Connect with us

main stories

ട്രംപ് വൈറ്റ് ഹൗസ് വിടാന്‍ കൂട്ടാക്കുന്നില്ലെന്ന് റിപ്പോര്‍ട്ട്; തോറ്റെന്ന് ബോധ്യപ്പെടുത്താന്‍ മകളുടെ സഹായം തേടുന്നു!

തെരഞ്ഞെടുപ്പ് തന്നില്‍ നിന്ന് തട്ടിയെടുത്തു എന്ന അടിസ്ഥാന രഹിതമായ ആരോപണങ്ങളാണ് ഇപ്പോഴും ട്രംപ് ഉന്നയിച്ചു കൊണ്ടിരിക്കുന്നത്.

Published

on

വാഷിങ്ടണ്‍: യുഎസ് പ്രസിഡണ്ട് തെരഞ്ഞെടുപ്പില്‍ തന്റെ തോല്‍വി അംഗീകരിക്കാന്‍ പ്രസിഡണ്ട് ട്രംപ് കൂട്ടാക്കുന്നില്ലെന്ന് റിപ്പോര്‍ട്ട്. വൈറ്റ് ഹൗസ് വിടാന്‍ ട്രംപ് സന്നദ്ധനാകുന്നില്ല എന്നും വിവിധ വൃത്തങ്ങളെ ഉദ്ധരിച്ച് ഇന്‍ഡിപെന്റന്‍ഡ് റിപ്പോര്‍ട്ട് ചെയ്യുന്നു. പ്രസിഡണ്ടിനെ അനുനയിപ്പിച്ച് കാര്യങ്ങള്‍ മനസ്സിലാക്കാന്‍ മകള്‍ ഇവന്‍കയുടെയും മരുമകന്‍ ജെറാദ് കുഷ്‌നറുടെയും സഹായം തേടാന്‍ വൈറ്റ് ഹൗസ് തീരുമാനിച്ചതായും റിപ്പോര്‍ട്ടുണ്ട്.

ആരും ട്രംപിനോട് കാര്യങ്ങള്‍ പറയാന്‍ സന്നദ്ധമാകുന്നില്ലെന്ന് വൈറ്റ്ഹൗസിലെ എംഎസ്എന്‍ബിസി കറസ്‌പോണ്ടന്റ് ഹാലി ജാക്‌സണ്‍ പറയുന്നു. ട്രംപ് വഴങ്ങുന്നില്ലെന്നും തോല്‍വി ബോധ്യപ്പെടുത്താനുള്ള ശ്രമങ്ങള്‍ തുടരുകയാണ് എന്നും സിഎന്‍എന്‍ വൈറ്റ് ഹൗസ് ലേഖിക കൈത്‌ലാന്‍ കോളിന്‍സ് വ്യക്തമാക്കുന്നു.

തെരഞ്ഞെടുപ്പ് വിജയം ബൈഡനായാലും തോല്‍വി സമ്മതിക്കാന്‍ ട്രംപിന് പദ്ധതിയില്ലെന്ന് എന്നോട് ചില വൃത്തങ്ങള്‍ പറഞ്ഞതായി അവര്‍ പറയുന്നു. തെരഞ്ഞെടുപ്പ് തന്നില്‍ നിന്ന് തട്ടിയെടുത്തു എന്ന അടിസ്ഥാന രഹിതമായ ആരോപണങ്ങളാണ് ഇപ്പോഴും ട്രംപ് ഉന്നയിച്ചു കൊണ്ടിരിക്കുന്നത്.

തോല്‍വി ബോധ്യപ്പെടുത്താന്‍ വൈറ്റ് ഹൗസിലെ സീനിയര്‍ ഉപദേഷ്ടാവും മരുമകനുമായ ജെറാദ് കുഷ്‌നര്‍, മകള്‍ ഇവാന്‍ക ട്രംപ് തുടങ്ങിയ ആരെയെങ്കിലും നിയോഗിക്കും എന്നാണ് റിപ്പോര്‍ട്ട്. ട്രംപ് പോകാന്‍ തയ്യാറായില്ലെങ്കില്‍ എന്തു ചെയ്യുമെന്ന ആശയക്കുഴപ്പവും നിലനില്‍ക്കുന്നുണ്ട്.

