ചെന്നൈ: വരാനിരിക്കുന്ന തിരഞ്ഞെടുപ്പില് ബിജെപിയുമായി യാതൊരു തരത്തിലുള്ള സഖ്യവുമുണ്ടാക്കില്ലെന്ന് തമിഴക വെട്രി കഴകം. ബിജെപിയില് നിന്ന് വിജയ്ക്ക് മേല് കടുത്ത സമ്മര്ദ്ദമുണ്ടായിട്ടും തങ്ങളുടെ രാഷ്ട്രീയ നിലപാടില് മാറ്റമില്ലെന്ന് പാര്ട്ടി ജനറല് സെക്രട്ടറി അരുണ് രാജ് അറിയിച്ചു.
വിജയ്യുടെ സിനിമകള് തടഞ്ഞും സിബിഐ അന്വേഷണങ്ങള് ഉപയോഗിച്ചും ബിജെപി സമ്മര്ദ്ദം ചെലുത്താന് ശ്രമിച്ചു. ബിജെപിയെ തങ്ങളുടെ പ്രധാന ‘പ്രത്യയശാസ്ത്ര ശത്രു’വായാണ് വിജയ് കാണുന്നത്. വര്ഗീയ ശക്തികളുമായി ഒരു തരത്തിലും ഒത്തുപോകില്ലെന്ന് പാര്ട്ടി വ്യക്തമാക്കി.
കഴിഞ്ഞ സെപ്തംബറില് കരൂരില് വിജയ് നടത്തിയ റാലിക്കിടെ 41 പേര് മരിച്ചിരുന്നു. ഈ സംഭവവുമായി ബന്ധപ്പെട്ട് വിജയ്യെ സിബിഐ ചോദ്യം ചെയതിരുന്നു. ഇതിനെ തുടര്ന്നുള്ള സമ്മര്ദങ്ങളടക്കം അതിജീവിച്ചാണ് വിജയ് രാഷ്ട്രീയ നിലപാട് വ്യക്തമാക്കുന്നതെന്നാണ് അരുണ് രാജ് വ്യക്തമാക്കുന്നത്. ജനുവരി 12നാണ് വിജയ് സിബിഐക്ക് മുന്നില് ഹാജരായത്.