കെയോട്ടി അസംബ്ലി സെക്ടറിലെ ദര്‍ഭംഗ ജില്ലാ തിരഞ്ഞെടുപ്പ് റാലിയില്‍ സംസാരിക്കവെ, ‘മൂന്ന് പുതിയ കുരങ്ങുകള്‍’ അന്ധരും ബധിരരുമാണെന്നും ഭരണകക്ഷിയായ എന്‍ഡിഎ ചെയ്യുന്ന നല്ല ജോലി വ്യക്തമാക്കാന്‍ കഴിയാത്തവരുമാണെന്നും യോഗി അധിക്ഷേപിച്ചു.

‘മഹാത്മാഗാന്ധിയുടെ മൂന്ന് കുരങ്ങന്മാര്‍ കണ്ടില്ല, കേട്ടില്ല, ചീത്ത പറഞ്ഞില്ല. എന്നാല്‍ ഇപ്പോള്‍ ഇന്ത്യാ സഖ്യത്തിന്റെ മൂന്ന് കുരങ്ങന്മാരുണ്ട്. എന്‍ഡിഎ ചെയ്യുന്ന നല്ല പ്രവൃത്തികള്‍ കാണാത്ത പപ്പുവും, കേള്‍ക്കാത്ത തപ്പുവും, പറയുമ്പോള്‍ സമ്മതിക്കാത്ത അക്കുവുമൊക്കെയാണ് പുതിയ കുരങ്ങുകള്‍’.

കൂടാതെ, കോണ്‍ഗ്രസും ആര്‍ജെഡിയും എസ്പിയും ബീഹാറിലെ ക്രിമിനലുകളെ പിന്തുണയ്ക്കുന്നുവെന്നും സംസ്ഥാനത്തിന്റെ സുരക്ഷ അപകടത്തിലാക്കാന്‍ നുഴഞ്ഞുകയറ്റക്കാരെ പ്രാപ്തരാക്കുന്നുണ്ടെന്നും അദ്ദേഹം അവകാശപ്പെട്ടു.

അയോധ്യയില്‍ രാമക്ഷേത്രം നിര്‍മിക്കുമെന്ന വാഗ്ദാനമാണ് ബിജെപി പാലിച്ചതെന്നും ഇനി സീതാമര്‍ഹിയില്‍ മാ ജാനകിയുടെ ക്ഷേത്രം പണിയുമെന്നും രാം ജാനകി മാര്‍ഗിലൂടെ അയോധ്യയുമായി ബന്ധിപ്പിക്കുമെന്നും യോഗി പറഞ്ഞു.

രാഷ്ട്രീയ സ്വയംസേവക സംഘത്തിന്റെ (ആര്‍എസ്എസ്) ശതാബ്ദി വര്‍ഷത്തോടനുബന്ധിച്ച് ഗോരഖ്പൂരില്‍ സംഘടിപ്പിച്ച ‘വിചാര്-പരിവാര്‍ കുടുംബ സ്‌നേഹ മിലന്‍’, ‘ദീപോത്സവ് സേ രാഷ്ട്രോത്സവ്’ പരിപാടികളെ അഭിസംബോധന ചെയ്തുകൊണ്ട് ആദിത്യനാഥ്, ഛത്രപതി ശിവാജി മഹാരാജ്, ഗുരു ഗോബിന്ദ് സിംഗ്, മഹാറാണാ പ്രതാപ്, മഹാറാണ സംഗ തുടങ്ങിയ മഹാനായ യോദ്ധാക്കള്‍ ‘രാഷ്ട്രീയ ഇസ്ലാമിനെതിരെ’ യുദ്ധങ്ങള്‍ നടത്തിയെന്ന് അദ്ദേഹം എടുത്തുപറഞ്ഞു.

രാഷ്ട്രീയ ഇസ്ലാമിനെതിരെ വലിയ സമരങ്ങളാണ് നമ്മുടെ പൂര്‍വികര്‍ നടത്തിയത്, എന്നിട്ടും ചരിത്രത്തിന്റെ ഈ വശം ഏറെക്കുറെ അവഗണിക്കപ്പെടുകയാണ്,” യോഗി പറഞ്ഞു. ‘ബ്രിട്ടീഷ് കൊളോണിയലിസത്തെക്കുറിച്ച് സംസാരിക്കുന്നു, ഫ്രഞ്ച് കൊളോണിയലിസത്തെക്കുറിച്ച് സംസാരിക്കുന്നു, എന്നാല്‍ വിശ്വാസത്തെ തുരങ്കം വച്ച രാഷ്ട്രീയ ഇസ്ലാമിനെക്കുറിച്ച് ഒരിടത്തും സംസാരിക്കുന്നില്ല.’

