ഡെറിക്​ ഒബ്രിയാൻ, സുദീപ്​ ബ​ന്ദോപാധ്യായ, സുബ്രത മുഖർജി എന്നിവരുടെ സാന്നിധ്യത്തിലാണ്​ അദ്ദേഹം തൃണമൂൽ കോൺഗ്രസിൽ ചേർന്നത്​. 2018ലാണ്​ യശ്വന്ത്​ സിൻഹ ബി.ജെ.പിയിൽ നിന്ന്​ രാജിവെച്ചത്​. വാജ്​പേയ്​ മന്ത്രിസഭയിൽ അദ്ദേഹം ധനകാര്യ വകുപ്പ്​ മന്ത്രിയായിരുന്നു.

വാജ്‌പെയ് യുഗത്തിന് പിന്നാലെ മോദി-അമിത് ഷാ കൂട്ടുകെട്ട് പാര്‍ട്ടി പിടിച്ചെടുത്തതോടെയാണ് യശ്വന്ത് സിന്‍ഹ ബിജെപി നേതൃത്വത്തിന് അനഭിമതനായത്. പിന്നീട് മോദി സര്‍ക്കാറിന്റെ നയങ്ങള്‍ക്കെതിരെ രൂക്ഷവിമര്‍ശനവുമായി ഇദ്ദേഹം രംഗത്ത് വന്നിരുന്നു.

കര്‍ഷകരുടെ വരുമാനം ഇരട്ടിയാക്കുമെന്നുള്ള പ്രഖ്യാപനവും എങ്ങുമെത്തിയില്ല. റിയല്‍ എസ്‌റ്റേറ്റ്, ഊര്‍ജ്ജം തുടങ്ങി എല്ലാ മേഖലകളെയും നോട്ട് നിരോധനം പ്രതിസന്ധിയിലാക്കി. അടിയന്തിരവസ്ഥയെക്കാളും മോശം അവസ്ഥയിലാണ് ഇന്ന് രാജ്യത്തെ മാധ്യമങ്ങള്‍. രാജ്യത്തെ വലിയ പ്രശ്‌നങ്ങള്‍ ജനങ്ങള്‍ക്ക് മുന്നില്‍ കൊണ്ട് വരാന്‍ മാധ്യമങ്ങള്‍ക്ക് കഴിയുന്നില്ലെന്നും അദ്ദേഹം കുറ്റപ്പെടുത്തി.

കൊച്ചിയില്‍ പ്രൊഫഷണല്‍ കോണ്‍ഗ്രസ് സംഘടിപ്പിച്ച ഹോട്ട് സീറ്റ് എന്ന പരിപാടിയില്‍ സംസാരിക്കുകയായിരുന്നു അദ്ദേഹം. ഓള്‍ ഇന്ത്യ പ്രഫഷനല്‍ കോണ്‍ഗ്രസ് സംസ്ഥാന പ്രസിഡന്റ് മാത്യു കുഴല്‍നാടനാണ് യശ്വന്ത് സിന്‍ഹയുമായി സംവദിച്ചത്. വിവിധ മേഖലകളില്‍ നിന്നുള്ളവരും പ്രൊഫഷണല്‍ കോണ്‍ഗ്രസ്സിന്റെ തെരഞ്ഞെടുത്ത പ്രതിനിധികളും സംവാദത്തില്‍ പങ്കെടുത്തു.

രാജ്യത്ത് നടക്കുന്നത് നരേന്ദ്ര മോദിയുടെ ഏകാധിപത്യ ഭരണമാണെന്ന് യശ്വന്ത് സിന്‍ഹ പറഞ്ഞു. മന്ത്രിസഭയുടേതെന്ന് പറഞ്ഞ് പുറത്തു വരുന്ന എല്ലാ തീരുമാനങ്ങളും മോദിയുടെ തീരുമാനങ്ങളാണ്. മന്ത്രിമാരെല്ലാം വെറും പാവകളാണ്. കശ്മീരില്‍ പി.ഡി.പിയുമായി സഖ്യമുണ്ടാക്കുന്ന കാര്യം ആഭ്യന്തരമന്ത്രി രാജ്‌നാഥ് സിങ്ങുമായി ആലോചിച്ചിരുന്നില്ല. അതുപോലെ ധനകാര്യമന്ത്രി അറിയാതെയാണ് രാജ്യത്ത് നോട്ട് നിരോധനം നടപ്പാക്കിയതെന്നും യശ്വന്ത് സിന്‍ഹ പറഞ്ഞു.

