Connect with us

Art

ലോകത്ത് 170-ലധികം ആയോധനകലകളുണ്ട്; അറിയാം ആയോധനകലകളെ

ശാരീരികവും മാനസികവുമായി പോരാട്ടമുറകള്‍ സ്വായത്തമാക്കുന്ന കലയാണ് ആയോധനകല. സ്വയരക്ഷക്കായോ പ്രതിയോഗ്യതയ്ക്കായോ ശാരീരിക മാനസിക വളര്‍ച്ചയ്ക്ക് വേണ്ടിയോ അനുഷ്ഠിക്കുന്ന കലയാണ് ഇത്.

Published

on

ലോകത്ത് 170-ലധികം ആയോധനകലകളുണ്ട്. കരാട്ടെ, കുങ്ഫു തായ്ക്വോണ്ടോ തുടങ്ങിയ ചിലതിനെക്കുറിച്ച് നിങ്ങള്‍ കേട്ടിട്ടുണ്ടാകും, ആയോധന കലകള്‍ ലോകമെമ്പാടുമുള്ള വിവിധ പ്രദേശങ്ങളില്‍ നിന്നാണ് വരുന്നത്. പലതും ചൈന, ജപ്പാന്‍, കൊറിയ എന്നിവിടങ്ങളില്‍ നിന്നാണ്. ശാരീരികവും മാനസികവുമായി പോരാട്ടമുറകള്‍ സ്വായത്തമാക്കുന്ന കലയാണ് ആയോധനകല. സ്വയരക്ഷക്കായോ പ്രതിയോഗ്യതയ്ക്കായോ ശാരീരിക മാനസിക വളര്‍ച്ചയ്ക്ക് വേണ്ടിയോ അനുഷ്ഠിക്കുന്ന കലയാണ് ഇത്. സ്വയം പ്രതിരോധ ശേഷി വര്‍ധിപ്പിക്കുന്നതിനൊപ്പം അച്ചടക്കത്തിന്റെയും പരസ്പര ബഹുമാനത്തിന്റെയും പാഠങ്ങള്‍ കൂടി ഓരോ ആയോധന കലകളും നല്‍കുന്നുണ്ട്. ലോകത്ത് പ്രസിദ്ധമായതും പ്രധാനപ്പെട്ടതുമായ കുറച്ച് ആയോധനകലകളെ പരിചയപ്പെടാം..

കരാട്ടെ

ഒരു ജാപ്പനീസ് ആയോധനകലയാണ് കരാട്ടെ. വെറും കൈ എന്നാണ് കാരത്തെയുടെ ശരിയായ അര്‍ത്ഥം. ശരീരം തന്നെ ആയുധമാക്കുന്നത് കൊണ്ടാണ് ഈ പേരില്‍ അറിയപ്പെടുന്നത്. കരാട്ടെ പരിശീലിക്കുന്ന ഇടത്തെ ഡോജോ എന്നാണ് വിളിക്കുന്നത്. കരാട്ടെ പരിശീലിക്കുന്നത് ‘ഴശ’ എന്ന വസ്ത്രം അണിഞ്ഞു കൊണ്ടാണ്,കൂടെ ഗ്രേഡ് വ്യക്തമാക്കുന്ന ബെല്‍റ്റും അണിയുന്നു. കരാട്ടെ അഭ്യസിക്കുന്ന വിദ്യാര്‍ത്ഥിയെ ‘കരാട്ടെക്ക’ എന്നും അദ്ധ്യാപകനെ ‘സെന്‍സായ്’ എന്നുമാണ് വിശേഷിപ്പിക്കുന്നത്. ബെല്‍റ്റുകളുടെ അടിസ്ഥാനത്തിലാണ് കരാട്ടെയില്‍ ഗ്രേഡ് കണക്കാക്കുന്നത് വെള്ള മുതല്‍ കറുപ്പ് വരെ (ബ്ലാക്ക് ബെല്‍റ്റ്) വരെ നീണ്ടു പോവുന്ന ഗ്രേഡുകള്‍.

