പ്രധാനമന്ത്രി നരേന്ദ്രമോഡി തന്റെ പൊങ്ങച്ചം പറച്ചില്‍ തുടരുകയാണെന്ന് സിപിഐഎം സംസ്ഥാന സെക്രട്ടറി സീതാറാം യെച്ചൂരി. അവിശ്വാസ പ്രമേയത്തിന് മേല്‍ മോഡി നടത്തിയ മറുപടി പ്രസംഗത്തില്‍ ഉപയോഗിച്ചത് വ്യാജകണക്കുകളാണെന്നും സീതാറാം യെച്ചൂരി പറഞ്ഞു.

രാജ്യത്തെ ജനങ്ങളുടെ ജീവിതം എന്താണ് യഥാര്‍ത്ഥ്യമെന്ന് ബോധ്യപ്പെടുത്തുന്നതാണ്. ദരിദ്രരാക്കുന്ന,വര്‍ഗീയമായി വേര്‍പിരിക്കുന്ന ഈ നയങ്ങളെ ജനം എതിര്‍ത്ത് പരാജയപ്പെടുത്തുമെന്നും സീതാറാം യെച്ചൂരി പറഞ്ഞു.

പൊതുപണം ഉപയോഗിച്ച് നടത്തുന്ന ഒരു കരാറിനെ കുറിച്ചുള്ള മുഴുവന്‍ കാര്യങ്ങളും അറിയാന്‍ ഓരോ ഭാരതീയനും അവകാശമുണ്ട്. കേന്ദ്രസര്‍ക്കാര്‍ സൃഷ്ടിക്കുന്ന ദുരിതങ്ങളിലാണ് യഥാര്‍ത്ഥത്തിലുള്ള ഇന്ത്യയെന്നും സീതാറാം യെച്ചൂരി പറഞ്ഞു.

മോദി സര്‍ക്കാറിനെതിരെ ശക്തമായ ആരോപണവുമായി സി.പി.എം ജനറല്‍ സെക്രട്ടറി സീതാറാം യെച്ചൂരി.

കള്ളത്തരത്തിന്റെയും കൊള്ളയുടേയും സര്‍ക്കാരാണ് ഇപ്പോള്‍ ഇന്ത്യ ഭരിക്കുന്നത്. സര്‍ക്കാര്‍ ജനങ്ങളില്‍ വര്‍ഗീയ ചേരിതിരിവ് ഉണ്ടാക്കാനാണ് ശ്രമിക്കുന്നത്. രാജ്യത്ത് സര്‍വനാശം ഉണ്ടാക്കിയവരാണിത്. അഴിമതി, അധികാര ദുര്‍വിനിയോഗം എന്നിവയിലാണ് സര്‍ക്കാറിന്റെ മുഖമുദ്രയെന്നും യെച്ചൂരി പറഞ്ഞു.

ദേശീയ സഖ്യം വേണമോ എന്നതില്‍ ചര്‍ച്ചകള്‍ തുടരും. എന്നാല്‍ ബി.ജെ.പി വോട്ടുകളില്‍ തന്നെ ഇടിവ് വന്നു. ഉപതരെഞ്ഞെടുപ്പ് ഫലം ഇതിന് തെളിവാണെന്നും യെച്ചൂരി ചൂണ്ടിക്കാട്ടി.

ഇന്ത്യ തന്നെ വിശാല സഖ്യമാണ്. ഓരോ സ്ഥലത്തും ഓരോ പാര്‍ട്ടികളാണ്. അവര്‍ക്ക ലഭിക്കുന്ന പിന്തുണയുടെ അര്‍ഥം ജനങ്ങള്‍ ബി.ജെ.പി സര്‍ക്കാരിന് എതിരാണെന്നാണ് .ജനങ്ങളുടെ ഐക്യമാണ് എല്ലായിടത്തുമെന്നും യെച്ചൂരി വ്യക്തമാക്കി.

മോദി സര്‍ക്കാറിന്റെ നാലു വര്‍ഷത്തെ ജനദ്രോഹ നടപടികള്‍ വിവരിച്ചുള്ള സിപിഎമ്മന്റെ നാലു പുസ്തകങ്ങള്‍ ഡല്‍ഹിയില്‍ പുറത്തിറക്കി സംസാരിക്കുകയായിരുന്നു യെച്ചൂരി.

