പന്തീരാങ്കാവ് ഗാര്ഹിക പീഡനക്കേസ് ഹൈക്കോടതി റദ്ദാക്കി. കേസ് റദ്ദാക്കണമെന്ന് ആവശ്യപ്പെട്ട് പ്രതി രാഹുല് ഗോപാല് നല്കിയ ഹര്ജി കോടതി അംഗീകരിച്ചു. രാഹുലിന്റേയും പരാതിക്കാരിയുടേയും സമാധാന ജീവിതത്തിന് കേസ് തടസ്സമാകരുതെന്നും പീഡനക്കേസിന്റെ എഫ്ഐആര് റദ്ദാക്കിക്കൊണ്ടുള്ള ഉത്തരവില് കോടതി അഭിപ്രായപ്പെട്ടു.
കേസ് വിവാദമായതിനെ തുടര്ന്ന് ദമ്പതികള് പരസ്പരം സംസാരിച്ച് വഴക്ക് ഒത്തുതീര്പ്പാക്കിയിരുന്നു. തങ്ങള്ക്കിടയില് ചില തെറ്റിദ്ധാരണകളുണ്ടായിരുന്നെന്നും അതെല്ലാം പറഞ്ഞു തീര്ത്തുവെന്നും യുലതി പറഞ്ഞു. ഭര്ത്താവിനൊപ്പം ജീവിക്കാനാണ് താല്പ്പര്യമെന്നും ചൂണ്ടിക്കാട്ടി യുവതി കോടതിയില് സത്യവാങ്മൂലം സമര്പ്പിച്ചു. ഭര്ത്താവായ രാഹുലിനെതിരെയുള്ള കേസ് റദ്ദാക്കണമെന്നും ഭര്ത്താവ് തന്നെ മര്ദ്ദിച്ചിട്ടില്ലെന്നും യുവതി വെളിപ്പെടുത്തി. തെറ്റിദ്ധാരണകളുടെ പുറത്താണ് ആരോപണം ഉന്നയിച്ചതെന്നും യുവതി കോടതിയെ അറിയിച്ചു.