍ പിന്നീട് അഭിപ്രായപ്പെട്ടിരുന്നു. ‘ടിവി റീപ്ലേ കണ്ട് വിമര്‍ശിക്കാന്‍ എളുപ്പമാണ്.

റീപ്ലേ കണ്ടപ്പോള്‍ പിഴവു പറ്റിയെന്ന് എനിക്കും മനസ്സിലായി. ലെഗ് അമ്പയറുടെ അഭിപ്രായം തേടിയ ശേഷമാണ് 6 റണ്‍സ് അനുവദിച്ചത്. ആ തീരുമാനത്തെ ഐ.സി.സി അഭിനന്ദിച്ചതുമാണ്’ ശ്രീലങ്കയുടെ മുന്‍ ഓഫ് സ്പിന്നര്‍ കൂടിയായ ധര്‍മസേന പറഞ്ഞു.

എന്നാലും ലോകകപ്പ് ഫൈനലിലെ ഇംഗ്ലീഷ് പാരമ്പര്യമാണ് ഏറെ ചര്‍ച്ച ചെയ്യപ്പെട്ട കാര്യം. കാത്ത് കാത്തിരുന്ന ലോകകപ്പ്, എന്നും ചരിത്രം കൈവിട്ട ലോകകപ്പ്, 1987 മുതല്‍ നിര്‍ഭാഗ്യം മാത്രം കൂടെയുള്ള ഇംഗ്ലണ്ട്. ഫുട്‌ബോള്‍ എടുത്താലും സമാന സ്ഥിതി. റഷ്യയില്‍ നടന്ന ലോകകപ്പില്‍ ഒരുപിടി യുവതാരങ്ങളുമായി എത്തിയ ഇംഗ്ലണ്ട് സെമിയില്‍ കലമുടച്ചു. ഇവിടെ ലോകകപ്പ് വന്നപ്പോള്‍ അവര്‍ മനസ്സിലുറപ്പിച്ചിരുന്നു. ഇതിലും നല്ല അവസരം അവര്‍ക്ക് കിട്ടാനില്ലെന്ന്്. ബാറ്റിങ്ങിലായാലും ബൗളിങ്ങിലായാലും മികച്ച ടീമായിരുന്നു ഇംഗ്ലണ്ട്. ടൂര്‍ണമെന്റിന്റെ തുടക്കത്തില്‍ മികച്ച രീതിയില്‍ കളിക്കുന്നു ഒരു ഇടവേളയില്‍ അല്‍പം നിറം മങ്ങിയെങ്കിലും വീണ്ടും മത്സരത്തിലേക്ക് തിരികെയെത്തി കിരീടം നേടുന്നു. അവര്‍ ഒരിക്കലും വീരവാതം മുഴക്കുന്നില്ല. പക്ഷെ അവര്‍ പറയാതെ മൈതാനത്ത് കാണിച്ചു തന്ന ചിത്രമുണ്ട്. ഞങ്ങള്‍ ഈ ലോകകപ്പിന് യോഗ്യരാണ്. ഫൈനലിലേക്ക് വരുമ്പോള്‍ ഫൈനലില്‍ പ്രവേശിച്ച രണ്ട് ടീമുകള്‍ മാത്രമാണ് ഇന്ത്യയെ പരാജയപ്പെടുത്തിയത്. ഗ്രൂപ്പ് ഘട്ടത്തില്‍ ഇംഗ്ലണ്ടിനോടും സെമിയില്‍ കിവീസിനോടും ഇന്ത്യ തോറ്റിട്ടുണ്ട്. എന്നാല്‍ ഈ രണ്ട് ടീമിനെയും തോല്‍പ്പിച്ച പാകിസ്താന് സെമിയിലേക്ക് പോലും യോഗ്യത നേടാന്‍ സാധിച്ചിട്ടില്ല.

അങ്ങിനെ ഒരു പാട് രസകരമായ കാര്യങ്ങള്‍ നിലനില്‍ക്കുന്നുണ്ടെങ്കിലും അമ്പയറിങ്ങില്‍ പല ടീമുകളും പരാതിയുമായി കളംനിറഞ്ഞു. മഴ ചില മത്സരങ്ങള്‍ തടസ്സപ്പെടുത്തിയെങ്കിലും ടൂര്‍ണമെന്റ് മനോഹരമായി പുരോഗമിച്ചു. ഈ ലോകകപ്പിലെ മികച്ച ഓള്‍ റൗണ്ടര്‍ അത് ഷാക്കിബ് തന്നെയാണ്. 600 റണ്‍സിനോടൊപ്പം നിരവധി വിക്കറ്റും ഈ താരം നേടിയിട്ടുണ്ട്. ഫൈനലിന്റെ മനോഹാരിത സ്‌റ്റോക്‌സിന്റെ ഇന്നിംങ്‌സായിരുന്നു. പൊട്ടിതെറിക്കുന്ന സ്റ്റോക്‌സ് നിര്‍ണായക സമയത്ത് ആ പൊട്ടിത്തെറി മറന്ന് മികച്ച ഇന്നിങ്‌സ് പടുത്തുയര്‍ത്തി. എന്തൊക്കെ പറഞ്ഞാലും ഈ ലോകകപ്പ് എന്നും മനസ്സില്‍ നിലനില്‍ക്കും. അതിന്റെ കാരണം അത് അവരുടെ ജെന്റില്‍മാനിസം തന്നെയാണ്.

