ന്യൂയോര്ക്ക്: യു.എസിലെ വാള്മാര്ട്ട് സ്റ്റോറില് 21 കാരന് നടത്തിയ വെടിവെപ്പില് 20 പേര് കൊല്ലപ്പെട്ടു. വെടിവെപ്പില് 25 ലേറെ പേര്ക്ക് പരിക്കേറ്റു. ടെക്സാസ് എല്പാസോയിലെ വാള്മാര്ട്ട് സ്റ്റോറില് ശനിയാഴ്ച പ്രാദേശിക സമയം രാവിലെ 10.30ഓടെയായിരുന്നു സംഭവം. വെടിവെപ്പ് നടത്തിയ 21 കാരനെ പോലീസ് അറസ്റ്റ് ചെയ്തതായി മാധ്യമങ്ങള് റിപ്പോര്ട്ട് ചെയ്തു.
സ്റ്റോറിലേക്ക് എത്തിയ അക്രമി തുരുതുരാ വെടിയുതിര്ക്കുകയായിരുന്നുവെന്ന് ദൃക്സാക്ഷികള് പറഞ്ഞു. നിരവധിപേര് സംഭവസമയത്ത് വാള്മാര്ട്ട് സ്റ്റോറിലുണ്ടായിരുന്നു. വെടിയൊച്ച കേട്ട് പലരും പുറത്തേക്കോടി രക്ഷപ്പെട്ടു. എന്നാല് കണ്മുന്നില്പ്പെട്ടവര്ക്കെല്ലാം നേരേ അക്രമി വെടിയുതിര്ക്കുകയായിരുന്നു.
രണ്ടുവയസ്സുള്ള കുട്ടി മുതല് 82 വയസ്സുകാരന് വരെ കൊല്ലപ്പെട്ടവരില് ഉള്പ്പെടുന്നതായാണ് റിപ്പോര്ട്ട്. വാള്മാര്ട്ട് സ്റ്റോറിലും പാര്ക്കിങ് ഏരിയയിലും മൃതദേഹങ്ങള് രക്തത്തില് കുളിച്ചുകിടക്കുന്നനിലയിലായിരുന്നു.
'God be with you all': Trump pledges full support for El Paso shooting victims as lawmakers also grieve https://t.co/gISsidBeWr via @usatoday
— Donald J. Trump (@realDonaldTrump) August 3, 2019
Today’s shooting in El Paso, Texas was not only tragic, it was an act of cowardice. I know that I stand with everyone in this Country to condemn today’s hateful act. There are no reasons or excuses that will ever justify killing innocent people….
— Donald J. Trump (@realDonaldTrump) August 4, 2019