പി.കെ ഫിറോസിന്റെ ഫെയ്‌സ്ബുക്ക് പോസ്റ്റ്:

അങ്ങേയറ്റം സന്തോഷമുള്ള മുഹൂർത്തത്തിനാണ് ഞങ്ങളിന്ന് സാക്ഷ്യം വഹിച്ചത്. യുവജനയാത്ര ആലപ്പുഴ ജില്ലയിലെ തൃക്കുന്നപുഴയിലെത്തിയപ്പോഴാണ് പ്രളയത്തിൽ തകർന്ന് പോയ തന്റെ വീടിനെ കുറിച്ച് ഈ അമ്മ പൊട്ടിക്കരഞ്ഞ് കൊണ്ട് വിവരിച്ചത്. യുവജന യാത്ര നിർത്തി വെച്ച് വീട് കാണാൻ ചെന്നപ്പോൾ കണ്ടത് പറഞ്ഞതിലേറെ നൊമ്പരപ്പെടുത്തുന്ന കാര്യങ്ങൾ.

ഈ അമ്മ വിധവയാണ്. വീട്ടിൽ ഭർത്താവുപേക്ഷിച്ചു പോയ മകളും കൊച്ചു കുട്ടിയും. ഇവർക്ക് വീട് നിർമ്മിച്ചു കൊടുക്കുമെന്ന് സയ്യിദ് മുനവ്വറലി ശിഹാബ് തങ്ങൾ യുവജന യാത്രയിൽ പ്രഖ്യാപിച്ചു. റിയാദ് കെ.എം.സി.സി ഉടനെ വീടിന്റെ നിർമ്മാണച്ചെലവ് ഏറ്റെടുത്തു.

പിന്നെ കാര്യങ്ങളെല്ലാം തകൃതിയായി നടന്നു. ശ്യാം സുന്ദറിന്റെ നേതൃത്വത്തിലുള്ള നിർമ്മാണ കമ്മിറ്റി ഷാജഹാന്റെയും ബിജുവിന്റെയും നേതൃത്വത്തിലുള്ള ജില്ലാ യൂത്ത്ലീഗ് കമ്മിറ്റിയുടെ സഹകരണത്തോടെ വീട് പണി വളരെ പെട്ടെന്ന് പൂർത്തിയാക്കി.

ഇന്ന് ആ അമ്മ നിറകണ്ണുകളോടെ ഗണപതിക്ക് നിവേദ്യം സമർപ്പിച്ച് നിലവിളക്കിന് തിരി കൊളുത്തി.

ഞങ്ങൾ സന്തുഷ്ടരാണ്. യുവജന യാത്രയിലെ സ്വീകരണ പരിപാടികൾ ആളുകൾ വിസ്മരിച്ചാലും കൊടി തോരണങ്ങൾ നശിച്ചു പോയാലും ഇത്തരം നൻമകൾ ബാക്കിയാവുമെന്ന് ഉറപ്പാണ്. ഇത്തരം നൻമയുടെ ചിത്രങ്ങളാണ് ഇന്നിന്റെ രാഷ്ട്രീയത്തിന് അനിവാര്യവും.

യൂത്ത് ലീഗ് സമരങ്ങള്‍ എല്ലാം പൊട്ടിപ്പോവുകയാണെന്ന ലീഗ് വിരുദ്ധരുടെ പ്രചാരണത്തിന് മറുപടിയുമായി മുസ്‌ലിം യൂത്ത് ലീഗ് സംസ്ഥാന ജനറല്‍ സെക്രട്ടറി പി.കെ ഫിറോസ്. യൂത്ത് ലീഗ് നടത്തി വിജയം കൈവരിച്ച സമരങ്ങളെ നിരത്തിയാണ് ഫിറോസിന്റെ ഫെയ്‌സ് ബുക്ക് പോസ്റ്റ്. ലീഗ് വിരുദ്ധരുടെ വ്യജ പ്രചാരണത്തെ ട്രോളികൊണ്ടുള്ള ഫിറോസിന്റെ എണ്ണം പറഞ്ഞ മറുപടി ഇതിനകം ഏറ്റെടുത്തു കഴിഞ്ഞു.

ഫിറോസിന്റെ പോസ്റ്റ് പൂര്‍ണ്ണ രൂപത്തില്‍

സഖാപ്പിയുടെ ഇടക്കിടെയുള്ള ഒരു ചോദ്യം…
യൂത്ത് ലീഗ് സമരമൊക്കെ പൊട്ടിപ്പോവുകയല്ലേ?

ഉവ്വോ?
ഉവ്വ്!

അപ്പോ തോമസ് ചാണ്ടി രാജി വെച്ചില്ലേ?
അത് വെച്ചു!

ബ്രുവെറി ഡിസ്റ്റലറി അനുമതി റദ്ദാക്കിയില്ലേ?
റദ്ദാക്കി!

നാദാപുരത്തെ അസ്ലമിന്റെ ഉമ്മയുടെ നഷ്ട പരിഹാരം തടഞ്ഞ് വെച്ചത് കൊടുത്തില്ലേ?
കൊടുത്തു!

ഗെയിലിന് ഭൂമി നഷ്ടമായവര്‍ക്ക് നഷ്ടപരിഹാരത്തുക കൂട്ടിക്കൊടുത്തില്ലേ?
കൊടുത്തു!

കരിപ്പൂരില്‍ വലിയ വിമാനം ഇറങ്ങിയില്ലേ?
അത് പിന്നെ കേന്ദ്രത്തിനെതിരെയുള്ള സമരമായിരുന്നില്ലേ!