രാജ്യത്ത് ഭരണഘടനയും ജനാധിപത്യവും അപകടത്തിലാണെന്ന് അരുണ്‍ ഷൂരി പറഞ്ഞു. മോദി ഭരണത്തില്‍ 72 ആള്‍ക്കൂട്ട കൊലപാതകങ്ങളാണ് നടന്നത്. സൊഹറാബുദ്ദിന്‍ വ്യാജ ഏറ്റുമുട്ടല്‍ കേസില്‍ 54 സാക്ഷികളാണ് കൂറുമാറിയത്. ഇതിനായി സി.ബി.ഐയെ കേന്ദ്രസര്‍ക്കാര്‍ ദുരുപയോഗം ചെയ്യുകയായിരുന്നു. രാജ്യത്ത് മാധ്യമങ്ങള്‍ ഭീതിയിലാണ്. തങ്ങളുടെ പരസ്യങ്ങള്‍ തടയപ്പെടുമോ എന്ന ഭയത്താല്‍ മാധ്യമങ്ങള്‍ നിശബ്ദരാവുകയാണെന്നും അദ്ദേഹം പറഞ്ഞു.

താന്‍ പാര്‍ട്ടി വിട്ടതല്ലെന്നും അവര്‍ തന്നെ പുറത്തേക്ക് വലിച്ചെറിയുകയായിരുന്നുവെന്നും ശത്രുഘ്‌നന്‍ സിന്‍ഹ പറഞ്ഞു. എന്തിനാണ് പാര്‍ട്ടിയില്‍ നിന്നുകൊണ്ട് പാര്‍ട്ടിയെ വിമര്‍ശിച്ചതെന്നാണ് ചിലര്‍ ചോദിക്കുന്നത്. ഞാന്‍ പ്രഥമ പരിഗണന നല്‍കുന്നത് രാജ്യത്തിനും രാജ്യത്തെ ജനങ്ങള്‍ക്കുമാണ്. അതുകൊണ്ടാണ് പാര്‍ട്ടിയുടെ നയങ്ങളെ വിമര്‍ശിക്കേണ്ടി വന്നത്. നോട്ട് നിരോധനത്തിന്റെ ആഘാതത്തില്‍ നിന്ന് രാജ്യം ഇതുവരെ മുക്തരായിട്ടില്ല. നോട്ട് നിരോധനത്തിന്റെ ആഘാതത്തിലുള്ള ജനങ്ങള്‍ക്ക് ഏറ്റ ഇരട്ട പ്രഹരമായാണ് ജി.എസ്.ടി അടിച്ചല്‍പ്പിച്ചത്. ഇതൊന്നും കാബിനറ്റ് തീരുമാനമായിരുന്നില്ല. മോദിയുടെ മാത്രം തീരുമാനമായിരുന്നു- ശത്രുഘ്‌നന്‍ സിന്‍ഹ പറഞ്ഞു.

എന്‍.സി.പി നേതാവ് മജീദ് മേമന്‍, തൃണമൂല്‍ കോണ്‍ഗ്രസ് നേതാവ് ദിനേശ് ത്രിവേദി, ആം ആദ്മി പാര്‍ട്ടി എം.പി സഞ്ജയ് സിങ് തുടങ്ങിയവരും ചര്‍ച്ചയില്‍ പങ്കെടുത്തു.

ഇന്ത്യ കണ്ടതില്‍ വെച്ചേറ്റവും വലിയ പ്രതിരോധ അഴിമതിയാണ് റാഫാല്‍ ഇടപാടില്‍ നടന്നതെന്ന് ഇവര്‍ ആരോപിച്ചു. റഫാല്‍ ഇടപാടുമായി ബന്ധപ്പെട്ട പ്രസ്താവനകള്‍ പലവട്ടം സര്‍ക്കാര്‍ തിരുത്തിയത് അഴിമതിയുടെ വ്യക്തമായ തെളിവാണ്. ക്രിമിനല്‍ നടപടി ദൂഷ്യത്തിന് പ്രധാനമന്ത്രി നരേന്ദ്ര മോദി കുറ്റവിചാരണ നേരിടേണ്ട കരാറാണിതെന്ന് പ്രശാന്ത് ഭൂഷണ്‍ പറഞ്ഞു.