കുങ്ഫു

സിനിമകളിലും മറ്റു കഥകളിലും കേട്ടു പരിചയമുള്ള ഒരു വാക്കാണല്ലോ കുങ്ഫു. ഇത് ഒരു ചൈനീസ് ആയോധന കലയാണ്. മെയ്യ് നീക്കങ്ങളും കൈ-കാല്‍ പ്രയോഗങ്ങളും ആയുധപ്രയോഗങ്ങളും ചേര്‍ന്ന ഒരു അഭ്യാസ കലയാണ് ഇത്. കഠിനപ്രയത്‌നം, പൂര്‍ണ്ണത എന്നൊക്കെയാണ് ഈ പദത്തിന്റെ അര്‍ത്ഥം. മുമ്പ് ഈ ആയോധനകല ഷാവോലിന്‍ ചുവാന്‍ ഫാ എന്നറിയപ്പെട്ടിരുന്നു. പിന്നീട് ഷാവോലിന്‍ കങ്ഫു എന്നു വിളിക്കപ്പെട്ടു.

ബോക്‌സിങ്

പലപ്പോഴും ബോക്‌സിങ് അനുകരിച്ചവരാണ് നമ്മള്‍.. ഏറ്റവും പഴക്കമുള്ളതും ഏറ്റവും ജനപ്രിയവുമായ സ്‌പോര്‍ട്‌സുകളില്‍ ഒന്നാണ് ഇത്. രണ്ടു പേര്‍ പരസ്പരം ഒപ്പം നിന്ന് പോരാടുന്നതാണ് ഇതിന്റെ രീതി. ഇതിന്റെ അടിസ്ഥാന കാര്യങ്ങള്‍ വളരെ ലളിതമാണെങ്കിലും ഒളിമ്പിക് ബോക്‌സിങ്ങിന് സങ്കീര്‍ണമായ ഒരു കൂട്ടം നിയമങ്ങള്‍ ഉണ്ട്.

തായ്‌കൊണ്ടോ

നമ്മുടെ നാട്ടില്‍ ഏറെ പ്രചാരമുള്ള ഒരു ആയോധനകലയാണിത്. ദക്ഷിണ കൊറിയയുടെ ദേശീയ കായികവിനോദമാണ് തായ്‌കൊണ്ടോ. മറ്റേതൊരു ആയോധന കലയെക്കാളും ഇന്ന് ടേക്വോന്‍ ഡോ ലോകത്ത് പ്രചരിപ്പിക്കുന്നുണ്ട്. ഒരു എതിരാളി നിങ്ങളെ ആക്രമിക്കുന്നതിലൂടെ നിങ്ങള്‍ക്ക് ദോഷകരമായി ഒന്നും ബാധിക്കില്ല എന്നതാണ് ഈ ആയോധനകലയുടെ ലക്ഷ്യം.ഇതിനും റാങ്കിങ് അടിസ്ഥാനത്തില്‍ ബെല്‍റ്റുകള്‍ നല്‍കുന്നുണ്ട്.

സുമോ

ജപ്പാന്റെ ദേശീയ കായിക വിനോദമാണ് സുമോ ഗുസ്തി. രണ്ടു ഗുസ്തിക്കാര്‍ തമ്മില്‍ നടത്തുന്ന ഒരു ഗുസ്തിയാണിത്. ഷിന്റോ ദേവാലയങ്ങളില്‍ ദേവപ്രീതിക്കായുള്ള അനുഷ്ഠാനമെന്ന നിലയിലാണ് പണ്ടുകാലത്ത് സുമോ ഗുസ്തി നടന്നിരുന്നത്. എതിരാളിയെ മലര്‍ത്തിയടിക്കുകയോ ദോഹ്യോ എന്ന മല്‍സരം നടക്കുന്ന വലയത്തിനു പുറത്താക്കുകയോ ചെയ്യുകയാണ് ലക്ഷ്യം. ജപ്പാനിലാണ് ഈ ആയോധനമല്‍സരം ആരംഭിച്ചത്. ജപ്പാനില്‍ മാത്രമേ ഇത് പ്രൊഫഷണല്‍ മല്‍സരമായി നടത്തപ്പെടുന്നുള്ളു. സുമോ പരിശീലനക്കളരിയില്‍ പാരമ്പര്യ വിധികള്‍ക്കും നിയമങ്ങള്‍ക്കുമനുസരിച്ചു ജീവിക്കണമെന്നുള്ളത് നിര്‍ബന്ധമാണ്. അവരുടെ ഭക്ഷണം മുതല്‍ വസ്ത്രധാരണം വരെ ഇതില്‍ നിയന്ത്രിക്കപ്പെട്ടിരിക്കുന്നു.