അയോധ്യയില്‍ രാമക്ഷേത്രം നിര്‍മിക്കുന്നതില്‍ ആര്‍എസ്എസിന്റെ അചഞ്ചലമായ പ്രതിബദ്ധതയെ ആദിത്യനാഥ് പ്രശംസിച്ചു.

‘സംഘം നിയന്ത്രണങ്ങള്‍ സഹിച്ചു, അതിന്റെ സന്നദ്ധപ്രവര്‍ത്തകര്‍ ലാത്തി ചാര്‍ജും വെടിയുണ്ടകളും നേരിട്ടു. ഇന്ന്, ഗംഭീരമായ രാമക്ഷേത്രം അവരുടെ ദൃഢനിശ്ചയത്തിന്റെ തെളിവായി നിലകൊള്ളുന്നു,’ അദ്ദേഹം പറഞ്ഞു.

രാഷ്ട്രീയ ഇസ്ലാമിനെ പ്രോത്സാഹിപ്പിക്കുന്ന പ്രവര്‍ത്തനങ്ങള്‍ വിവിധ രൂപങ്ങളില്‍ തുടരുകയാണെന്നും മതപരിവര്‍ത്തനം, തീവ്രവാദം തുടങ്ങിയ വിഷയങ്ങളുമായി അവയെ ബന്ധപ്പെടുത്തുന്നുവെന്നും അദ്ദേഹം ആരോപിച്ചു. സമീപകാല സംസ്ഥാന നയം പരാമര്‍ശിച്ച്, ഉത്തര്‍പ്രദേശ് ഹലാല്‍ സാക്ഷ്യപ്പെടുത്തിയ ഉല്‍പ്പന്നങ്ങളുടെ വില്‍പ്പന നിരോധിച്ചതായി ആദിത്യനാഥ് പറഞ്ഞു.

അയോധ്യയില്‍ രാമക്ഷേത്രം നിര്‍മിക്കുന്നതില്‍ ആര്‍എസ്എസിന്റെ നിര്‍ണായക പങ്കിനെ മുഖ്യമന്ത്രി അഭിനന്ദിച്ചു. കൊളോണിയല്‍ ചെറുത്തുനില്‍പ്പിനെക്കുറിച്ച് രാഷ്ട്രം ചര്‍ച്ചചെയ്യുമ്പോള്‍, രാഷ്ട്രീയ ഇസ്ലാമിന്റെ പ്രത്യയശാസ്ത്ര വെല്ലുവിളിയെ അത് പലപ്പോഴും അവഗണിക്കുന്നുവെന്ന് അദ്ദേഹം അവകാശപ്പെട്ടു.

ജില്ലയില്‍ ആകെ 98.95 ഹെക്ടര്‍ വഖഫ് ബോര്‍ഡിന് കീഴില്‍ രജിസ്റ്റര്‍ ചെയ്തിട്ടുണ്ട്. ഇതില്‍ 93 ബിഘാസ് (ഏകദേശം 58 ഏക്കര്‍) ഭൂമി തിരിച്ചുപിടിച്ച് സര്‍ക്കാര്‍ അക്കൗണ്ടുകളില്‍ രേഖപ്പെടുത്തി.

വഖഫ് ബോര്‍ഡിന് കീഴില്‍ രജിസ്റ്റര്‍ ചെയ്യുന്നതിന് മുമ്പ്, ഭൂരിഭാഗം മദ്രസകളും ശ്മശാനങ്ങളും ഉള്ള ഭൂമി യഥാര്‍ത്ഥത്തില്‍ ഗ്രാമസമാജത്തിന്റെ (ഗ്രാമ സമൂഹം) പേരിലാണ് രേഖപ്പെടുത്തിയതെന്ന് അന്വേഷണത്തില്‍ തെളിഞ്ഞതിനെ തുടര്‍ന്നാണ് നടപടി.