ഈ ലോകകപ്പ് ആരുടെ പേരിലായിരിക്കും അറിയപ്പെടാന്‍ പോകുന്നത്. ബെന്‍ സ്‌റ്റോക്‌സിന്റെ പേരിലാണോ? ക്യാപ്റ്റന്‍ ഇയാന്‍ മോര്‍ഗന്റെ പേരിലാണോ?. 1966 ല്‍ ലോകകപ്പ് ഫുട്‌ബോളില്‍ നേടിയ കിരീടമായിരുന്നു ചരിത്രത്തില്‍ ഇതുവരെ അവര്‍ നേടിയ വലിയ കിരീടം. ഇന്നലെയാണ് ആ ചരിത്രത്തിലേക്ക് ക്രിക്കറ്റ് ലോകകപ്പ് എത്തിയത്. ഇവിടെ ജയിച്ചത് ഇംഗ്ലണ്ട് മാത്രമല്ല അവരുടെ മാന്യതയും കൂടിയാണ്. നമ്മളെല്ലാം വായിച്ച് അറിഞ്ഞത് ക്രിക്കറ്റ് മാന്യന്‍മാരുടെ കളിയാണ്. ഈ ലോകകപ്പ് അവസാനിക്കുമ്പോള്‍ ഇംഗ്ലണ്ട് നല്‍ക്കുന്ന ചിത്രം വലുതാണ്. ഒരു റിപ്പോര്‍ട്ടര്‍ എന്ന നിലയില്‍ ഏറ്റവും മനോഹരമായി തോന്നിയ ദിവസം ഇന്നലെയായിരുന്നു. ആദ്യ മത്സരം സമനിലയാകുന്നു.പിന്നീട് സൂപ്പര്‍ ഓവര്‍ ആ ചന്തമുള്ള നിമിശം നേരിട്ട് കാണ്ട് റിപ്പോര്‍ട്ട് ചെയ്യാന്‍ സാധിച്ചതില്‍ എനിക്ക് അഭിമാനമുണ്ട്. ഇവിടെ എല്ലാവരും ആ ഫൈനലിനെ വിളിക്കുന്നത് ദി ബസ്റ്റ് ഓഫ് ഫൈനല്‍ എന്നാണ്. ആ വിസ്മയ നിമിശത്തിലും ഏറ്റവും മനോഹരമായി മനസ്സില്‍ തങ്ങി നില്‍ക്കുന്നത് ക്രിക്കറ്റിലെ ജന്റില്‍മാനിസമാണ്. അതില്‍ ഒന്നാം സ്ഥാനം നല്‍ക്കേണ്ടത് കിവീസ് ക്യാപ്റ്റന്‍ കെയ്ന്‍ വില്യംസനാണ്. ചാമ്പ്യന്‍ഷിപ്പില്‍ ഉടനീളം അദ്ദേഹം കാണിച്ച മാന്യത ലോക ക്രിക്കറ്റന് അഭിമാനമാണ്. ദക്ഷിണാഫ്രിക്കക്കെതിരെ മാത്രമാണ് അദ്ദേഹം ക്ഷുഭിതനായത്. പക്ഷെ അതെല്ലാം നമുക്ക് മറക്കാവുന്നതാണ്. ഫൈനലില്‍ മത്സരം കിവീസിന്റെ കൈകളിലേക്ക് എത്തിനില്‍ക്കെ അവസാന ഓവറില്‍ ഇംഗ്ലീഷ് താരം സ്റ്റോക്‌സ് ആദ്യം ഒരു സിക്‌സര്‍ നേടുന്നുണ്ട്. പിന്നീട് ഒരു ഡബിളിന് ശ്രമിക്കവെ സ്റ്റോക്‌സിന്റെ ദേഹത്ത് തട്ടി നിര്‍ണായക സമയത്ത് ഫോറായിയെങ്കിലും അമ്പയറോട് തര്‍ക്കിക്കാനോ വാക്ക് തര്‍ക്കത്തിലേര്‍െപ്പടാനോ വില്യംസ് തുനിഞ്ഞില്ല. വേറെ ഏതൊരു ക്യാപ്റ്റനില്‍ നിന്നും നമുക്ക് കാണാന്‍ സാധിക്കാത്തതാണ് ഫൈനലില്‍ കണ്ടത്. സൂപ്പര്‍ ഓവറില്‍ പൊരുതി തോറ്റ ശേഷം അദ്ദേഹം ഇംഗ്ലീഷ് താരങ്ങളെ അഭിനന്ദിക്കാനും മറന്നില്ല. മത്സര ശേഷം വാര്‍ത്താ സമ്മേളനങ്ങളില്‍ പല മാധ്യമ പ്രവര്‍ത്തകരും ആ ബൗണ്ടറിയെ പറ്റി ചോദിച്ചപ്പോള്‍ അദ്ദേഹത്തിന്റെ മറുപടി അത് കളിയുടെ ഭാഗമാണ് എന്നായിരുന്നു. അതില്‍ പരാതിയില്ല. കോപ്പ അമേരിക്ക ഫുട്‌ബോളില്‍ സൂപ്പര്‍ താരം ലയണല്‍ മെസ്സി പോലും റഫറിയോട് തര്‍ക്കിക്കുന്നുണ്ട് വാക്ക് തര്‍ക്കത്തിലേര്‍പ്പടുന്നത് നാം കണ്ടതാണ് ആ സാഹചര്യത്തിലാണ് വില്യംസിനെ നാ ം ഓര്‍ത്ത് പോകുന്നത്. തുടര്‍ച്ചയായി രണ്ട് തവണ ഫൈനലില്‍ പ്രവേശിച്ച് ഫൈനലില്‍ മത്സരം കൈപിടിയിലെത്തി നില്‍ക്കുന്ന സന്ദര്‍ഭത്തില്‍ പോലും അദ്ദേഹം ക്ഷുഭിതനായില്ലെങ്കില്‍ അദ്ദേഹം ഒരു പ്രതിഭയാണ്. എല്ലാവരും മാതൃകയാക്കേണ്ട താരമാണ്. ലോകകപ്പില്‍ പത്ത് ടീമുകള്‍ പങ്കെടുക്കുന്നു. മഴ വില്ലനാവുന്നു ചരിത്രം തിരുത്തി ഇംഗ്ലണ്ട് കിരീടം നേടുന്നു എന്നാല്‍ പോലും ഈ ലോകകപ്പിലെ ഹൈലൈറ്റ് തീര്‍ച്ചയായും കെയ്ന്‍ വില്യംസനാണ്. ഫൈനലില്‍ ഇന്ത്യയില്ലെന്നതില്‍ നമുക്കെല്ലാം സങ്കടമുണ്ടായിരുന്നെങ്കിലും ഇന്നലെ ഈ ലോകകപ്പ് തന്ന ഓര്‍മ്മ എന്നും മനസ്സില്‍ നിലനില്‍ക്കും.

