ഒഡീഷയില് ട്രെയിന് പാളം തെറ്റി അപകടം. അപകടത്തില് ഏഴുപേര്ക്ക് പരിക്കേറ്റു. ബെംഗളൂരു-കാമാക്യ എസി എക്സ്പ്രസ് ട്രെയിനാണ് കട്ടക്ക് ജില്ലയിലെ നിര്ഗുണ്ടിയില് പാളം തെറ്റിയത്. ഇന്ന് രാവിലെ 11.54ഓടെയാണ് സംഭവം.
പരിക്കേറ്റ ഏഴുപേരെ ആശുപത്രിയില് പ്രവേശിപ്പിച്ചതായി ഒഡീഷ ഫയര് സര്വീസ് ഡയറക്ടര് ജനറല് സുദന്സു സാരംഗി അറിയിച്ചു. പരിക്കേറ്റവരുടെ എണ്ണം പത്തിലേറെ കൂടില്ലെന്നും അദ്ദേഹം വ്യക്തമാക്കി. എന്ഡിആര്എഫും ഒഡീഷ ഫയര് സര്വീസ് സംഘവും അപകട സ്ഥലത്തുണ്ട്.