നാടകീയതക്കൊടുവിലാണ് കര്‍ണാടകയ മുഖ്യമന്ത്രിയായി ബി.എസ്. യെദ്യൂരപ്പ ഇന്ന് രാവിലെയാണ് അധികാരമേറ്റത്. രാവിലെ ഒന്‍പതിന് രാജ്ഭവനിലായിരുന്നു ചടങ്ങ്. യെദ്യൂരപ്പ മാത്രമേ ഇന്നു സത്യപ്രതിജ്ഞ ചെയ്തുള്ളൂ.കര്‍ണാടകയില്‍ മുഖ്യമന്ത്രിയായി യെദ്യൂരപ്പ സത്യപ്രതിജ്ഞ ചെയ്യുന്നതിനെതിരെ കോണ്‍ഗ്രസ് സമര്‍പ്പിച്ച ഹര്‍ജി സുപ്രീംകോടതി തള്ളിയെങ്കിലും വരുന്ന മണിക്കൂറുകള്‍ ബി.ജെ.പിക്ക് നിര്‍ണായകം. ഭൂരിപക്ഷ തെളിയിക്കുന്നതിന് ബി.ജെ.പിക്ക് ഇനി ഒറ്റദിവസമാണ് കോടതി അനുവദിച്ചത്.

ഹര്‍ജിയില്‍ വീണ്ടും വാദം കേള്‍ക്കുന്ന നാളെ രാവിലെ പത്തു മണിക്ക് മുമ്പായി ഭൂരിപക്ഷം ഉണ്ടെന്ന് അവകാശപ്പെട്ട് ഗവര്‍ണര്‍ക്ക് നല്‍കിയ കത്ത് ഹാജരാക്കണമെന്ന കോടതി നിര്‍ദേശം ബി.ജെ.പിക്ക് തിരിച്ചടിയായി.

സര്‍ക്കാര്‍ രൂപീകരിക്കുന്നതിന് ഭൂരിപക്ഷം തങ്ങള്‍ക്കുണ്ടെന്ന് അവകാശപ്പെട്ട് കത്ത് നല്‍കിയതിന്റെ അടിസ്ഥാനത്തിലാണ് ഗവര്‍ണര്‍ ബി.ജെ.പിക്ക് അവസരം നല്‍കിയത്. ഇതിനായി പതിനഞ്ചു ദിവസത്തെ സമയം അനുവദിക്കുകയും ചെയ്തിരുന്നു. എന്നാല്‍ നാളെ കോടതിയില്‍ ഹര്‍ജി പരിഗണിക്കുന്നതിന് മുമ്പ് ഭൂരിപക്ഷം തെളിയിക്കുന്ന കത്ത് ഹാജരാക്കണമെന്ന കോടതി നിര്‍ദേശിക്കുകയായിരുന്നു.

കേവലഭൂരിപക്ഷമായ 113 അംഗങ്ങള്‍ നിലവില്‍ ബി.ജെ.പിക്കൊപ്പമില്ല. 104 എം.എല്‍.എമാരും ഒരു സ്വതന്ത്ര എം.എല്‍.എയുമാണ് ബി.ജെ.പിക്കൊപ്പമുള്ളത്. ഭൂരിപക്ഷം തെളിയിക്കുന്നതിന് ഒറ്റ ദിവസത്തിനുള്ളില്‍ കോണ്‍ഗ്രസ്‌ജെ.ഡി.എസ് സഖ്യത്തില്‍ നിന്ന് പരമാവധി എംഎല്‍എമാരെ ഒപ്പം ചേര്‍ക്കാനാണ് ബി.ജെ.പി ശ്രമിക്കുന്നത്. ഇതിനായി എം.എല്‍.എമാര്‍ക്ക് 100 കോടി രൂപയും മന്ത്രിസ്ഥാനവും ബി.ജെ.പി വാഗ്ദാനം ചെയ്തിട്ടുമുണ്ട്.

ബി.ജെ.പിയുടെ ചാക്കിട്ടുപിടിത്തം ഒഴിവാക്കാന്‍ കോണ്‍ഗ്രസ്‌ജെ.ഡി.എസ് എം.എല്‍.എമാരെ സുരക്ഷിത താവളത്തിലേക്ക് മാറ്റി പാര്‍പ്പിച്ചിരിക്കുകയാണ്.
ഗവര്‍ണറുടെ വിവേചനാധികാരത്തില്‍ ഇടപെടാനാകില്ലെന്ന് ചൂണ്ടിക്കാട്ടിയായിരുന്നു കോടതി സ്‌റ്റേ അനുവദിക്കാതിരുന്നത്.

അര്‍ദ്ധരാത്രിയില്‍ ആരംഭിച്ച് പുലര്‍ച്ച വരെ നീണ്ടു നിന്ന വാദപ്രതിവാദങ്ങള്‍ക്കൊടുവിലാണ് ബി.ജെ.പിക്ക് അനുകൂലമായി സുപ്രീകോടതി നിലപാടെടുത്തത്. പുലര്‍ച്ചെ 2.10ന് ആരംഭിച്ച വാദം കേള്‍ക്കല്‍ 4.15ഓടെയാണ് അവസാനിച്ചത്.