Eoin Morgan “We had Allah with us” #CWC19Final pic.twitter.com/Rfb6JdwScI— Saj Sadiq (@Saj_PakPassion) July 14, 2019

മത്സരശേഷം നടന്ന വാര്‍ത്താസമ്മേളനത്തിനിടെ ലോകകപ്പ് വിജയത്തില്‍ ഐറിഷ് ഭാഗ്യം തുണച്ചോ എന്ന മാധ്യമപ്രവര്‍ത്തകന്റെ ചോദ്യത്തിന് മറുപടി നല്‍കുകയായിരുന്നു ഇംഗ്ലീഷ് നായകന്‍. അയര്‍ലന്‍ഡ് വംശജനായ മോര്‍ഗനടക്കം ലോകകപ്പ് ഫൈനല്‍ കളിച്ച ഇംഗ്ലണ്ട് ടീമിലെ ആറു താരങ്ങള്‍ മറ്റ് രാജ്യങ്ങളില്‍ നിന്നുള്ളവരാണ്. ഇതാണ് മോര്‍ഗനോട് ഐറിഷ് ഭാഗ്യത്തെ കുറിച്ച് മാധ്യമപ്രവര്‍ത്തകരില്‍ ഒരാള്‍ ചോദിക്കാന്‍ കാരണം. എന്നാല്‍ ടീമിലെ സാംസ്‌കാരിക വൈവിധ്യം തുറന്നുകാട്ടിയായിരുന്നു മോര്‍ഗന്റെ മറുപടി.

