ഹൃദയം തകര്‍ക്കുന്ന കാഴ്ച്ച തന്നെയായിരുന്നു കഴിഞ്ഞ ദിവസം ഗുവാഹത്തിയിലെ ഇന്ദിരാഗാന്ധി സ്റ്റേഡിയം ഇന്ത്യക്ക് സമ്മാനിച്ചത്. മത്സരത്തിന്റെ അവസാന പത്ത് മിനിറ്റിലെ പതര്‍ച്ച വീണ്ടും ഇന്ത്യക്ക് ശാപമായി.
ഇത് ആദ്യമായല്ല ഇന്ത്യ ലീഡ് നേടിയതിന് ശേഷം എതിര്‍ ടീമിന് വിജയത്തിന് വഴിയൊരുക്കുന്നത്. 2019- ല്‍ യുഎഇ യില്‍ നടന്ന ഏഷ്യന്‍ കപ്പിലെ അവസാന മത്സരത്തില്‍ സമനില മാത്രം മതിയായിട്ടും അവസാന മിനിറ്റില്‍ നല്‍കിയ പെനാല്‍ട്ടി തട്ടി തെറിപ്പിച്ചത് വലിയ പ്രതീക്ഷകളായിരുന്നു. മത്സരത്തിന്റെ അവസാന നിമിഷങ്ങളിലേക്കടുക്കുമ്പോള്‍ നഷ്ടപ്പെടുത്തുന്ന ആത്മവിശ്വാസം തന്നെയാണ് തോല്‍വിയിലേക്ക് നയിക്കുന്നത്.

ഗോളടിച്ചാല്‍ മാറുന്ന ശൈലി

ലീഡ് നേടിയാല്‍ ശൈലി മാറ്റുന്നത് ഇന്ത്യ ഇതാദ്യമായല്ല. പലപ്പോളും പ്രതിരോധത്തിലേക്ക് ഊന്നുമ്പോഴാണ് ഇന്ത്യ ഗോളുകള്‍ വഴങ്ങുന്നതും. പുതിയ കോച്ച് ഇഗോര്‍ സ്റ്റിമാച്ച് അക്രമണ ശൈലിയാണ് ഇഷ്ടപ്പെടുന്നതെന്ന് പറയുമ്പോഴും കഴിഞ്ഞ ദിവസവും നമ്മള്‍ കണ്ടത് പഴയ ശൈലിയില്‍ കളിക്കുന്ന ടീമിനെ തന്നെയാണ്. എതിര്‍ ടീമിനെ പ്രതിരോധിക്കാന്‍ മാത്രം ശ്രമിക്കുമ്പോള്‍ കൂടെ സമ്മര്‍ദ്ദവും വര്‍ധിക്കുന്നു. ഇത് ഉണ്ടാക്കുന്ന പിഴവുകള്‍ ഗോളുകളും.

ഇനി വരുന്ന മത്സരങ്ങള്‍

സെപ്തംബര്‍ 10, 2019- ഖത്തര്‍ (away)
ഒക്‌ടോബര്‍ 15, 2019 – ബംഗ്ലാദേശ് (home)
നവംബര്‍ 14, 2019 – അഫ്ഗാനിസ്ഥാന്‍ (away)
നവംബര്‍ 19, 2019 – ഒമാന്‍ (away)
മാര്‍ച്ച് 26, 2020 – ഖത്തര്‍ (home)
ജൂണ്‍ 4, 2020 – ബംഗ്ലാദോശ് (away)
ജൂണ്‍ 9, 2020 – അഫ്ഗാനിസ്ഥാന്‍ (home)