ഇത്തരം കാര്യങ്ങള്‍ കൈകാര്യം ചെയ്യേണ്ടത് യുഎസ് സീക്രട്ട് സര്‍വീസും യുഎസ് മാര്‍ഷല്‍സുമാണ്. ഇവര്‍ക്കാണ് വൈറ്റ്ഹൗസിന്റെയും പ്രസിഡണ്ടിന്റെയും സുരക്ഷാ ചുമതല. ബൈഡന്‍ വിജയിക്കുമെന്ന് ഉറപ്പായതോടെ അദ്ദേഹത്തിനുള്ള സുരക്ഷ സീക്രട്ട് സര്‍വീസ് വര്‍ധിപ്പിച്ചിട്ടുണ്ട്. രാജ്യത്തുടനീളം ട്രംപ് അനൂകൂലികളുടെ പ്രതിഷേധം നടക്കുന്ന സാഹചര്യവുമുണ്ട്.

അതിനിടെ, നെവാഡ, പെന്‍സില്‍ വാനിയ സ്റ്റേറ്റുകളില്‍ മേധാവിത്വം സ്ഥാപിച്ചതോടെ ട്രംപ് വൈറ്റ് ഹൗസിലേക്ക് ഒരുപടി കൂടി അടുത്തു. 264 ഇലക്ടോറല്‍ വോട്ടുകളാണ് ഇപ്പോള്‍ ഡെമോക്രാറ്റിക് സ്ഥാനാര്‍ത്ഥിയായ ബൈഡനുള്ളത്. ട്രംപിന് 214ഉം. 270 ഇലക്ടോറല്‍ വോട്ടുകളാണ് കേവല ഭൂരിപക്ഷത്തിനു വേണ്ടത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Features

സമാജം യുവജനോത്സവം: ഐശ്വര്യ ഷൈജിത് കലാതിലകം

മൂന്നുറിലധികം കുട്ടികള്‍ മാറ്റുരച്ച കലാമാമാങ്കം പ്രവാസികള്‍ക്ക് വേറിട്ട അനുഭവമായിരുന്നു

Published

on

അബുദാബി മലയാളി സമാജം മൂന്ന് ദിവസങ്ങളിലായി നടത്തിയ യു.എ.ഇ ഓപ്പണ്‍ യുവജനോത്സവം സമാപിച്ചു. മൂന്ന് വേദികളിലായി മൂന്നുറിലധികം കുട്ടികള്‍ മാറ്റുരച്ച കലാമാമാങ്കം പ്രവാസികള്‍ക്ക് വേറിട്ട അനുഭവമായിരുന്നു.

നാടോടി നൃത്തം, ഭരതനാട്യം കുച്ചുപ്പിടി,മോണോ ആക്ട്, എന്നിവയില്‍ ഒന്നാം സ്ഥാനവും മോഹിനിയാട്ടത്തില്‍ രണ്ടാംസ്ഥാനവും കരസ്ഥമാക്കി 23 പോയിന്റ് നേടിയ പ്രൈവറ്റ് ഇന്റര്‍നാഷണല്‍ സ്‌കൂള്‍ (ഭവന്‍സ്) വിദ്യാര്‍ത്ഥിനി ഐശ്വര്യ ഷൈജിത് ഈ വര്‍ഷത്തെ സമാജം കലാതിലകമായി.
ഷൈജിത് കെ.പി.പ്രേമാ ഷൈജിത് ദമ്പതികളുടെ മകളാണ്.
കലാതിലക ട്രോഫി സമാജം പ്രസിഡന്റും ഡോ. ജസ്ലിന്‍ ജോസും ചേര്‍ന്ന് നല്‍കി. വനിതാവിഭാഗം ഭാരവാഹികള്‍ വിജയകിരീടം അണിയിച്ചു

വിവിധ ഗ്രുപ്പ് വിജയികളായി 15 പോയിന്റോടെ ശിവാനി സജീവ്,16 പോയിന്റോടെ ജേനാലിയ ആന്‍ 10 പോയിന്റോടെ നന്ദകൃഷ്ണ എന്നിവരെയും തിരഞ്ഞെടുത്തു.