മുഖ്യമന്ത്രിയെന്ന നിലയില്‍ വലിയ പരാജയമായിരുന്നു യദ്യൂരപ്പ. അദ്ദേഹത്തിന്റെ ഭരണമികവ് എത്രത്തോളമെന്ന് എല്ലാവര്‍ക്കുമറിയാം.പല അഴിമതി കേസും അദ്ദേഹത്തിന്റെ പേരിലുണ്ട്. ചിലതില്‍ ജയില്‍ ശിക്ഷവരെ അനുഭവിച്ചയാളാണ് അയാള്‍. യദ്യൂരപ്പ മന്ത്രിസഭയിലെ പല ആളുകളുടേയും പേരില്‍ സര്‍ക്കാര്‍ ഫണ്ട് ദുരുപയോഗം ചെയ്തുവെന്ന ശക്തമായ ആരോപണ മുണ്ട്. എന്നിട്ടും ഇത്രയും പ്രശ്‌നമുള്ള ഒരാളെ എന്തിന് വീണ്ടും ബി.ജെ.പി മുഖ്യമന്ത്രി സ്ഥാനാര്‍ത്ഥിയാക്കി- കാണിയില്‍ ഒരാള്‍ ചോദിച്ചു.

ചോദ്യം കേട്ട കേന്ദ്രമന്ത്രി ഉത്തരം നല്‍കാനാകാതെ കുറച്ച് നേരം പകച്ചു നിന്നു. പിന്നീട് തെരഞ്ഞെടുപ്പിന് കുറച്ചു ദിവസം മാത്രം ബാക്കി നില്‍ക്കെ ഈ വിഷയത്തില്‍ അഭിപ്രായം പറയുന്നത് ശരിയല്ല എന്നു പറഞ്ഞ് തടിയൂരുകയായിരുന്നു.

‘പ്രധാനമന്ത്രി നരേന്ദ്ര മോദിയെയും ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിനെയും പോലെയുള്ള ഉത്തരേന്ത്യന്‍ ഇറക്കുമതിക്കായി കാത്തിരിക്കുകയാണ് കര്‍ണാടകയിലെ ബി.ജെ.പിക്കാര്‍. സംസ്ഥാനത്ത് നേതാക്കളില്ലെന്ന് അവര്‍ തന്നെ സമ്മതിച്ചിരിക്കുകയാണ്. ബി.ജെ.പിയുടെ മുഖ്യമന്ത്രി സ്ഥാനാര്‍ത്ഥി ബി.എസ് യെദ്യൂരപ്പയെ തരംതാഴ്ത്തുകയാണ് അവര്‍ ചെയ്യുന്നതെന്നും സിദ്ധരാമയ്യ ട്വീറ്റ് ചെയ്തു. യെദ്യൂരപ്പ ഡമ്മിയാണെന്ന് ബി.ജെ.പി തന്നെ സമ്മതിച്ചു. പ്രധാനമന്ത്രി വരട്ടെ, പോകട്ടെ. ഇവിടെ പോരാട്ടം യെദ്യൂരപ്പയും സിദ്ധരാമയ്യയും തമ്മിലാണ്, ആര് ജയിക്കുമെന്ന് നിങ്ങള്‍ക്കറിയാം-അദ്ദേഹം പറഞ്ഞു.

. @BJP4Karnataka by waiting for North Indian imports like PM Modi, UPCM Adityanath is admiting they have no leaders in the state. They have reduced their CM face @BSYBJP to a dummy.

PM may come & go. Here it is Siddaramaiah vs BSY & you know who is winning.#CongressMathomme https://t.co/IatRRstyAe

— Siddaramaiah (@siddaramaiah) April 25, 2018

തെരഞ്ഞെടുപ്പ് പ്രചരണത്തിന് കര്‍ണാടകയിലെ വിവിധയിടങ്ങളിലായി നടക്കുന്ന 35 റാലികളില്‍ യോഗി ആദിത്യനാഥ് ജനങ്ങളെ അഭിസംബോധന ചെയ്യുമെന്നാണ് ബി.ജെ.പി പ്രഖ്യാപിച്ചിരുന്നത്. മെയ് 3 മുതലാണ് യോഗി തെരഞ്ഞെടുപ്പ് പ്രചരണങ്ങള്‍ക്കായി കര്‍ണാടകയില്‍ എത്തുക. എന്നാല്‍ ആദിത്യനാഥ് എത്തുന്നതിനു മുമ്പേ ബി.ജെ.പിയുടെ വര്‍ഗീയ അജണ്ടകളെ തുറന്നുകാട്ടാനുള്ള ശ്രമത്തിലാണ് സിദ്ധരാമയ്യ.