ഗുസ്തി

ഒരു പോരാട്ട മത്സരമാണ് ഗുസ്തി. അള്ളിപ്പിടുത്തം പോലെയുള്ള രീതികളാണ് ഇതില്‍ പ്രയോഗിക്കുന്നത്. എതിരാളിയെ ഒരേ നിലയില്‍ നിശ്ചിത സമയം പൂട്ടിയിടുക എന്നതാണ് ഈ മത്സരത്തിന്റെ സവിശേഷത. പ്രാചീനകാലത്തില്‍ മല്ലയുദ്ധം എന്നാണ് ഗുസ്തി അറിയപ്പെട്ടിരുന്നത്.

ഇന്ത്യയില്‍ പ്രചാരമുള്ള ഗുസ്തിയുടെ പേരാണ് പെഹല്‍വാനി. നാല് തന്ത്രങ്ങളാണ് ഇതില്‍ ഉള്ളത്.ഗുസ്തിയില്‍ ഇന്ത്യക്കാര്‍ക്ക് എക്കാലവും വലിയ പ്രാധാന്യമുണ്ട്. ഇന്ത്യയിലെ ഏറ്റവും പ്രശസ്തനായ ഗുസ്തിക്കാരനായിരുന്നു ഗുലാം മുഹമ്മദ്. ദി ഗ്രേറ്റ് ഗാമ, പഞ്ചാബ് സിംഹം എന്നീപേരുകളില്‍ അറിയപ്പെട്ടിരുന്ന ഗുലാം മുഹമ്മദ് ഒരു മത്സരത്തില്‍പോലും തോറ്റിട്ടില്ലാത്ത ചരിത്രത്തിലെ ഏക ഗുസ്തിക്കാരനാണ്.

ജൂഡോ

ജപ്പാനിലെ ഒരു മല്ലയുദ്ധമുറയാണ് ജൂഡോ. ഇത് ജുജിട്‌സു എന്ന ആയോധനകലയില്‍ നിന്നും വികസിപ്പിച്ചെടുത്തതാണ്. ജൂഡോ എന്ന കലയുടെ സ്ഥാപകന്‍ ജിഗാരോ കാനോ ആണ്. ജൂഡോ എന്നാല്‍ ‘മാന്യമായ വഴി’ എന്നാണര്‍ത്ഥം. ഇതില്‍ ഇടി, ചവിട്ട്, ആയുധം ഇവ ഉണ്ടെങ്കിലും മറ്റു ആയോധനകലകളില്‍ നിന്നു വ്യത്യസ്തമായി ഇവ ‘കത്ത’ എന്നറിയപ്പെടുന്ന ഇനത്തില്‍ മാത്രമേ ഉണ്ടാകുകയുള്ളൂ, മത്സരങ്ങളില്‍ ഇവ ഉള്‍പ്പെടുത്തുന്നത് കര്‍ശനമായി നിരോധിച്ചിരിക്കുന്നു. ആധുനിക ആയോധന കലയും പിന്നീട് ഒളിമ്പിക്‌സും ജൂഡോയെ ആയോധന കലയായി പരിഗണിച്ചു.