ഗോഹട്ടി: ഖത്തറിലേക്ക് ഇനി രണ്ട് വര്‍ഷത്തിലധികം ദൂരമുണ്ട്. കാല്‍പ്പന്തിനെ സ്‌നേഹിക്കുന്ന ഓരോ ഇന്ത്യക്കാരന്റെയും ഇപ്പോഴത്തെ വലിയ സ്വപ്‌നമെന്നത് ഖത്തറാണ്. 2022 ല്‍ അവിടെ നടക്കുന്ന ലോകകപ്പ് ഫുട്‌ബോളില്‍ ഇന്ത്യ കളിക്കുന്നത് കാണണം. ആ സ്വപ്‌നത്തിന് ചിറക് നല്‍കാനായി ഇന്ന് മുതല്‍ ഇന്ത്യന്‍ ഫുട്‌ബോള്‍ ടീം കളത്തിലാണ്. ലോകകപ്പ് യോഗ്യതാ മല്‍സരത്തിലെ ആദ്യ പോരാട്ടത്തില്‍ ഇന്ദിരാ ഗാന്ധി സ്‌റ്റേഡിയത്തിലിന്ന് ഇന്ത്യക്ക് പ്രതിയോഗി അയല്‍ക്കാരായ ഒമാന്‍. വൈകീട്ട്് 7-30 മുതലാണ് മല്‍സരം. സ്റ്റാര്‍ സ്‌പോര്‍ട്‌സ് മൂന്നില്‍ തല്‍സമയമുണ്ട്. ലോകകപ്പ്് വേദികളില്‍ അന്യരാജ്യങ്ങളുടെ പതാകകള്‍ വഹിക്കാനും മെസിക്കും റൊണാള്‍ഡോക്കും നെയ്മറിനും മുദ്രാവാക്യം വിളിക്കാനും മാത്രമാണ് ഇത് വരെ ഇന്ത്യക്കാര്‍ക്കായിട്ടുള്ളത്. ഖത്തറില്‍ ഇന്ത്യന്‍ പതാക വാനിലുയരുന്നത് കാണുക എന്ന വലിയ സ്വപ്‌നത്തില്‍ സുനില്‍ ഛേത്രി നയിക്കുന്ന ഇന്ത്യക്ക്് കളിയുടെ പാഠങ്ങള്‍ അഭ്യസിപ്പിച്ചിരിക്കുന്നത് 2014 ലെ ലോകകപ്പിലേക്ക് ക്രൊയേഷ്യ ദേശീയ ടീമിനെ ഒരുക്കിയ ഇഗോര്‍ സ്റ്റിമോക്കാണ്. ഗോള്‍ വലയത്തില്‍ ഗുര്‍പ്രീത് സിംഗ് സന്ധു എന്ന അനുഭവസമ്പന്നുണ്ട്. പിന്‍നിരയെ നയിച്ച് സന്ദേശ് ജിങ്കാന്‍-അനസ് എടത്തൊടിക കൂട്ടുകെട്ട്, മധ്യനിരയ.ില്‍ ശക്തരായി ഉദാത്ത സിംഗും അനിരുദ്ധ് ഥാപ്പയും ആഷിഖ് കുരുണിയനും സഹല്‍ അബ്ദുള്‍ സമദുമെല്ലാം. മുന്‍നിരയിലാണ് യഥാര്‍ത്ഥ നായകന്‍-സുനില്‍ ഛേത്രി. ഇന്ത്യക്ക്് നഷ്ടം അമര്‍ജിത് സിംഗ് കിയാമിന്റെ പരുക്കാണ്. പിന്‍നിരയില്‍ സന്ദേശ് ജിങ്കാനുമായി ഒത്തിണങ്ങി കളിക്കുകയായിരുന്നു ഇന്ത്യയുടെ ഫിഫ അണ്ടര്‍ 17 ലോകകപ്പ് സംഘത്തിലെ നായകന്‍. കോച്ച് ഇഗോര്‍ സ്റ്റിമോക് പരിശീലകനായി ചുമതലയേറ്റതിന് ശേഷം ഇന്ത്യ കളിച്ച കിംഗ്‌സ് കപ്പിലും ഇന്റര്‍ കോണ്ടിനെന്റല്‍ കപ്പിലും എല്ലാ മല്‍സരങ്ങളിലും കിയാം കളിച്ചിരുന്നു. ഫിഫ റാങ്കിംഗില്‍ 87 ലാണ് ഒമാന്‍. അനുഭവസമ്പന്നനായ പരിശീലകന്‍ ഇര്‍വിന്‍ കോമാന് പിന്നില്‍ അണിനിരക്കുന്നത് അഹമ്മദ് കാനോവോയെ പോലുള്ള താരനിരയാണ്. 2016 ലെ ഏ.എഫ്.സി അണ്ടര്‍ 16 ചാമ്പ്യന്‍ഷിപ്പില്‍ തകര്‍പ്പന്‍ പ്രകടനം നടത്തിയ അര്‍ഷദ് അല്‍ അലാവിയാണ് മുനിരയിലെ ശക്തന്‍. അനുഭവസമ്പന്നരായ അഹമ്മദ് മുബാറക്, ഇബ്രാഹീം സാലേ, മുഹമമ്മദ് അല്‍ ഗാസിനി എന്നിവരാണ് മധ്യനിരക്ക് കരുത്ത് പകരുന്നത്. കഴിഞ്ഞ ലോകകപ്പ്് യോഗ്യതാ റൗണ്ടില്‍ ഒമാനോട് രണ്ട് കളികളും തോറ്റവരാണ് ഇന്ത്യ.