ഹൈദരാബാദ്: സി.പി.എമ്മിന്റെ 22ാമത് പാര്‍ട്ടി കോണ്‍ഗ്രസിന് ഇന്ന് തുടക്കം കുറിക്കാനിരിക്കെ, കോണ്‍ഗ്രസ് ബന്ധം സംബന്ധിച്ച് ഭിന്നത രൂക്ഷമാകുന്നു. പാര്‍ട്ടി കോണ്‍ഗ്രസിനു മുന്നോടിയായി ഇന്നലെ ഹൈദരാബാദില്‍ നടന്ന കേന്ദ്ര കമ്മിറ്റി യോഗത്തിലാണ് പൊട്ടിത്തെറിയുടെ സൂചനകള്‍ പുറത്തുവന്നത്. കോണ്‍ഗ്രസ് ബന്ധം വേണ്ടെന്ന നിലപാട് ആവര്‍ത്തിച്ച് സി.പി.എം കേരള സംസ്ഥാന സെക്രട്ടറി കോടിയേരി ബാലകൃഷ്ണന്‍ രംഗത്തെത്തിയപ്പോള്‍ മതേതര കക്ഷികള്‍ ശക്തിപ്പെടണമെന്ന നിലപാടുമായി ജനറല്‍ സെക്രട്ടറി സീതാറാം യെച്ചൂരിയും പോരിന് കച്ച മുറുക്കി. കേരളത്തില്‍നിന്നുള്ള മുതിര്‍ന്ന നേതാവ് വി.എസ് അച്യുതാനന്ദനും യെച്ചൂരിയുടെ നിലപാടിനെ പിന്തുണച്ച് രംഗത്തെത്തി.
കോണ്‍ഗ്രസുമായി സഹകരിക്കാതെ തന്നെ മതേതര വിശ്വാസികളെ കൂടെ നിര്‍ത്താന്‍ കഴിയുമെന്നായിരുന്നു കോടിയേരി ബാലകൃഷ്ണന്റെ നിലപാട്. എന്നാല്‍ കോണ്‍ഗ്രസുമായി സഖ്യം ചേരാതെ ബി.ജെ.പിക്കെതിരെ പോരാടാനാവില്ലെന്നും കോണ്‍ഗ്രസിന്റെ നിലപാടുകളില്‍ സമീപകാലത്ത് മാറ്റം വന്നിട്ടുണ്ടെന്നുമായിരുന്നു വി.എസ് അച്യുതാനന്ദന്റെ വാക്കുകള്‍. ദേശീയ രാഷ്ട്രീയത്തില്‍ പ്രായോഗിക സമീപനം വേണമെന്ന നിലപാടാണ് യെച്ചൂരിക്കുള്ളത്. കേരളം മാത്രമല്ല ഇന്ത്യ എന്ന് മനസ്സിലാക്കണമെന്ന യെച്ചൂരിയുടെ പരാമര്‍ശം നേരത്തെ കേരള ഘടകത്തിന് വലിയ തിരിച്ചടിയായിരുന്നു. നേതാക്കള്‍ക്കിടയിലെ ഈ ഭിന്നത പാര്‍ട്ടി കോണ്‍ഗ്രസിലെ രാഷ്ട്രീയ ചര്‍ച്ചകളെ സ്വാധീനിക്കുമെന്ന് ഉറപ്പാണ്.
കോണ്‍ഗ്രസ് ബന്ധം ഉള്‍പ്പെടെയുള്ള വിഷയങ്ങള്‍ പരാമര്‍ശിക്കുന്ന കരട് രാഷ്ട്രീയ പ്രമേയം പാര്‍ട്ടി കോണ്‍ഗ്രസില്‍ ചര്‍ച്ചക്ക് വരുന്നുണ്ട്. നേരത്തെ പോളിറ്റ്ബ്യൂറോയിലും കേന്ദ്ര കമ്മിറ്റിയിലും ചര്‍ച്ച ചെയ്ത കരട് രാഷ്ട്രീയ പ്രമേയം 100ലധികം ഭേദഗതി നിര്‍ദേശങ്ങളോടെയാണ് പാര്‍ട്ടി കോണ്‍ഗ്രസ് പരിഗണിക്കുന്നത്. ഇന്ന് സി.പി.എം ജനറല്‍ സെക്രട്ടറി സീതാറാം യെച്ചൂരിയാണ് 22ാം പാര്‍ട്ടി കോണ്‍ഗ്രസ് ഉദ്ഘാടനം ചെയ്യുന്നത്. അഞ്ചു ദിവസം നീണ്ടു നില്‍ക്കുന്ന വിവിധ സെഷനുകള്‍ക്കൊടുവില്‍ 22ന് പൊതു സമ്മേളനത്തോടെ സമാപിക്കും.
2019ലെ ലോക്‌സഭാ തെരഞ്ഞെടുപ്പിനു മുമ്പ് നടക്കുന്ന അവസാന പാര്‍ട്ടി കോണ്‍ഗ്രസ് ആയതിനാല്‍ കോണ്‍ഗ്രസ് ബന്ധം ഉള്‍പ്പെടെയുള്ള വിഷയങ്ങളില്‍ സ്വീകരിക്കുന്ന നിലപാട് നിര്‍ണായകമായിരിക്കും.
പുതിയ കേന്ദ്ര കമ്മിറ്റിയേയും ജനറല്‍ സെക്രട്ടറിയേയും പാര്‍ട്ടി കോണ്‍ഗ്രസില്‍ തെരഞ്ഞെടുക്കും. യെച്ചൂരി വീണ്ടും ജനറല്‍ സെക്രട്ടറി പദവിയില്‍ എത്തുന്നത് തടയാനുള്ള നീക്കം കേരള ഘടകം സജീവമാക്കിയിട്ടുണ്ട്. ത്രിപുര മുന്‍ മുഖ്യമന്ത്രി മണിക് സര്‍ക്കാറിനെയോ പോളിറ്റ്ബ്യൂറോ അംഗം വൃന്ദാ കാരാട്ടിനെയോ ജനറല്‍ സെക്രട്ടറി സ്ഥാനത്ത് എത്തിക്കാനാണ് നീക്കം.

