‘ഈ സീസണു ശേഷം ഞാന്‍ ബാഴ്‌സ പരിശീലകനായി തുടരില്ല. കുറച്ചു ദിവസം മുന്‍പെടുത്ത തീരുമാനമാണ്. പക്ഷേ, ഇക്കാര്യം പ്രഖ്യാപിക്കാന്‍ ഇതാണ് പറ്റിയ സമയമെന്ന് ഞാന്‍ കരുതുന്നു. ഒരു ബാഴ്‌സ ആരാധകനെന്ന നിലയില്‍, ക്ലബിന് ഗുണമുണ്ടാവുന്ന കാര്യമെന്ന നിലയില്‍, ഇത് ശരിയായ തീരുമാനമാണെന്ന് ഞാന്‍ വിശ്വസിക്കുന്നു. ക്ലബിനെക്കാള്‍ വലുതായി ആരുമില്ല. ക്ലബിനൊരു പ്രശ്‌നമാവാന്‍ ഞാനില്ല. പരിഹാരത്തിനു വേണ്ടിയാണ് ഞാനെത്തിയത്. ഇപ്പോള്‍ അതല്ല അവസ്ഥ. ഇനി ലീഗിലെയോ ചാമ്പ്യന്‍സ് ലീഗിലെയോ സ്ഥിതിയില്‍ എന്തെങ്കിലും മികച്ച റിസല്‍ട്ട് വന്നാലും തീരുമാനത്തിനു മാറ്റമില്ല.’ സാവി വാര്‍ത്താസമ്മേളനത്തില്‍ പറഞ്ഞു.

വിയ്യാറയലിനെതിരെ പരാജയപ്പെട്ടതോടെ ലീഗില്‍ ഒന്നാമതുള്ള റയല്‍ മാഡ്രിഡിനെക്കാള്‍ പത്ത് പോയിന്റ് പിന്നിലായി. 1963നു ശേഷം ക്യാമ്പ് നൂവിലെ ഒരു ലാലിഗ മത്സരത്തില്‍ ബാഴ്‌സ ഇതാദ്യമായാണ് അഞ്ച് ഗോള്‍ വഴങ്ങുന്നത്. 1951നു ശേഷം ഇത് ആദ്യമായാണ് തുടര്‍ച്ചയായ മത്സരങ്ങളില്‍ ബാഴ്‌സ നാലിലധികം ഗോളുകള്‍ വഴങ്ങുന്നത്.

ആദ്യ സീസണുകള്‍ നന്നായി തുടങ്ങിയ സാവിക്ക് പിന്നീട് ക്ലബില്‍ അടിപതറുകയായിരുന്നു. സ്ഥാനമേറ്റെടുത്ത 2021 സീസണില്‍ ഒമ്പതാമതായിരുന്ന ക്ലബിനെ രണ്ടിലേക്ക് എത്തിക്കാന്‍ സാവിക്ക് കഴിഞ്ഞിരുന്നു. തൊട്ടടുത്ത സീസണില്‍ ബാഴ്‌സ ലീഗ് ജേതാക്കളായി. ആ സീസണില്‍ സ്പാനിഷ് സൂപ്പര്‍ കോപ്പയും വിജയിച്ചു. എന്നാല്‍, ചാമ്പ്യന്‍സ് ലീഗില്‍ ഗ്രൂപ്പ് ഘട്ടം കടക്കാന്‍ സാധിച്ചില്ല. ഈ സീസണില്‍ നോക്കൗട്ടിലെത്താന്‍ സാധിച്ചിട്ടുണ്ട്.

