തൃശൂര്: റോഡില് വാഹനം പാര്ക്ക് ചെയ്തതിനെ ചൊല്ലിയുണ്ടായ തര്ക്കം കത്തിക്കുത്തില് കലാശിച്ച് തൃശൂര് പേരാമംഗലത്ത് മൂന്ന് പേര്ക്ക് പരിക്കേറ്റു. പെരിങ്ങന്നൂര് സ്വദേശികളായ അഭിനന്ദ്, പിതാവ് ബിനേഷ്, അഭിജിത്ത് എന്നിവരാണ് പരിക്കേറ്റത്. കുത്തിയത് കിഷോര് കൃഷ്ണ എന്നയാളാണ്.
ബാഡ്മിന്റണ് കളിച്ച് വീട്ടിലേക്ക് മടങ്ങുകയായിരുന്ന മൂന്നുപേര്ക്കും മുന്നില് കിഷോര് റോഡില് വഴിമുടക്കി നില്ക്കുകയായിരുന്നു. ഇതിനെക്കുറിച്ചുള്ള സംസാരമാണ് വാക്കുതര്ക്കമായി മാറി അക്രമത്തിലേക്ക് നീങ്ങിയത്. കിഷോറിന്റെ ബൈക്കില് ഉണ്ടായിരുന്ന കത്തി ഉപയോഗിച്ചാണ് മൂവരെയും കുത്തിയതെന്ന് പൊലീസ് അറിയിച്ചു.
അക്രമത്തിന് പിന്നാലെ കിഷോര് ബൈക്കില് രക്ഷപ്പെട്ടു. ഇയാളെ പിന്തുടര്ന്ന ബിന??? നേരത്തെ അല്പദൂരം പോയെങ്കിലും കിഷോര് ഒരു കാറില് കയറി ഒളിച്ചോടുകയായിരുന്നു. തമിഴ്നാട്ടിലേക്ക് ഇയാള് കടന്നിട്ടുണ്ടെന്ന വിവരത്തെ തുടര്ന്ന് പൊലീസ് വ്യാപകമായ തിരച്ചില് ആരംഭിച്ചിട്ടുണ്ട്.