Video Stories
മോദിക്കെതിരെ രൂക്ഷ വിമര്ശവുമായി പ്രിയങ്ക
റായ്ബറേലി: പ്രധാനമന്ത്രി നരേന്ദ്ര മോദിക്കും കേന്ദ്ര സര്ക്കാറിനുമെതിരെ നിശിത വിമര്ശവുമായി കോണ്ഗ്രസ് ഉപാധ്യക്ഷന് രാഹുല് ഗാന്ധിയും സഹോദരി പ്രിയങ്ക ഗാന്ധിയും രംഗത്ത്. യുപിയിലെ റായ്ബറേലിയി ല് നിയമസഭാ തെരഞ്ഞെടുപ്പ് പ്രചാരണ റാലിയില് സംസാരിക്കുകയായിരുന്നു ഇരുവരും. മോദി പറയുന്നത് അദ്ദേഹത്തെ യു.പി ദത്തെടുത്തിരിക്കുന്നുവെന്നാണ്. യു.പിക്ക് വികസനം നടത്താന് പുറമെ നിന്നും ഒരാളെ ആവശ്യമുണ്ടോയെന്നായിരുന്നു പ്രിയങ്ക ഗാന്ധിയുടെ ചോദ്യം.
ഉത്തര് പ്രദേശിനായി തെരഞ്ഞെടുക്കുന്ന നേതാവ് യു.പിയില് നിന്നുള്ള ആളു തന്നെയാവണമെന്നും അവര് പറഞ്ഞു. സംസ്ഥാനത്തിനു വേണ്ടി പ്രവര്ക്കുന്ന നേതാവിനെയാണോ അതോ വാഗ്ദാനങ്ങള് പാലിക്കാത്ത നേതാവിനെയാണോ ജനങ്ങള്ക്കാവശ്യമെന്നും പ്രിയങ്ക ചോദിച്ചു. യു.പിയിലെ യുവത്വത്തിന് ആവശ്യമായ നേതാവിനെ തെരഞ്ഞെടുക്കാനുള്ള ശേഷിയുണ്ടെന്നും അവര് കൂട്ടിച്ചേര്ത്തു.
മൂന്നു കാര്യങ്ങളാണ് ഞങ്ങള്ക്കു വേണ്ടതെന്നു പറഞ്ഞു കൊണ്ടായിരുന്നു രാഹുലിന്റെ പ്രസംഗം. കര്ഷകരുടെ കടം എഴുതിത്തള്ളണം, വൈദ്യുതി ബില് പകുതിയായി കുറയ്ക്കണം, കര്ഷകന്റെ ഉല്പന്നങ്ങള്ക്കു ശരിയായ വില ഉറപ്പാക്കണമെന്നും രാഹുല് ഗാന്ധി ആവശ്യപ്പെട്ടു. യുപിയില് ബിജെപി അധികാരത്തില് എത്തിയാല് കര്ഷകരുടെ കടങ്ങള് എഴുതിത്തള്ളുമെന്നാണ് പ്രധാനമന്ത്രി നരേന്ദ്ര മോദിയുടെ വാഗ്ദാനം. മോദീ, താങ്കളാണ് ഇന്ത്യയുടെ പ്രധാനമന്ത്രി. മനസുവച്ചാല് കേവലം 15 മിനിറ്റുകൊണ്ട് താങ്കള്ക്കു കര്ഷകരുടെ കടങ്ങള് എഴുതിത്തള്ളാം’ രാഹുല് പറഞ്ഞു.
കേന്ദ്രത്തില് എല്ലാ തീരുമാനങ്ങളും പ്രധാനമന്ത്രി നരേന്ദ്ര മോദി ഒറ്റയ്ക്കാണ് കൈക്കൊള്ളുന്നതെന്നും അദ്ദേഹം ആരോപിച്ചു. അദ്വാനിയുടെയും സുഷമ സ്വരാജിന്റെയും അരുണ് ജയ്റ്റ്ലിയുടെയും ജോലികള് മോദിയാണ് ചെയ്യുന്നതെന്നും രാഹുല് പറഞ്ഞു. പൊള്ളയായ വാഗ്ദാനങ്ങള് നല്കുന്നത് മോദി ശീലമാക്കി മാറ്റിയിരിക്കുകയാണെന്നും രാഹുല് ഗാന്ധി വിമര്ശിച്ചു. കേന്ദ്രത്തില് കോണ്ഗ്രസ് അധികാരത്തിലുണ്ടായിരുന്ന കാലത്ത് കര്ഷകരുടെ വായ്പയിനത്തില് 70,000 കോടി രൂപയോളം എഴുതിത്തള്ളിയിട്ടുണ്ടെന്നും രാഹുല് ചൂണ്ടിക്കാട്ടി.