കളരിപ്പയറ്റ്

കേരളത്തിന്റെ തനത് ആയോധനകലയാണ് കളരിപ്പയറ്റ്. കേരളത്തിലും തമിഴ്‌നാടിന്റെ ചില ഭാഗങ്ങളിലും ഈ പുരാതനമായ ആയോധന മുറ അഭ്യസിച്ചു വരുന്നു. കേരളത്തില്‍ എല്ലാ വിഭാഗക്കാരും കളരിപ്പയറ്റ് അഭ്യസിക്കുന്നു. പൂരക്കളി, മറുത്ത്കളി, കഥകളി, കോല്‍കളി, വേലകളി, തച്ചോളിക്കളി തുടങ്ങിയ കേരളത്തിലെ പല പരമ്പരാഗത കലാരൂപങ്ങളും കളരിപ്പയറ്റില്‍ നിന്ന് പലതും കടം കൊണ്ടിട്ടുണ്ട്. കളരിപ്പയറ്റ് പഠിപ്പിക്കുന്ന സ്ഥലമാണ് ‘കളരി’.

Continue Reading
Advertisement
Click to comment

Leave a Reply

Your email address will not be published. Required fields are marked *

Art

ഡോക്യുമെന്ററി പ്രദര്‍ശനം; തടയാന്‍ പോലീസും

ബിബിസി ഡോക്യൂമെന്ററി പ്രദര്‍ശന വിലക്കില്‍ പ്രതിഷേധിച്ച് ഫ്രറ്റേണിറ്റി മൂവ്‌മെന്റ് പ്രവര്‍ത്തകര്‍ കോഴിക്കോട് ബീച്ചില്‍ സംഘടിപ്പിച്ച പ്രദര്‍ശനത്തിനിടയില്‍ പൊലീസ് ഇടപെടല്‍

Published

on

ബിബിസി ഡോക്യൂമെന്ററി പ്രദര്‍ശന വിലക്കില്‍ പ്രതിഷേധിച്ച് ഫ്രറ്റേണിറ്റി മൂവ്‌മെന്റ് പ്രവര്‍ത്തകര്‍ കോഴിക്കോട് ബീച്ചില്‍ സംഘടിപ്പിച്ച പ്രദര്‍ശനത്തിനിടയില്‍ പൊലീസ് ഇടപെടല്‍. പരിപാടിക്കിടയില്‍ പൊതുസ്ഥലത്ത് അനുവാദമില്ലാതെയാണ് ഡോക്യൂമെന്ററി പ്രദര്‍ശിപ്പിച്ചെന്നാരോപിച്ചാണ് അറസ്റ്റ്.

പ്രദര്‍ശനത്തിന് വേണ്ടി ഉപയോഗിച്ച ഉപകരണങ്ങളെല്ലാം പൊലീസ് പിടിച്ചെടുത്തു. ഇത് ചോദ്യം ചെയ്തതിനെ തുടര്‍ന്ന് പ്രവര്‍ത്തകരെ അറസ്റ്റ് ചെയ്ത് നീക്കുകയായിരുന്നു. കഴിഞ്ഞ ദിവസങ്ങളില്‍ പലയിടങ്ങളിലായി പ്രദര്‍ശനം നടത്തി. പലയിടങ്ങളിലും ഇത്തരത്തിലുള്ള സംഭവങ്ങളും ഉണ്ടായി.

എറണാകുളം ലോ കോളേജില്‍ പ്രദര്‍ശനത്തിനിടയില്‍ നാടകീയ സംഭവങ്ങളാണുണ്ടായത്. പ്രദര്‍ശനം തടയുന്നതിന്റെ ഭാഗമായി പ്രിന്‍സിപ്പലിന്റെ നിര്‍ദേശപ്രകാരം കോളേജ് ജീവനക്കാര്‍ ഫ്യൂസ് ഊരി. കലാലയങ്ങളും പൊതുഇടങ്ങളും കേന്ദ്രീകരിച്ച് ഇനിയും പ്രദര്‍ശനങ്ങള്‍ തുടരാന്‍ തന്നെയാണ് സംഘടനയുടെ തീരുമാനം. കരമനയില്‍ യൂത്ത് കോണ്‍ഗ്രസ് പ്രദര്‍ശനം സംഘടിപ്പിക്കുമെന്ന് അറിയിച്ചിട്ടുണ്ട്. മറ്റു ജില്ലകളിലും വിവധ സംഘടനയുടെ നേതൃത്വത്തില്‍ പ്രദര്‍ശനം ഉണ്ടാകും.