ത്രിപുരയിലെ തിരിച്ചടി വാര്‍ത്തയെ തുടര്‍ന്ന് അവൈലബില്‍ പോളിറ്റ് ബ്യൂറോയിലെത്തിയ യെച്ചൂരു മാധ്യമങ്ങളോട് പ്രതികരിക്കാന്‍ മടിക്കുകയായിരുന്നു.

കോണ്‍ഗ്രസ് സഖ്യം പാടേ തള്ളിയ സി.പി.എം കേന്ദ്രകമ്മിറ്റി തീരുമാനം തിരുത്തിക്കാന്‍ ശക്തമായ സമ്മര്‍ദമായിരിക്കുകയാണ് പുതിയ വിധി. നേരത്തെ കോണ്‍ഗ്രസ് അനുകൂല നിലപാടിനെ ചൊല്ലി തന്നെ വിമര്‍ശിച്ചവര്‍ക്ക് ചുട്ടമറുപടിയുമായി പാര്‍ട്ടി ജനറല്‍ സെക്രട്ടറി സീതാറാം യെച്ചൂരി രംഗത്തെത്തിയിരുന്നു.
‘സി.പി.എം. എന്നാല്‍, കേരളത്തിലെയോ ബംഗാളിലെയോ ത്രിപുരയിലെയോ മറ്റേതെങ്കിലും സംസ്ഥാനത്തെയോ മാത്രം കമ്യൂണിസ്റ്റുപാര്‍ട്ടിയല്ല. ഏതെങ്കിലും സംസ്ഥാനത്തിന്റെ സവിശേഷതയ്ക്കനുസരിച്ചല്ല പാര്‍ട്ടി നിലപാടെടുക്കേണ്ടത്. രാജ്യത്തെ പൊതുസാഹചര്യം വിലയിരുത്തിയാകണം’ എന്നായിരുന്നു സംഘടനാ റിപ്പോര്‍ട്ടിന് യെച്ചൂരിയുടെ മറുപടി.