ബിഹാര് തെരഞ്ഞെടുപ്പ് കാലത്ത് മോദി ഉറപ്പുനല്കിയ സ്പെഷല് പാക്കേജ് എവിടെപ്പോയെന്നും രാഹുല് ചോദിച്ചു. ലോക്സഭാ മണ്ഡലമായ വാരാണസിയിലെ ജനങ്ങള്ക്കു സൗജന്യ ഇന്റര്നെറ്റ് മോദി വാഗ്ദാനം ചെയ്തിരുന്നു. മാത്രമല്ല, നഗരം എത്രയും പെട്ടെന്ന് സമ്പൂര്ണമായി ശുചീകരിക്കുമെന്നും ഉറപ്പുനല്കിയിരുന്നു. ഇതുവരെ ഇക്കാര്യത്തില് ഒരു നടപടിയും ഉണ്ടായിട്ടില്ല. ബന്ധങ്ങള് സൃഷ്ടിക്കേണ്ടത് ഇത്തരത്തിലല്ലെന്നും രാഹുല് മോദിയെ ഓര്മപ്പെടുത്തി. മോദിയുടെ വാഗ്ദാനങ്ങള് പരിശോധിച്ച് അതിലേതൊക്കെ നടപ്പാക്കിയെന്ന് പരിശോധിക്കാന് അദ്ദേഹം മാധ്യമങ്ങളോടും ആവശ്യപ്പെട്ടു. മോദിക്ക് കര്ഷകരുടെ വേദനകളിലും ബുദ്ധിമുട്ടുകളിലും താല്പര്യമില്ലെന്നും രാഹുല് ചൂണ്ടിക്കാട്ടി.
കേവലം പൊള്ളയായ വാഗ്ദാനങ്ങള് നല്കുക മാത്രമാണ് അദ്ദേഹം ചെയ്യുന്നത്. കര്ഷകര്ക്ക് വേണ്ടി ഒന്നും ചെയ്യുന്നുമില്ലെന്നും രാഹുല് പറഞ്ഞു. മോദി എപ്പോഴും ‘മെയ്ക്ക് ഇന് ഇന്ത്യ’ എന്നാണു പറയുന്നത്. പക്ഷേ, എവിടെ നോക്കിയാലും ‘മെയ്ഡ് ഇന് ചൈന’ എന്നാണു കാണുന്നത്. വിജയ് മല്യയേപ്പോലുള്ളവര്ക്ക് മാത്രം വായ്പ ലഭ്യമാക്കാനാണ് പ്രധാനമന്ത്രിക്കു താല്പര്യം. റായ്ബറേലിയിലെ ജനങ്ങള്ക്ക് അവകാശപ്പെട്ട ഫുഡ് പാര്ക്ക് മോദി സര്ക്കാര് തട്ടിയെടുത്തു.
യുപിയില് കോണ്ഗ്രസ്-എസ്പി സഖ്യം അധികാരത്തില് വരികയാണെങ്കില് അത് യുവാക്കളുടെ സര്ക്കാറായിരിക്കുമെന്നും രാഹുല് പറഞ്ഞു. മോദിയുടെ അച്ഛാ ദിന് ആദ്യത്തെ രണ്ടര വര്ഷം ഷാറൂഖ് സിനിമയായ ദില്വാലെ ദുല്ഹാനിയയായിരുന്നു, എന്നാല് ഇപ്പോള് മോദിക്കുള്ളില് നിന്നും ഷോലെ സിനിമയിലെ ഗബ്ബാര് സിങിനെയാണ് ഫലത്തില് ലഭിച്ചിരിക്കുന്നതെന്നും അദ്ദേഹം കൂട്ടിച്ചേര്ത്തു.
