യോഗയുടെ മഹത്വം പറഞ്ഞ ചടങ്ങില്‍ ഇതൊരു കായിക ഇനമാണന്നും, യോഗ ഒളിംപിക്‌സില്‍ മത്സരിപ്പിക്കാനുള്ള ശ്രമമുണ്ടാകണമെന്നും രാംദേവ് ആവശ്യപ്പെട്ടു.

‘യോഗ കായിക ഇനമല്ലെന്ന് പലരും പറയുന്നത്. ഇത്തരക്കാരുടെ വാദങ്ങള്‍ മുഖവിലക്കെടുക്കരുത്. യോഗ ഒരു കായിക ഇനം തന്നെയാണ്. കായിക ഇനമായ യോഗയെ കായിക വകുപ്പിലേക്ക് കൊണ്ടുവരണമെന്നാണ് തന്റെ അഭിപ്രായമെന്നും രാംദേവ് പറഞ്ഞു. യോഗയെ ഒളിംപിക്‌സില്‍ മത്സരിപ്പിക്കാനുള്ള ശ്രമമുണ്ടാകണമെന്നും അദ്ദേഹം കൂട്ടിച്ചേര്‍ത്തു.

എന്‍.ഡി.എയുടെ രാഷ്ട്രപതി സ്ഥാനാര്‍ത്ഥിയായി തെരഞ്ഞെടുത്ത രാം നാഥ് കോവിന്ദിനെ അഭിനന്ദിക്കാനും പ്രസംഗത്തില്‍ രാംദേവ് മറന്നില്ല.

യോഗ ഗുരു ബാബാ രാംദേവിന്റെ ആയുര്‍വ്വേദ സംരഭമായ പതഞ്ജലി
ഉല്‍പന്നങ്ങള്‍ക്ക് സൈനിക സ്‌റ്റോറുകളില്‍ വിലക്കേര്‍പ്പെടുത്താന്‍ പ്രതിരോധ വകുപ്പ് തീരുമാനിച്ചു. പതഞ്ചലി ഉല്‍പന്നങ്ങളിലെ വിഷാംശം ചൂണ്ടികാണിക്കുന്ന ലബോറട്ടറി പരിശോധനാ ഫലങ്ങള്‍ പുറത്തുവന്നതടിസ്ഥാനത്തിലാണ് തീരുമാനം.

കല്‍ക്കത്തയിലെ ഫുഡ് ലബോറട്ടറിയില്‍ നടന്ന പരിശോധനയിലാണ് പതഞ്ചലി ഉപോയോഗിക്കുന്നത് ഹാനികരമാണെന്ന് കണ്ടെത്തിയത്. ഇതോടെ മുഴുവന്‍ സൈനിക കാന്റീനുകളില്‍ നിന്നും പതഞ്ചലിയുടെ അംല ജ്യൂസ് പിന്‍വലിക്കാന്‍ നിര്‍ദ്ദേശം നല്‍കുകയായിരുന്നു.

നേരത്തെ പതഞ്ചലി നൂഡ്ല്‍സ്, പതഞ്ചലി പിസ്ത തുടങ്ങിയ ഉല്‍പന്നങ്ങള്‍ ലൈസന്‍സ് ഇല്ലാത്തതിന്റെ പേരില്‍ നിരോധിച്ചിരുന്നു. ജില്ലാ തലത്തില്‍ ഭക്ഷ്യ സുരക്ഷാ വിഭാഗത്തിന്റെ പരിശോധനയിലും പതഞ്ചലി ഉല്‍പന്നങ്ങള്‍ ഉപയോഗിക്കുന്നത് ഹാനികരമാണെന്ന് കണ്ടെത്തിയിരുന്നു.