പൊതുജനങ്ങളിൽ നിന്നും അഭിപ്രായ രൂപീകരണത്തിനാണ് സംസ്ഥാന വ്യാപകമായി യൂത്ത് സ്കാൻ എന്ന പേരിൽ അഭിപ്രായ സ്വരൂപണം നടത്തുന്നത്. സംസ്ഥാന കമ്മറ്റി നൽകുന്ന ക്യൂ. ആർ കോഡ് ഉപയോഗിച്ച് ആളുകളെ സ്കാൻ ചെയ്യിപ്പിച്ച് സർവ്വേ ഫോം പൂരിപ്പിച്ചാണ് അഭിപ്രായം ക്രോഡീകരിക്കുന്നത്. ബസ് സ്റ്റാൻ്റുകൾ, അങ്ങാടികൾ, വിദ്യാഭ്യാസ സ്ഥാപനങ്ങൾ തുടങ്ങി വിദ്യാർത്ഥികളും യുവജനങ്ങളും ഒത്ത് കൂടുന്ന ഇടങ്ങളിലാണ് പ്രധാനമായും കിയോസ്ക്കുകൾ സ്ഥാപിക്കുക. അതോടൊപ്പം ഓരോ പഞ്ചായത്തിലെയും പ്രധാനപ്പെട്ട വ്യക്തികളെ നേരിട്ട് കണ്ട് അഭിപ്രായങ്ങൾ രേഖപ്പെടുത്തുകയും സോഷ്യൽ മീഡിയ വഴി പ്രചരിപ്പിക്കുകയും ചെയ്യും.