പ്രധാനമന്ത്രി തിരക്കിട്ട് എടുത്ത തീരുമാനമാണ് റാഫാല്‍ ഇടപാട്. പ്രതിരോധമന്ത്രി, വ്യോമസേന, മന്ത്രിസഭയുടെ സുരക്ഷാകാര്യ സമിതി, വിദേശകാര്യ സെക്രട്ടറി തുടങ്ങിയ ആരും അറിയാതെയാണ് പഴയ കരാര്‍ തിരുത്തി പുതിയത് ഒപ്പുവെച്ചത്. 126 യുദ്ധവിമാനങ്ങള്‍ ആവശ്യപ്പെട്ട വ്യോമസേനക്ക് 36 വിമാനങ്ങള്‍ മാത്രമാണ് ഈ കരാര്‍ വഴി ലഭിക്കുന്നത്. ഇത് രാജ്യസുരക്ഷയെ അപകടത്തിലാക്കുന്ന തീരുമാനമാണ്.

36 വിമാനങ്ങള്‍ വാങ്ങുന്നതില്‍ 36000 കോടി രൂപയാണ് ഖജനാവിന് നഷ്ടമുണ്ടാകുന്നത്. യു.പി.എ സര്‍ക്കാറിന്റെ കാലത്തെ കരാറില്‍ 670 കോടി രൂപയായിരുന്നു ഒരു വിമാനത്തിന്റെ വില. എന്നാല്‍ 1670 കോടി രൂപയാണ് പുതിയ കരാറില്‍ ഒരു വിമാനത്തിന്റെ വില. ഓരോ വിമാനത്തിനും 1000 കോടി രൂപയുടെ അധികച്ചെലവാണ് പുതിയ കരാര്‍ പ്രകാരം ഉണ്ടാകുന്നത്. പൊതുമേഖലാ സ്ഥാപനമായ ഹിന്ദുസ്ഥാന്‍ എയറോനോടിക് ലിമിറ്റഡിന് സാങ്കേതികവിദ്യ പകര്‍ന്നു കിട്ടുന്ന അവസരം മോദി നഷ്ടപ്പെടുത്തിയെന്നും പ്രശാന്ത് ഭൂഷണ്‍, അരുണ്‍ ഷൂരി, യശ്വന്ത് സിന്‍ഹ എന്നിവര്‍ ആരോപിച്ചു.

റഫാല്‍ ഇടപാടിനെ കുറിച്ച് പാര്‍ലമെന്ററി സമിതി അന്വേഷിക്കണമെന്ന് പ്രതിപക്ഷം ആവശ്യപ്പെട്ടിരുന്നു. എന്നാല്‍ പാര്‍ലമെന്റിന്റെ കാലാവധി കഴിയാന്‍ മാസങ്ങള്‍ മാത്രമുള്ളപ്പോള്‍ ഒരു പാര്‍ലമെന്ററി സമിതിക്ക് പ്രസക്തിയില്ലെന്ന് ഇവര്‍ പറഞ്ഞു. കംപ്‌ട്രോളര്‍ ആന്‍ഡ് ഓഡിറ്റര്‍ ജനറല്‍ മൂന്ന് മാസത്തിനകം അന്വേഷണം നടത്തി റിപ്പോര്‍ട്ട് തയ്യാറാക്കി പാര്‍ലമെന്റില്‍ വെക്കുന്നതിനുള്ള നടപടികളാണ് വേണ്ടത്. അത്തരമൊരു റിപ്പോര്‍ട്ട് പാര്‍ലമെന്റിലെ പബ്ലിക് അക്കൗണ്ട്‌സ് കമ്മിറ്റിയുടേയും അതുവഴി പാര്‍ലമെന്റിന്റെയും പരിശോധനകള്‍ക്കും തുടര്‍നടപടികള്‍ക്കും വിധേയമാകുമെന്നും ഇവര്‍ പറഞ്ഞു.