ഇംഗ്ലണ്ട് ടീമിലെ താരങ്ങളില്‍ പലരും വ്യത്യസ്ത പശ്ചാത്തലത്തില്‍ നിന്നുള്ളവരാണ്, വ്യത്യസ്ത സംസ്‌കാരത്തില്‍ നിന്നുള്ളവരും. ഇത്തരത്തിലുള്ള ഒരു ടീമിനെ ലഭിച്ചത് തന്റെ ഭാഗ്യമാണ്. താന്‍ ആദില്‍ റഷീദിനോട് സംസാരിച്ചിരുന്നുവെന്നും അവനാണ് ഇംഗ്ലണ്ട് ടീമിനൊപ്പം തീര്‍ച്ചയായും അല്ലാഹു ഉണ്ടെന്ന് പറഞ്ഞതെന്നും മോര്‍ഗന്‍ കൂട്ടിച്ചേര്‍ത്തു.

‘ഈ ടൂര്‍ണമെന്റില്‍ ന്യൂസിലന്‍ഡ് ഞങ്ങളേക്കാള്‍ നന്നായി കളിച്ച് വരികയായിരുന്നു. പക്ഷെ ഞങ്ങള്‍ക്ക് എന്തോ ഭാഗ്യം കൂടെ ഉണ്ടായിരുന്നു. ഗ്രൂപ്പ് മത്സരങ്ങളിലൊക്കെ ന്യൂസിലന്‍ഡ് മികച്ച രീതിയില്‍ കളിച്ചു. ഇന്ത്യക്കെതിരായ സെമി ഫൈനലിലും ഗംഭീര പോരാട്ടം നടത്തി. ഇന്ത്യ വളരെ ശക്തമായ ടീമാണ് എന്നത് ഓര്‍ക്കണം,’ മോര്‍ഗന്‍ പറഞ്ഞു.

ഇംഗ്ലണ്ട് ടീമിനൊപ്പം ഭാഗ്യത്തിന്റെ സാന്നിധ്യം ആവോളമുണ്ടായിരുന്നു. തോല്‍വി മുന്നില്‍ കണ്ട പല ഘട്ടങ്ങളിലും ഭാഗ്യം ഇംഗ്ലണ്ടിന്റെ രക്ഷയ്ക്കെത്തി. ന്യൂസിലന്‍ഡ് ഉയര്‍ത്തിയ 241 വിജയലക്ഷ്യം പിന്തുടര്‍ന്ന ഇംഗ്ലണ്ട് 50 ഓവറില്‍ 241 റണ്‍സിന് ഏവരും പുറത്താവുകയായിരുന്നു. അതിന് ശേഷമാണ് മത്സരം സൂപ്പര്‍ ഓവറിലേക്ക് കടന്നത്. സൂപ്പര്‍ ഓവറിലും ടൈ പിടിച്ചെങ്കിലും ബൗണ്ടറിയുടെ എണ്ണത്തിലാണ് ഇംഗ്ലണ്ട് വിജയക്കൊടി പാറിച്ചത്.

അയര്‍ലന്‍ഡില്‍ ജനിച്ചയാളാണ് മോര്‍ഗന്‍. ഇംഗ്ലണ്ടിലെത്തും മുന്‍പ് അയര്‍ലന്‍ഡ് ദേശീയ ടീമിനു വേണ്ടി കളിച്ചിട്ടുമുണ്ട് താരം. ഫൈനലിലെ താരമായി തെരഞ്ഞെടുക്കപ്പെട്ട ബെന്‍ സ്റ്റോക്ക്സ് ആണെങ്കില്‍ ന്യൂസിലന്‍ഡുകാരനാണ്. ഇംഗ്ലണ്ടിന്റെ വെടിക്കെട്ട് ഓപ്പണര്‍ ജൈസണ്‍ റോയ് ജനിച്ചതാകട്ടെ ദക്ഷിണാഫ്രിക്കയിലും. മോയിന്‍ അലിയും, ആദില്‍ റഷീദും പാക് വംശജരാണ്. പേസ് ബൗളര്‍ ജോഫ്ര ആര്‍ച്ചര്‍ വെസ്റ്റിന്‍ഡീസ് വംശജനും.

സെമിയില്‍ പുറത്തായ ഇന്ത്യന്‍ ടീമിലെ രണ്ട് അംഗങ്ങള്‍ക്ക് മാത്രമാണ് ലോകകപ്പ് ഇലവനില്‍ ഇടംപിടിക്കാനായത്. റണ്‍വേട്ടകാരനായ ഓപ്പണര്‍ രോഹിത് ശര്‍മ്മയും പേസ് ബൌളര്‍ ജസ്പ്രീത് ബൂമ്രയുമാണ് ടീമിലെത്തിയ ഇന്ത്യന്‍ താരങ്ങള്‍. ഓസീസീന്റെയും രണ്ട് താരങ്ങളും ഒരു ബംഗ്ലാദേശ് താരവുമാണ് ടീമിലുള്ളത്.