പാസ്‌പോര്‍ട്ട് രണ്ട് കളറാക്കി രണ്ടു തരം പൗരന്‍മാരെ സൃഷ്ടിക്കാനുള്ള തീരുമാനം പിന്‍വലിച്ചില്ലേ?
അതും കേന്ദ്രമല്ലേ!

കെ.ടി അദീബ് രാജി വെച്ച് കണ്ടം വഴി ഓടിയില്ലേ?
അത്..അത്… ഓടി!

കെ.എ. എസില്‍ മൂന്നു സ്ട്രീമിലും സംവരണം ഏര്‍പ്പെടുത്തില്ലെന്ന പിടി വാശി ഉപേക്ഷിക്കേണ്ടി വന്നില്ലേ?
വന്നു!

അപ്പോ സമരങ്ങളെല്ലാം പൊട്ടിയെന്ന് പറഞ്ഞത്?
നിങ്ങള്‍ ആവശ്യപ്പെട്ടത് എല്ലാം നേടിയില്ലല്ലോ!?

പറയുന്നതെല്ലാം കിട്ടാന്‍ കേരളം ഭരിക്കുന്നത് മഹാബലിയല്ല, ദുരഭിമാനിയായ പിണറായി വിജയനാണ്!

പിന്‍: ഈ വിഷയങ്ങളില്‍ ഞങ്ങള്‍ മാത്രമേ സമരം ചെയ്തുള്ളൂ എന്നല്ല, വിജയത്തിലേക്കെത്തിക്കാന്‍ കഴിയാത്ത സമരങ്ങള്‍ ഞങ്ങളുടെ മാത്രം ഉത്തരവാദിത്തമാണെങ്കില്‍ വിജയിച്ചത് ഞങ്ങള്‍ക്ക് മാത്രം അവകാശപ്പെട്ടതുമാണ്.

മകളും പേരക്കുട്ടിയും അടങ്ങുന്ന സുമംഗലയമ്മയുടെ കുടുംബത്തിനൊരുക്കിയ സ്വപ്ന ഭവനത്തിന്റെ തറക്കല്ലിടല്‍ കര്‍മ്മം പ്രസിഡണ്ട് സയ്യിദ് മുനവ്വറലി ശിഹാബ് തങ്ങള്‍ നിര്‍വ്വഹിച്ചു. റിയാദ് കെ.എം.സി.സിയാണ് ബൈത്തുറഹ്മ നിര്‍മ്മിച്ച് നല്‍കുന്നത്.

തറക്കല്ലിടല്‍ കര്‍മ്മത്തെ കുറിച്ച് യൂത്ത് ലീഗ് ജനറല്‍ സെക്രട്ടറി പികെ ഫിറോസിന്റെ കുറിപ്പ് വായിക്കാം

ഓര്‍ക്കുന്നില്ലേ യുവജന യാത്ര ആലപ്പുഴ ജില്ലയിലെത്തിയപ്പോള്‍ ഒരമ്മ കരഞ്ഞ് കൊണ്ട് ഞങ്ങളെ സമീപിച്ചത്? കനത്ത മഴയില്‍ വീട് തകര്‍ന്ന ഈ അമ്മ മുട്ടാത്ത സര്‍ക്കാര്‍ വാതിലുകളില്ല. ആരും കനിഞ്ഞില്ല. ഒടുവില്‍ യൂത്ത് ലീഗ് ഇവരുടെ സങ്കടം പരിഹരിക്കാന്‍ തീരുമാനിച്ചു. ഇവര്‍ക്ക് താമസിക്കാനുള്ള വീട് നിര്‍മ്മിക്കാന്‍ റിയാദ് കെ.എം.സി.സി സാമ്പത്തിക സഹായവും വാഗ്ദാനം ചെയ്തു. ഇന്ന് വീടിന്റെ നിര്‍മ്മാണം ആരംഭിക്കുകയാണ്. പ്രസിഡണ്ട് സയ്യിദ് മുനവ്വറലി ശിഹാബ് തങ്ങള്‍ തറക്കല്ലിടല്‍ കര്‍മ്മം നിര്‍വ്വഹിച്ച് ആ അമ്മയുടെ സ്വപ്നസാക്ഷാത്ക്കാരത്തിന് തുടക്കം കുറിച്ചിരിക്കുന്നു. എത്രയും പെട്ടെന്ന് പണി പൂര്‍ത്തീകരിക്കാനാവട്ടെ എന്ന് നമുക്ക് പ്രാര്‍ത്ഥിക്കാം…

