പശുവിനെ കൊല്ലുന്നത് ഒരിക്കലും അംഗീകരിക്കാനാകില്ല. പശുക്കളെ കൊല്ലുന്നവരെ ജയിലില്‍ അടക്കും. പശു സംരക്ഷണത്തിനായി എല്ലാ ജില്ലകളിലും ഗോശാലകള്‍ നിര്‍മിക്കും. പശുക്കളുടെ സംരക്ഷിക്കേണ്ടതിന്റെ ഉത്തരവാദിത്തം എല്ലാവര്‍ക്കുമുണ്ടെന്നും യോഗി പറഞ്ഞു.

സംസ്ഥാനത്ത് ഗോവധ നിരോധന നിയമം ദുരുപയോഗം ചെയ്യപ്പെടുന്നുവെന്നായിരുന്നു അലഹാബാദ് ഹൈക്കോടതിയുടെ നിരീക്ഷണം. നിരപരാധികള്‍ക്കെതിരെ നിയമം അനാവശ്യമായി പ്രയോഗിക്കുകയാണെന്നും കോടതി നിരീക്ഷിച്ചു. നിയമപ്രകാരം അറസ്റ്റിലായ റഹ്മുദീന്റെ ജാമ്യാപേക്ഷ പരിഗണിക്കുമ്പോഴായിരുന്നു കോടതിയുടെ പരാമര്‍ശം.

ഗോവധ നിരോധന നിയമപ്രകാരം കഴിഞ്ഞ ഒരു മാസമായി റഹ്മുദീന്‍ തടവിലാണ്. ഇയാള്‍ ചെയ്ത കുറ്റത്തെ കുറിച്ചും എഫ്.ഐ.ആറില്‍ വ്യക്തമായ പരാമര്‍ശമില്ല. ഇതോടെയാണ് ജാമ്യം അനുവദിക്കാന്‍ ഹൈക്കോടതി തീരുമാനിച്ചത്. റഹ്മുദീന്റെ കേസിലും മാംസത്തിന്റെ ഫോറന്‍സിക് പരിശോധനയുണ്ടായിട്ടില്ലെന്ന് കോടതി വ്യക്തമാക്കി.