ടീം: രോഹിത് ശര്‍മ (ഇന്ത്യ), ജേസണ്‍ റോയ് (ഇംഗ്ലണ്ട്), വില്യംസണ്‍ (ന്യൂസീലന്‍ഡ്), ഷാകിബ് അല്‍ ഹസ്സന്‍ (ബംഗ്ലാദേശ്), ജോ റൂട്ട് (ഇംഗ്ലണ്ട്), ബെന്‍ സ്റ്റോക്സ് (ഇംഗ്ലണ്ട്), അലെക്സ് കാരി (വിക്കറ്റ് കീപ്പര്‍- ഓസീസ്), മിച്ചല്‍ സ്റ്റാര്‍ക് (ഓസീസ്), ജോഫ്ര ആര്‍ച്ചര്‍ (ഇംഗ്ലണ്ട്), ലോക്കി ഫെര്‍ഗൂസന്‍ (ന്യൂസീലന്‍ഡ്), ബൂമ്ര (ഇന്ത്യ). കിവീസ് താരം ട്രെന്റ് ബോള്‍ട്ടാണ് ടീമിലെ പന്ത്രണ്ടാമന്‍.

രോഹിത് ശര്‍മ്മയും ഇംഗ്ലണ്ട് താരം ജേസണ്‍ റോയിയുമാണ് ടീമിലെ ഓപ്പണര്‍മാര്‍. അഞ്ച് സെഞ്ച്വറിയുമായി റണ്‍വേട്ടക്കാരുടെ പട്ടികയില്‍ ഒന്നാം സ്ഥാനത്തെത്തിയ താരമാണ് രോഹിത്. ഇംഗ്ലണ്ടിന് വേണ്ടി മികച്ച പ്രകടനം കാഴ്ചവച്ച താരമാണ് ജേസണ്‍ റോയ്. 8 മത്സരങ്ങളില്‍ നിന്ന് നാല് അര്‍ദ്ധ സെഞ്ച്വറിയും ഒരു സെഞ്ച്വറിയുമടക്കം 443 റണ്‍സാണ് റോയ് അടിച്ചുകൂട്ടിയത്.

മൂന്നാം നമ്പര്‍ ബാറ്റ്‌സ്മാനായാണ് കിവീസ് നായകന്‍ കെയ്ന്‍ വില്യംസണ്‍ ടീമിലിടംപിടിച്ചത്. ന്യൂസിലന്‍ഡിനെ ഫൈനലിലെത്തിച്ചതില്‍ നിര്‍ണായക പങ്കുവഹിച്ച വില്യംസണ്‍, 2019 ലോകകപ്പിന്റെ താരം കൂടിയാണ്.

അതേസമയം ഇന്ത്യന്‍ നായകന്‍ വിരാട് കോഹ് ലി യും ധോനിയും ടീമിലിടം നേടിയില്ല. സമീപകാലത്ത് കോഹ് ലി ഇല്ലാതെ ഐസിസിയുടെ ടീം ലിസ്റ്റ് എന്നത് അപൂര്‍വ്വമായൊരു കാഴ്ചയാണ്.

നാലാം നമ്പറില്‍ ഇംഗ്ലണ്ടിന് ലോകചാമ്പ്യന്‍മാരാക്കുന്നതില്‍ നിര്‍ണായക പങ്ക് വഹിച്ച ജോ റൂട്ടാണ്്. ബാറ്റുകൊണ്ടും പന്തുകൊണ്ടും വിസ്മയിപ്പിച്ച ബംഗ്ലാദേശ് ഓള്‍റൗണ്ടര്‍ ഷക്കീബ് അല്‍ ഹസനാണ് അഞ്ചാം നമ്പറില്‍ ടീമിലിടം നേടിയത്. ബാറ്റിംഗിനും ബൗളിംഗിനും ഒപ്പം ഫീല്‍ഡിംഗിലും മികച്ച പ്രകടനം പുറത്തെടുത്ത ഇംഗ്ലണ്ട് താരം ബെന്‍ സ്റ്റോക്‌സ് ആണ് ടീമിലെ ആറാമന്‍.

ഓസ്‌ട്രേലിയന്‍ ടീമിലെ വിക്കറ്റ് കീപ്പറായ അലക്‌സ് ക്യാരിയാണ് ലോക ഇലവന്റെ വിക്കറ്റ് കീപ്പര്‍. വിക്കറ്റ് വേട്ടയില്‍ ഒന്നാം സ്ഥാനത്തുള്ള ഓസ്‌ട്രേലിയന്‍ പേസര്‍ മിച്ചല്‍ സ്റ്റാര്‍ക്കും ഇംഗ്ലണ്ട് താരം ജോഫ്ര ആര്‍ച്ചറും ഇന്ത്യന്‍ താരം ജസ്പ്രീത് ബൂമ്രയുമാണ് ടീമിലെ ബൌളര്‍മാര്‍. ന്യൂസിലന്‍ഡ് താരം ട്രെന്റ് ബോള്‍ട്ടിനെ ടീമിലെ പന്ത്രണ്ടാമനായി ഉള്‍പ്പെടുത്തിയിട്ടുണ്ട്.