കൂടുതല്‍ പരിശോധനകള്‍ക്കായി ജില്ലയിലെ മൂന്ന് തഹസീലുകളിലും അന്വേഷണ സംഘത്തെ വിന്യസിച്ചിട്ടുണ്ട്. പരിശോധനയ്ക്ക് ശേഷം കൂടുതല്‍ വഖഫ് ഭൂമി തിരിച്ചുപിടിച്ച് സര്‍ക്കാര്‍ സ്വത്തായി രജിസ്റ്റര്‍ ചെയ്യുമെന്ന് ഉദ്യോഗസ്ഥര്‍ പറഞ്ഞു.

അതിനിടെ, കോടതികള്‍ വഖഫ് ആയി നേരത്തെ പ്രഖ്യാപിച്ച സ്വത്തുക്കള്‍ ഡി-നോട്ടിഫൈ ചെയ്യാന്‍ സര്‍ക്കാരിനെ അനുവദിക്കുന്നതും കേന്ദ്ര വഖഫ് കൗണ്‍സിലുകളിലും ബോര്‍ഡുകളിലും അമുസ്ലിംകളെ ഉള്‍പ്പെടുത്തുന്നതും ഉള്‍പ്പെടെ വിവാദമായ വഖഫ് ഭേദഗതി നിയമത്തിലെ ചില സുപ്രധാന വ്യവസ്ഥകള്‍ക്ക് സുപ്രീം കോടതി ബുധനാഴ്ച സ്റ്റേ നിര്‍ദ്ദേശിച്ചു.

ചീഫ് ജസ്റ്റിസ് സഞ്ജീവ് ഖന്ന, ജസ്റ്റിസുമാരായ സഞ്ജയ് കുമാര്‍, കെവി വിശ്വനാഥന്‍ എന്നിവരടങ്ങിയ ബെഞ്ച്, ചില വ്യവസ്ഥകള്‍ ഗുരുതരമായ പ്രത്യാഘാതങ്ങള്‍ ഉണ്ടാക്കുമെന്ന് നിരീക്ഷിച്ചു.

‘100 ഹിന്ദു കുടുംബങ്ങള്‍ക്കിടയില്‍ താമസിക്കുന്ന ഒരു മുസ്‌ലിം കുടുംബം സുരക്ഷിതരാണ്. മതപരമായ കര്‍മങ്ങളും ചെയ്യാനുള്ള സ്വാതന്ത്ര്യവുമുണ്ട്. എന്നാല്‍, 100 മുസ്ലിം കുടുംബങ്ങള്‍ക്കിടയില്‍ 50 ഹിന്ദു കുടുംബങ്ങള്‍ സുരക്ഷിതരാണോ?- അല്ല. ബംഗ്ലാദേശ് ഒരു ഉദാഹരണമാണ്. അതിനു മുമ്പ് പാകിസ്താനും’- യോഗി വാദിച്ചു.

2024 ആഗസ്റ്റില്‍ ബംഗ്ലാദേശില്‍ ഷെയ്ഖ് ഹസീനയുടെ നേതൃത്വത്തിലുള്ള സര്‍ക്കാര്‍ പരാജയപ്പെട്ടതോടെ ഹിന്ദുക്കളെ ലക്ഷ്യംവച്ചുള്ള ആക്രമണങ്ങള്‍ ഉണ്ടായിട്ടുണ്ടെന്നും എന്നാല്‍ 2017ന് ശേഷം യുപിയില്‍ കലാപമുണ്ടായിട്ടില്ലെന്ന് യോഗി അവകാശപ്പെട്ടു.

2017ല്‍ ബിജെപി സര്‍ക്കാര്‍ രൂപീകരിച്ചതിനുശേഷം ഉത്തര്‍പ്രദേശിലെ വര്‍ഗീയ കലാപങ്ങള്‍ അവസാനിച്ചതായും യോഗി അവകാശപ്പെടുന്നു.

‘ഉത്തര്‍പ്രദേശില്‍ മുസ്ലിംകളാണ് ഏറ്റവും സുരക്ഷിതര്‍. ഹിന്ദുക്കള്‍ സുരക്ഷിതരാണെങ്കില്‍ അവരും സുരക്ഷിതരാണെന്നും യോഗി വാദിച്ചു.