ബുലന്ദ്ഷഹര്‍: ഗോവധം ആരോപിച്ച് സംഘപരിവാര്‍ നടത്തിയ കലാപത്തിലും കൊലപാതകത്തിലും മൗനം പാലിച്ച് മുഖ്യമന്ത്രി യോഗി ആദിത്യനാഥ്. ബുലന്ദ്ശഹറിലെ സ്ഥിതിഗതികള്‍ ചര്‍ച്ച ചെയ്യുന്നതിനായി ചൊവ്വാഴ്ച രാത്രി നടന്ന ഉന്നത പൊലീസ് ഉദ്യോഗസ്ഥരുടെ യോഗത്തില്‍ പശു കശാപ്പ് നടത്തുന്നവര്‍ക്കെതിരെ കര്‍ശന നടപടിയുണ്ടാകണമെന്ന് നിര്‍ദേശിച്ചു. എന്നാല്‍ പൊലീസ് ഇന്‍സ്‌പെക്ടര്‍ സുബോധ് സിങിന്റെ കൊലപാതകവുമായി ബന്ധപ്പെട്ട് പ്രതികരിക്കാന്‍ ആദിത്യനാഥ് തയാറായില്ല. സുബോധ് സിങിന്റെ കുടുംബത്തെ സന്ദര്‍ശിക്കുന്നത് സംബന്ധിച്ചും മുഖ്യമന്ത്രിയില്‍ നിന്ന് സ്ഥിരീകരണം ഉണ്ടായിട്ടില്ല. യോഗത്തിനിടെ സുബോധ് സിങിന്റെ കൊലപാതകത്തെ കുറിച്ച് ഒരുവാക്ക് പോലും മുഖ്യമന്ത്രി സംസാരിച്ചില്ലെന്ന് പൊലീസ് ഉദ്യോഗസ്ഥര്‍ വെളിപ്പെടുത്തി. വി.എച്ച്.പി, ബജ്‌റംഗ്ദള്‍ തുടങ്ങിയ തീവ്ര ഹിന്ദുത്വ സംഘടനകള്‍ നടത്തിയ ആക്രമണത്തില്‍ പൊലീസ് ഇന്‍സ്‌പെക്ടര്‍ അടക്കം രണ്ടു പേര്‍ കൊല്ലപ്പെട്ടിട്ടും ഇക്കാര്യത്തില്‍ നിശബ്ദത പാലിച്ചാണ് പശുക്കളെ കശാപ് ചെയ്യുന്നവര്‍ക്കെതിരെ കര്‍ശന നടപടിയെടുക്കണമെന്ന് മുഖ്യമന്ത്രി നിര്‍ദേശിച്ചിരിക്കുന്നത്. യോഗിയുടെ നടപടി അന്വേഷ ഉദ്യോഗസ്ഥര്‍ക്കിടയില്‍ അസ്വസ്ഥയുണ്ടാക്കിയിട്ടുണ്ട്. അതേസമയം കലാപവും സുബോധ് കുമാര്‍ സിങിന്റെ കൊലപാതകവും ആസൂത്രിതമാണെന്നും സംഭവത്തില്‍ നേരിട്ടോ അല്ലാതെയോ പങ്കുള്ളവരെ ഉടന്‍ പിടികൂടുമെന്നും അഡീഷണല്‍ ചീഫ് സെക്രട്ടറി അവിനിഷ് അശ്വതി പറഞ്ഞു. ബുലന്ദ്ശഹര്‍ കലാപത്തില്‍ മുഖ്യമന്ത്രി അന്വേഷണത്തിന് ഉത്തരവിട്ടിട്ടുണ്ട്. സംസ്ഥാനത്ത് പശു കടത്ത് നിരോധന നിയമം കര്‍ശനമായി നടപ്പാക്കണമെന്ന് ജില്ലാ മജിസ്ട്രേറ്റുമാര്‍ക്കും ജില്ലാ പൊലീസ് മേധാവിമാര്‍ക്കും അദ്ദേഹം നിര്‍ദേശം നല്‍കി. അനധികൃത കശാപു ശാലകള്‍ അടച്ചിടാന്‍ മുഖ്യമന്ത്രി നിര്‍ദേശം നല്‍കിയെന്നും ചീഫ് സെക്രട്ടറി അറിയിച്ചു.

പൊതു ഇടങ്ങളില്‍ മാടുകളെ അറുക്കുന്നത് തടയണം. അവയുടെ അവശിഷ്ടങ്ങള്‍ ഓവുചാലുകളില്‍ തള്ളുന്നത് തടയണമെന്നും യോഗി പൊലീസ് ഉദ്യോഗസ്ഥര്‍ക്ക് നിര്‍ദ്ദേശം നല്‍കിയിട്ടുണ്ട്. മാടുകളെ തുറന്ന പ്രദേശങ്ങളില്‍ അറുക്കുന്നത് മറ്റു മതങ്ങളുടെ വികാരങ്ങളെ വ്രണപ്പെടുത്തുമെന്നും യോഗി പറയുന്നു.

മുഖ്യമന്ത്രിയുടെ ഉത്തരവ് പാലിക്കുമെന്നും വിവിധ മതവിഭാഗങ്ങളിലെ പ്രമുഖ വ്യക്തികളുമായി ചര്‍ച്ച നടത്തുമെന്നും മുസഫര്‍ നഗര്‍ ജില്ലാ മജിസ്‌ട്രേറ്റ് രാജീവ് ശര്‍മ്മ പറഞ്ഞു. പരമ്പരാഗത ആചാരങ്ങളോടെ ബലിപെരുന്നാള്‍ ആഘോഷിക്കാമെന്നും എന്നാല്‍ പൊതുഇടങ്ങളിലെ അറവുകള്‍ക്ക് നിരോധനം ഏര്‍പ്പെടത്തണമെന്നും യോഗി നിര്‍ദ്ദേശിച്ചതായി പൊലീസ് സൂപ്രണ്ട് ഓംവീര്‍ സിങും വ്യക്തമാക്കി.