തിരുവനന്തപുരം: അനന്തപുരിയെ ശുഭ്രസാഗരമാക്കി മുസ്‌ലിം യൂത്ത്‌ലീഗ് യുവജന യാത്രക്ക് പ്രൗഢോജ്വല പരിസമാപ്തി. ജാതി മത വര്‍ഗ വര്‍ണ ഭേദമന്യെ ജനലക്ഷങ്ങളുടെ ഐക്യദാര്‍ഢ്യവും ആശീര്‍വാദവും ഏറ്റുവാങ്ങിയാണ് ഹരിതയൗവനം പോരാട്ടത്തിന്റെ പുതിയ പോര്‍മുഖം തുറന്നത്. മുപ്പതാണ്ടിനിപ്പുറം മുപ്പതു രാപകലുകളിലായി അറുനൂറ് കിലോമീറ്റര്‍ താണ്ടി അനന്തപുരിയില്‍ എത്തിയ യുവജന യാത്രക്ക് മലയാളം ഗ്രീന്‍ സല്യൂട്ട് നല്‍കി സ്വീകരിച്ചു. അച്ചടക്കത്തിന് കൊടുങ്കാറ്റിന്റെ ശക്തിയുണ്ടെന്ന് ബോധ്യപ്പെടുത്തിയാണ് മുസ്‌ലിം യൂത്ത്‌ലീഗ് നവചരിത്രമെഴുതിയത്. വര്‍ഗീയ മുക്ത ഭാരതത്തിനും അക്രമ രഹിത കേരളത്തിനും ജനവിരുദ്ധ സര്‍ക്കാറുകള്‍ക്കുമെതിരായ യുവ വിപ്ലവ ഗാഥയെ തലസ്ഥാന നഗരി അക്ഷരാര്‍ത്തില്‍ ഹൃദയത്തില്‍ വരവേറ്റു.
സമാപന സമ്മേളനത്തോടനുബന്ധിച്ച് കേരളത്തിന്റെ അഷ്ടദിക്കുകളില്‍ നിന്നും ഒഴുകിയെത്തിയ ജനലക്ഷങ്ങള്‍ ഉച്ചയോടെ തന്നെ തിരുവനന്തപുത്തെ ജനസഞ്ചയമാക്കി. വൈകിട്ട് നാലോടെ സമ്മേള നഗരിയിലേക്കു പ്രവേശിക്കാനാവാത്ത വിധം പ്രവര്‍ത്തകര്‍ നിറഞ്ഞു. ചെറു ചാറ്റല്‍ മഴയെത്തിയെങ്കിലും ആവേശം തോരാതെ പുരുഷാരം സെന്‍ട്രല്‍ സ്റ്റേഡിയം ലക്ഷ്യമാക്കി പുറപ്പെട്ടു.
മ്യൂസിയം പരിസരത്തു നിന്ന് വൈകിട്ട് നാലിന് ആരംഭിച്ച വൈറ്റ് ഗാര്‍ഡ് മാര്‍ച്ച് ഒമ്പത് മണിയോടെയാണ് സമാപിച്ചത്. യുവജന യാത്രാ നായകന്‍ പാണക്കാട് സയ്യിദ് മുനവ്വറലി ശിഹാബ് തങ്ങള്‍, ഉപനായകന്‍ പി.കെ ഫിറോസ്, ഡയറക്ടര്‍ എം.എ സമദ്, കോഡിനേറ്റര്‍ നജീബ് കാന്തപുരം അസിസ്റ്റന്റു ഡയറക്ടര്‍മാരായ പി.എ അഹമ്മദ് കബീര്‍, അഡ്വ.സുല്‍ഫിക്കര്‍ സലാം, ഫൈസല്‍ ബാഫഖി തങ്ങള്‍, പി ഇസ്്മായില്‍, പി.കെ സുബൈര്‍, പി.എ അബ്ദുല്‍ കരീം കോഡിനേറ്റര്‍മാരായ മുജീബ് കാടേരി, പി.ജി മുഹമ്മദ്, കെ.എസ് സിയാദ്, ആശിഖ് ചെലവൂര്‍, വി.വി മുഹമ്മദലി തുടങ്ങിയവര്‍ സമാപന റാലിക്ക് നേതൃത്വം നല്‍കി. സമാപന മഹാ സമ്മേളനം മുസ്്ലിം ലീഗ് ദേശീയ രാഷ്ട്രീയ കാര്യ സമിതി അധ്യക്ഷന്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്തു. മുസ്്ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ അധ്യക്ഷത വഹിച്ചു. പ്രൗഡമായ ചടങ്ങില്‍ പതിനയ്യായിരം വൈറ്റു ഗാര്‍ഡുകളെ മുസ്്ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി രാഷ്ട്രത്തിന് സമര്‍പ്പിച്ചു.

