കോഴിക്കോട്: എരഞ്ഞിപ്പാലത്ത് ആണ്സുഹൃത്തിന്റെ വീട്ടില് യുവതി ആത്മഹത്യ ചെയ്ത സംഭവത്തില് കണ്ണാടിക്കല് സ്വദേശിയായ ബഷീറുദ്ധീന് അറസ്റ്റില്. സംഭവത്തില് ഇയാള്ക്കെതിരെ ആത്മഹത്യ പ്രേരണകുറ്റം ചുമത്തിയാണ് നടക്കാവ് പോലീസ് അറസ്റ്റ് ചെയ്തത്.
കഴിഞ്ഞ ദിവസമാണ് അത്തോളി സ്വദേശിനി ആയിഷ റഷയെ ആണ്സുഹൃത്തിന്റെ വാടകവീട്ടില് മരിച്ച നിലയില് കണ്ടെത്തിയത്. പിന്നാലെ യുവതിയുടെ കുടുംബം പൊലീസില് പരാതി നല്കിയിരുന്നു.
സംഭവത്തില് കഴിഞ്ഞ ദിവസം തന്നെ യുവാവിനെ പൊലീസ് കസ്റ്റഡിയിലെടുത്തിരുന്നു. ബഷീറുദ്ദീന് ട്രെയിനറായിരുന്ന ജിമ്മില് കഴിഞ്ഞ ദിവസം ഓണാഘോഷം നടന്നിരുന്നു. എന്നാല് ആഘോഷത്തിന് പോകാന് ആയിഷ റഷ സമ്മതിച്ചിരുന്നില്ല. ഇത് വകവെക്കാതെ ബഷീറുദ്ദീന് ഓണാഘോഷത്തിന് പോയെന്ന് പൊലീസ് പറയുന്നു.
പിന്നീട് ആയിഷ ബഷീറുദ്ദീന് അയച്ച വാട്സ്ആപ് ചാറ്റ് പൊലീസ് കണ്ടെത്തിയിരുന്നു. തന്റെ മരണത്തിന് ഉത്തരവാദി നീ ആയിരിക്കുമെന്നാണ് ചാറ്റില് പറഞ്ഞിരുന്നത്. യുവതിയുടെ ബന്ധുക്കളില് നിന്നും സുഹൃത്തുക്കളില് നിന്നും പൊലീസ് മൊഴിയെടുക്കും. അതേസമയം യുവതി ആത്മഹത്യ ചെയ്യില്ലെന്ന് ബന്ധുക്കള് ആരോപിച്ചിരുന്നു.
യുവതിയെ ഇയാള് മര്ദ്ദിച്ചതായി സുഹൃത്തുക്കളും പറഞ്ഞിരുന്നു. മംഗലാപുരത്ത് പഠിക്കുകയായിരുന്ന ആയിഷ മൂന്ന് ദിവസം മുമ്പാണ് കോഴിക്കോട്ടെ ആണ് സുഹൃത്തിന്റെ വാടക വീട്ടിലെത്തിയത്.