രണ്ടു പതിറ്റാണ്ടിലേറെ ഭരിച്ച ത്രിപുരയും സി.പി.എമ്മിന് നഷ്ടമാവുകയാണെന്ന് തെരഞ്ഞെടുപ്പ് ഫലങ്ങള്‍. 60 അംഗ അസംബ്ലിയിലേക്കുള്ള തെരഞ്ഞെടുപ്പു ഫലങ്ങളില്‍, ഏറ്റവുമൊടുവില്‍ വിവരം ലഭിക്കുമ്പോള്‍ സി.പി.എം നയിക്കുന്ന ഇടതുപക്ഷത്തെ ബി.ജെ.പി പിന്നിലാക്കിയിരിക്കുകയാണ്. 42 സീറ്റുകളില്‍ ബി.ജെ.പിയും സഖ്യകക്ഷിയായ ഐ.പി.എഫ്.ടിയും ലീഡ് ചെയ്യുമ്പോള്‍ ഇടതു മുന്നണി 16സീറ്റുകളില്‍ മാത്രമാണ് ലീഡ് ചെയ്യുന്നത്. അന്തിമ ഫലങ്ങളില്‍ ശക്തിദുര്‍ഗമായ ത്രിപുരയിലെ ഈ ഫലങ്ങള്‍ സി.പി.എമ്മിന് കനത്ത ആഘാതമുണ്ടാക്കുന്നതാണ്.

മുന്‍ അസംബ്ലിയില്‍ ഒരു സീറ്റ് പോലും ഇല്ലാതിരുന്ന ഘട്ടത്തില്‍ നിന്നാണ് ബി.ജെ.പി ത്രിപുരയില്‍ അവിശ്വസനീയമായ മുന്നേറ്റം കാഴ്ചവെക്കുന്നത്. 49 സീറ്റിന്റെ വ്യക്തമായ ഭൂരിപക്ഷവുമായി ഭരണം നടത്തിയിരുന്ന സി.പി.എമ്മിന് ഇത്തവണ 25 സീറ്റുകളെങ്കിലും നഷ്ടമായേക്കുമെന്നാണ് ഫലങ്ങള്‍ നല്‍കുന്ന സൂചന. ബി.ജെ.പിയുടെ വളര്‍ച്ചക്കു കാരണം കോണ്‍ഗ്രസ് നേതാക്കളുടെ കൂറുമാറ്റമാണെന്ന് പ്രചരിപ്പിക്കുന്ന സി.പി.എം, സ്വന്തം വോട്ട്ബാങ്കിലുണ്ടായ ഈ വലിയ തിരിച്ചടിക്ക് ഉത്തരം തേടേണ്ടി വരും.

കഴിഞ്ഞ തെരഞ്ഞെടുപ്പ് നടക്കുന്ന 2013-ല്‍ ത്രിപുരയില്‍ രണ്ടു ശതമാനത്തില്‍ താഴെ മാത്രം വോട്ടുവിഹിതമുണ്ടായിരുന്ന ബി.ജെ.പി, സി.പി.എം അണികളുടെ കൂടി പിന്തുണയോടെയാണ് വന്‍ വളര്‍ച്ചയുണ്ടാക്കിയത് എന്നു സൂചിപ്പിക്കുന്നതാണ് തെരഞ്ഞെടുപ്പു ഫലം. നിര്‍ണായക തെരഞ്ഞെടുപ്പില്‍ കോണ്‍ഗ്രസുമായി സഖ്യമുണ്ടാക്കേണ്ടെന്ന സി.പി.എമ്മിന്റെ തീരുമാനവും ബി.ജെ.പിയുടെ മുന്നേറ്റത്തിന് കാരണമായി. അതേസമയം, മുന്‍ അസംബ്ലിയില്‍ പത്ത് സീറ്റുകളുണ്ടായിരുന്ന കോണ്‍ഗ്രസിന് ഇത്തവണ ഒരു സീറ്റില്‍ പോലും ലീഡ് ചെയ്യാന്‍ കഴിഞ്ഞിട്ടില്ല.