എം കെ മുനീറിന്റെ വാക്കുകള്‍

https://www.facebook.com/faisalpuduppally.faisal/videos/133711624300129/

തൊടുപുഴ: മൂവാറ്റുപുഴയും കടന്ന് തൊടുപുഴയില്‍ അലകടലായി ഹരിതയൗവനം. വര്‍ഗീയതക്കും അക്രമത്തിനും എതിരായ പോരാട്ടങ്ങള്‍ക്ക് ഐക്യദാര്‍ഢ്യവുമായി ആയിരങ്ങള്‍ ഒഴുകിയെത്തിയപ്പോള്‍ ഹൈറേഞ്ചില്‍ ഹരിതാവേശം മലകേറി. കൂലശേഖര സാമ്രാജ്യത്തിന്റെ വടക്കും കൂര്‍ദേശത്ത് ഹരിത പോരാളികള്‍ അടിവെച്ച് നീങ്ങിയപ്പോള്‍ പാതയോരങ്ങളില്‍ ആശീര്‍വാദവുമായി നാടൊന്നാകെ എതിരേറ്റു.
ഇടുക്കി മടക്കാനത്ത് നിന്ന് പൊട്ടിപ്പുറപ്പെട്ട് പാണക്കാട് സയ്യിദ് മുനവ്വറലി ശിഹാബ് തങ്ങള്‍, ഉപനായകന്‍ പി.കെ ഫിറോസ്, ഡയറക്ടര്‍ എം.എ സമദ്, കോഡിനേറ്റര്‍ നജീബ് കാന്തപുരം അസിറ്റന്റു ഡയറക്ടര്‍മാരായ പി.എ അഹമ്മദ് കബീര്‍, അഡ്വ.സുല്‍ഫിക്കര്‍ സലാം, ഫൈസല്‍ ബാഫഖി തങ്ങള്‍, പി ഇസ്്മായില്‍, പി.കെ സുബൈര്‍, പി.എ അബ്ദുല്‍ കരീം കോഡിനേറ്റര്‍മാരായ മുജീബ് കാടേരി, പി.ജി മുഹമ്മദ്, കെ.എസ് സിയാദ്, ആശിഖ് ചെലവൂര്‍, വി.വി മുഹമ്മദലി, സ്ഥിരാംഗങ്ങളായ കെ.എ മുഹമ്മദ് ആസിഫ്, അന്‍സാര്‍ മുണ്ടാട്ട്, അഷ്‌റഫ് എടനീര്‍, ടി.ഡി കബീര്‍, പി.വി ഇബ്രാഹീം മാസ്റ്റര്‍, സമീര്‍ പറമ്പത്ത്, സാജിദ് നടുവണ്ണൂര്‍, കെ.കെ നവാസ്, കെ ഹാരിസ്, സി.എ സാജിദ്, ഗഫൂര്‍ കോല്‍ക്കളത്തില്‍, അന്‍വര്‍ മുള്ളമ്പാറ, കെ.ടി അഷ്‌റഫ്, എ.എം നൗഫല്‍, ഡി നൗഷാദ്, ഹാരിസ് കരമന, സഹീര്‍ ഖരീം, കെ.കെ അഫ്‌സല്‍, എം.എസ്.എഫ് സംസ്ഥാന ജനറല്‍ സെക്രട്ടറി എം.പി നവാസ്, ട്രഷറര്‍ യൂസുഫ് വല്ലാഞ്ചിറ എന്നിവരുടെ നേതൃത്വത്തില്‍ തൊടുപുഴയിലേക്ക് കൂലംകുത്തി ഒഴുകിയപ്പോള്‍ മനുഷ്യമഹാ പ്രളയമായി.
വഴിനീളെ സ്ത്രീകളും കുട്ടികളുമുള്‍പ്പെടെ നൂറുക്കണക്കിനാളുകള്‍ യാത്രക്ക് അഭിവാദ്യമര്‍പ്പിക്കാനെത്തി. വൈറ്റ് ഗാര്‍ഡ് പരേഡിന്റെയും ബാന്റ് വാദ്യങ്ങളുടെയും അകമ്പടിയോടെയാണ് നഗരത്തിലേക്ക് വരവേറ്റത്. ആവേശപ്രവാഹമായി യാത്രയെത്തിയപ്പോള്‍ നഗരം പ്രവര്‍ത്തകരെ ഉള്‍കൊള്ളാനാവാതെ വീര്‍പ്പ് മുട്ടി. തൊടുപുഴയിലെ ലബ്ബാസാഹിബ് നഗറില്‍ നടന്ന ജില്ലാതല സമാപന സമ്മേളനം മുസ്‌ലിംലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ് ഉദ്ഘാടനം ചെയ്തു. ജില്ലാ പ്രസിഡണ്ട് എം.എസ് മുഹമ്മദ് അധ്യക്ഷത വഹിച്ചു.
കേരള കോണ്‍ഗ്രസ്് വൈസ് ചെയര്‍മാന്‍ പി.ജെ ജോസഫ് എം.എല്‍.എ മുഖ്യ പ്രഭാഷണം നടത്തി. ഫാ.ജോസഫ് അടപ്പൂര്‍ മുഖ്യാതിഥിയായി. സമസ്ത ജില്ലാ പ്രസിഡണ്ട് കെ.ഇ മുഹമ്മദ് മുസ്‌ലിയാര്‍, ദക്ഷിണ കേരള ജംഇയ്യത്തുല്‍ ഉലമ പ്രതിനിധി സെയ്ദ് മുഹമ്മദ് മൗലവി അല്‍ ഖാസിമി, കോണ്‍ഗ്രസ്് നേതാവ് ജോസഫ് വാഴക്കന്‍, മുസ്‌ലിം ലീഗ് സംസ്ഥാന വൈസ് പ്രസിഡന്റ് ടി.എം സലീം, സെക്രട്ടറി പി.എം സാദിഖലി, ജാഥ നായകരായ പാണക്കാട് മുനവ്വറലി ശിഹാബ് തങ്ങള്‍, പി.കെ ഫിറോസ്, എം.എ സമദ്, നജീബ് കാന്തപുരം, യൂത്ത് ലീഗ് സംസ്ഥാന സെക്രട്ടറി കെ.എ സിയാദ്, എം.എസ്.എഫ് ദേശീയ പ്രസിഡന്റ് ടി.പി അഷ്‌റഫലി, വൈസ് പ്രസിഡന്റ് എന്‍.എ കരീം, യു.ഡി.എഫ് ജില്ലാ ചെയര്‍മാന്‍ അഡ്വ.എസ് അശോകന്‍, കെ.എം.എ ഷുര്‍, മുസ്‌ലിം ലീഗ് ജില്ലാ ജനറല്‍ സെകട്ടറി എ.എം ഹാരിസ്്, കെ.എം അന്‍വര്‍, സല്‍മാന്‍ ഹനീഫ്, ഷിബു മീരാന്‍, മുസ്തഫ അബ്ദുല്‍ ലത്തീഫ്, റിയാസ് പുല്‍പ്പറ്റ സംസാരിച്ചു.
മുസ്‌ലിം യൂത്ത് ലീഗ് ജില്ലാ പ്രസിഡന്റ് ടി.കെ നവാസ് സ്വാഗതവും ജനറല്‍ സെക്രട്ടറി സി.എം അന്‍സാര്‍ നന്ദിയും പറഞ്ഞു. ഇടുക്കി ജില്ലാ തല പര്യടനം മടക്കത്താനത്ത് മുസ്‌ലിംലീഗ് സംസ്ഥാന വൈസ് പ്രസിഡണ്ട് ടി.എം സലീം ഉദ്ഘാടനം ചെയ്തു. നിയോജക മണ്ഡലം പ്രസിഡണ്ട് പി.എന്‍ സീതി അധ്യക്ഷത വഹിച്ചു. സംസ്ഥാന സെക്രട്ടേറിയറ്റ് അംഗം കെ.എം.എ.ഷുക്കൂര്‍, ഷബീര്‍ ഷാജഹാന്‍, എസ്.പി കുഞ്ഞമ്മദ്, സി.എം അന്‍വര്‍, ഇഖ്ബാല്‍ പാലക്കാട്, ഇബ്രാഹീം കാസര്‍കോട് പ്രസംഗിച്ചു. ഇന്നു രാവിലെ ഒമ്പതിന് പാലയില്‍ നിന്ന് ആരംഭച്ച് ഈരാട്ടുപേട്ടയില്‍ സമാപിക്കും. കഴിഞ്ഞ 24 ന് മഞ്ചേശ്വരത്ത് നിന്നാരംഭിച്ച യാത്ര 600 കിലോമീറ്റര്‍ കാല്‍നടയായി സഞ്ചരിച്ച് ഈ മാസം 24 ന് തിരുവനന്തപുരത്ത് സമാപിക്കും.