ഗുവാഹത്തി: 2022 ഖത്തര്‍ ലോകകപ്പ് ഫുട്‌ബോളിന് യോഗ്യത നേടുന്നതിനായുള്ള രണ്ടാം റൗണ്ട് മത്സരങ്ങളിലെ ഇന്ത്യയുടെ ആദ്യ ഗ്രൂപ്പ് പോരാട്ടം നാളെ. ഗ്രൂപ്പ് ഇയിലെ ആദ്യ മത്സരത്തില്‍ ഇന്ത്യ ഒമാനെ നേരിടും. രാത്രി 7.30ന് ഗുവാഹത്തിയിലാണ് മത്സരം. അതേസമയം മത്സരത്തിന്റെ മുഴുവന്‍ ടിക്കറ്റുകളും വിറ്റു തീര്‍ന്നു. അതിനാല്‍ നിറഞ്ഞ ഗ്യാലറിക്കു മുന്നിലാവും ഇന്ത്യ നാളെ കളിക്കുക.

ഒമാനെ പരാജയപ്പെടുത്താനുള്ള ശേഷി ഇന്ത്യക്കുണ്ടെന്നാണ് പരിശീലകന്‍ ഇഗോര്‍ സ്റ്റിമാച്ചിന്റെ വാദം. എന്നാല്‍ ഒമാനായിരിക്കും മത്സരത്തിലെ ഫേവറിറ്റുകളെന്നും അദ്ദേഹം സൂചിപ്പിച്ചു.

ഫിഫ മത്സരങ്ങളില്‍ ഇന്ത്യ ഇതു വരെ ഒമാനെ തോല്‍പിച്ചിട്ടില്ല. കഴിഞ്ഞ വര്‍ഷം ഡിസംബറില്‍ ഇരു ടീമും അവസാനമായി മുഖാമുഖം വന്നപ്പോള്‍ ഗോള്‍രഹിത സമനിലയായിരുന്നു ഫലം. ഖത്തര്‍, ബംഗ്ലാദേശ്, അഫ്ഗാനിസ്ഥാന്‍ എന്നിവയാണ് ഗ്രൂപ്പിലെ മറ്റു ടീമുകള്‍.

ഇന്ത്യയുടെ ഗ്രൂപ്പില്‍ ഒമാന്‍ ,അഫ്ഗാനിസ്ഥാന്‍, ഖത്തര്‍,ബംഗ്ലാദേശ് എന്നീ ടീമുകളാണുള്ളത്. സെപ്റ്റംബര്‍ 5 മുതലാണ് ലോകകപ്പ് യോഗ്യതാ മത്സരങ്ങള്‍ക്ക് തുടക്കമാകുക. ഗ്രൂപ്പില്‍ ആദ്യ രണ്ട് സ്ഥാനങ്ങളില്‍ എത്തുന്നവര്‍ക്ക് മാത്രമേ മൂന്നാം റൗണ്ടിലേക്ക് യോഗ്യത നേടാനവുകയുള്ളൂ. അഫ്ഗാനിസ്ഥാന്‍, ഖത്തര്‍ എന്നിവര്‍ക്കെതിരെയുള്ള ഹോം മത്സരങ്ങള്‍ക്കുള്ള വേദികള്‍ പിന്നീട് തീരുമാനിക്കും.