തൃക്കരിയൂര്‍ സ്വദേശിനിയായ ഗൗരിയുടെ പരാതിയിലാണ് സിപിഎം മൂവാറ്റുപുഴ ഏരിയ സെക്രട്ടറി കെ പി രാമചന്ദ്രന്‍ അടക്കം ആറു പേര്‍ക്കെതിരെ മൂവാറ്റുപുഴ പോലീസ് കേസ് എടുത്തത്. ഇക്കഴിഞ്ഞ ജനുവരി അഞ്ചിന് ഏരിയ കമ്മിറ്റി ഓഫീസില്‍ വെച്ച് പ്രതികളെ ഭീഷണിപ്പെടുത്തി കുടുംബാംഗങ്ങളുടെ പേരിലുള്ള ഒരു കോടിയോളം രൂപ വില വരുന്ന സ്വത്ത് എഴുതി വാങ്ങിയെന്നാണ് പരാതി. ദേഹോപദ്രവം ഏല്‍പ്പിച്ചതായും പരാതിയുണ്ട്. ആയുര്‍വേദ ഉപകരണ നിര്‍മ്മാണ കമ്പനിയാണ് സ്വത്തുക്കള്‍ തട്ടിയെടുത്തത്.

ഗൗരിയുടെ അമ്മ രാജശ്രീ ദ്രോണി ആയുര്‍വേദാസ് കമ്പനി ജീവനക്കാരിയായിരുന്നു. കമ്പനിയില്‍ നിന്ന് ഒന്നര കോടിയോളം രൂപയുടെ സാമ്പത്തിക തട്ടിപ്പ് നടത്തിയെന്ന പരാതിയില്‍ രാജശ്രീയെയും മകള്‍ ലക്ഷ്മിയെയും ജനുവരിയില്‍ പോലീസ് അറസ്റ്റ് ചെയ്തിരുന്നു. ഗൗരിയെയും പിന്നീട് പ്രതി ചേര്‍ത്തു.

ഭീഷണിപ്പെടുത്തി ഭൂമി എഴുതി വാങ്ങിയ ശേഷം കമ്പനി ഉടമകള്‍ പോലീസില്‍ പരാതി നല്‍കിയെന്നും അറസ്റ്റ് ചെയ്തുവെന്നുമാണ് ആരോപണം. ആരെയും ഭീഷണിപ്പെടുത്തിയിട്ടില്ലെന്നും പാര്‍ട്ടി ഓഫിസില്‍ ഒത്തു തീര്‍പ്പ് ചര്‍ച്ചകള്‍ക്കായി ആളുകള്‍ വരുന്നത് സ്വാഭാവികമാണെന്നുമാണ് സിപിഐഎമ്മിന്റെ വിശദീകരണം. സാമ്പത്തിക തട്ടിപ്പ് കേസില്‍ അറസ്റ്റിലായവര്‍ നല്‍കിയ വ്യാജ പരാതി മാത്രമാണ് ഇതെന്ന് ആയുര്‍വേദ കമ്പനി ഉടമകളും പറയുന്നു.

പാല്‍ സംഭരണം ഉടന്‍ നിര്‍ത്താന്‍ അമുലിന് നിര്‍ദേശം നല്‍കാന്‍ അടിയന്തര ഇടപെടല്‍ അഭ്യര്‍ത്ഥിക്കുകയാണെന്നും സ്റ്റാലിന്‍ പറഞ്ഞു. സംസ്ഥാനത്തിന്റെ ക്ഷീരവികസനത്തിന്റെ അടിത്തറയായി പ്രവര്‍ത്തിക്കുന്ന പ്രാദേശിക സഹകരണ സ്ഥാപനങ്ങള്‍ ക്ഷീരോദ്പാദകരെ വളര്‍ത്തിയെടുക്കുന്നതിനും ഏകപക്ഷീയമായ വിലക്കയറ്റത്തില്‍ നിന്ന് ഉപഭോക്താക്കളെ സഹായിക്കുന്നതിലും നിര്‍ണായക പങ്കാണ് വഹിക്കുന്നതെന്ന് സ്റ്റാലിന്‍ കത്തില്‍ ചൂണ്ടിക്കാട്ടി.

കൃഷ്ണഗിരി, ധര്‍മ്മപുരി, വെല്ലൂര്‍, റാണിപ്പേട്ട്, തിരുപ്പത്തൂര്‍, കാഞ്ചീപുരം, തിരുവള്ളൂര്‍ ജില്ലകളിലുമാണ് സ്വാശ്രയസംഘങ്ങളും ഗ്രാമീണ സഹകരണ സംഘങ്ങളും മുഖേന അമുല്‍ പാല്‍സംഭരണം നടത്തുന്നത്.