പത്താംക്ലാസ് പരീക്ഷയില്‍ 93.5 ശതമാനം മാര്‍ക്ക് നേടിയ അലോക് മിശ്രക്കാണ് അനുമോദന ചടങ്ങില്‍ മുഖ്യമന്ത്രി യോഗി ആദിത്യനാഥ് ഉപഹാരം നല്‍കിയത്. ഒരു ലക്ഷം രൂപയുടെ ചെക്കും ലക്‌നൗവില്‍ നടന്ന ചടങ്ങില്‍ മുഖ്യമന്ത്രി നല്‍കി. എന്നാല്‍ ചെക്ക് ബാങ്കില്‍ നിക്ഷേപിച്ച വിദ്യാര്‍ത്ഥിയുടെ കുടുംബത്തിന് ചെക്ക് മടങ്ങിയതായി അറിയിപ്പ് ലഭിക്കുകയായിരുന്നു.

ചെക്കിലുണ്ടായിരുന്ന ജില്ലാ സ്‌കൂള്‍ ഇന്‍സ്‌പെക്ടറുടെ ഒപ്പിലെ വൈരുദ്ധ്യമാണ് ചെക്ക് മടങ്ങാന്‍ കാരണമായത്. ഇതോടെ ഇവര്‍ക്ക് ബാങ്കില്‍ പിഴയടക്കേണ്ടിയും വന്നു. സംഭവം വിവാദമായതോടെ അധികൃതര്‍ വിദ്യാര്‍ത്ഥിക്ക് പകരം ചെക്ക് നല്‍കി പ്രശ്‌നം പരിഹരിച്ചു. സംഭവം ഗൗരവതരമാണെന്നും നടപടി എടുക്കുമെന്നും അറിയിച്ച ഉദ്യോഗസ്ഥര്‍ മറ്റ് ചെക്കുകളിലെ ഒപ്പില്‍ വൈരുദ്ധ്യം സംഭവിച്ചിട്ടില്ലെന്നും വ്യക്തമാക്കി.

മുഖ്യമന്ത്രിയില്‍ നിന്നും പാരിതോഷികം ലഭിച്ചതില്‍ വളരെ അധികം സന്തോഷിച്ചിരുന്നു. എന്നാല്‍ ചെക്ക് മടങ്ങിയതോടെ ചെറിയ വിഷമം ഉണ്ടായതായും അലോക് പറഞ്ഞു. പാരിതോഷികം ലഭിച്ച ഒരു വിദ്യാര്‍ത്ഥിക്കുമാത്രമാണ് ഇത്തരത്തില്‍ സംഭവിച്ചത്.

ചികിത്സാപിഴവുണ്ടോ എന്ന വിഷയത്തില്‍ എന്തെങ്കിലും തരത്തിലുള്ള അന്വേഷണം ആരംഭിച്ചിട്ടില്ല. കഫീല്‍ ഖാന് ജാമ്യം അനുവദിക്കാനുള്ള കാരണം യു.പി സര്‍ക്കാറിന്റെ സത്യവാങ്മൂലമാണെന്നും കോടതി ചൂണ്ടിക്കാട്ടി. യു.പി സര്‍ക്കാര്‍ അവരുടെ സത്യവാങ്മൂലത്തില്‍ കുട്ടികളുടെ മരണം ഓക്‌സിജന്റെ അഭാവം കൊണ്ടല്ലെന്ന് പറയുന്നുണ്ട്.

ഓക്‌സിജന്‍ വിതരണം ചെയ്യുന്ന കമ്പനിയുടെ ടെണ്ടറിങ് നടപടിയുടെ ഭാഗമല്ലായിരുന്നിട്ടും ഖാനെ ജയിലില്‍ പിടിച്ചിടുകയായിരുന്നു. കഴിഞ്ഞ ഏഴുമാസമായി അദ്ദേഹം ജയിലിലായിരുന്നുവെന്ന് സമ്മതിച്ചിട്ടുണ്ട്. അന്വേഷണം പുരോഗമിക്കുന്നില്ലെന്നാണ് അഡീഷണല്‍ ഗവണ്‍മെന്റ് അഡ്വേക്കറ്റ് പറഞ്ഞത്. അതുകൊണ്ടുതന്നെ കഫീല്‍ ഖാന്‍ കസ്റ്റഡിയില്‍ തുടരേണ്ട ആവശ്യകതയില്ലെന്ന് കോടതി വ്യക്തമാക്കുകയായിരുന്നു.