സീസണില്‍ ചാമ്പ്യന്‍സ് ലീഗ് നോക്കൗട്ടില്‍ കടന്നെങ്കിലും ലാ ലിഗയിലെ പ്രകടനങ്ങള്‍ ദിനം പ്രതി മോശമായിക്കൊണ്ടിരുന്നു. സൂപ്പര്‍ കോപ്പ ഫൈനലില്‍ റയലിനോട് ഒന്നിനെതിരെ 4 ഗോളുകള്‍ക്ക് തോറ്റതും കോപ്പ ഡെല്‍ റേ ക്വാര്‍ട്ടറില്‍ അത്‌ലറ്റിക് ക്ലബിനോട് രണ്ടിനെതിരെ നാല് ഗോളുകള്‍ക്ക് തോറ്റതും സാവിയുടെ സ്ഥാനത്തിന് ഇളക്കം തട്ടിച്ചിരുന്നു.

ഇപ്പോല്‍ ഖത്തര്‍ ലീഗ് ഫുട്‌ബോളില്‍ കളിക്കുന്ന സാവി പറയുന്നത് സാന്‍ഡിയാഗോ ബെര്‍ണബുവില്‍ നടന്ന ആ മല്‍സരത്തില്‍ ജയിക്കേണ്ടത് പി.എസ്.ജിയായിരുന്നു എന്നാണ്. അല്ലെങ്കില്‍ മല്‍സരം 1-1 സമനിലയിലോ 2-2 സമനിലയിലോ അവസാനിക്കേണ്ടിയിരുന്നു. പക്ഷേ ജയിച്ചത് റയലായി പോയി. ഏറ്റവും നല്ല പ്രകടനം നടത്തിയത് നെയ്മറായിരുന്നുവെന്നും സാവി പറയുന്നു. മല്‍സരത്തില്‍ കൃസ്റ്റിയാനോ റൊണാള്‍ഡോ രണ്ട് ഗോള്‍ നേടി എന്നത് യാഥാര്‍ത്ഥ്യം. പക്ഷേ എങ്ങനെയായിരുന്നു ആ ഗോള്‍-ഒന്ന് ഒരു പെനാല്‍ട്ടി കിക്ക്. രണ്ടാമത്തേത് കാല്‍മുട്ട് കൊണ്ടുള്ള ഗോള്‍. ഇതിലപ്പുറം ആ മല്‍സരത്തില്‍ അദ്ദേഹം എന്താണ് നേടിയതെന്നാണ് സാവി ചോദിക്കുന്നത്. അതിലും മികച്ച പ്രകടനം നടത്തിയത് നെയ്മറായിരുന്നു. ആ മല്‍സരത്തിലെ താരം ശരിക്കും നെയ്മറാണ്. അദ്ദേഹം രണ്ട് പകുതിയിലും മികച്ച പ്രകടനമാണ് നടത്തിയത്. കൃസ്റ്റിയാനോയുമായി താരതമ്യം ചെയ്യുമ്പോള്‍ മികച്ച താരം നെയ്മറാണെന്നും സാവി ആവര്‍ത്തിക്കുന്നു. മനോഹരമായ പ്രത്യാക്രമണങ്ങളാണ് അദ്ദേഹം നടത്തിയത്. എത്രയെത്ര അവസരങ്ങള്‍ അദ്ദേഹം സൃഷ്ടിച്ചു. അതെല്ലാം ഗോളായിരുന്നെങ്കിലോ-സാവിയുടെ ചോദ്യം.

റയല്‍ മാഡ്രിഡ് വലിയ സംഘമാണെന്ന് സമ്മതിക്കുമ്പോള്‍ തന്നെ ആ ടീമിന് ധാരാളം ദൗര്‍ബല്യങ്ങള്‍ ഉള്ളതായും സാവി വിലയിരുത്തുന്നു. റയലിനെതിരെ നിങ്ങള്‍ക്ക് ലഭിക്കുന്ന അവസരത്തെ പ്രയോജനപ്പെടുത്തണം. അവര്‍ക്കെതിരെ ലഭിക്കുന്ന അവസരങ്ങള്‍ ഗോളായാല്‍ തീര്‍ച്ചയായും അവരെ പിറകിലാക്കാം. നിങ്ങള്‍ നടത്തുന്ന പ്രത്യാക്രമണങ്ങള്‍ തന്നെ ധാരാളമാണ്-സാവി വ്യക്തമാക്കുന്നു.