Continue Reading

Art

കലോത്സവ വിജയികള്‍ക്ക് മൊമെന്റോ വിതരണം ചെയ്തു

13000 മെമെന്റൊകളും 57 ഓളം വലിയ ട്രോഫികളുമാണ് കലാ പ്രതിഭകള്‍ക്കുള്ള വിതരണത്തിനായി തയ്യാറാക്കിയിരിക്കുന്നത്

Published

on

കേരള സ്‌കൂള്‍ കലോത്സവത്തില്‍ ഗ്രേഡുകള്‍ വാങ്ങിയവര്‍ക്കുള്ള മെമെന്റോകളുടെ വിതരണ ഉദ്ഘാടനം വിദ്യാഭ്യാസ മന്ത്രി വി ശിവന്‍കുട്ടി നിര്‍വ്വഹിച്ചു. കലോത്സവത്തില്‍ എ ഗ്രേഡും മറ്റു ഗ്രേഡുകളും നേടിയ കലാപ്രതിഭകള്‍ക്കുള്ള മെമന്റോയും സര്‍ട്ടിഫിക്കറ്റ് വിതരണവുമാണ് ട്രോഫി കമ്മിറ്റി ഓഫീസില്‍ നടക്കുന്നത്.

13000 മെമെന്റൊകളും 57 ഓളം വലിയ ട്രോഫികളുമാണ് കലാ പ്രതിഭകള്‍ക്കുള്ള വിതരണത്തിനായി തയ്യാറാക്കിയിരിക്കുന്നത്. മെമെന്റൊകള്‍ സ്വീകരിക്കുമ്പോള്‍ ഫോട്ടോ എടുക്കാനായി പ്രത്യേകം ഫോട്ടോ ഫ്രേമും ഇവിടെ സജ്ജീകരിച്ചിട്ടുണ്ട്.

മാനാഞ്ചിറക്ക് സമീപം ബി ഇ എം ഗേള്‍സ് ഹയര്‍ സെക്കന്‍ഡറി സ്‌കൂളില്‍ ഒരുക്കിയ ട്രോഫി കമ്മിറ്റി ഓഫീസില്‍ നടന്ന ചടങ്ങില്‍ വര്‍ക്കിങ് ചെയര്‍മാന്‍ തോട്ടത്തില്‍ രവീന്ദ്രന്‍ എം എല്‍ എ,ട്രോഫി കമ്മിറ്റി കണ്‍വീനര്‍ ഫിറോസ് മാസ്റ്റര്‍ തുടങ്ങിയവര്‍ പങ്കെടുത്തു.