‘നേരത്തെ മിടുക്കനായിരുന്ന മകന്റെ ഒന്നിനും കൊള്ളാത്ത പിതാവായിരുന്ന ഞാന്‍. ഇപ്പോള്‍ നേരെ തിരിച്ചായി. ഞാന്‍ എന്റെ മകന്റെ പ്രവൃത്തിയെ അംഗീകരിക്കുന്നില്ല. വലിയ അധിക്ഷേപങ്ങള്‍ ഇതിന്റെ പേരില്‍ ഉണ്ടാവുമെന്നറിയാം. പക്ഷേ നിങ്ങള്‍ക്ക് ഒരിക്കലും വിജയിക്കാനാവില്ല’-യശ്വന്ത് സിന്‍ഹ ട്വീറ്റ് ചെയ്തു.

കഴിഞ്ഞ വര്‍ഷം ജൂണിലാണ് ബീഫ് കൈവശം വെച്ചു എന്നാരോപിച്ച് ജാര്‍ഖണ്ഡില്‍ 55 വയസുകാരനെ ഹിന്ദുത്വ തീവ്രവാദികള്‍ അടിച്ചു കൊലപ്പെടുത്തിയത്. കേസില്‍ 11 പേര്‍ അതിവേഗ കോടതി ജീവപര്യന്തം വിധിച്ചിരുന്നു. പക്ഷേ പ്രതികളുടെ അപ്പീല്‍ പരിഗണിച്ച ഹൈക്കോടതി എട്ട് പ്രതികള്‍ക്ക് ജാമ്യം അനുവദിച്ചിരുന്നു. ഇവര്‍ ജയില്‍ മോചിതരായപ്പോഴാണ് ജയന്ത് സിന്‍ഹ മാലയിട്ട് സ്വീകരിച്ചത്. ജാമ്യം ലഭിച്ചവര്‍ നിരപരാധികളാണെന്നാണ് ജയന്ത് സിന്‍ഹയുടെ ന്യായീകരണം.

Earlier I was the Nalayak Baap of a Layak Beta. Now the roles are reversed. That is twitter. I do not approve of my son’s action. But I know even this will lead to further abuse. You can never win.

— Yashwant Sinha (@YashwantSinha) July 7, 2018

He cannot fire me because he is scared.

— Yashwant Sinha (@YashwantSinha) April 1, 2018

സിന്‍ഹയുടെ ട്വീറ്റിന് തെറിവിളികളുമായി മോദി ഭക്തരായ ആര്‍.എസ്.എസ്, ബി.ജെ.പി പ്രവര്‍ത്തകര്‍ എത്തിയതോടെ സിന്‍ഹ വീണ്ടും മറുപടിയുമായെത്തി. ‘നിങ്ങളുടെ തെറിവിളികള്‍ തെളിയിക്കുന്നത് തന്റെ അഭിപ്രായങ്ങള്‍ക്ക് ഇപ്പോഴും പ്രാധാന്യമുണ്ടെന്നാണ്’- സിന്‍ഹ ട്വീറ്റ് ചെയ്തു. ‘ഞാന്‍ ഒരു ട്വീറ്റ് ചെയ്യുമ്പോഴേക്കും നിരവധി പട്ടികള്‍ കുരക്കുന്നു. നിങ്ങള്‍ കുരക്കുന്നത് തുടരുക, ഞാന്‍ അതാസ്വദിക്കുന്നു’-സിന്‍ഹ വീണ്ടും ട്വിറ്ററില്‍.

I did not realise that a simple tweet from me would lead to so many dogs barking. Pl continue to bark. I am enjyoing it.

— Yashwant Sinha (@YashwantSinha) April 1, 2018

മോദി കൂലികൊടുത്ത് ആളുകളെക്കൊണ്ട് തെറിവിളിപ്പിക്കുകയാണെന്നും സിന്‍ഹ ആരോപിച്ചു. ‘ഞാന്‍ സംസാരിക്കുന്നത് എന്റെ അഭ്യുദയകാക്ഷികളുടെ നിര്‍ദേശത്തോടെയാണ്. എനിക്കെതിരായ വിമര്‍ശനങ്ങളോട് ഇപ്പോള്‍ പ്രതികരിക്കുന്നില്ല. ഓരോ തെറിക്കും 10 രൂപ കൊടുത്ത് വിളിപ്പിക്കുന്ന തെറികളെ ഞാന്‍ അവഗണിക്കുന്നു’-സിന്‍ഹ ട്വീറ്റ് ചെയ്തു.