പാര്‍ട്ടിയിലെ ചേരിതിരിവിനെതിരെ ആഞ്ഞടിച്ച് സി.പി.എം ജനറല്‍ സെക്രട്ടറി സീതാറാം യെച്ചൂരി. പ്രമുഖ ഇന്ത്യന്‍ ദിനപത്രങ്ങള്‍ക്ക് നല്‍കിയ അഭിമുഖത്തിലാണ് യെച്ചൂരി പാര്‍ട്ടിയിലെ എതിര്‍ ചേരിക്കെതിരെ ആഞ്ഞടിച്ചത്. തന്നെ കോണ്‍ഗ്രസ് അനുകൂലി എന്ന് മുദ്രകുത്തിയാല്‍ മറ്റുള്ളവര്‍ ബി.ജെ.പി അനുകൂലികളാണെന്ന ആരോപണം തനിക്കും ഉന്നയിക്കാമെന്ന് യെച്ചൂരി പറഞ്ഞു. കൊല്‍ക്കത്തയില്‍ നടന്ന കേന്ദ്ര കമ്മിറ്റി, പൊളിറ്റ് ബ്യൂറോ യോഗത്തില്‍ രാജി സന്നദ്ധ അറിയിച്ചിരുന്നായും അദ്ദേഹം പറഞ്ഞു. കോണ്‍ഗ്രസ് ബന്ധവുമായി ബന്ധപ്പെട്ട് യെച്ചൂരി കേന്ദ്ര കമ്മിറ്റിയില്‍ അവതരിപ്പിച്ച കരട് രേഖ തള്ളിയതിന് പിന്നാലെ നല്‍കിയ അഭിമുഖത്തിലാണ് യെച്ചൂരിയുടെ വെളിപ്പെടുത്തല്‍.

സാഹചര്യങ്ങള്‍ വിലയിരുത്തി മാറാന്‍ കഴിയാത്തവര്‍ മാര്‍ക്‌സിസ്റ്റ് അല്ല. മാര്‍ക്‌സിസം സൃഷ്ടിപരമായ ശാസ്ത്രമാണ്. ഓരോ സാഹചര്യങ്ങള്‍ക്ക് അനുസരിച്ച് വിലയിരുത്തല്‍ നടത്തുന്നതാണ് മാര്‍ക്‌സിസത്തിന്റെ അടിസ്ഥാന തത്വം. സാഹചര്യങ്ങള്‍ മാറുന്നതിന് അനുസരിച്ച് വിലയിരുത്തലും മാറും. താന്‍ കോണ്‍ഗ്രസ് അനുകൂലിയോ, ബിജെപി അനുകൂലിയോ അല്ല. ഇന്ത്യയ്ക്കും ഇന്ത്യക്കാര്‍ക്കും വേണ്ടി വാദിക്കുന്ന ആളാണ്. തന്നെ കോണ്‍ഗ്രസ് അനുകൂലി എന്ന് മുദ്രകുത്തിയാല്‍, മറ്റുള്ളവര്‍ക്കെതിരെ ബിജെപി അനുകൂലികള്‍ എന്ന പ്രത്യാരോപണം തനിക്ക് ഉന്നയിക്കാം യെച്ചൂരി അഭിമുഖത്തില്‍ പറഞ്ഞു.

യെച്ചൂരിയുടെ രാജി സന്നദ്ധ വാര്‍ത്തകള്‍ പ്രകാശ് കാരാട്ട് നിഷേധിച്ചതിനു പിന്നാലെയാണ് പുതിയ വെളിപ്പെടുത്തലുകള്‍. ഇപ്പോള്‍ സ്ഥാനം ഒഴിഞ്ഞാല്‍ പാര്‍ട്ടിയില്‍ ഭിന്നിപ്പുണ്ടെന്ന പ്രതീതി ഉണ്ടാകും. പ്രത്യേകിച്ച് ത്രിപുര തെരെഞ്ഞെടുപ്പ് അടുത്ത സാഹചര്യത്തില്‍ തുടരണം എന്ന് പിബി ആവശ്യപ്പെടുകയായിരുന്നു എന്നും യെച്ചൂരി കൂട്ടിച്ചേര്‍ത്തു.