മുഖ്യമന്ത്രി യോഗി ആദിത്യനാഥ് സംഭവത്തിനുശേഷം കഫീല്‍ഖാനോട് വളരെ മോശമായാണ് പെരുമാറിയത്. മറ്റു ആസ്പത്രികളില്‍ നിന്ന് സിലിണ്ടറെത്തിച്ച് കുട്ടികളെ രക്ഷിക്കാന്‍ നോക്കിയതിന് യോഗി തന്നേയും കുടുംബത്തേയും വേട്ടയാടുകയാണെന്ന് കഫീല്‍ഖാന്‍ പറഞ്ഞിരുന്നു.

ബി.ആര്‍.ഡി മെഡിക്കല്‍ കോളജില്‍ ഓക്‌സിജന്‍ സിലണ്ടറുകളുടെ കുറവുമൂലം ഓക്‌സിജന്‍ കിട്ടാതെയാണ് എഴുപതിലേറെ കുഞ്ഞുങ്ങള്‍ കൊല്ലപ്പെട്ടത്. സ്വകാര്യ ആസ്പത്രിയില്‍ നിന്ന് ഓക്‌സിജന്‍ സിലണ്ടറുകള്‍ എത്തിച്ച് കുഞ്ഞുങ്ങളുടെ ജീവന്‍ രക്ഷിക്കാന്‍ ഡോക്ടര്‍ കഫീല്‍ഖാന്‍ ശ്രമിച്ചതായിരുന്നു അദ്ദേഹത്തിനെ തടവിലാക്കിയത്. ദുരന്തത്തിന് കാരണക്കാരന്‍ ഡോക്ടറാണെന്ന് കാണിച്ച് കഫീല്‍ഖാനെ പിന്നീട് ജയിലടക്കുകയാണുണ്ടായത്. ദുരന്തത്തിന് ശേഷം ഉത്തര്‍പ്രദേശ് മുഖ്യമന്ത്രിയായ യോഗി ആദിത്യനാഥ് ഡോക്ടറോട് പ്രതികരിച്ചത് മോശമായിട്ടായിരുന്നു.’പുറത്തുനിന്ന് സിലിണ്ടറുകള്‍ കൊണ്ടുവന്ന് കുട്ടികളുടെ ജീവന്‍ രക്ഷിച്ചതിനാല്‍ ഹീറോ ആയെന്ന് കരുതുന്നുണ്ടോ, അത് ഞങ്ങള്‍ നോക്കിക്കോളാം’ എന്നായിരുന്നു യോഗി അന്ന് ഡോക്ടറോട് പറഞ്ഞത്. ഇതിന് ശേഷമാണ് പ്രത്യേക അന്വേഷണ സംഘം ഡോക്ടറെ അറസ്റ്റ് ചെയ്തത്.

തനിക്കും കുടുംബത്തിനും ഭീഷണിയുണ്ടെന്ന് കാട്ടി ഡോക്ടര്‍ രംഗത്തെത്തിയിരുന്നു. ശേഷമാണ് അറസ്റ്റ് നടക്കുന്നത്. ഏറെ കാലമായി ജാമ്യത്തിന് ശ്രമിക്കുകയായിരുന്നുവെങ്കിലും ജാമ്യം അനുവദിച്ചിരുന്നില്ല.

ജില്ലാ മജിസ്‌ട്രേറ്റ് രാജീവ് രൂതേല വോട്ടിംഗ് കേന്ദ്രത്തിലേക്ക് കടന്നുവന്ന് മാധ്യമങ്ങള്‍ക്ക് വിവരങ്ങള്‍ നല്‍കരുതെന്ന് ആവശ്യപ്പെടുകയായിരുന്നു. കൂടാതെ പ്രദേശത്ത് തുടരുന്ന മാധ്യമപ്രവര്‍ത്തകരെ ഒഴിപ്പിക്കാനും ശ്രമം നടന്നു. ഇലക്ട്രോണിക് വോട്ടിംഗ് മെഷീനുകളില്‍ കൃത്രിമം നടക്കുന്നെന്ന ആരോപണം നിലനില്‍ക്കുന്നതിനിടെയാണ് ജില്ലാ മജിസ്‌ട്രേറ്റ് ഇടപെട്ട് മാധ്യമങ്ങളെ തടയാന്‍ ശ്രമം നടത്തുന്നത്.