I am taking the advice of well wishers and not responding now so that I deny the trolls their Rs 10 per abuse.

— Yashwant Sinha (@YashwantSinha) April 1, 2018

നോട്ട് നിരോധനം, ജി.എസ്.ടി തുടങ്ങിയ മോദിയുടെ നയങ്ങളെ രൂക്ഷമായി വിമര്‍ശിച്ച നേതാവാണ് യശ്വന്ത് സിന്‍ഹ. മോദിയുടെ നയങ്ങള്‍ക്കെതിരെ ശത്രുഘ്‌നന്‍ സിന്‍ഹയുമായി ചേര്‍ന്ന് ‘രാഘാമഞ്ച’് എന്നൊരു സംഘടനയും സിന്‍ഹ രൂപീകരിച്ചിട്ടുണ്ട്.

നരേന്ദ്ര മോദിയെ നേരിടാനുള്ള ശരിയായ വഴിയാണ് വിവിധ പാര്‍ട്ടികളെ ഒരുമിപ്പിക്കാനുള്ള മമതയുടെ ശ്രമമെന്ന് കൂടിക്കാഴ്ചക്കു ശേഷം അരുണ്‍ ഷൂഖി പറഞ്ഞു. മോദി സര്‍ക്കാറിന്റെ കടുത്ത വിമര്‍ശകന്‍ കൂടിയാണ് വാജ്‌പേയി മന്ത്രിസഭയില്‍ അംഗമായിരുന്ന ഷൂറി. അതേ സമയം ബി.ജെ.പിക്കെതിരായ വിശാല സഖ്യത്തില്‍ ചേരുമോ എന്ന കാര്യത്തില്‍ യശ്വന്ത് സിന്‍ഹയും ശത്രുഘ്‌നന്‍ സിന്‍ഹയും വ്യക്തമായ നിലപാട് പ്രഖ്യാപിച്ചിട്ടില്ല. മമത തന്റെ പഴയ സഹ പ്രവര്‍ത്തകയാണെന്നും അവരുടെ വ്യക്തിത്വം എല്ലാവര്‍ക്കും നന്നായി അറിയാമെന്നും പറഞ്ഞ യശ്വന്ത് സിന്‍ഗ രാജ്യത്തെ രക്ഷിക്കാനുള്ള മമതയുടെ ശ്രമം പ്രോത്സാഹിപ്പിക്കേണ്ടതാണെന്നും കൂട്ടിച്ചേര്‍ത്തു. ഭാവിയിലും തങ്ങള്‍ മമതക്ക് പിന്തുണ നല്‍കുമെന്നും ഇരുവരും പറഞ്ഞു.

ജഡ്ജിമാരുടെ പരസ്യ പ്രതികരണം വന്നതോടെ കോടതിയില്‍ മാത്രം ഒതുങ്ങുന്ന ഒരു വിഷയമല്ലെന്നും ക്രമവിരുദ്ധമായി ജൂനിയര്‍ ജഡ്ജിമാരെ ഉള്‍പ്പെടുത്തിയത് അന്വേഷിക്കണമെന്നും യശ്വന്ത് സിന്‍ഹ ആവശ്യപ്പെട്ടു. സുപ്രീം കോടതിയുടെ ഭരണസംവിധാനം കുത്തഴിഞ്ഞുവെന്ന് ഇന്നലെ മുതിര്‍ന്ന ജഡ്ജിമാര്‍ ആരോപിച്ച് രംഗത്തെത്തിയതോടെയാണ് പിന്തുണയുമായി യശ്വന്ത് സിന്‍ഹ എത്തിയത്.