കോണ്‍ഗ്രസുമായി ഒരു നീക്കുപോക്കും വേണ്ടെന്ന് സിപിഎം കേന്ദ്രകമ്മിറ്റി. പാര്‍ട്ടി കോണ്‍ഗ്രസിലേക്ക് കാരാട്ടിന്റെ രേഖമതിയെന്നും തീരുമാനം. സിപിഎം ജനറല്‍ സെക്രട്ടറിയുടെ സീതാറാം യെച്ചൂരിയുടെ പ്രമേയം 31 നെതിരെ 55 വോട്ടിനാണ് തള്ളിയത്.
യെച്ചൂരിയും ബംഗാള്‍ ഘടകവും മുന്നോട്ട് വയ്ക്കുന്ന സഹകരണ നിലപാടിനെ പ്രകാശ് കാരാട്ടും കേരള ഘടകവും ശക്തമായി എതിര്‍ത്തതാണ് വോട്ടിങ്ങിലേക്ക് നീങ്ങിയത്.

കോണ്‍ഗ്രസുമായി സഹകരണം സംബന്ധിച്ച് അനുകൂല നിലപാടുണ്ടായില്ലെങ്കില്‍ ബംഗാള്‍ ഘടകം കൂടുതല്‍ കടുത്ത പ്രതിസന്ധിയിലേക്ക് പോയേക്കും. ഈ സാഹചര്യം ഒഴിവാക്കാനായി ഇന്നലെ രാത്രി വൈകി പോളിറ്റ് ബ്യൂറോ യോഗം ചേര്‍ന്നെങ്കിലും സമവായം കണ്ടെത്താനായില്ല. സിപിഎം പോളിറ്റ് ബ്യൂറോയിലും തങ്ങളുടെ നിലപാടില്‍ പ്രകാശ് കാരാട്ടും കേരളത്തില്‍ നിന്നുളള പ്രതിനിധികളും ഉറച്ചുനിന്നതാണ് കാരണം.
ഇന്നലെ നടന്ന ചര്‍ച്ചയില്‍ പങ്കെടുത്ത 61 അംഗങ്ങളില്‍ 31 പേര്‍ കോണ്‍ഗ്രസുമായി യാതൊരു സഹകരണവും പാടില്ലെന്ന അഭിപ്രായമാണ് രേഖപ്പെടുത്തിയത്. അതേസമയം 26 പേര്‍ നീക്കുപോക്കുകള്‍ വേണമെന്ന് ആവശ്യപ്പെട്ടു. നാലംഗങ്ങള്‍ ഇക്കാര്യത്തില്‍ സമവായമാണ് ആവശ്യം എന്നാണ് പറഞ്ഞത്.
ഭൂരിപക്ഷം തങ്ങള്‍ക്കാണെന്ന് ഉറപ്പായതോടെ ഇക്കാര്യത്തില്‍ വോട്ടെടുപ്പിലേക്ക് പോകാമെന്ന് കോണ്‍ഗ്രസ് വിരുദ്ധ ചേരി ആവശ്യപ്പെട്ടു. വോട്ടെടുപ്പ് ഒഴിവാക്കാന്‍ സീതാറാം യെച്ചൂരി കിണഞ്ഞ് പരിശ്രമിച്ചിരുന്നു. രാത്രി വൈകിയും ഇതേ തുടര്‍ന്ന് പോളിറ്റ് ബ്യൂറോ യോഗം ചേര്‍ന്നു. എന്നാല്‍ കടുത്ത നിലപാടില്‍ നിന്ന് പിന്നോട്ടില്ലെന്ന് എതിര്‍പക്ഷവും വ്യക്തമാക്കിയതോടെയാണ് വോട്ടെടുപ്പിന് വഴിതെളിഞ്ഞത്.