ലുഖ്മാന്‍ മമ്പാട്
പെരുമ്പാവൂര്‍

പെരിയാറിന്റെ തീരത്ത് ഹരിതയൗവനത്തിന്റെ മാനവ മതില്‍. മലയാറ്റൂര്‍ പെരുമയും കാലടിയുടെ ചൈതന്യവും കലയുടെയും സംസ്‌കാരങ്ങളുടെയും ചടുലതയും തുടിക്കുന്ന ഭൂമികയിലൂടെ യുവ പോരാളികള്‍ ജനവിരുദ്ധ ഭരണകൂടങ്ങള്‍ക്കെതിരായ പഥസഞ്ചലം നടത്തിയപ്പോള്‍ നാടും നഗരവും കൂടെ ഒഴുകി. ആലുവയുടെ മെട്രോ നഗര ഓരത്തു നിന്ന് പ്ലൈവുഡ് വ്യവസായത്തിന്റെ മടിത്തട്ടായ പെരുമ്പാവൂരില്‍ നൂറുക്കണക്കിന് വൈറ്റ് ഗാര്‍ഡ് അംഗങ്ങളുടെ അകമ്പടിയോടെയാണ് സമാപിച്ചത്.
‘വര്‍ഗീയ മുക്ത ഭാരതം, അക്രമരഹിത കേരളം ,ജന വിരുദ്ധ സര്‍ക്കാറുകള്‍ക്കെതിരെ’ എന്ന പ്രമേയത്തില്‍ സംഘടിപ്പിച്ച യാത്രയില്‍ ഇന്നലെ ആയിരങ്ങളാണ് അണിനിരന്നത്. തുവെള്ള വസ്ത്രവും തൊപ്പിയും ധരിച്ച് ഹരിത പതാകയുമേന്തി നീങ്ങിയ യാത്രയെ വരവേല്‍ക്കാന്‍ വഴിയോരങ്ങളില്‍ സ്ത്രികളും കുട്ടികളുമുള്‍പ്പെടെ നൂറുക്കണക്കിന് ആളുകള്‍ എത്തി. ലീഗ് പ്രവര്‍ത്തകര്‍ക്ക് പുറമെ കോണ്‍ഗ്രസ് പ്രവര്‍ത്തകരും ജാഥക്ക് അഭിവാദ്യമര്‍പ്പിക്കാനെത്തി.
പാണക്കാട് സയ്യിദ് മുനവ്വറലി ശിഹാബ് തങ്ങള്‍, ഉപനായകന്‍ പി.കെ ഫിറോസ്, ഡയറക്ടര്‍ എം.എ സമദ്, കോഡിനേറ്റര്‍ നജീബ് കാന്തപുരം അസിസ്റ്റന്റു ഡയറക്ടര്‍മാരായ പി.എ അഹമ്മദ് കബീര്‍, അഡ്വ.സുല്‍ഫിക്കര്‍ സലാം, ഫൈസല്‍ ബാഫഖി തങ്ങള്‍, പി ഇസ്്മായില്‍, പി.കെ സുബൈര്‍, പി.എ അബ്ദുല്‍ കരീം കോഡിനേറ്റര്‍മാരായ മുജീബ് കാടേരി, പി.ജി മുഹമ്മദ്, കെ.എസ് സിയാദ്, ആശിഖ് ചെലവൂര്‍, വി.വി മുഹമ്മദലി, സ്ഥിരാംഗങ്ങളായ കെ.എ മുഹമ്മദ് ആസിഫ്, അന്‍സാര്‍ മുണ്ടാട്ട്, അഷ്‌റഫ് എടനീര്‍, ടി.ഡി കബീര്‍, പി.വി ഇബ്രാഹീം മാസ്റ്റര്‍, സമീര്‍ പറമ്പത്ത്, സാജിദ് നടുവണ്ണൂര്‍, കെ.കെ നവാസ്, കെ ഹാരിസ്, സി.എ സാജിദ്, ഗഫൂര്‍ കോല്‍ക്കളത്തില്‍, അന്‍വര്‍ മുള്ളമ്പാറ, കെ.ടി അഷ്‌റഫ്, എ.എം നൗഫല്‍, ഡി നൗഷാദ്, ഹാരിസ് കരമന, സഹീര്‍ ഖരീം, കെ.കെ അഫ്‌സല്‍, എം.എസ്.എഫ് സംസ്ഥാന പ്രസിഡന്റ് മിസ്ഹബ് കീഴരിയൂര്‍, ജനറല്‍ സെക്രട്ടറി എം.പി നവാസ്, ട്രഷറര്‍ യൂസുഫ് വല്ലാഞ്ചിറ നേതൃത്വം നല്‍കി.