Continue Reading

Art

വയനാടൻ മികവുകൾക്ക് ചിത്രാർപ്പണവുമായി രാഹുൽഗാന്ധിയുടെ കലണ്ടർ

കലണ്ടറിൽ ഇടം നേടി കുംഭാമ്മ മുതൽ റ്റൈലൻ സജി വരെയുള്ള പ്രഗദ്ഭർ

Published

on

By

വയനാട് പാർലമെന്റ് മണ്ഡലത്തിൽ മികവും കഴിവും തെളിയിച്ചവരെ പരിചയപ്പെടുത്തി രാഹുൽഗാന്ധി എം പിയുടെ 2021 വർഷത്തെ കലണ്ടർ. വയനാട് പാർലമെന്റ് മണ്ഡലത്തിലെ വിവിധ മേഖലകളിൽ കഴിവ് തെളിയിച്ചവരെ കുറിച്ചുള്ള ചെറിയ ജീവിതരേഖകളാണ് കലണ്ടറിനെ വ്യത്യസ്തമാക്കുന്നത്. മാത്രമല്ല, വയനാട് പാർലമെന്റ് മണ്ഡലത്തിലെ പ്രകൃതിഭംഗി പെയിംന്റിംഗായും കലണ്ടറിലുണ്ട്. ചെറുവയൽ നെൽപ്പാടം, പനമരത്തെ കൊറ്റില്ലം, ബാണാസുരസാഗർ ഡാം, ചെമ്പ്രമല, മുത്തങ്ങ വന്യജീവിസങ്കേതം, ഫാന്റം, താമരശ്ശേരി ചുരം, പഴശിസ്മാരകം, കനോലി തേക്ക് മ്യൂസിയം, ചാലിയാർപുഴ, വെള്ളരിമല പാറ, കേരളംകുണ്ട് വെള്ളച്ചാട്ടം എന്നിവയുടെ പെയിന്റിംഗാണ് കലണ്ടറിൽ ഉൾപ്പെടുത്തിയിരിക്കുന്നത്. വയനാടിന്റെ കാർഷികമേഖലയിൽ ശാരീരികവൈകല്യങ്ങളെ അതിജീവിച്ചുകൊണ്ട് ജൈവകൃഷി നടത്തിവരുന്ന കുംഭാമ്മയെ പരിചയപ്പെടുത്തിക്കൊണ്ടാണ് കലണ്ടറിലെ ആദ്യമാസം ആരംഭിക്കുന്നത്. കേരളത്തിലെ സ്പെഷ്യൽ സ്‌കൂൾ കലോത്സവങ്ങളിലെ സൂപ്പർതാരമായി മാറിയ മുഹമ്മദ് ആഷിഖ്, 90 വയസ്സ് കഴിഞ്ഞിട്ടും ചുറുചുറുക്കോടെ മണ്ണിൽ പണിയെടുക്കുന്ന പുൽപ്പള്ളി സുരഭിക്കവലയിലെ നിരപ്പുതൊട്ടിയിൽ മാത്യു-മേരി ദമ്പതികൾ, ഉൾക്കാട്ടിലും ഗുഹകളിലും ജീവിക്കുന്ന ചോലനായ്ക്ക വിഭാഗത്തിലെ ആദ്യ ബിരുദധാരിയും, ഗവേഷകനുമായ വിനോദ്, അന്തർദേശീയ വോളിബോൾ താരം ജിംന എബ്രഹാം, ദേശീയ സ്‌കൂൾ ഗെയിം ഫുട്‌ബോൾ മത്സരത്തിൽ രണ്ടാം സ്ഥാനം നേടിയ കേരള ടീമിന്റെ ക്യാപ്റ്റനായിരുന്ന വിശാഖ് എം എം, അധ്യാപനം പാട്ടിലൂടെ രസകരമാക്കി മാറ്റിയ ശ്രദ്ദേയനായ നിയാസ് ചോല, കേരളാ സ്‌കൂൾ കായികമേളയിൽ രണ്ട് സ്വർണവും ഒരു വെള്ളിയും നേടിയ ആദിവാസി പണിയവിഭാഗത്തിൽപ്പെട്ട വിഷ്ണു, സ്വയം വികസിപ്പിച്ചെടുത്ത മെഷീനുകൾ കൊണ്ട് അത്ഭുതബാലനെന്ന് പേര് കേട്ട റ്റൈലൻ സജി, ഇന്ത്യൻ വ്യോമസേനയുടെ ആഗ്രയിൽ നടന്ന പാരാജംപിംഗ് ക്യാംപിൽ പങ്കെടുത്ത കേരളത്തിൽ നിന്നുള്ള ഏകപെൺകുട്ടിയായ ഫർസാന റഫീഖ് കെ, ചിത്രകലയിൽ ഗിന്നസ് അടക്കം നിരവധി റെക്കോർഡുകൾ നേടിയ എം ദിലീഫ്, കാഴ്ചനഷ്ടമായ മീനങ്ങാടി സ്വദേശിയായ കവയത്രി നിഷ പി എസ് എന്നിവരെയാണ് കലണ്ടറിൽ അവരുടെ നേട്ടങ്ങളടക്കം പരാമർശിച്ചുകൊണ്ട് ഉൾപ്പെടുത്തിയിരിക്കുന്നത്. രാഹുൽഗാന്ധി വയനാടിന്റെ എം പിയായതിന് ശേഷം പുറത്തിറക്കിയ കലണ്ടർ നേരെത്തെയും അതിന്റെ വ്യത്യസ്തത കൊണ്ട് ശ്രദ്ധ നേടിയിയിരുന്നു.

Continue Reading

Trending