തിരുവനന്തപുരം: കോണ്‍ഗ്രസ് സഖ്യസാധ്യത തേടുന്ന സി.പി.എം ജനറല്‍ സെക്രട്ടറി സീതാറാം യെച്ചൂരിയുടെ നിലപാടിന് പിന്തുണ നല്‍കി വി.എസ് അച്യുതാനന്ദന്‍. യെച്ചൂരിയുടെ രാഷ്ട്രീയപ്രമേയത്തെ പിന്തുണച്ച് വി.എസ് കേന്ദ്രകമ്മിറ്റിക്ക് നല്‍കിയ കത്ത് സംസ്ഥാനരാഷ്ട്രീയത്തിലും പ്രതിഫലനമുണ്ടാക്കും. ഫാസിസ്റ്റ് കക്ഷിയായ ബി.ജെ.പിയെ അധികാരത്തില്‍നിന്ന് പുറത്താക്കുന്നതിന് പ്രായോഗിക രാഷ്ട്രീയ സമീപനം സ്വീകരിക്കണമെന്ന് വി.എസ് കത്തില്‍ ആവശ്യപ്പെട്ടിട്ടുണ്ട്. കോണ്‍ഗ്രസ് മതേതര സോഷ്യലിസ്റ്റ് പാര്‍ട്ടിയാണെന്നും കത്തില്‍ ചൂണ്ടിക്കാട്ടുന്നു.
കോണ്‍ഗ്രസുമായി ഒരുവിധ സഹകരണമോ സഖ്യമോ പാടില്ലെന്ന നിലപാടില്‍ കാരാട്ട് പക്ഷം ഉറച്ചുനില്‍ക്കുമ്പോള്‍ ബി.ജെ.പിക്കെതിരെ വിശാല മതേതര സഖ്യത്തിനായി കോണ്‍ഗ്രസുമായി നീക്കുപോക്ക് അനിവാര്യമാണെന്ന നിലപാടിലാണ് ജനറല്‍ സെക്രട്ടറി സീതാറാം യെച്ചൂരിയും ബംഗാള്‍ ഘടകവും. കേരള ഘടകം ഒറ്റക്കെട്ടായി കാരാട്ടിന്റെ നിലപാടിനൊപ്പാണ്. വി.എസിനെ കൂടാതെ കേരളത്തില്‍ നിന്ന് യെച്ചൂരിയുടെ നിലപാടിനോട് യോജിക്കാന്‍ സാധ്യതയുള്ളത് തോമസ് ഐസക് മാത്രമാണ്. വരും ദിവസങ്ങളില്‍ വി.എസിനെ പരസ്യമായി തള്ളാനുള്ള തീരുമാനത്തിലാണ് സംസ്ഥാന നേതൃത്വം. കൊല്‍ക്കത്തയില്‍ ഇന്നലെ തുടങ്ങിയ കേന്ദ്രകമ്മിറ്റി യോഗത്തില്‍ പങ്കെടുക്കാനാകാത്ത സാഹചര്യത്തിലാണ് വി.എസ് യെച്ചൂരിയെ പിന്തുണച്ച് കത്തയച്ചത്.
കോണ്‍ഗ്രസ് ബന്ധം സംബന്ധിച്ച് സീതാറാം യച്ചൂരി തയാറാക്കിയതും പ്രകാശ് കാരാട്ടും എസ്. രാമചന്ദ്രന്‍ പിള്ളയും തയാറാക്കിയതുമായി കരട് രാഷ്ട്രീയ പ്രമേയങ്ങള്‍ സംയോജിപ്പിക്കാനുള്ള പൊളിറ്റ് ബ്യൂറോയുടെ ശ്രമം നേരത്തെ പരാജയപ്പെട്ടിരുന്നു. ഇതേത്തുടര്‍ന്ന് ഇരുപക്ഷങ്ങളുടെയും രേഖകള്‍ കേന്ദ്രകമ്മിറ്റി പരിഗണിക്കുന്നതിനാണ് തീരുമാനിച്ചത്. എന്നാല്‍ സി.