വിഡിയോയില്‍ യുവാവ് തനിക്ക് ഭക്ഷണം കഴിക്കാന്‍ പണം നല്‍കാമോ എന്ന് ചോദിക്കുന്നതും താങ്കള്‍ ഇവിടെ ജോലി ചെയ്യുന്നില്ലേ പണം ലഭിക്കുന്നില്ലേ എന്ന് വീഡിയോ എടുത്ത വ്യക്തി തിരിച്ച് ചോദിക്കുന്നതും കാണാം. അപ്പോള്‍ യുവാവ് കുംഭമേളയില്‍ ശുചീകരണ പ്രവര്‍ത്തനം ചെയ്യുകയാണ് തന്റെ തൊഴിലെന്നും എന്നാല്‍ രണ്ട് മാസമായി ശമ്പളം ലഭിച്ചിട്ടില്ലെന്നും വെളിപ്പെടുത്തി. ആരാണ് ശമ്പളം നല്‍കേണ്ടതെന്ന ചോദ്യത്തിന് അത് തനിക്കറിയില്ലെന്നാണ് യുവാവ് പറയുന്നത്.

കുംഭമേളയില്‍ നിന്നും രണ്ട് ലക്ഷം കോടി രൂപയോ അതിലധികമോ വരുമാനം ലഭിക്കുമെന്ന് യു.പി മുഖ്യമന്ത്രി യോഗി ആദിത്യനാഥ് പ്രസ്താവന ഇറക്കിയതിന് പിന്നാലെയാണ് കുംഭമേളയിലെ സാധാരണ ശുചീകരണ തൊഴിലാളിക്ക് രണ്ട് മാസമായി വേതനം ലഭിച്ചിട്ടില്ലെന്ന് വെളിപ്പെടുത്തല്‍ വരുന്നത്.

45 ദിവസത്തിനുള്ളില്‍ ഏകദേശം 450 ദശലക്ഷം ഭക്തര്‍ എത്തുമെന്ന് പ്രതീക്ഷിക്കുന്ന മഹാ കുംഭമേള സംസ്ഥാനത്തിന്റെ ജി.ഡി.പിയില്‍ ഒരു ശതമാനത്തിലധികം വര്‍ധനവുണ്ടാക്കുമെന്നും കണക്കുകള്‍ പുറത്ത് വരുന്നുണ്ട്. 2019ല്‍ പ്രയാഗ്‌രാജില്‍ നടന്ന അര്‍ദ്ധ കുംഭമേള സംസ്ഥാനത്തിന്റെ സമ്പദ്‌വ്യവസ്ഥയ്ക്ക് 1.2 ലക്ഷം കോടി രൂപ സംഭാവന നല്‍കിയതായി യോഗി ആദിത്യനാഥ് പറഞ്ഞു.

‘ഈ വര്‍ഷം 40 കോടി ഭക്തര്‍ പങ്കെടുക്കുമെന്ന് പ്രതീക്ഷിക്കുന്ന മഹാ കുംഭമേള രണ്ട് ലക്ഷം കോടി രൂപയുടെ സാമ്പത്തിക വളര്‍ച്ച കൈവരിക്കുമെന്ന് പ്രതീക്ഷിക്കുന്നു,’ യോഗി അടുത്തിടെ ഒരു വാര്‍ത്താ ചാനലിനോട് പറഞ്ഞു.

അതേസമയം മഹാകുംഭമേള വലിയതോതില്‍ മലിനീകരണം ഉണ്ടാക്കുന്നുവെന്ന വിമര്‍ശനവും ഉയരുന്നുണ്ട്. പ്രയാഗ്‌രാജില്‍ നടന്നുകൊണ്ടിരിക്കുന്ന മഹാകുംഭമേളയില്‍ വിശ്വാസികള്‍ കുളിക്കുന്ന സംഗമ വെള്ളത്തില്‍ ഉയര്‍ന്ന അളവില്‍ മലമൂത്ര വിസര്‍ജ്യത്തിലൂടെയുണ്ടാവുന്ന ബാക്ടീരിയയുടെ സാന്നിധ്യമുണ്ടെന്ന കേന്ദ്ര മലിനീകരണ ബോര്‍ഡിന്റെ റിപ്പോര്‍ട്ട് വന്നിരുന്നു. ഇത് വലിയ തോതിലുള്ള ചര്‍ച്ചകള്‍ക്ക് വഴിവെക്കുകയും വിവാദങ്ങളുണ്ടാക്കുകയും ചെയ്തിരുന്നു.

