ഉത്തര്‍പ്രദേശിലെ ഗോണ്ടിലാണ് ചാമ്പ്യന്‍ഷിപ്പ് നടത്താന്‍ തീരുമാനിച്ചത്. എന്നാല്‍ താരങ്ങള്‍ക്ക് തയ്യാറെടുപ്പിനായി കുറഞ്ഞത് 15 ദിവസം അനുവദിക്കണമെന്നാണ് നിയമം. ഇത് ലംഘിച്ചതിന് പിന്നാലെയാണ് സമിതിയ്ക്ക് വിലക്ക് ലഭിച്ചിരിക്കുന്നത്.

ഗുസ്തി ഫെഡറേഷന്റെ പുതിയ സമിതി പഴയ ഭാരവാഹികള്‍ക്ക് കീഴില്‍ പ്രവര്‍ത്തിക്കുന്നതായും കായിക മന്ത്രാലയം കണ്ടെത്തി. മുമ്പ് ലൈംഗികാതിക്രമ കേസില്‍ ആരോപണ വിധേയരായവര്‍ തന്നെ വീണ്ടും അധികാര സ്ഥാനങ്ങളില്‍ ഇരിക്കുന്നു. നിലവില്‍ കോടതിയുടെ പരിഗണനയിലുള്ള കേസാണിതെന്നും കേന്ദ്ര സര്‍ക്കാര്‍ വ്യക്തമാക്കി.

ദേശീയ ജൂനിയര്‍ ഗുസ്തി ചാമ്പ്യന്‍ഷിപ്പ് ഗോണ്ടയില്‍ നടത്തുന്നതിനെതിരെ സാക്ഷി മാലികും രംഗത്തെത്തിയിരുന്നു. ബ്രിജ്ഭൂഷണ്‍ സിംഗിന്റെ ശക്തികേന്ദ്രമാണ് ഗോണ്ട. നിരവധി ജൂനിയര്‍ താരങ്ങള്‍ തന്നെ വിളിച്ചുകൊണ്ടിരിക്കുന്നു. അതിനാല്‍ താന്‍ ആശങ്കയിലുമാണ്. ഇതിനെതിരെ എന്ത് ചെയ്യണമെന്ന് തനിക്ക് അറിയില്ലെന്നും സാക്ഷി എക്‌സില്‍ കുറിച്ചിരുന്നു.

ഗുസ്തി താരങ്ങളുടെ പ്രതിഷേധം രാജ്യത്തിന്റെ പ്രതിഛായ മങ്ങലേല്‍പ്പിക്കുമെന്ന് പി.ടി ഉഷ പറഞ്ഞു. സമരം ചെയ്യുന്നതിന് പകരം താരങ്ങള്‍ ഒളിമ്പിക് അസോസിയേഷനെ സമീപിക്കുകയാണ് ചെയ്യേണ്ടതെന്നും പി.ടി ഉഷ വ്യക്തമാക്കി. അതേസമയം, റസ്‌ലിങ് ഫെഡറേഷന്‍ ഭരണത്തിന് അഡ്‌ഹോക്ക് കമ്മിറ്റിയെ നിയോഗിച്ച് ഒളിമ്പിക് അസോസിയേഷന്‍ ഉത്തരവിറക്കി. ഗുസ്തി താരങ്ങളുടെ ഡല്‍ഹി ജന്തര്‍ മന്ദിറിലെ രാപ്പകല്‍ സമരം അഞ്ചാം ദിവസവും തുടരുകയാണ്.

വിഷയത്തില്‍ ഡല്‍ഹി വനിതാ കമ്മീഷന്‍ അധ്യക്ഷ സ്വാതി മാലിവാള്‍ ഇടപെട്ടിരുന്നു. സ്വാതി മാലിവാള്‍ ഡല്‍ഹി പൊലീസിന് നോട്ടീസ് നല്‍കി. പ്രായപൂര്‍ത്തിയാകാത്ത പെണ്‍കുട്ടിയടക്കം നല്‍കിയ പരാതിയില്‍ പൊലീസ് നടപടിയെടുത്തില്ല എന്ന് ചൂണ്ടിക്കാണിച്ചാണ് നോട്ടീസ്.

ബജറംഗ് പുനിയ, സാക്ഷി മല്ലിക്ക്, വിനേഷ് ഫോഗാട്ട് എന്നിവര്‍ ജന്തര്‍ മന്ദറില്‍ മാധ്യമങ്ങളോട് സംവധിച്ചു. പ്രായപൂര്‍ത്തി ആകാത്ത ഒരാള്‍ അടക്കമാണ് ലൈംഗിക പീഡന പരാതി നല്‍കിയത് എന്ന് മാധ്യമങ്ങളോട് താരങ്ങള്‍ പ്രതികരിച്ചു. തങ്ങള്‍ വ്യാജ പരാതിയാണ് ഉന്നയിച്ചത് എന്ന ഇപ്പോഴും പസരും ആരോപിക്കുന്നു. നീതി ലഭിക്കും വരെ സമരം തുടരും. കായിക മന്ത്രാലയത്തിന്റെ മേല്‍ നോട്ട സമിതി റിപ്പോര്‍ട്ട് പുറത്ത് വിടണമെന്ന് താരങ്ങള്‍ ആവശ്യപ്പെട്ടു.