ബംഗളുരു: കര്‍ണാടകയില്‍ കോണ്‍ഗ്രസിനെ കടന്നാക്രമിക്കാനുള്ള ആവേശത്തിനിടെ സെല്‍ഫ് ഗോളടിച്ച് ബി.ജെ.പി അധ്യക്ഷന്‍ അമിത് ഷാ. സംസ്ഥാനത്തെ കോണ്‍ഗ്രസ് സര്‍ക്കാരിനെതിരേ അഴിമതി ആരോപണം ഉന്നയിക്കവെ അമിത് ഷാക്ക് അമളി പിണഞ്ഞു.
മുന്‍മുഖ്യമന്ത്രിയും ബി.ജെ. പി നേതാവുമായ യെദ്യൂരപ്പ അഴിമതിക്കാരനാണെന്നും അഴിമതിയില്‍ ആരെങ്കിലും ഒരു മത്സരം നടത്തുകയാണെങ്കില്‍ യെദ്യൂരപ്പയുടെ സര്‍ക്കാരിനായിരിക്കും ഒന്നാം സ്ഥാനമെന്നുമായിരുന്നു ഷായുടെ പരാമര്‍ശം. തെരഞ്ഞെടുപ്പ് പ്രചരണത്തിന്റെ ഭാഗമായി ബംഗളൂരുവില്‍ വിളിച്ച വാര്‍ത്താസമ്മേളനത്തിനിടെയായിരുന്നു അമിത് ഷായ്ക്ക് നാക്ക് പിഴച്ചത്.
മുഖ്യമന്ത്രി സിദ്ധരാമയ്യയുടെ പേരിനു പകരം യെദ്യൂരപ്പയുടെ പേര് കയറി വന്നത് അമിത് ഷായേയും ബി.ജെ.പിയേയും ഒരുപോലെ വെട്ടിലാക്കി. വാര്‍ത്താ സമ്മേളനത്തില്‍ കാര്യങ്ങള്‍ കൈവിട്ടുപോകുന്നുവെന്ന് മനസിലായതോടെ അമിത് ഷായുടെ ഇടത്തുണ്ടായിരുന്ന പ്രഹ്ലാദ് ജോഷി ഇടപെട്ട് സംഭവിച്ച അമളി വ്യക്തമാക്കി. ഇതോടെ താന്‍ ഉദ്ദേശിച്ചത് സത്യത്തില്‍ സിദ്ധരാമയ്യയെ ആണെന്ന് അമിത് ഷാ തിരുത്തി. ഇതെല്ലാം കേട്ട് ഞെട്ടിക്കൊണ്ട് അമിത് ഷായുടെ വലതുവശത്ത് യെദ്യൂരപ്പയും ഇരിപ്പുണ്ടായിരുന്നു.
ഇതാദ്യമായല്ല യെദ്യൂരപ്പയ്ക്ക് അമിത് ഷായുടെ നാക്കുപിഴ വില്ലനാകുന്നത്. അന്നും യെദ്യൂരപ്പയെ അഴിമതിക്കാരനെന്നായിരുന്നു അമിത് ഷാ വിശേഷിപ്പിച്ചത്. അമിത് ഷാക്ക് നാക്കു പിഴച്ചതാണെങ്കിലും സംഭവം സത്യമാണെന്ന് പ്രഖ്യാപിച്ച് സോഷ്യല്‍ മീഡിയയും രംഗത്തുവന്നു. ‘അമിത്ഷായ്ക്കും സത്യം പറയാന്‍ കഴിയുമെന്ന് തെളിഞ്ഞിരിക്കുന്നു. ഞങ്ങളും അമിത് ജിയ്ക്കൊപ്പമാണ്. ബിഎസ് യെദ്യൂരപ്പയും ബിജെപിയും തന്നെയാണ് ഏറ്റവും അഴിമതി നിറഞ്ഞത്’-കോണ്‍ഗ്രസ് സോഷ്യല്‍മീഡിയ മേധാവി രമ്യ ട്വീറ്റ് ചെയ്തു.
‘കള്ളങ്ങളുടെ ഷാ ഒടുവില്‍ സത്യം പറഞ്ഞിരിക്കുന്നു. നന്ദി’ എന്നായിരുന്നു സിദ്ധരാമയ്യയുടെ ട്വീറ്റ്. അമിത് ഷായുടെ പ്രഖ്യാപനവും തുടര്‍ന്ന് അടുത്തിരിക്കുന്ന നേതാവ് അത് തിരുത്തുന്നതുമായ ദൃശ്യങ്ങള്‍ വൈറലായി. രാഹുല്‍ ഗാന്ധിയും ഈ ദൃശ്യം ട്വിറ്ററില്‍ പങ്കുവച്ചു. മെയ് 15ന് നടക്കുന്ന നിയമസഭാ തെരഞ്ഞെടുപ്പില്‍ യെദ്യൂരപ്പയാണ് ബി.ജെ.പിയുടെ മുഖ്യമന്ത്രി സ്ഥാനാര്‍ഥി. യെദ്യുരപ്പയുടെ അഴിമതി കഥകള്‍ വലിയ തലവേദന സൃഷ്ടിക്കുന്നതിനിടെയാണ് അമിത് ഷായുടെ ഇരുട്ടടി.