അറബിക്കടലിന്റെ റാണിയുടെ മടിത്തട്ടില്‍ നിന്ന് മതസമന്വയത്തിന്റെ വിശ്വമാതൃകയായ മട്ടാഞ്ചേരിയില്‍ സമാപിച്ച ആദ്യ ദിനത്തിന് ശേഷം ഇന്നലെ രാവിലെ ആലുവയില്‍ വി.കെ ഇബ്രാഹീം കുഞ്ഞ് എം.എല്‍.എ ഉദ്ഘാടനം ചെയ്തു. എം.കെ ലത്തീഫ് അധ്യക്ഷത വഹിച്ചു. ടി.എ അഹമ്മദ് കബീര്‍ എം.എല്‍.എ, അന്‍വര്‍ സാദത്ത് എം.എല്‍.എ, എം.ഒ ജോണ്‍, വി അബ്ദുല്‍ മുത്തലിബ്, ടി.ജെ വിനോദ്, പി.എ താഹിര്‍ പ്രസംഗിച്ചു.
ചെമ്പിറക്കിയില്‍ നടന്ന സ്വീകരണ സമ്മേളനം അഡ്വ.വി.പി സചീന്ദ്രന്‍ എം.എല്‍.എ ഉദ്ഘടനം ചെയ്തു. കെ.എച്ച് മുഹമ്മദ് കുഞ്ഞ് അദ്ധ്യക്ഷത വഹിച്ചു. കിഴക്കമ്പലം യാക്കോബായ പള്ളി വികാരി ഫാ.സി.പി വര്‍ഗീസ്, പി.എസ് സുധീര്‍, എ.എം ബഷീര്‍ പ്രസംഗിച്ചു. ജില്ലയിലെ വൈറ്റ് ഗാര്‍ഡ് അംഗങ്ങള്‍ പങ്കെടുത്ത കരുത്ത് അറിയിക്കുന്ന പരേഡോട് കൂടിയാണ് പെരുമ്പാവൂരിലേക്ക് യാത്രയെ സ്വീകരിച്ചത്. പെരുമ്പാവൂരില്‍ നടന്ന ജില്ലാതല സമാപന സമ്മേളനം മുസ്്‌ലിം ലീഗ് സംസ്ഥാന ഉന്നതാധികാര സമിതി അംഗം പാണക്കാട് സാദിഖലി ശിഹാബ് തങ്ങള്‍ ഉദ്ഘാടനം ചെയ്തു.
എസ് ഷറഫ് അധ്യക്ഷത വഹിച്ചു. മുസ്‌ലിം ലീഗ് സംസ്ഥാന സെക്രട്ടേറിയറ്റ് അംഗങ്ങളായ ടി.എ അഹമ്മദ് കബീര്‍ എം.എല്‍.എ, വി.കെ ഇബ്രാഹീം കുഞ്ഞ് എം.എല്‍.എ, മുതിര്‍ന്ന കോണ്‍ഗ്രസ് നേതാവ് പി.പി.തങ്കച്ചന്‍, യു.ഡി.എഫ് കണ്‍വീനര്‍ ബെന്നി ബെഹനാന്‍, റോജി എം ജോണ്‍ എം.എല്‍.എ, എല്‍ദോസ് കുന്നംപള്ളി എം.എല്‍.എ, ജാഥ നായകരായ പാണക്കാട് മുനവ്വറലി ശിഹാബ് തങ്ങള്‍, പി.കെ.ഫിറോസ്, എം.എ.സമദ്, നജീബ് കാന്തപുരം, പി.എ അഹമ്മദ് കബീര്‍, മുസ്്‌ലിം ലീഗ് ജില്ലാ പ്രസിഡണ്ട് കെ.എം അബ്ദുല്‍ മജീദ്, ജനറല്‍ സെക്രട്ടറി അഡ്വ.വി.ഇ അബ്ദുല്‍ ഗഫൂര്‍, അന്‍സാര്‍ മുണ്ടാട്ട്, സക്കീര്‍ ഹുസൈന്‍, എം.എസ്.എഫ് ദേശീയ പ്രസിഡന്റ് ടി.പി അഷ്‌റഫലി, യൂത്ത് ലീഗ് ദേശീയ വൈസ് പ്രസിഡന്റ് അഡ്വ. വി.കെ ഫൈസല്‍ ബാബു, അഡ്വ.എന്‍.എ കരീം, പി.വി അഹമ്മദ് ഷാജു, ഷിബു മീരാന്‍, ഇബ്രാഹീം കാസര്‍കോട് സംസാരിച്ചു. മുസ്‌ലിം യൂത്ത് ലീഗ് ജില്ലാ പ്രസിഡന്റ് കെ.എ മുഹമ്മദ് ആസിഫ് സ്വാഗതം പറഞ്ഞു.

