സംസ്ഥാനത്ത് അമീബിക് മസ്തിഷ്ക ജ്വരം ബാധിച്ച് രണ്ടുപേര് മരിച്ചു. ഓമശ്ശേരി സ്വദേശി അബൂബക്കര് സിദ്ദിഖിന്റെ മൂന്ന് മാസം പ്രായമായ ആണ്കുഞ്ഞും വേങ്ങര സ്വദേശി റംലയു (52) മാണ് മരിച്ചത്. ഇരുവരും കോഴിക്കോട് മെഡിക്കല് കോളജില് ചികിത്സയിലായിരുന്നു.
കഴിഞ്ഞ 28 ദിവസമായി ചികിത്സയിലായിരുന്ന കുഞ്ഞ് ഇന്നലെ രാത്രിയാണ് മരിച്ചത്. മലപ്പുറം വേങ്ങര കണ്ണമംഗലം സ്വദേശി റംലക്ക് ജൂലൈ എട്ടിനാണ് രോഗം സ്ഥിരീകരിക്കുന്നത്. ആഗസ്റ്റ് അഞ്ചിനാണ് കോഴിക്കോട് മെഡിക്കല് കോളജിലേക്ക് മാറ്റുന്നത്. കഴിഞ്ഞ ആഴ്ച ഇവരുടെ നില ഗുരുതരമാകുകയായിരുന്നു. ഇന്നലെ പുലര്ച്ചെയാണ് റംല മരിച്ചത്. സംസ്ഥാനത്ത് നിലവില് പത്ത് പേര് അമീബിക് മസ്തിഷ്ക ജ്വരം ബാധിച്ച് ചികിത്സയിലുണ്ട്.