ഫെഡറേഷന്‍ പ്രവര്‍ത്തനങ്ങള്‍ സസ്പെന്‍ഡ് ചെയ്യാനും ലൈംഗികാതിക്രമങ്ങള്‍ സംബന്ധിച്ച പരാതികള്‍ അന്വേഷിക്കാനും ഒളിമ്ബ്യന്‍ ബോക്സര്‍ മേരി കോമിന്റെ നേതൃത്വത്തില്‍ മേല്‍നോട്ട സമിതിയെ കായിക മന്ത്രാലയം നിയോഗിച്ചിട്ടുണ്ട്. അതിനിടയിലാണ് വിനേഷ് ഫോഗട്ട്, സാക്ഷി മാലിക്ക് എന്നിവരടക്കമുള്ള മുന്‍നിര ഗുസ്തി താരങ്ങള്‍ക്കെതിരേ എഫ്‌.ഐ.ആര്‍ ഇടണമെന്നാവശ്യപ്പെട്ട് ഡല്‍ഹി ഹൈകോടതിയില്‍ ബ്രിജ് ഭൂഷണെത്തിയത്. ലൈംഗികാതിക്രമങ്ങള്‍ ആരോപിച്ച്‌ പണം തട്ടിയെടുക്കാനും ബ്ലാക്ക് മെയില്‍ ചെയ്യാനുമാണ് ഗുസ്തി താരങ്ങളുടെ ശ്രമമെന്നും എല്ലാം കെട്ടിച്ചമച്ചതാണെന്നും ബി.ജെ.പി എം.പി ആരോപിച്ചു.

താരങ്ങള്‍ക്കെതിരെ ലൈംഗിക അതിക്രമം നടന്നിട്ടില്ലെന്നും, ഈ പറയുന്നതെല്ലാം തെളിവില്ലാത്ത വെറും ആരോപണങ്ങള്‍മാത്രമാണ് താരങ്ങള്‍ ഉന്നയിക്കുന്നതെന്നുമായിരുന്നു തോമര്‍ പറഞ്ഞത്. ഇത്തരത്തില്‍ ഗുസ്തി ഫെഡേഷന്‍ പ്രസിഡന്റിനെ അനുകൂലിച്ചുകൊണ്ട് നിരവധി പ്രസ്താവനകളും അദ്ദേഹം നടത്തിയിരുന്നു.

ലൈംഗിക ആരോപണങ്ങള്‍ ഉന്നയിച്ച ഗുസ്തി താരങ്ങള്‍ സംഘടിപ്പിച്ച പ്രതിഷേധം ഗുസ്തിക്കാരുടെ മികച്ച താല്‍പ്പര്യത്തിനോ ഇന്ത്യയില്‍ നല്ല ഗുസ്തി പ്രോത്സാഹിപ്പിക്കുന്നതിനോ വേണ്ടിയല്ലെന്നാണ് ദേശിയ ഗുസ്തി ഫെഡറേഷന്‍ പറയുന്നത്. ഡബ്ല്യുഎഫ്‌ഐയുടെ നിലവിലെ ഏറ്റവും മികച്ചതും കര്‍ശനവുമായ മാനേജ്‌മെന്റിനെ പുറത്താക്കാന്‍ വേണ്ടിയുള്ള വ്യക്തിപരമായ താല്‍പ്പര്യത്തിന്റേയും ഹിഡന്‍ അജണ്ടയുടേയും ഭാഗമാണിത്. പൊതുജനങ്ങള്‍ക്കിടയില്‍ അനാവശ്യ സമ്മര്‍ദ്ദം സൃഷ്ടിക്കുകയാണെന്നുമാണ് കത്തില്‍ പറയുന്നത്.

ഗുസ്തി താരങ്ങളുടെ മൂന്നു ദിവസത്തെ സമരം ഒത്തുതീര്‍പ്പായത് കേന്ദ്ര കായികമന്ത്രി അനുരാഗ് സിങ് ഠാക്കൂറുമായുള്ള ചര്‍ച്ചയ്‌ക്കൊടുവിലാണ്. ഗുസ്തി താരങ്ങള്‍ ഉന്നയിച്ച ആരോപണത്തെക്കുറിച്ച് അന്വേഷിക്കാന്‍ മേല്‍നോട്ട സമിതി രൂപീകരിക്കാന്‍ സര്‍ക്കാര്‍ തീരുമാനിച്ചതായി അനുരാഗ് ഠാക്കൂര്‍ അറിയിച്ചു. വിഷയത്തില്‍ സമിതി ഒരു മാസത്തിനകം റിപ്പോര്‍ട്ട് നല്‍കും. ഇക്കാലയളവില്‍ ഫെഡറേഷന്റെ ദൈനംദിന കാര്യങ്ങള്‍ക്കും സമിതി മേല്‍നോട്ടം വഹിക്കും. അന്വേഷണം തീരുംവരെ ബ്രിജ് ഭൂഷണ്‍ അധ്യക്ഷ സ്ഥാനത്തുനിന്നു മാറിനില്‍ക്കുമെന്നും മന്ത്രി വ്യക്തമാക്കി.