സിയിലേക്ക് ഈ രണ്ടു രേഖകളും അയക്കരുതെന്നാണ് കാരാട്ട് പക്ഷത്തിന്റെ നിലപാട്. കഴിഞ്ഞ 25 വര്‍ഷത്തെ അടവുനയങ്ങള്‍ പരിശോധിച്ച് അടവുനയ അവലോകന രേഖ കഴിഞ്ഞ പാര്‍ട്ടി കോണ്‍ഗ്രസില്‍ അവതരിപ്പിച്ചിരുന്നു. അതിന് അംഗീകാരവും നേടിയിരുന്നു. ഇത് നിലനില്‍ക്കെ അതിനെ തള്ളിക്കളയുന്ന തരത്തില്‍ കോണ്‍ഗ്രസുമായി സഹകരണം ആകാമെന്ന് പറയുന്നത് പാര്‍ട്ടിയുടെ നയങ്ങളെ തന്നെ തള്ളിപ്പറയുന്നതിന് തുല്യമാകും, അത് അംഗീകരിക്കാനാകില്ല, പ്രാദേശികമായി പോലും കോണ്‍ഗ്രസുമായി നീക്കുപോക്കുണ്ടാക്കുന്നത് പാര്‍ട്ടിക്ക് ഗുരുതരമായി ദോഷം ചെയ്യും. അതിനാല്‍ അത്തരമൊരു നീക്കുപോക്ക് സാധ്യമല്ല. പാര്‍ട്ടി നയങ്ങളില്‍ വെള്ളം ചേര്‍ത്തുകൊണ്ട് ഒരു നീക്കുപോക്കിനും തയ്യാറല്ല എന്നിങ്ങനെയാണ്് കാരാട്ട് പക്ഷം പറയുന്നത്.
കേന്ദ്രകമ്മിറ്റിയില്‍ രണ്ടു രേഖകള്‍ അയക്കുന്ന കീഴ്‌വഴക്കമില്ല. 25 വര്‍ഷത്തെ തെറ്റുതിരുത്തല്‍ നടപടി പാഴാക്കരുതെന്നും ഭിന്നാഭിപ്രായങ്ങള്‍ പാര്‍ട്ടി കോണ്‍ഗ്രസില്‍ അറിയിക്കാമെന്നും ആവശ്യമെങ്കില്‍ വോട്ടെടുപ്പിന് തയാറാണെന്നും കാരാട്ട് പക്ഷം ചൂണ്ടിക്കാട്ടുന്നു. രാജ്യാന്തര കാര്യങ്ങളില്‍ രണ്ടുകൂട്ടര്‍ക്കും ഭിന്നാഭിപ്രായങ്ങളില്ല. കോണ്‍ഗ്രസുമായി സഖ്യവും മുന്നണിയും വേണ്ടെന്നാണ് രണ്ടുകൂട്ടരുടെയും നിലപാട്. എന്നാല്‍ ധാരണയുണ്ടാക്കില്ലെന്ന് കൂടി വ്യക്തമായി പറയണമെന്നാണ് കാരാട്ടിന്റെയും എസ്.ആര്‍.പിയുടെയും വാദം. അതിനോടു യെച്ചൂരി യോജിക്കുന്നില്ല. ഇതു 2019ല്‍ വിശാല പ്രതിപക്ഷഐക്യം അസാധ്യമാക്കുമെന്നാണ് യച്ചൂരിയുടെ വാദം. ബംഗാള്‍ ഉള്‍പ്പെടെയുള്ള സാഹചര്യങ്ങള്‍ പരിഗണിച്ച് പ്രായോഗിക രാഷ്ട്രീയത്തില്‍ ഉന്നിയുള്ള നിലപാടാണ് പാര്‍ട്ടി എടുക്കേണ്ടതെന്നും യെച്ചൂരി പക്ഷം പറയുന്നു. ബംഗാള്‍ ഘടകത്തിന്റെ പിന്തുണയും ഇതിന് യെച്ചൂരിക്കുണ്ട്. യെച്ചൂരി രണ്ടു തവണയും കാരാട്ട് നാലു തവണയും തങ്ങളുടെ കരട് രേഖകള്‍ പരിഷ്‌കരിച്ചെങ്കിലും ഭിന്നത പരിഹരിക്കാന്‍ സാധിച്ചില്ല. കഴിഞ്ഞ പി.ബി അംഗീകരിച്ചത് കാരാട്ട് പക്ഷം മുന്നോട്ടുവെച്ച രേഖയായിരുന്നു. 16 അംഗ പിബിയില്‍ 11 പേരും കാരാട്ടിനൊപ്പമായിരുന്നു. അതേസമയം വിഷയം പരിഗണിച്ച കഴിഞ്ഞ കേന്ദ്ര കമ്മിറ്റിയില്‍ രണ്ടുപക്ഷത്തിനും സമാനമായ പിന്തുണയാണ് ലഭിച്ചത്.