Video Stories
യുപിയില് ബിഎല്ഒ ഡ്യൂട്ടിക്കിടെ കുഴഞ്ഞുവീണ് മരണം; ജോലി സമ്മര്ദമെന്ന് കുടുംബാരോപണം
ജോലി സമ്മര്ദമാണ് മരണകാരണമെന്ന് കുടുംബം ആരോപിച്ചിട്ടും അത് ജില്ലാ ഭരണകൂടം നിഷേധിച്ചു
ലഖ്നൗ: ഉത്തര്പ്രദേശില് ബൂത്ത് ലെവല് ഓഫീസര് (ബിഎല്ഒ) ഡ്യൂട്ടിക്കിടെ കുഴഞ്ഞുവീണ് മരിച്ച സംഭവത്തില് ജോലി സമ്മര്ദമാണ് കാരണം എന്നു കുടുംബം ആരോപിച്ചു. 47കാരനായ സര്വേശ് കുമാര് ഗംഗ്വാര് ആണ് മരിച്ചത്. ബറേലിയിലെ കര്മചാരി നഗര് സിെഎയുടെ കീഴില് ജോലി ചെയ്തിരുന്ന സര്വേശ് ബുധനാഴ്ച സ്കൂളില് ഡ്യൂട്ടിക്കിടെ പെട്ടെന്ന് നിലത്ത് വീഴുകയായിരുന്നു. ഉടന് ആശുപത്രിയിലെത്തിച്ചെങ്കിലും മരിച്ചതായി സ്ഥിരീകരിച്ചു. കുടുംബാംഗങ്ങള് പറയുന്നു, കുറേക്കാലമായി സര്വേശിന് ബിഎല്ഒ ചുമതലകള് മൂലം അതീവ ജോലി സമ്മര്ദം അനുഭവിച്ചിരുന്നു. കഴിഞ്ഞ ദിവസം പോലും സമ്മര്ദത്തെ കുറിച്ച് പറഞ്ഞതിനുശേഷമാണ് സര്വേശിനെ കണ്ടതെന്ന് സഹോദരന് യോഗേഷ് ഗംഗ്വാര് അറിയിച്ചു. എന്നാല് ജോലി സമ്മര്ദമാണ് മരണകാരണമെന്ന് കുടുംബം ആരോപിച്ചിട്ടും അത് ജില്ലാ ഭരണകൂടം നിഷേധിച്ചു. ബിഎല്ഒമാര്ക്കു മേല് അതിക്രമമായ സമ്മര്ദമൊന്നുമില്ലെന്നും സര്വേശ് കേസില് ജോലിസമ്മര്ദം കണ്ടെത്താനായിട്ടില്ലെന്നുമാണ് എസ്ഡിഎം പ്രമോദ് കുമാര് പറഞ്ഞത്. മരണവുമായി ബന്ധപ്പെട്ട കൂടുതല് റിപ്പോര്ട്ടുകള് ശേഖരിക്കാനായി അന്വേഷണം തുടരുകയാണ്.