അതേസമയം, സുപ്രീംകോടതി പ്രതിസന്ധിയിലെ പരിഹാര ശ്രമങ്ങള്‍ക്ക് തിരിച്ചടി നേരിട്ടു.
സമവായശ്രമങ്ങള്‍ക്കായെത്തിയ പ്രധാനമന്ത്രി നരേന്ദ്രമോദിയുടെ പ്രതിനിധി നൃപേന്ദ്ര മിശ്രയെ കൂടിക്കാഴ്ച്ചക്ക് അനുമതി നിഷേധിച്ച് ദീപക്മിശ്ര തിരിച്ചയച്ചു. കഴിഞ്ഞ ദിവസം അറ്റോര്‍ണി ജനറല്‍ ചീഫ് ജസ്റ്റിസ് ദീപക്മിശ്രയുമായി കൂടിക്കാഴ്ച്ച നടത്തിയിരുന്നു. ഇന്ന് തന്നെ പ്രശ്‌നം പരിഹരിക്കാന്‍ ശ്രമിക്കുമെന്നും എ.ജി കെ.കെ വേണുഗോപാല്‍ പ്രതീക്ഷ പ്രകടിപ്പിച്ചിരുന്നു. ഇതിന് പിന്നാലെയാണ് പ്രിന്‍സിപ്പല്‍ സെക്രട്ടറി ചീഫ് ജസ്റ്റിസിന്റെ വസതിയിലെത്തിയത്. പ്രശ്‌നങ്ങള്‍ നീതിന്യായ വ്യവസ്ഥക്ക് അകത്ത് പരിഹരിക്കണമെന്നാണ് കേന്ദ്രസര്‍ക്കാര്‍ മുന്നോട്ടുവെക്കുന്നതെങ്കിലും പ്രിന്‍സിപ്പല്‍ സെക്രട്ടറിയെ തിരിച്ചയച്ചത് പ്രതിസന്ധിയുടെ ആക്കം കൂട്ടുന്നതിനാണ് സാധ്യത.

കര്‍ഷകര്‍ക്കെതിരായ ഉദ്യോഗസ്ഥരുടെ നടപടിയില്‍ പ്രതിഷേധിച്ച് പോലീസ് സ്‌റ്റേഷനിലും യശ്വന്ത് സിന്‍ഹയുടെ സമരം. ഇതോടെ സമരത്തിന് പിന്തുണ അറിയിച്ച ബംഗാള്‍ മുഖ്യമന്ത്രി മമതാ ബാനര്‍ജിയും ഡല്‍ഹി മുഖ്യമന്ത്രി അരവിന്ദ് കെജ്‌രിവാളും രംഗത്തെത്തി. ട്വിറ്ററിലാണ് ഇരു മുഖ്യന്ത്രിമാരും പിന്തുണയറിയിച്ചത്.

മുന്‍ധനകാര്യമന്ത്രിയും മുതിര്‍ന്ന ബി.ജെ.പി നേതാവുമായിരുന്ന യശ്വന്ത് സിന്‍ഹ കോട്ടണ്‍ സോയാബീന്‍ കര്‍ഷകരുടെ പ്രതിഷേധ സമരത്തിലാണ് പങ്കെടുക്കുന്നത്. സൈന്യം നഷിപ്പിച്ച വിളകള്‍ക്ക് നഷ്ട്പരിഹാരം കിട്ടണമെന്നാവശ്യപ്പെട്ടാണ് കര്‍ഷകരുടെ സമരം. ആവശ്യങ്ങള്‍ അംംഗീകരിക്കുന്നതു വരെ പോലീസിന്റെ ഭീഷണികള്‍ കണ്ട് പിന്‍മാറില്ലെന്നും യശ്വന്ത് സിന്‍ഹ പറഞ്ഞു.
ഞങ്ങളെ അറസ്റ്റില്‍ നിന്ന് മോചിപ്പിച്ചെന്ന് പോലീസ് പറയുന്നുണ്ടെങ്കിലും ഇവിടെ തന്നെ തങ്ങാനാണ് ഞങ്ങളുടെ തീരുമാനം. ഞങ്ങള്‍ എവിടെ പോയാലും പോലീസ് പിന്തുടരും. പക്ഷ ഞങ്ങളുടെ എല്ലാ ആവശ്യങ്ങളും അംഗീകരിക്കുന്നതു വരെ ഞങ്ങള്‍ പിന്മാറുന്ന പ്രശ്‌നമേയില്ല. യശ്വന്ത് സിന്‍ഹ പറഞ്ഞു.

79 കാരനായ നേതാവ് ഒരു മരത്തിന്റെ കട്ടിലില്‍ കിടക്കുന്നതാണ് കഴിഞ്ഞ ദിവസം പുറത്തു വന്ന ചിത്രങ്ങളിലുള്ളത്.