ലണ്ടന്‍: ലോകം കണ്ട ഏറ്റവും മികച്ച ക്രിക്കറ്റ് ഫൈനല്‍ പോരാട്ടത്തില്‍ ലോകകപ്പ് കിരീടം ചൂടി ഇംഗ്ലണ്ട്. ന്യൂസീലന്‍ഡ് ഉയര്‍ത്തിയ 242 റണ്‍സ് വിജയലക്ഷ്യം പിന്തുടര്‍ന്ന ഇംഗ്ലണ്ട് നിശ്ചിത 50 ഓവറില്‍ 241 റണ്‍സിന് എല്ലാവരും പുറത്താവുകയായിരുന്നു.

ഇതോടെ സൂപ്പര്‍ ഓവറിലേക്ക് നീങ്ങിയ മത്സരത്തില്‍ കിവികള്‍ക്കായി പന്തെടുത്തത് ബോള്‍ട്ട്. സ്‌റ്റോക്‌സും ബട്‌ലറും ചേര്‍ന്ന് 15 റണ്‍സെടുത്തു. ഇംഗ്ലണ്ടിനായി പന്തെടുത്തത് ജോഫ്ര ആര്‍ച്ചര്‍. അവസാന പന്തില്‍ രണ്ട് റണ്‍സ് വേണ്ടിയിരുന്ന കിവീസ് ബാറ്റ്‌സ്മാന്‍മാരെ ഇംഗ്ലണ്ട് ഫീല്‍ഡര്‍മാര്‍ തോല്‍പിച്ചു. റോയ്‌യുടെ ത്രോയില്‍ ബട്ലര്‍ സ്റ്റംപ് ചെയ്തപ്പോള്‍ സമനിലയും ഇംഗ്ലണ്ടിന് ആദ്യ ലോകകപ്പും.

സൂപ്പര്‍ ഓവറിനു മുമ്പ് അവസാന പന്തില്‍ വിജയത്തിലേക്ക് ഇംഗ്ലണ്ടിന് രണ്ടു റണ്‍സെന്ന നിലയില്‍ നില്‍ക്കെ, രണ്ടാം റണ്ണിനുള്ള ശ്രമത്തില്‍ മാര്‍ക്ക് വുഡ് റണ്ണൗട്ടായതാണ് നിര്‍ണായകമായത്. ഇതോടെ മത്സരം ടൈയില്‍ വന്നു. ബെന്‍സ്റ്റോക്‌സിന്റെ 84 റണ്‍സ് ഇന്നിങ്‌സാണ് ഇംഗ്ലണ്ട്് വിജയത്തില്‍ നിര്‍ണായകമായത്. 60 പന്തില്‍ 59 റണ്‍സുമായി ജോസ് ബട്‌ലറും മികച്ച കളി കളിച്ചു.

ന്യൂസിലാന്റിനെതിരെ ഇംഗ്ലണ്ടിന് 242 റണ്‍സ് വിജയലക്ഷ്യം. ഭേദപ്പെട്ട രീതിയില്‍ ഇന്നിംഗ്‌സ് ആരംഭിച്ച കിവികള്‍ക്ക് ഓരോ ഇടവേളകളിലും വിക്കറ്റ് നഷ്ടപ്പെട്ടതോടെ കൂറ്റന്‍ സ്‌കോര്‍ വെറും സ്വപ്‌നമായി മാറി. കിവികള്‍ക്ക് വേണ്ടി ഹെന്റി നിക്കോല്‍സ് അര്‍ധസെഞ്ച്വറി തികച്ചു.

ഇംഗ്ലണ്ടിന് വേണ്ടി ക്രിസ് വോക്‌സും ലിയാം പ്ലംകെറ്റും മൂന്ന് വിക്കറ്റ് വൂതം നേടി. മാര്‍ക്ക് വുഡും ജോഫ്ര ആര്‍ച്ചറും ഒരോ വിക്കറ്റ് വീതം നേടി.

