ഒഡീഷയിലെ ബാലസോറില് നടന്ന ട്രെയിന് അപകടത്തില് രക്ഷാപ്രവര്ത്തനം അവസാനിപ്പിച്ചതായി റെയില്വേ. അപകടത്തില് പരിക്കേറ്റവരില് പലരുടെയും നില ഗുരുതരമാണെന്നാണ് വിവരം. ഗതാഗതം പുനസ്ഥാപിക്കാനുള്ള നടപടികള് ആരംഭിച്ചതായി ഇന്ത്യന് റെയില്വേ വക്താവ് അമിതാഭ് ശര്മ അറിയിച്ചു.
അപകടത്തില് ഇത് വരെ 280 ഓളം പേര് മരിച്ചതായാണ് വിവരം. അപകടത്തില് റെയില്വേ അന്വേഷണം ആരംഭിച്ചിട്ടുണ്ട്. സൗത്ത് ഈസ്റ്റേണ് സര്ക്കിള് റെയില്വേ സേഫ്റ്റി കമ്മീഷണര് എഎം ചൗധരിയുടെ നേതൃത്വത്തിലാണ് അന്വേഷണം.