വീടിന്റെ മേല്ക്കൂരയ്ക്ക് തീപിടിച്ച് ഉറങ്ങിക്കിടക്കുകയായിരുന്ന മൂന്നു വയസ്സുകാരി വെന്തുമരിച്ചു. ഇന്ന് രാവിലെയോടെ ഉത്തര്പ്രദേശിലെ ബഹദാപൂര് ജില്ലയിലാണ് ദാരുണമായ സംഭവം നടന്നത്. രാംബാബു എന്നയാളുടെ ഓട് മേഞ്ഞ വീടിനാണ് തീപിടിച്ചത്.
വീട്ടിലെ മറ്റ് അംഗങ്ങളെല്ലാം പുറത്തായ സമയത്താണ് മേല്ക്കൂരയ്ക്ക് തീ പിടിക്കുന്നത്. ഈ സമയം കുഞ്ഞ് വീടിനകത്ത് കിടന്നുറങ്ങുകയായിരുന്നു. തീപിടിച്ച മേല്ക്കൂര ഉറങ്ങിക്കിടന്ന കുഞ്ഞിന്റെ ദേഹത്തേക്ക് വീഴുകയായിരുന്നുവെന്ന് പൊലീസ് പറയുന്നു. അയല്വാസികള് എല്ലാം ചേര്ന്ന് തീ അണച്ചപ്പോഴേക്കും കുഞ്ഞ് മരിച്ചിരുന്നു. വീടിനോട് ചേര്ന്ന് കെട്ടിയിട്ടിരുന്ന പശുവും പൊള്ളലേറ്റു മരിച്ചിട്ടുണ്ട്.