യശ്വന്ത് സിന്‍ഹയുടെ കാര്യത്തില്‍ ആശങ്കയുണ്ടെന്നും അവരെ സന്ദര്‍ശിക്കാനായി ഞങ്ങളുടെ എം.പി ദിനേശ് ത്രിവേദിയെ അയക്കുമെന്നും ബംഗാള്‍ മുഖ്യമന്ത്രി മമതാ ബാനര്‍ജി ട്വീറ്റ് ചെയ്തു. കര്‍ഷകരുടെ അവകാശങ്ങള്‍ക്കു വേണ്ടി പോരാടുന്ന യശ്വന്ത് സിന്‍ഹക്ക് പൂര്‍ണ്ണ പിന്തുണയുണ്ടെന്നും അവര്‍ ട്വീറ്റ് ചെയ്തു.

I am concerned about @YashwantSinha Ji former Union Finance Minister in jail. I am sending our MP Dinesh Trivedi to meet him. @YashwantSinha is fighting for the cause of farmers. He has our full support

— Mamata Banerjee (@MamataOfficial) December 5, 2017

എന്തിനാണ് യ്ശ്വന്ത് സിന്‍ഹയെ അറസ്റ്റു ചെയ്തത്. അദ്ദേഹത്തെ ഉടന്‍ മോചിപ്പിക്കണം. അരവിന്ദ് കെജ്‌രിവാള്‍ ട്വീറ്റ് ചെയ്തു.

Why has Sh Yashwant Sinhaji been arrested? Insane. He shud be released immediately https://t.co/4TwVS3Q9HU

— Arvind Kejriwal (@ArvindKejriwal) December 5, 2017

അകോല യില്‍ മുതിര്‍ന്ന ബി.ജെ.പി നേതാവ് യശ്വന്ത് സിന്‍ഹ് അറസ്റ്റു ചെയ്യപ്പെട്ടത് ഏറെ ഗൗരവമുള്ളതാണ്. മഹാരാഷ്ട്രയിലെ ബി.ജെ.പി സര്‍ക്കാര്‍ തന്നെയാണ് അവരെ അറസ്റ്റു ചെയ്യാനും ഉത്തരവിക്കിയത്. കോട്ടണ്‍ സോയാബീന്‍ കര്‍ഷകര്‍ക്കെതിരായ അധികാരികളുടെ നടപടിയില്‍ പ്രതിഷേധിച്ചതിനാണ് അവരെ അറസ്റ്റു ചെയ്തത്. ബി.ജെ.പി സംഖ്യകക്ഷിയായ ജനതാദള്‍(യു) വിന്റെ വാക്താവ് പവന്‍ കെ വര്‍മ പ്രതികരിച്ചു.
യശ്വന്ത് സിന്‍ഹയെയും 250ഓളം വരുന്ന കര്‍ഷകരെയും വൈകുന്നേരം 5.30 മണിയോടെ തടഞ്ഞു വെക്കപ്പെട്ടിരുന്നു. മൂന്നു മണിക്കൂറിലേറെ റോഡും ജില്ലാകലക്ടറുടെ ഓഫീസും ഉപരോധിച്ചതിനായിരുന്നു അത്. എന്നാല്‍ രാത്രി അവരെ മോചിപ്പിച്ചെങ്കിലും പുറത്തിറങ്ങാന്‍ കൂട്ടാക്കിയില്ലെന്ന് മുതിര്‍ന്ന പോലീസ് ഉദ്യോഗസ്ഥന്‍് പറഞ്ഞു.