അഡ്വ: സജല്‍

പട്ടാമ്പി എം എ ല്‍ എ മുഹ്‌സിന്

നന്ദിയുണ്ട് സാറേ.. നന്ദി….
ഫിറോസിനെതിരെ പറയാനാണേലും, സാറ് ജിവനോടുണ്ടന്ന് പട്ടാമ്പിയിലെ ജനങ്ങളെ മനസ്സിലാക്കിയതിന്.

സാറെ, കേരളത്തില്‍ പോയിട്ട്, പട്ടാമ്പിയിലെ നിങ്ങളുടെ സമപ്രായക്കാര്‍ക്കും പോലും അറിയാത്ത ഒരാളെ സ്ഥാനാര്‍ത്ഥിയാക്കിയത് കനയ്യകുമാറിന്റെ പുറകില്‍ നിന്നു ഫോട്ടം പിടിച്ചു എന്നതു കൊണ്ടു മാത്രമാണ്.. പിന്നെ കാനം സഖാവിന് ഇസ്മായില്‍ സാഖാവി നേടുള്ള പ്രത്യേക ‘മൊഹബത്തും’…

താങ്കള്‍ക്ക് ജെ എന്‍ യു വില്‍ അഡമിഷന്‍ ലഭിച്ചത് നല്ല കാര്യം. എന്ന് വച്ച് ബാക്കിയുള്ളവരെല്ലാം മണ്ടന്‍മാരാണെന്ന് കരുതരുത്…. ഫിറോസ് കാലിക്കറ്റ് സര്‍വ്വകലാശാലയില്‍ നിന്ന് നിയമ ബിരുദവും , മഹാത്മാ ഗാന്ധി സര്‍വ്വകലാശാലയില്‍ നിന്ന് നിയമത്തില്‍ പി.ജി യും , ഈ സംഘടനാ പ്രവര്‍ത്തനത്തിന്റെ ഇടയിലും കരസതമാക്കിയിട്ടുണ്ട്. പിന്നെ സാറ് പറഞ്ഞ ചരിത്ര ബോധം. ഫിറോസ് ഗാന്ധിയുടെ ജീവചരിത്രം ഒന്നു വായിക്കുന്നത് നല്ലതായിരിക്കും.
പ്രാസത്തില്‍ പ്രസംഗിക്കുക എന്നുള്ളത് പുരുഷാരവത്തെ മണിക്കുറകളോളം പിടിച്ചിരുത്തി വാക്കുകളെ ശ്രവിപ്പിക്കുന്നവര്‍ക്കൊക്കെ പറഞ്ഞ പണിയാണ്.. യുവത്വത്തില്‍ തന്നെ വാര്‍ദ്ധക്യം ബാധിച്ച താങ്കള്‍ക്ക് അതൊന്നും മനസ്സിലാവില്ല….

സാര്‍ സമരങ്ങളെ കുറിച്ചൊക്കെ വാചാലനായല്ലോ …
താങ്കള്‍ കേരളത്തിലേക്ക് ഘര്‍ വ്യാപാസി നടത്തിയതിനു ശേഷം എത്ര സമരങ്ങള്‍ നടത്തി…. യുവജന സമരങ്ങള്‍, വിദ്യാര്‍ത്ഥി സമരങ്ങള്‍ ..ഒരെണ്ണെത്തിലെങ്കിലും തല കാണിച്ചിട്ടുണ്ടോ, പേരിനെങ്കിലും?

1) പാലക്കാട് നെഹ്‌റു കേളേജിലെ വിദ്യാര്‍ത്ഥിയുടെ ആത്മഹത്യ,

2) മഹാരാജാസിലെ അഭിമന്യുവിന്റ കൊലപാതകം,

3) കേരളത്തിലെ നഴ്‌സിംഗ് വിദ്യാര്‍ത്ഥികളുടെ സമരം,

4) താങ്കളുടെ സഖ്യ കക്ഷിയിലെ, യുവജന സംഘടനയിലെ വനിതാ നേതാവിനെ താങ്കളുടെ തന്നെ സഭാ മേറ്റ് പീഡിപ്പിച്ചത്..

ഇനിയും തീര്‍ന്നില്ല സര്‍.. സമയംഅനുവദിക്കുന്നില്ല..ഇതിനൊക്കെ താങ്കള്‍ക്ക് മറുപടിയുണ്ടോ. എവിടെ പോയി സമര ബോധം, താങ്കളുടെ ആസാധി വിളികള്‍, സമരോജ്ജ്വല യൗവ്വനം,എവിടെ പോയി ആ വിപ്ലവ വീര്യമൊക്കെ.

പിന്നെ ലീഗിന്റെ സീറ്റിന്റെ കാര്യം, തിരുവനന്തപുരം ലോകസഭാ സീറ്റ് നാടാര്‍ മുതലാളി ബെന്നറ്റ് എബ്രാഹമിന് കച്ചോട മാക്കിയത് സാറ് അറിഞ്ഞാര്‍ന്നോ.

ഫിറോസിന് സീറ്റു കിട്ടാന്‍ കൊന്നപ്പൂവിന്റെ പിറകെ കൂടി പേരെടുക്കണ്ട ഗതികേടില്ല മിസ്റ്റര്‍.. കേരളത്തിലെ വിദ്യാര്‍ത്ഥി യുവജന നേതാക്കളില്‍ വ്യക്തമായ ഇടം ഉണ്ട്. അത് മതി ലോക സഭ യിലേക്കായാലും നിയമ സഭയിലേക്കായാലും. അതിന് താങ്കള്‍ ഇനി അധിക നാള്‍ കാത്തിരിക്കേണ്ടി വരില്ല.

35 അല്ല സോറി 32 വയസ്സായ താങ്കള്‍ക്ക് ഇപ്പോഴെ ജരനരകള്‍ ബാധിച്ചു. ഇല്ലങ്കില്‍ കേരളത്തിലെ യുവ എം എല്‍മാരുടെ കൂടെ താങ്കളും ശ്രദ്ധിക്കപ്പെടുമായിരുന്നു.

എന്തിന് താങ്കളുടെ പാര്‍ട്ടിയിലെ തന്നെയുള്ള 40 ലേക്ക് അടുത്ത മുവാറ്റുപുഴ എം എല്‍ എ എല്‍ദോഎബ്രാഹിമിനുള്ള ആര്‍ജ്ജവുമെങ്കിലും താങ്കള്‍ സഭയില്‍ കാണിക്കണം. കേരള ജനത ശ്രദ്ധിക്കുന്നുണ്ട് യുവത്വത്തിന്റെ ആനുകുല്യം പറ്റുന്ന താങ്കളെയൊക്കെ.

പഠിപ്പിച്ചോളു സര്‍ , സ്വയം പഠിച്ചതിന് ശേഷം..