മാഞ്ചസ്റ്റര്‍: ലോഡ്‌സിലെ ലോകകപ്പ് ഫൈനലില്‍ ഇന്ത്യയുണ്ടാകില്ല. ഓള്‍ഡ് ട്രാഫോഡില്‍ ഇന്ത്യയുടെ അവസാന കൗണ്ട്ഡൗണില്‍ ന്യൂസിലന്റിനെതിരെ കാലിടറി. ന്യൂസിലാന്റ് സ്‌കോറായ 239നെതിരെ 18 റണ്‍സിന്റെ അകകലത്തില്‍ ഇന്ത്യ വീണു (221-10). 59 പന്തില്‍ 77 റണ്‍സെടുത്ത രവീന്ദ്ര ജഡേജയും 72 പന്തില്‍ 50 എടുത്ത ധോനിയും മാത്രമാണ് ഇന്ത്യന്‍ നിരയില്‍ കാര്യമായി ചെറുത്തു നിന്നത്. ഹര്‍ദിക് പാണ്ഡ്യയും റിഷഭ് പന്തും 32 റണ്‍സ് വീതം എടുത്തു.

മഴമൂലം റിസര്‍വ് ദിനത്തിലേക്കു നീണ്ട ലോകകപ്പ് സെമി പോരാട്ടത്തില്‍ ഇന്ത്യ തകര്‍ച്ചയോടെയാണ് തുടങ്ങിയത്. 240 റണ്‍സ് വിജയ ലക്ഷ്യവുമായി ഇറങ്ങിയ ഇന്ത്യക്ക് ആറ് റണ്‍സ് എടുക്കുന്നതിനിടെ മൂന്ന് വിക്കറ്റ് നഷ്ടമായി. രോഹിത് ശര്‍മ്മ, വിരാട് കോഹിലി, രാഹുല്‍ എന്നിവരുടെ വിക്കറ്റുകളാണ് നഷ്ടമായത്.ടോസ് നേടി ബാറ്റിങ് തിരഞ്ഞെടുത്ത ന്യൂസീലന്‍ഡ് നിശ്ചിത 50 ഓവറില്‍ എട്ടു വിക്കറ്റ് നഷ്ടത്തിലാണ് 239 റണ്‍സെടുത്തത്. ന്യൂസീലന്‍ഡ് ഇന്നിങ്‌സിലെ ശേഷിച്ച 23 പന്തില്‍ 28 റണ്‍സാണ് പിറന്നത്. റോസ് ടെയ്‌ലര്‍ (90 പന്തില്‍ 74), ടോം ലാഥം (11 പന്തില്‍ 10), മാറ്റ ഹെന്റി (രണ്ടു പന്തില്‍ ഒന്ന്) എന്നിവരാണ് ഇന്നു പുറത്തായത്. മിച്ചല്‍ സാന്റ്‌നര്‍ (ആറു പന്തില്‍ ഒന്‍പത്), ട്രെന്റ് ബോള്‍ട്ട് (മൂന്നു പന്തില്‍ മൂന്ന്) എന്നിവര്‍ പുറത്താകാതെ നിന്നു.

ഓപ്പണര്‍മാരായ മാര്‍ട്ടിന്‍ ഗപ്റ്റില്‍ (14 പന്തില്‍ ഒന്ന്), ഹെന്റി നിക്കോള്‍സ് (51 പന്തില്‍ 28), ക്യാപ്റ്റന്‍ കെയ്ന്‍ വില്യംസന്‍ (95 പന്തില്‍ 67), ജിമ്മി നീഷം (18 പന്തില്‍ 12), കോളിന്‍ ഗ്രാന്‍ഡ്‌ഹോം (10 പന്തില്‍ 16) എന്നിവരുടെ വിക്കറ്റുകളാണ് ന്യൂസീലന്‍ഡിന് ഇന്നലെ നഷ്ടമായത്. ഇന്ത്യക്കായി ഭുവനേശ്വര്‍ കുമാര്‍ 10 ഓവറില്‍ 43 റണ്‍സ് വഴങ്ങി മൂന്നു വിക്കറ്റ് വീഴ്ത്തി. ജസ്പ്രീത് ബുമ്ര, യുസ്‌വേന്ദ്ര ചെഹല്‍, ഹാര്‍ദിക് പാണ്ഡ്യ, രവീന്ദ്ര ജഡേജ എന്നിവര്‍ ഓരോ വിക്കറ്റ് വീഴ്ത്തി

ഇംഗ്ലണ്ട് ആതിഥ്യം വഹിക്കുന്ന ലോകകപ്പ് ക്രിക്കറ്റിന്റെ നോക്കൗട്ട് റൗണ്ടില്‍ വ്യക്തത വന്നിരിക്കുകയാണ്. ഓസ്‌ട്രേലിയയെ ദക്ഷിണാഫ്രിക്ക തോല്‍പിച്ചതോടെ ഇന്ത്യ റോബിന്‍ റൗണ്ടില്‍ ഒന്നാമതെത്തി. ഇനി നാലാം സ്ഥാനത്തുള്ള ന്യൂസിലന്റുമായാണ് ഇന്ത്യയുടെ സെമി അങ്കം. ടീം ഇന്ത്യയുടെ ക്യാപ്റ്റന്‍ വിരാത് കോലിയും ന്യൂസിലന്റ് ക്യാപ്റ്റന്‍ കെയ്ന്‍ വില്യംസണും ഇതാദ്യമായല്ല ഒരു ലോകകപ്പ് സെമി ഫൈനലില്‍ നേര്‍ക്കുനേര്‍ വരുന്നത്. ഇതിനു മുമ്പും ഇരുവരും ലോകകപ്പ് സെമിഫൈനലില്‍ കൊമ്പുകോര്‍ത്തിട്ടുണ്ട്, രണ്ടു പേരും ക്യാപ്റ്റന്‍മാരായി തന്നെ.

