അബുദാബി: യുഎഇയില് ഇന്ന് 2105 പേര്ക്കു കൂടി കോവിഡ് സ്ഥിരീകരിച്ചു. കഴിഞ്ഞ 24 മണിക്കൂറിനിടെ 15 കോവിഡ് മരണങ്ങളും റിപ്പോര്ട്ട് ചെയ്തു. അതേസമയം 3355 പേര് സുഖം പ്രാപിച്ചതായി ആരോഗ്യ പ്രതിരോധ മന്ത്രാലയം അറിയിച്ചു.
കഴിഞ്ഞ 24 മണിക്കൂറിനിടെ നടത്തിയ 1,56,430 കൊവിഡ് പരിശോധനകളില് നിന്നാണ് പുതിയ രോഗികളെ കണ്ടെത്തിയത്. 2.95 കോടിയിലധികം കൊവിഡ് പരിശോധനകള് യുഎഇയില് ഇതിനോടകം നടത്തിയിട്ടുണ്ട്. ഔദ്യോഗിക കണക്കുകള് പ്രകാരം യുഎഇയില് ഇതുവരെ 3,72,530 പേര്ക്ക് കൊവിഡ് ബാധിച്ചു. ഇവരില് 3,63,052 പേരാണ് ഇതിനോടകം സുഖം പ്രാപിച്ചത്. ആകെ കോവിഡ് മരണസംഖ്യ 1140 ആയി.