മണ്ണാര്‍കാട്: ജനാധിപത്യത്തെ നോക്കുകുത്തിയാക്കി രാജ്യത്തെ ഭരണഘടന സ്ഥാപനങ്ങളെ തകര്‍ക്കുന്ന മോദിഭരണകൂടം മുഴുവന്‍ ജനങ്ങളുടെയും ശത്രുവാണെന്ന് മുസ്‌ലിംലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ്. തെരഞ്ഞെടുപ്പ് കമ്മീഷനിലും റിസര്‍വ്വ ബാങ്കിലും സി.ബി.ഐയിലും അനധികൃതമായി ഇടപെടുന്ന കേന്ദ്ര ഭരണകൂടം കോടതികളെ പോലും ചൊല്‍പ്പടിയില്‍ നിര്‍ത്താന്‍ ശ്രമിക്കുന്നു. യുവജന യാത്രയുടെ പതിനഞ്ചാം ദിന പര്യടനം ഒറ്റപ്പാലം നാട്ടുകലില്‍ ഉദ്ഘാടനം ചെയ്യുകയായിരുന്നു അദ്ദേഹം.
ബീഫിന്റെ പേരിലുള്ള ആള്‍ക്കൂട്ട കൊലകള്‍ വര്‍ധിച്ചു. അന്വേഷണ ഉദ്യോഗസ്ഥനെ പോലും കൊലപ്പെടുത്തുന്നു. മറുപടി പറയേണ്ട പ്രധാനമന്ത്രി പാര്‍ലമെന്റ് സമ്മേളനം നടക്കുമ്പോള്‍ പോലും വിട്ടു നില്‍ക്കുന്നു. രാജ്യത്തെ പിന്നോട്ടു നയിക്കുന്ന മോദിയെ അതേപോലെ പിന്‍പറ്റുന്ന പിണറായി ഭരണകൂടം ജനങ്ങളെ തമ്മിലടിപ്പിക്കുന്നതിലും സംഘ്പരിവാറിനെ കടത്തിവെട്ടുകയാണ്. വിശ്വാസി സമൂഹത്തോട് യുദ്ധം ചെയ്യുകയാണ് കമ്മ്യൂണിസം. ശബരിമലയില്‍ ഗൂഢലക്ഷ്യത്തോടെപ്രവര്‍ത്തിക്കന്ന സംസ്ഥാന സക്കാര്‍ കേരളത്തെ നാണം കെടുതത്തി. പ്രബുദ്ധ കേരളം ഇരു ദുരന്തങ്ങളെയും പുറംതള്ളുമെന്നും കെ.പി.എ മജീദ് പറഞ്ഞു.
സമദ് മാസ്റ്റര്‍ അധ്യക്ഷത വഹിച്ചു. മുസ്്‌ലിംലീഗ് സംസ്ഥാന വൈസ് പ്രസിഡന്റ് സി.എ.എം.എ കരീം, സെക്രട്ടറി അഡ്വ.എന്‍ ഷംസുദ്ദീന്‍ എം.എല്‍.എ, കളത്തില്‍ അബ്ദുള്ള, മരക്കാര്‍ മാരായമംഗലം, സി.എ സാജിത്, ഗഫൂര്‍ കോല്‍ക്കളത്തില്‍, പി.പി അന്‍വര്‍ സാദത്ത്, ഷിബുമീരാന്‍ സംസാരിച്ചു.

മാര്‍ക്‌സിസ്റ്റ് ഭീകരതയുടെ കൊലക്കത്തിക്കിരയായ സഫീറിന്റെ ജ്വലിക്കുന്ന ഓര്‍മ്മകളോടെയാണ് യാത്ര മണ്ണാര്‍ക്കാട്ടേക്ക് പ്രവേശിച്ചത്. സ്വന്തം മകന്‍ നഷ്ടമായിട്ടും പിതാവ് സിറാജ് യുവജന യാത്രയുമായി ബന്ധപ്പെട്ട് യുവാക്കളെ പോലെ ഓടി നടന്ന് പ്രവര്‍ത്തിക്കുന്നത് കാണാമായിരുന്നു.

*** *** ***
പോളിയോ ബാധിച്ച് നടക്കാന്‍ കഴിയാതിരിക്കുന്നത് യുവജന യാത്രയില്‍ പങ്കുകൊള്ളാതിരിക്കാനുള്ള കാരണമല്ല, നാട്ടുകലിലെ കെ.പി.എം സലീമിന്. മുസ്‌ലിം യൂത്ത് ലീഗ് യുവജന യാത്ര തുടങ്ങിയ നാട്ടുകലില്‍ നിന്ന് സമാപനം നടന്ന കോങ്ങാട് ചിറക്കല്‍ പടിവരെ 22 കിലോമീറ്റര്‍ താണ്ടിയാണ് നിശ്ചയദാര്‍ഢ്യം ആവര്‍ത്തിച്ചത്. മുസ്‌ലിം യൂത്ത്‌ലീഗ് ജില്ലാ സെക്രട്ടറികൂടിയാണ് സലീം.

*** *** ***
ആദിവാസി ഊരിലെ ചാത്തന്‍ മൂപ്പന്‍ സമാപന സമ്മേളന വേദിയിലെത്തി യുവജന യാത്രാ നായകന്‍ പാണക്കാട് സയ്യിദ് മുനവ്വറലി ശിഹാബ് തങ്ങള്‍ക്ക് ഉപഹാരം കൈമാറി.
വള്ളുവനാടന്‍ തിറ, തെയ്യം കരിങ്കാളികള്‍ പട്ട മുടി ശിങ്കാരിമേളം എന്നിവയുടെ അകമ്പടിയോടെയാണ് മണ്ണാര്‍ക്കാട് ടൗണിലേക്ക് ജാഥയെ വരവേറ്റത്.