india
രൂപയ്ക്ക് റെക്കോര്ഡ് തകര്ച്ച; മൂല്യം 89.48 ആയി ഇടിഞ്ഞു
സെപ്തംബര് അവസാനം കുറിച്ച 88.80 എന്ന റെക്കോര്ഡ് ഇതോടെ പഴങ്കഥയായി
ന്യൂഡല്ഹി: ചരിത്രത്തില് ആദ്യമായി രൂപയുടെ മൂല്യം റെക്കോഡ് തകര്ച്ചയില്. ഇന്നലെ വ്യാപാരത്തിനിടെ മൂല്യം ഇതാദ്യമായി രൂപ 89.48 വരെ ഇടിഞ്ഞു. സെപ്തംബര് അവസാനം കുറിച്ച 88.80 എന്ന റെക്കോര്ഡ് ഇതോടെ പഴങ്കഥയായി. ഇന്നലെ ഒറ്റദിവസം രൂപ ഡോളറിനെതിരെ താഴ്ന്നത് 80 പൈസയാണ്. രാവിലെ ഡോളറിനെതിരെ 3 പൈസ ഉയര്ന്ന് വ്യാപാരം തുടങ്ങിയ ശേഷമായിരുന്നു രൂപയുടെ വന് വീഴ്ച്ച. കഴിഞ്ഞ മേയ് 8നു ശേഷം രൂപ ഒറ്റദിവസം ഇത്രയും താഴുന്നത് ആദ്യം. മേയ് 8ന് 89 പൈസ ഇടിഞ്ഞിരുന്നു. യുഎസില് അടിസ്ഥാന പലിശനിരക്ക് കുറയാനുള്ള സാധ്യത മങ്ങിയതിനാല് ഡോളര് നടത്തുന്ന മുന്നറ്റത്തിലാണ് രൂപയ്ക്ക് അടിപതറിയത്. യൂറോ, യെന്, പൗണ്ട് തുടങ്ങി ലോകത്തെ ആറ് പ്രധാന കറന്സികള്ക്കെതിരായ യു.എസ് ഡോളര് ഇന്ഡക്സ് ഏതാനും ദിവസങ്ങള്ക്ക് മുമ്പുവരെ 98ല് ആയിരുന്നത് ഇപ്പോള് 100ന് മുകളിലെത്തി. കേന്ദ്രബാങ്കായ യുഎസ് ഫെഡറല് റിസര്വ് ഡിസംബറിലെ പണനയ നിര്ണയയോഗത്തില് പലിശനിരക്ക് കുറയ്ക്കാന് സാധ്യത ഇല്ല. ഇന്ത്യന് ഓഹരി വിപണികള് നേരിട്ട തളര്ച്ചയും വിദേശ ധനകാര്യ സ്ഥാപനങ്ങള് (എഫ്ഐഐ) വന് തോതില് ഇന്ത്യന് ഓഹരികള് വിറ്റൊഴിഞ്ഞതും രൂപയ്ക്ക് ആഘാതമായിട്ടുണ്ട്. 2025ല് ഇതുവരെ ഇന്ത്യന് ഓഹരികളില് നിന്ന് ഏതാണ്ട് ഒന്നരലക്ഷം കോടി രൂപയാണ് വിദേശ നിക്ഷേപകര് പിന്വലിച്ചത്. ഇന്ത്യ-യുഎസ് വ്യാപാര ക്കരാറില് അനിശ്ചിതത്വം വി ട്ടൊഴിയാത്തതും രൂപയ്ക്ക് കനത്ത സമ്മര്ദമായി. യുഎസ് പ്രസിഡന്റ് ട്രംപ് ഇന്ത്യയ്ക്ക മേല് ചുമത്തിയ 50% തീരുവ കയറ്റുമതി മേഖലയെ ഉലച്ചതും വിദേശനാണയ വരുമാനം ഇടിഞ്ഞതും രൂപയുടെ മുല്യം ഇടിയാന് കാരണമായി.
kerala
വൈറ്റില ബാറില് മാരകായുധങ്ങളുമായി ആക്രമണം: യുവതി ഉള്പ്പെടെ മൂന്നുപേര് പിടിയില്
വൈറ്റിലയിലെ ഒരു ബാറില് മാരകായുധങ്ങളുമായി നടത്തിയ അക്രമവുമായി ബന്ധപ്പെട്ട് യുവതി ഉള്പ്പെടെ മൂന്നു പേരെ മരട് പൊലീസ് അറസ്റ്റ് ചെയ്തു.