2008ല്‍ മലേഷ്യയില്‍ നടന്ന അണ്ടര്‍-19 ക്രിക്കറ്റ് ലോകകപ്പിലാണ് ഇരുവരും തമ്മില്‍ ഏറ്റുമുട്ടുന്നത്. രണ്ടു പേരുടെയും ക്യാപ്റ്റന്‍സിയില്‍ ഏറ്റുമുട്ടിയ അന്ന് ഇന്ത്യ ന്യൂസിലന്റിനെ സെമിയില്‍ തളച്ച് ഫൈനല്‍ പ്രവേശനം നേടി. മഴയും കൂടെ കളിച്ച ആ സെമിയില്‍ ഡക്വര്‍ത് ലൂയിസ് നിയമപ്രകാരമായിരുന്നു ഇന്ത്യന്‍ ജയം. 43 റണ്‍സെടുക്കുകയും ഏഴ് ഓവര്‍ എറിഞ്ഞ് 27 റണ്‍സ് മാത്രം വിട്ടു കൊടുത്ത് രണ്ടു വിക്കറ്റുകള്‍ സ്വന്തമാക്കുകയും ചെയ്ത ക്യാപ്റ്റന്‍ കോലിയുടെ ഇന്നിങ്‌സാണ് അന്നത്തെ ഇന്ത്യന്‍ ജയത്തില്‍ നിര്‍ണായകമായത്. ആ കളിയിലെ താരവും കോലി തന്നെയായിരുന്നു.

തുടര്‍ന്ന് ഫൈനലില്‍ ദക്ഷിണാഫ്രിക്കയെ 12 റണ്‍സിന് തോല്‍പിച്ച് 2008ലെ അണ്ടര്‍-19 ലോകകപ്പില്‍ ഇന്ത്യ കിരീടം ചൂടി. പതിനൊന്നു വര്‍ഷം മുന്നെ നടന്ന ആ ലോകകപ്പില്‍ കളിച്ച രവിന്ദ്ര ജഡേജ, ന്യൂസിലന്റിന്റെ ടിം സൗത്തി, ട്രെന്റ് ബോള്‍ട്ട് എന്നിവരെല്ലാം ഈ ലോകകപ്പിന്റെ കൂടി ഭാഗമാണ്.ജൂലൈ ഒമ്പതിനാണ് ഇന്ത്യ ന്യൂസിലന്റ് സെമി ഫൈനല്‍

ലീഡ്‌സ്: ഇംഗ്ലണ്ടില്‍ നടക്കുന്ന ഐ.സി.സി ലോകകപ്പിലെ ഇന്നത്തെ ഇന്ത്യ-ശ്രീലങ്ക മത്സരത്തിനിടെ ‘കശ്മീരിനു നീതി’ എന്ന ബാനറുയര്‍ത്തി ഒരു വിമാനം സ്റ്റേഡിയത്തിനു മുകളില്‍ ചുറ്റിപ്പറ്റി നില്‍ക്കുന്നതായി ക്യാമറയില്‍ പതിഞ്ഞു. ലോകകപ്പിലെ സെക്യൂരിറ്റി വിഭാഗത്തിന്റെ ക്യാമറയിലാണ് ബാനര്‍ വഹിക്കുന്ന ചെറുവിമാനം കണ്ടത്. ഗ്രൗണ്ടിനു മുകളില്‍ വിമാനം പറക്കുന്നത് കണ്ടത് ആശങ്ക ഉയര്‍ത്തിയിട്ടുണ്ട്.

രാജ്യാന്തര ക്രിക്കറ്റ് മത്സരം നടക്കുന്ന പ്രദേശത്തിനു മുകളിലൂടെ വിമാനം പോവാത്ത വിധം സുരക്ഷ ഒരുക്കണമെന്ന് ക്രിക്കറ്റ് നിയമമുണ്ട്. ഈ നിയമം നിലനില്‍ക്കെയാണ് സ്‌റ്റേഡിയത്തിനു മുകളില്‍ ചുറ്റിപ്പറ്റി ഒരു വിമാനം പറന്നത്.