കൊച്ചി: സംസ്ഥാനത്ത് സ്വര്ണവിലയില് വീണ്ടും വന് കുതിപ്പ്. ഗ്രാമിന് 155 രൂപയുടെ വര്ധനവാണ് ഇന്നുണ്ടായത്. 13,030 രൂപയായാണ് സ്വര്ണവില വര്ധിച്ചത്. പവന് 1240 രൂപയുടെ വര്ധനയുണ്ടായി. 1,04,240 രൂപയായാണ് പവന്റെ വില വര്ധിച്ചത്. 18 കാരറ്റിന്റെ സ്വര്ണവില 10,710 രൂപയായി ഉയര്ന്നു. 43, 9 കാരറ്റിന്റെ വിലയും ഉയര്ന്നിട്ടുണ്ട്. ആഗോള രാഷ്ട്രീയസാഹചര്യങ്ങള് തന്നെയാണ് സ്വര്ണത്തിന്റെ വില ഉയര്ത്തുന്ന പ്രധാനഘടകം.
അതേസമയം, ആഗോളവിപണിയിലും സ്വര്ണത്തിന് വില ഉയരുകയാണ്. സ്പോട്ട് ഗോള്ഡ് വില ഔണ്സിന് വില 4400 ഡോളറായാണ് ഉയര്ന്നത്. യു.എസ് ഗോള്ഡ് ഫ്യൂച്ചര് നിരക്ക് ഫെബ്രുവരിയില് 1.3 ശതമാനം ഉയര്ന്ന് 4609 ഡോറായി.
ആഗോള രാഷ്ട്രീയസാഹചര്യങ്ങള് തന്നെയാണ് സ്വര്ണവില ഉയരുന്നതിനുള്ള കാരണം. ക്യൂബ, ഇറാന് പോലുള്ള രാജ്യങ്ങളെ ആക്രമിക്കുമെന്ന് ട്രംപ് ഭീഷണിമുഴക്കിയിരുന്നു. ഈ രാഷ്ട്രീയ അനിശ്ചിതാവസ്ഥക്കിടയില് സുരക്ഷിതനിക്ഷേപമായി എല്ലാവരും സ്വര്ണത്തെ പരിഗണിച്ചതാണ് വില ഇത്രയും ഉയരാന് കാരണം.