ചണ്ഡീഗഡ്: കര്ഷക മഹാപഞ്ചായത്തില് പങ്കെടുക്കുന്നതിനായി പോയ കര്ഷകര് സഞ്ചരിച്ച ബസ് അപകടത്തില്പെട്ട് മൂന്ന് വനിതാ കര്ഷകര് മരിച്ചു. ജസ്ബിര് കൗര്, സരബ്ജിത് കൗര്, ബല്ബീര് കൗര് എന്നിവരാണ് മരിച്ചത്.
പഞ്ചാബിലെ ബര്ണാലയില് ആണ് അപകടം നടന്നത്. അപകടത്തില് നിരവധി പേര്ക്ക് പരിക്കേറ്റു. റോഡുകളിലേക്കുള്ള കാഴ്ച്ച മറക്കും വിധമുണ്ടായ മൂടല് മഞ്ഞാണ് അപകടകാരണം എന്ന് പ്രാഥമിക നിഗമനം. ഹരിയാനയിലെ തോഹാനയിലെ മഹാപഞ്ചായത്തില് പങ്കെടുക്കാന് പോകുകയായിരുന്നു ബസിലുള്ളവര്.