തമിഴ്നാട് തേനിയില് വാഹനാപകടത്തില് മൂന്ന് മലയാളികള് മരിച്ചു. ഒരാള്ക്ക് ഗുരുതരമായി പരിക്കേറ്റു. കുറവിലങ്ങാട് കുര്യം സ്വദേശികളായ ജെയിന് തോമസ് കോയിക്കല്, സോണിമോന് കെ.ജെ കാഞ്ഞിരത്തിങ്കല്, ജോബീഷ് തോമസ് അമ്പലത്തിങ്കല് എന്നിവരാണ് മരിച്ചത്. പി.ഡി ഷാജിക്കാണ് ഗുരുതരമായി പരിക്കേറ്റത്.
ടൂറിസ്റ്റ് ബസും ഇവര് സഞ്ചരിച്ച കാറും തമ്മില് കൂട്ടിയിടിച്ചാണ് അപകടം. കാറിലുണ്ടായിരുന്നവരാണ് മരിച്ചത്. വേളാങ്കണ്ണി ദര്ശനം കഴിഞ്ഞ് മടങ്ങുകയായിരുന്നു ഇവര്.
ഇന്ന് പുലര്ച്ചെ അഞ്ചരയോടെയാണ് അപകടം. ഏര്ക്കാട്ടേക്ക് പോവുകയായിരുന്ന ടൂറിസ്റ്റ് ബസുമായി കാര് കൂട്ടിയിടിക്കുകയായിരുന്നു. ടൂറിസ്റ്റ് ബസില് സഞ്ചരിച്ച 18 പേര്ക്കും പരിക്കേറ്റിട്ടുണ്ട്. ഇവരെ തേനി മെഡിക്കല് കോളജില് പ്രവേശിപ്പിച്ചു.