2020 ല്‍ 4200 കലാകാരികളെ അണിനിരത്തി മോഹിനിയാട്ടത്തില്‍ ഗിന്നസ് നേടിയ കലാമണ്ഡലം ഡോ. ധനുഷ സന്യാല്‍, കലാമണ്ഡലം അധ്യാപികയായ ലതിക എന്നിവര്‍ നാട്ടില്‍നിന്നെത്തി ഡാന്‍സ് മത്സരങ്ങള്‍ക്ക് വിധി കര്‍ത്താക്കളായി.

ഗള്‍ഫിലെ കുട്ടികള്‍ ക്ലാസ്സിക്കല്‍ ഡാന്‍സ് ഇനങ്ങളില്‍ മികച്ച നിലവാരം പുലര്‍ത്തിയതായും ശാസ്ത്രീയമായി ഡാന്‍സ് അഭ്യസിക്കുന്ന കുട്ടികളുടെ പ്രകടനങ്ങള്‍ കേരളത്തേക്കാള്‍ മികച്ചതായി അനുഭവപ്പെട്ടുവെന്നും അവര്‍ അഭിപ്രായപ്പെട്ടു.

എമിറേറ്റ്‌സ് ഫ്യൂച്ചര്‍ ഇന്റര്‍നാഷണല്‍ അക്കാദമി സ്‌കൂളില്‍നടന്ന
സമാപനച്ചടങ്ങില്‍ സമാജം പ്രസിഡന്റ് റഫീഖ് കയനയില്‍ അധ്യക്ഷത വഹിച്ചു. എല്‍എല്‍എച്ച് ഹോസ്പിറ്റല്‍ സ്പെഷ്യലിസ്റ്റ് ന്യുറോളജിസ്റ്റ് ഡോ.ജസ്ലിന്‍ ജോസ് മുഖ്യാതിഥിയായിരുന്നു. ഇഫ സ്‌കൂള്‍ പ്രിന്‍സിപ്പാള്‍ സജി ഉമ്മന്‍, എല്‍എല്‍എച്ച് മാര്‍ക്കറ്റിംഗ് മാനേജര്‍ നിവിന്‍ വര്‍ഗ്ഗീസ് സംസാരിച്ചു.

സമാജം കലാവിഭാഗം സെക്രട്ടറി റിയാസുദ്ധീന്‍ പി.ടി ആമുഖ ഭാഷണവും ജനറല്‍ സെക്രട്ടറി എം.യു.ഇര്‍ഷാദ് സ്വാഗതവും നടത്തി.
ട്രഷറര്‍ അജാസ് അപ്പാടത്ത്, കമ്മിറ്റി അംഗങ്ങളായ സാബു അഗസ്റ്റിന്‍, യേശുശീലന്‍, സലിം ചിറക്കല്‍, എ.എം.അന്‍സാര്‍, അനില്‍കുമാര്‍ ടി.ഡി,ഫസലുദ്ധീന്‍ വനിതാ കമ്മിറ്റി ഭാരവാഹികളായ അനുപ ബാനര്‍ജി, ലാലി സാംസണ്‍, ബിനിമോള്‍ ടോമിച്ചന്‍, ബദരിയ്യ സിറാജ്, വാലന്റീര്‍ ടീം അനീഷ് ഭാസി, അമീര്‍ കല്ലമ്പലം, സലിം, ഷാജികുമാര്‍, ബിജുവാര്യര്‍ എന്നിവരും ഇതര സംഘടനാ ഭാരവാഹികളും മുന്‍ ജനറല്‍ സെക്രട്ടറിമാരും ചേര്‍ന്ന് ട്രോഫിയും സര്‍ട്ടിഫിക്കറ്റുകളും വിതരണം ചെയ്തു. വൈസ്പ്രസിഡന്റ് രേഖിന് സോമന്‍ നന്ദി പറഞ്ഞു