തിങ്കളാഴ്ച, ജലത്തിന്റെ ഗുണനിലവാരം കുറഞ്ഞതായി കേന്ദ്ര മലിനീകരണ നിയന്ത്രണ ബോര്‍ഡ് ദേശീയ ഹരിത െ്രെടബ്യൂണലിനെ അറിയിച്ചിരുന്നു. ഉയര്‍ന്ന തോതിലുള്ള മലമൂത്ര വിസര്‍ജനം വഴി ഉണ്ടാവുന്ന ഫീക്കല്‍ കോളിഫോം ബാക്ടീരിയയുടെ അളവ് വെള്ളത്തില്‍ വര്‍ധിച്ചിട്ടുള്ളതായും റിപ്പോര്‍ട്ടുണ്ടായിരുന്നു.

കുംഭമേളക്കിടയില്‍ ആള്‍ക്കൂട്ട അപകടങ്ങള്‍, തീപിടിത്തം, വാഹനാപകടം എന്നിവ നടന്ന പശ്ചാത്തലത്തില്‍ പശ്ചിമ ബംഗാള്‍ മുഖ്യമന്ത്രി മമത ബാനര്‍ജി പ്രതിഷേധിച്ചിരുന്നു. വി.ഐ.പികള്‍ക്ക് പ്രത്യേക സൗകര്യങ്ങള്‍ നല്‍കുമ്പോള്‍ സാധാരണക്കാരായ തീര്‍ത്ഥാടകരെ യു.പിയിലെ ബി.ജെ.പി സര്‍ക്കാര്‍ അവഗണിക്കുകയാണെന്നും മമത പറഞ്ഞു.

യു.പി യുവാക്കളെ ഇസ്രായേലിലേക്ക് ജോലിക്ക് അയക്കുമ്പോള്‍, കോണ്‍ഗ്രസ് ബാഗുമായി നടക്കുകയാണെന്നായിരുന്നു യോഗി പരിഹാസിച്ചത്. യു.പി നിയമസഭയിലാണ് യോഗിയുടെ പരാമര്‍ശം.

ഫലസ്തീന് ഐക്യദാര്‍ഢ്യം പ്രകടിപ്പിക്കുന്ന ആഗോള അടയാളമായ തണ്ണിമത്തന്‍ ആലേഖനം ചെയ്ത, ഫലസ്തീന്‍ എന്ന് എഴുതുകയും ചെയ്ത ബാഗുമായാണ് പ്രിയങ്ക തിങ്കളാഴ്ച പാര്‍ലമെന്റിലെത്തിയത്.

‘സംസ്ഥാനത്തെ തൊഴിലില്ലായ്മയെ കുറിച്ച് യു.പി സര്‍ക്കാര്‍ ബോധവാന്മാരല്ല, ആ യുവാക്കളുടെയും അവരുടെ കുടുംബങ്ങളുടെയും വേദന അവര്‍ മനസ്സിലാക്കുന്നില്ല’ -പ്രിയങ്ക ഗാന്ധി എക്‌സില്‍ കുറിച്ചു. ഇസ്രായേലിലേക്ക് ജോലിക്കു പോകുന്ന യുവാക്കള്‍ ജീവന്‍ രക്ഷിക്കാനായി ബങ്കറുകളില്‍ കഴിയുന്നതും കമ്പനികള്‍ അവരെ ചൂഷണം ചെയ്യുന്നതും പ്രിയങ്ക ദാന്ധി പറഞ്ഞു. ‘യുവാക്കളുടെ കുടുംബങ്ങള്‍ ഭയത്തോടെയാണ് കഴിയുന്നത്. നിങ്ങളെ കൊണ്ട് കഴിയാത്തതിനാല്‍ ഭാവിയുടെ വാഗ്ദാനങ്ങളായ യുവാക്കള്‍ തൊഴിലിനായി ജീവന്‍ വരെ പണയപ്പെടുത്താന്‍ നിര്‍ബന്ധിതരാകുന്നു. നമ്മുടെ യുവാക്കളെ തൊഴിലിനായി യുദ്ധ മേഖലയിലേക്ക് വലിച്ചെറിയുന്നത് നേട്ടമല്ല, മറിച്ച് ലജ്ജാകരമാണ്’ -പ്രിയങ്ക കുറിച്ചു.