ന്യൂഡല്‍ഹി: കേന്ദ്ര സര്‍ക്കാറിനെതിരെ പുതിയ വിമര്‍ശനങ്ങളുമായി മുന്‍ കേന്ദ്ര മന്ത്രിയും മുതിര്‍ന്ന ബി.ജെ.പി നേതാവുമായ യശ്വന്ത് സിന്‍ഹ.
പുതുതായി നടപ്പിലാക്കിയ ചരക്കു സേവന നികുതി (ജി.എസ്.ടി) സമ്പൂര്‍ണ തകര്‍ച്ചയാണെന്നു പറഞ്ഞ അദ്ദേഹം ഈയം പൂശിയത് കൊണ്ട് ഇത് നന്നാക്കാനാവില്ലെന്നും ധനമന്ത്രിയെ ലക്ഷ്യമിട്ട് പറഞ്ഞു. ജി.എസ്.ടി പരിധി നിശ്ചയിച്ചതില്‍ അടിസ്ഥാനപരമായി അപാകതയുണ്ട്. അതാണ് ആദ്യം പരിഹരിക്കേണ്ടതെന്നും അദ്ദേഹം പറഞ്ഞു. അതേസമയം പാരഡൈസ് പേപ്പറുമായി ബന്ധപ്പെട്ട് തന്റെ മകനും കേന്ദ്ര മന്ത്രിയുമായ ജയന്ത് സിന്‍ഹക്കെതിരെ അന്വേഷണം നടക്കുന്നതിനെക്കുറിച്ച് പ്രതികരിച്ച അദ്ദേഹം ബി. ജെ.പി അധ്യക്ഷന്‍ അമിത് ഷായുടെ മകന്‍ ജെയ് ഷായ്‌ക്കെതിരെയും അന്വേഷണം നടത്തണമെന്ന് ആവശ്യപ്പെട്ടു.
മൈത്രി മുതലാളിത്തത്തിലൂടെ അദ്ദേഹം 16000 ഇരട്ടി ലാഭം സമ്പാദിച്ചതായി ആരോപണമുണ്ടെന്നും സിന്‍ഹ പറഞ്ഞു. പാരഡൈസ് പേപ്പറില്‍ തന്നെ കുറിച്ചു വന്ന ആരോപണം വ്യക്തിപരമല്ലെന്നും മുമ്പ് പ്രവര്‍ത്തിച്ചിരുന്ന ഓമിദിയാര്‍ നെറ്റ്‌വര്‍ക്കുമായി ബന്ധപ്പെട്ടതാണെന്നും എല്ലാ ഇടപാടുകളും സുതാര്യവും നിയമപരവുമാണെന്നും ജയന്ത് സി ന്‍ഹ അവകാശപ്പെട്ടിരുന്നു.
എന്നാല്‍ മകനുള്‍പ്പെടെ പാരഡൈസ് പേപ്പറില്‍ ഉള്‍പ്പെട്ടിട്ടുള്ള എല്ലാ രാഷ്ട്രീയക്കാര്‍ക്കെതിരേയും അന്വേഷണം വേണമെന്ന് യശ്വന്ത് സിന്‍ഹ പറഞ്ഞു. ഒരു മാസം അല്ലെങ്കില്‍ 15 ദിവസത്തെ കാലവിളംബം നിശ്ചയിച്ച് അന്വേഷണം പൂര്‍ത്തിയാക്കണമെന്നും അദ്ദേഹം ആവശ്യപ്പെട്ടു. അതേസമയം അമിത് ഷായുടെ മകന്‍ പറഞ്ഞ അവകാശവാദങ്ങളോട് പൂര്‍ണമായും സര്‍ക്കാര്‍ ഒത്തു പോകുന്നത് എന്തു കൊണ്ടാണെന്നും അദ്ദേഹം ചോദിച്ചു. ജയ് ഷാക്കെതിരെ എന്ന് അന്വേഷണം തുടങ്ങുമെന്നാണ് എന്റെ ചോദ്യം. അല്ലെങ്കില്‍ എന്തു കൊണ്ട് അന്വേഷണില്ലേ?. ജയ്ഷാക്കെതിരെ തെളിവുള്ളവര്‍ കോടതിയില്‍ പോകണമെന്നാണ് സര്‍ക്കാര്‍ പറയുന്നത്.
അപ്പോള്‍ അന്വേഷണം നടക്കണമെങ്കില്‍ എല്ലാവര്‍ക്കുമെതിരെ തെളിവുകള്‍ ആവശ്യമുണ്ടോയെന്നും അദ്ദേഹം ചോദിച്ചു. നേരത്തെ നോട്ട് അസാധുവാക്കല്‍, ജി.എസ്.ടി എന്നീ വിഷയങ്ങളില്‍ പ്രധാനമന്ത്രി നരേന്ദ്ര മോദിക്കെതിരെ അതിനിശിത വിമര്‍ശവുമായി സിന്‍ഹ രംഗത്തെത്തിയിരുന്നു.