കൊച്ചി: വൈറ്റിലയിലെ ഒരു ബാറില് മാരകായുധങ്ങളുമായി നടത്തിയ അക്രമവുമായി ബന്ധപ്പെട്ട് യുവതി ഉള്പ്പെടെ മൂന്നു പേരെ മരട് പൊലീസ് അറസ്റ്റ് ചെയ്തു. തിരുവനന്തപുരം സ്വദേശിനി അലീന, കൊല്ലം സ്വദേശികളായ ഷഹിന്ഷാ, അല് അമീന് എന്നിവരാണ് പിടിയിലായത്. മറ്റൊരാള്, വടിവാള് കൊണ്ടുവന്നതായി കണ്ടെത്തിയ തിരുവനന്തപുരം സ്വദേശി വൈഷ്ണവ്, ഇപ്പോഴും ഒളിവിലാണ്. ഞായറാഴ്ച നടന്ന സംഭവത്തില് ബാറിന് പുറത്തുനിന്ന് സംഘം കാറില് നിന്നിറങ്ങി വടിവാള് എടുത്ത് അകത്തു കടന്നുവരുന്ന ദൃശ്യങ്ങള് സി.സി.ടി.വിയില് വ്യക്തമായി രേഖപ്പെട്ടു. മദ്യപിക്കുന്നതിനിടെ അഞ്ചംഗ സംഘവും അവിടെ എത്തിയ മറ്റൊരാളുമായി തര്ക്കത്തിലാകുകയായിരുന്നു ആദ്യ ഘട്ടത്തില്. ഇത് ചോദ്യം ചെയ്ത ബാര് ജീവനക്കാരുമായി സംഘര്ഷം ശക്തമായി. പ്രതികളുടെ സംഘം ആദ്യം ബാറില് നിന്ന് പുറത്തുപോയെങ്കിലും, അലീനയും കൂട്ടരും കുറച്ച് സമയത്തിനുശേഷം വടിവാളുമായി തിരികെ എത്തി. തുടര്ന്ന് ബാര് ജീവനക്കാര്ക്ക് മര്ദനമേല്ക്കുകയും അക്രമം ആവര്ത്തിച്ച് അഞ്ചുതവണ വരെ തിരിച്ചെത്തി ആക്രമണം നടത്തിയതായും ബാര് ഉടമ നല്കിയ പരാതിയില് പറയുന്നു. വിദ്യാഭ്യാസ ആവശ്യങ്ങള്ക്കായി എറണാകുളത്ത് എത്തിയവരാണ് പ്രതികളെന്ന് പൊലീസ് കണ്ടെത്തിയിട്ടുണ്ട്. സംഭവത്തില് അലീനയുടെ കൈക്ക് പരുക്കേല്ക്കുകയും ചെയ്തു.
-
kerala12 hours ago‘ഇത് പുരുഷന്മാര്ക്ക് വേണ്ടിയുള്ള സ്വാതന്ത്ര്യ സമരം, മഹാത്മാഗാന്ധിയുടെ പാതയില് ജയിലില് നിരാഹാര സമരമിരിക്കും’:രാഹുല് ഈശ്വര്
-
kerala14 hours agoനിയുക്ത ഫാ. മെത്രാന് ആന്റണി കാട്ടിപ്പറമ്പിലിനെ സന്ദര്ശിച്ച് അഡ്വ. ഹാരിസ് ബീരാന് എം.പി
-
india10 hours ago‘ദ്രോഹിക്കുന്നതിനും പരിധിയുണ്ട്, കോണ്ഗ്രസിനെ ഞെരുക്കാനുള്ള ശ്രമം വിലപ്പോവില്ല’ കേന്ദ്രസര്ക്കാറിന്റേത് ധാര്മിക മൂല്യത്തകര്ച്ച: ഡി.കെ.ശിവകുമാര്
-
kerala2 days agoകൊയിലാണ്ടി എംഎല്എ കാനത്തില് ജമീല അന്തരിച്ചു
-
News1 day agoദക്ഷിണാഫ്രിക്കക്കെതിരായ ആദ്യ ഏകദിനം അടിച്ചെടുത്ത് ഇന്ത്യ
-
kerala11 hours agoമുഖ്യമന്ത്രിക്ക് പുതിയ വാഹനം; 1.10 കോടി അനുവദിച്ച് ഉത്തരവിറക്കി
-
Sports2 days agoസെഞ്ചുറി നേടി കോലി, അര്ധസെഞ്ചുറിയടിച്ച് രോഹിത്ത്; ദക്ഷിണാഫ്രിക്കയ്ക്കെതിരെ ഇന്ത്യക്ക് മികച്ച നേട്ടം
-
kerala3 days agoകോഴിക്കോട് ബസ് സ്കൂട്ടറില് ഇടിച്ച് വിദ്യാര്ഥിനി മരിച്ചു