ഭക്ഷ്യവസ്തുക്കൾക്കും സൗന്ദര്യവർധക വസ്തുക്കൾക്കും ഹലാൽ സർട്ടിഫിക്കറ്റ് പതിപ്പിക്കുന്നത് മതവികാരത്തിൻറെ മുതലെടുപ്പാണെന്നും പ്രത്യേക അജണ്ടയുടെ ഭാഗമാണെന്നും കേസെടുത്തതിന് പിന്നാലെ അധികൃതർ വിശദീകരിച്ചിരുന്നു.

‘ഹലാൽ സർട്ടിഫൈഡ് ഭക്ഷ്യോൽപ്പന്നങ്ങളുടെ നിർമാണം, സംഭരണം, വിതരണം, വിൽപ്പന എന്നിവ പൊതുജനാരോഗ്യം മുൻനിർത്തി സംസ്ഥാനത്ത് നിരോധിച്ചിരിക്കുന്നു’ എന്നാണ് ഉത്തരവിൽ പറയുന്നത്. ഇതുപ്രകാരം ഹലാൽ ടാഗോടെ ഇറച്ചി, പാൽ ഉൽപ്പന്നങ്ങൾ, പഞ്ചസാര, ബേക്കറി ഉൽപ്പന്നങ്ങൾ മുതലായവ നിർമിക്കുകയോ വിൽക്കുകയോ ചെയ്യരുത്.

കുട്ടികളില്‍ കണ്ടെത്തിയ രോഗബാധ ആശങ്കയുണ്ടാക്കുന്നതാണെന്ന് ലാലാ ലജ്പത് റായ് ആശുപത്രിയിലെ പീഡിയാട്രിക് വിഭാഗം മേധാവിയും നോഡല്‍ ഓഫിസറുമായ ഡോ. അരുണ്‍ ആര്യ പറഞ്ഞു.

എച്ച്.ഐ.വി ബാധയാണ് ഏറ്റവും ഗൗരവകരമെന്നും കുട്ടികള്‍ വിവിധ ഡിപ്പാര്‍ട്‌മെന്റുകളില്‍ ചികിത്സ തേടുകയാണെന്നും അദ്ദേഹം പറഞ്ഞു.ആവശ്യമായ അളവില്‍ ഹീമോഗ്ലോബിന്‍ ഉല്‍പാദിപ്പിക്കാന്‍ ശരീരത്തിന് കഴിയാത്ത അവസ്ഥയാണ് തലാസീമിയ. കൃത്യമായ ഇടവേളകളില്‍ രക്തം സ്വീകരിക്കുകയാണ് ഈ അസുഖത്തെ നേരിടാനുള്ള മാര്‍ഗങ്ങളിലൊന്ന്. ഇത്തരത്തില്‍ രക്തം സ്വീകരിച്ച കുട്ടികളിലാണ് അസുഖം കണ്ടെത്തിയിരിക്കുന്നത്.

പതിനാല് കുട്ടികള്‍ ഇക്കാലത്തിനിടെ സര്‍ക്കാര്‍ ആശുപത്രികളില്‍ നിന്നും സ്വകാര്യ ആശുപത്രികളില്‍ നിന്നും രക്തം സ്വീകരിച്ചിട്ടുണ്ടെന്ന് ഡോക്ടര്‍മാര്‍ പറഞ്ഞു. അടിയന്തര സാഹചര്യങ്ങളില്‍ പ്രാദേശിക കേന്ദ്രങ്ങളില്‍ നിന്നും രക്തം സ്വീകരിച്ചിട്ടുണ്ട്. എവിടെ നിന്ന് സ്വീകരിച്ച രക്തമാണ് അസുഖത്തിന് കാരണമായതെന്ന് കണ്ടെത്തുക പ്രയാസകരമാണ്.