Continue Reading

gulf

ഭൂകമ്പ ദുരിതം: യുഎഇ 100 ദശലക്ഷം ഡോളര്‍ സഹായം

സിറിയയിലും തുര്‍ക്കിയിലുമായി ഉണ്ടായ ഭൂകമ്പത്തില്‍ 4300 ലേറെ പേര്‍ക്കാണ് ജീവഹാനി നേരിട്ടത്

Published

on

അബുദാബി: കഴിഞ്ഞ ദിവസമുണ്ടായ ഭൂകമ്പത്തില്‍ സര്‍വ്വവും നഷ്ടപ്പെട്ടവരെ സഹായിക്കുന്നതിനായി യുഎഇ 100ദശലക്ഷം അമേരിക്കന്‍ ഡോളര്‍ നല്‍കും.
യുഎഇ പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍നഹ്‌യാന്‍ ഇതുസംബന്ധിച്ച ഉത്തരവ് പുറപ്പെടുവിച്ചു കഴിഞ്ഞു. സിറിയക്കും തുർക്കിക്കും 50 ദശലക്ഷം ഡോളര്‍ വീതമാണ് നല്‍കുക.

സിറിയയിലും തുര്‍ക്കിയിലുമായി ഉണ്ടായ ഭൂകമ്പത്തില്‍ 4300 ലേറെ പേര്‍ക്കാണ് ജീവഹാനി നേരിട്ടത്. 15,000 ലധികം പേര്‍ക്ക് പരുക്കേറ്റതായാണ് റിപ്പോര്‍ട്ട് ചെയ്യപ്പെട്ടിട്ടുള്ളത്.

ചൊവ്വാഴ്ച പുലര്‍ച്ചെയും തുര്‍ക്കിയില്‍ വീണ്ടും ഭൂചലനമുണ്ടായി. എന്നാല്‍ ഇതില്‍ ആളപായമൊന്നും റിപ്പോര്‍ട്ട് ചെയ്യപ്പെട്ടിട്ടില്ല.

Continue Reading

kerala

പ്രമുഖ വിദ്യാഭ്യാസ വിചക്ഷണന്‍ ഡോ.എം.പത്മനാഭന്‍ നിര്യാതനായി

കോയമ്പത്തൂര്‍ കലാപാനന്തര സമാധാനസമിതിയുടെ ചെയര്‍മാനായിരുന്നു

Published

on

തമിഴ്‌നാട്ടിലെ പ്രമുഖ വിദ്യാഭ്യാസ വിചക്ഷണനും സാമൂഹിക പ്രവര്‍ത്തകനും ഭാരതീയാര്‍ യൂണിവേഴ്‌സിറ്റി സിവില്‍ സര്‍വീസ് വിഭാഗത്തിന്റെ
തലവനുമായ ഡോ. എം.പത്മനാഭന്‍ 66 നിര്യാതനായി.

കോയമ്പത്തൂര്‍ കലാപാനന്തര സമാധാനസമിതിയുടെ ചെയര്‍മാനായിരുന്നു. മുസ് ലിം ലീഗ് നേതാക്കളുമായി അടുത്ത ബന്ധമുണ്ടായിരുന്നു. നിരവധി ഐ.എ.എസ്സുകാര്‍ ശിഷ്യരാണ്. കോയമ്പത്തൂരില്‍ സംസ്‌കാരം നടത്തി.

Continue Reading

Trending