പാലക്കാട്: അഗളി പഞ്ചായത്തിലെ സ്ഥാനാര്ത്ഥിക്കെതിരെ വധഭീഷണി മുഴക്കിയ സിപിഎം ലോക്കല് സെക്രട്ടറിക്കെതിരെ കേസ്. 18-ാം വാര്ഡിലെ സ്വതന്ത്ര സ്ഥാനാര്ഥിക്കെതിരെയാണ് സിപിഎം ലോക്കല് സെക്രട്ടറി ജംഷീര് കൊല്ലുമെന്ന് ഭീഷണിപ്പെടുത്തിയത്. പിന്നാലെ ജംഷീറിനെതിരെ അഗളി പൊലീസ് കേസെടുത്തു.
അട്ടപ്പാടിയില് എല്ഡിഎഫ് സ്ഥാനാര്ത്ഥിക്കെതിരെ സ്വതന്ത്രനായി മത്സരിക്കുകയാണ് മുന് സിപിഎം ഏരിയ സെക്രട്ടറി. സ്ഥാനാര്ത്ഥിത്വത്തില് നിന്ന് പിന്മാറിയില്ലെങ്കില് തട്ടിക്കളയുമെന്നായിരുന്നു ഭീഷണി. സംഭവത്തിനു പിന്നാലെ സ്ഥാനാര്ത്ഥി പൊലീസില് പരാതി നല്കുകയായിരുന്നു.