ലാലാ ലജ്പത് റായ് ആശുപത്രിയില്‍ 180 തലാസീമിയ രോഗികള്‍ രക്തം സ്വീകരിക്കുന്നുണ്ട്. എല്ലാ 6 മാസം കൂടുമ്പോഴും ഇവര്‍ക്ക് അസുഖങ്ങള്‍ എന്തെങ്കിലുമുണ്ടോയെന്നുള്ള വിശദമായ പരിശോധനക്ക് വിധേയരാക്കും. ഇങ്ങനെ നടത്തിയ പരിശോധനയിലാണ് 14 കുട്ടികളില്‍ മാരകമായ അസുഖങ്ങള്‍ കണ്ടെത്തിയത്.സാധാരണഗതിയില്‍ ഒരു വ്യക്തി രക്തം ദാനം ചെയ്യുമ്പോള്‍ തന്നെ അത് വിശദമായി പരിശോധിച്ച് സുരക്ഷിതമാണെന്ന് ഉറപ്പുവരുത്താറുണ്ടെന്ന് ഡോക്ടര്‍ ആര്യ പറയുന്നു.

എന്നാല്‍ ‘വിന്‍ഡോ പിരീഡ്’ എന്ന പ്രത്യേക സാഹചര്യത്തില്‍ ദാനം ചെയ്യുന്ന രക്തത്തിലെ രോഗകാരികളെ കണ്ടെത്തുക പ്രയാസമാണ്. ഒരാള്‍ക്ക് വൈറസ് ബാധിക്കുന്ന തുടക്കഘട്ടമാണിത്. ഈ സമയത്തുള്ള പരിശോധനയില്‍ വൈറസിനെ കണ്ടെത്താന്‍ കഴിഞ്ഞെന്ന് വരില്ല. രക്തം സ്വീകരിക്കുന്ന സമയത്ത് ഹെപ്പറ്റൈറ്റിസ് ബിക്കെതിരായ വാക്‌സിനും നല്‍കാറുണ്ടെന്ന് ഡോക്ടര്‍ പറഞ്ഞു.

ആറ് മുതല്‍ 16 വയസുവരെയുള്ളവരാണ് ഇപ്പോള്‍ അസുഖം സ്ഥിരീകരിച്ച കുട്ടികള്‍. കാണ്‍പൂര്‍, ദെഹാത്, ഫറൂഖാബാദ് തുടങ്ങി യു.പിയുടെ വിവിധ ഭാഗങ്ങളില്‍ നിന്നുള്ളവരാണ് ഇവര്‍. എവിടെ നിന്ന് രക്തം സ്വീകരിച്ചപ്പോഴാണ് കുട്ടികള്‍ക്ക് വൈറസ് പകര്‍ന്നതെന്ന് അന്വേഷിച്ച് കണ്ടെത്തുമെന്ന് നാഷണല്‍ ഹെല്‍ത്ത് മിഷനിലെ മുതിര്‍ന്ന ഉദ്യോഗസ്ഥന്‍ പറഞ്ഞു.

15 ദിവസം കൂടുമ്പോള്‍ ഇത്തരം ഏറ്റുമുട്ടല്‍ നടത്തുന്നുണ്ട്.ഇതില്‍ തന്നെ കാലിന് മാത്രം വെടിയേറ്റവരുടെ എണ്ണം 5046 വരുമെന്ന് ഇന്ത്യന്‍ എക്‌സ്പ്രസ് റിപ്പോര്‍ട്ട് ചെയ്യുന്നു.യുപിയില്‍ തന്നെ ഏറ്റവും കൂടുതല്‍ ആക്രമണം നടന്നത് മീററ്റ് ജില്ലയിലാണ്. ഇവിടെ 3152 ഏറ്റുമുട്ടലില്‍ 63 പേര്‍ കൊല്ലപ്പെട്ടു.1708 പേര്‍ക്ക് പരിക്കേറ്റു. എന്നാല്‍ അതേസമയം ഏറ്റുമുട്ടല്‍ നടത്തിയ പൊലീസുകാര്‍ക്ക് 75000 രൂപ മുതല്‍ അഞ്ച് ലക്ഷം രൂപ വരെ പാരിതോഷികവും നല്‍കിയതായി റിപ്പോര്‍ട്ടുകളുണ്ട്.

എന്നാല്‍ അതേസമയം യോഗി സര്‍ക്കാര്‍ കൃത്യമായി ആസൂത്രണം ചെയ്ത് നടപ്പാക്കിയ കൊലപാതകങ്ങളാണ് ഇവയെന്ന് കൊല്ലപ്പെട്ടവരുടെ കുടംബങ്ങള്‍ ആരോപിക്കുന്നുണ്ട്.