മെഡിക്കല്‍ കോളേജ് കോഴവിവാദവും തുടര്‍ന്നുണ്ടായ നടപടികളും പാര്‍ട്ടിക്ക് ക്ഷീണം ചെയ്തതായി ബി.ജെ.പി സംസ്ഥാന സെക്രട്ടറി വി മുരളീധരന്‍ തുറന്നു സമ്മതിച്ചു. നാളെ നടക്കുന്ന പാര്‍ട്ടി യോഗത്തില്‍ ഈ വിഷയം ശക്തമായി ഉന്നയിക്കുമെന്നും തന്റെ നിലപാടുകള്‍ യോഗത്തില്‍ അറിയിക്കുമെന്നും മുരാളീധരന്‍ മാധ്യമങ്ങളോടു പറഞ്ഞു.

മെഡിക്കല്‍ കോഴ വിവാദത്തിലെ പാര്‍ട്ടി അന്വേഷണ റിപ്പോര്‍ട്ട് മാധ്യമങ്ങള്‍ക്ക് ചോര്‍ന്നതും പാര്‍ട്ടി നേതാക്കന്‍മാരെ കുറിച്ച് പുറത്തു വന്ന വാര്‍ത്തകള്‍ ജനങ്ങളെ പാര്‍ട്ടിയില്‍ നിന്നകറ്റാന്‍ കാരണമായതും യോഗത്തില്‍ ഉന്നയിക്കുമെന്ന് മുരളീധരന്‍ പറഞ്ഞു.