#WATCH | CPI(M) leader Brinda Karat asked to step down from the stage during wrestlers' protest against WFI at Jantar Mantar in Delhi. pic.twitter.com/sw8WMTdjsk

— ANI (@ANI) January 19, 2023

ഇന്ത്യ ഏറ്റവും പ്രതീക്ഷയര്‍പ്പിച്ച ഗുസ്തിയില്‍ ബജ്‌റങ്ങിന്റെ സ്വര്‍ണവും ജക്കാര്‍ത്തയില്‍ ഇന്ത്യയ്ക്ക് ആദ്യ മെഡല്‍ സമ്മാനിച്ച അപൂര്‍വി ചന്ദേല-രവികുമാര്‍ സഖ്യത്തിന്റെ വെങ്കലവും മാത്രമാണ് ആദ്യ ദിനത്തിലെ ഇന്ത്യയുടെ സമ്പാദ്യം. 10 മീറ്റര്‍ എയര്‍ റൈഫിള്‍ മിക്‌സഡ് ടീം ഇനത്തിലാണ് ചന്ദേല-രവികുമാര്‍ സഖ്യം വെങ്കലം നേടിയത്.

ഗുസ്തിയില്‍ ഓളിംപ്യന്‍ സുശീല്‍ കുമാര്‍ ഉള്‍പ്പെടെയുള്ള മറ്റു താരങ്ങള്‍ നിരാശപ്പെടുത്തി. ഫ്രീസ്‌റ്റൈല്‍ 74 കിലോ വിഭാഗത്തില്‍ സുശീല്‍ കുമാര്‍ ആദ്യ റൗണ്ടില്‍ പുറത്തായപ്പോള്‍, സന്ദീപ് ടോമര്‍ (57 കിലോ), പവന്‍കുമാര്‍ (86 കിലോ), മൗസം ഖത്രി (97) എന്നിവര്‍ക്കും നേട്ടമുണ്ടാക്കാനായില്ല.

ഷൂട്ടിങ് 10 മീറ്റര്‍ എയര്‍ പിസ്റ്റള്‍ മിക്‌സ്ഡ് ടീം ഇനത്തില്‍ മനു ഭാക്കറും അഭിഷേക് വര്‍മയും ഉള്‍പ്പെടുന്ന ടീം ഫൈനല്‍ കാണാതെ പുറത്തായി. പുരുഷ വിഭാഗം കബഡി, ബാഡ്മിന്റന്‍, ടെന്നിസ് മിക്‌സഡ് ഡബിള്‍സ്, വനിതാ വിഭാഗം ഹോക്കി, വനിതാ വിഭാഗം കബഡി എന്നിവയില്‍ ഇന്ത്യ വിജയത്തോടെ തുടക്കമിട്ടു. അതേസമയം, വനിതാ വിഭാഗം വോളിബോള്‍, ഹാന്‍ഡ്‌ബോള്‍, എന്നിവയില്‍ ഇന്ത്യ തോല്‍വി രുചിച്ചു.

2018 ഏഷ്യന്‍ ഗെയിംസിലെ ആദ്യ സ്വര്‍ണം സ്വന്തമാക്കിയ ചൈന തന്നെയാണ് ആദ്യം ദിനം ഒന്നാം സ്ഥാനത്ത്. 21 ഇനങ്ങളില്‍ മെഡല്‍ തീരുമാനിക്കപ്പെട്ട ആദ്യ ദിനത്തില്‍ ഏഴു സ്വര്‍ണവും അഞ്ചു വെള്ളിയും നാലു വെങ്കലവും ഉള്‍പ്പെടെ 16 മെഡലുകളുമായി ചൈനയുടെ സമ്പാദ്യം. മൂന്നു സ്വര്‍ണവും ആറു വെള്ളിയും അഞ്ചു വെങ്കലവുമുള്‍പ്പെടെ 14 മെഡലുകളുമായി ജപ്പാന്‍ രണ്ടാമതും, രണ്ടു സ്വര്‍ണവും മൂന്നു വെള്ളിയും അഞ്ചു വെങ്കലവും ഉള്‍പ്പെടെ 10 മെഡലുമായി കൊറിയ മൂന്നാമതുമുണ്ട്. ഒരു സ്വര്‍ണവും ഒരു വെങ്കലവുമായി ഇന്ത്യ ഒന്‍പതാം സ്ഥാനത്താണ്.