ട്വിറ്റര്‍ വോട്ടെടുപ്പ്; ലീഡ് നില മസ്‌ക് സ്ഥാനമൊഴിയാന്‍

ഇലോണ്‍ മസ്‌ക് ട്വിറ്റര്‍ വഴി നടത്തിയ തിരഞ്ഞെടുപ്പില്‍ സ്ഥാനമൊഴിയാന്‍ ആവശ്യപ്പെട്ട് 57.5 ശതമാനം വോട്ട്. 42.5 ശതമാനം ഉപയോക്താക്കളാണ് സ്ഥാനം തുടരാന്‍ വേണ്ടി വോട്ടമര്‍ത്തിയത്. കമ്പനിയുടെ തലപ്പത്ത് നിന്ന് സ്ഥാനമൊഴിയണോ എന്ന ചോദ്യവുമായാണ് മസ്‌ക് വോട്ടെടുപ്പ് നടത്തിയത്. വോട്ടെടുപ്പ് മസ്‌കിന് തന്നെ തിരിച്ചടിയായി.

1.7 കോടിയിലധികം ട്വിറ്റര്‍ ഉപയോക്താക്കള്‍ വോട്ടെടുപ്പില്‍ തങ്ങളുടെ പങ്കെടുത്തു. വോട്ടെടുപ്പിന്റെ ഫലം പുറത്തുവന്ന സ്ഥിതിക്ക് മസ്‌ക് ശരിക്കും കമ്പനിയുടെ തലപ്പത്ത് നിന്ന് ഒഴിയുമോയെന്നാണ് ചര്‍ച്ചകള്‍. എന്നാല്‍ മസ്‌കിന്റെ സ്ഥിരം പബ്ലിസിറ്റി സ്റ്റണ്ടാണോ എന്ന ചോദ്യവും നിലനില്‍ക്കുന്നുണ്ട്.