ബി.ജെ.പിയുടെ ഉപേന്ദ്ര ദത്ത് ശുക്ലയെ പിന്തളളി എസ്.പി സ്ഥാനാര്‍ത്ഥി പ്രവീണ്‍ കുമാര്‍ നിഷാദാണ് മുന്നേറ്റം നടത്തുന്നത്. ഉപേന്ദ്ര ദത്ത് ശുക്ല 7000 വോട്ടുകള്‍ക്കാണ് പിന്നിലുളളത്.

പശ്ചിമബംഗാളിലെ മാല്‍ഡ സ്വദേശിയാണ് കൊല്ലപ്പെട്ട മുഹമ്മദ് അഫ്‌റസുല്‍. രാജസ്ഥാനിലെ രാജ്‌സമന്തില്‍ കരാര്‍ തൊഴിലാളിയായി താമസിച്ചുവരികയായിരുന്നു. ജോലിയുണ്ടെന്ന് പറഞ്ഞ് അഫ്‌റസുലിനെ മറ്റൊരു സ്ഥലത്തെത്തിച്ച് മഴുകൊണ്ട് വെട്ടിക്കൊലപ്പെടുത്തുകയായിരുന്നു. അതിനുശേഷം കത്തിക്കുകയും ചെയ്തു. ഒരാള്‍ ഇതിന്റെ ദൃശ്യങ്ങള്‍ മൊബൈലില്‍ പകര്‍ത്തിയെന്നും സാമൂഹ്യമാധ്യമങ്ങളിലൂടെ പ്രചരിപ്പിക്കുകയായിരുന്നുവെന്നും പോലീസ് പറഞ്ഞു. ഷാംബുലാലിന്റെ സഹോദരിയുമായി അഫ്‌റസുലിന് പ്രണയബന്ധമുണ്ടായിരുന്നുവെന്ന് പോലീസ് പറയുന്നു. ഇതിന്റെ പേരിലുള്ള ലൗജിഹാദ് കൊലപാതകമാണെന്നാണ് പോലീസ് ഭാഗം. സംഭവസ്ഥലത്തുനിന്ന് പകുതി കത്തിക്കരിഞ്ഞ മൃതദേഹത്തൊടൊപ്പം മഴുവും ബൈക്കും പോലീസ് കണ്ടെടുത്തു. മരിച്ച അഫ്‌റസുല്‍ കുടുംബത്തോടൊപ്പമാണ് താമസിക്കുന്നത്.

പ്രതികളെ പിടികൂടുന്നതിന് പ്രത്യേക അന്വേഷണ സംഘത്തെ നിയോഗിക്കുമെന്ന് രാജസ്ഥാന്‍ ആഭ്യന്തരമന്ത്രി ഗുലാബ് ചന്ദ് കതരിയ പറഞ്ഞു. കൊലപാതകം വര്‍ഗ്ഗീയകലാപം ലക്ഷ്യംവെച്ചുകൊണ്ടുള്ള പ്രവര്‍ത്തിയാണെന്നും സംഭവത്തില്‍ മുഖ്യപ്രതി ഷാംബുലാല്‍ റെഗറിനെ അറസ്റ്റു ചെയ്‌തെന്നും മന്ത്രി കൂട്ടിച്ചേര്‍ത്തു.

ഐ.പി.സി 302,201വകുപ്പു പ്രകാരം പ്രതികള്‍ക്കെതിരെ കേസെടുത്തുവെന്ന് രാജ്‌നഗര്‍ പോലീസ് അറിയിച്ചു. കൂടുതല്‍ പ്രതികള്‍ക്കുവേണ്ടിയുള്ള അന്വേഷണം നടത്തുകയാണെന്നും പോലീസ് കൂട്ടിച്ചേര്‍ത്തു.