കണ്ണൂര്: തദ്ദേശ തെരഞ്ഞെടുപ്പിലെ തോല്വിക്ക് പിന്നാലെ കണ്ണൂരില് സിപിഎം പ്രവര്ത്തകര് അക്രമാസക്ത പ്രകടനം നടത്തിയതായി പരാതി. കണ്ണൂര് പാറാട് പ്രദേശത്താണ് പ്രകോപിതരായ പ്രവര്ത്തകര് വടിവാള് വീശി പ്രകടനം നടത്തിയത്. വടിവാള് കൈവശം വച്ച് ആളുകളിലേക്ക് പാഞ്ഞടുത്ത പ്രവര്ത്തകര് പ്രദേശത്ത് ഭീകരാന്തരീക്ഷം സൃഷ്ടിച്ചു.
പ്രകടനത്തിനിടെ സമീപത്തുള്ള വീടുകളിലെ ചെടിച്ചട്ടികള് തകര്ക്കുകയും നാട്ടുകാരെ ഭീഷണിപ്പെടുത്തുകയും ചെയ്തതായി റിപ്പോര്ട്ടുണ്ട്. കുന്നത്ത്പറമ്പ് പഞ്ചായത്തിലെ തെരഞ്ഞെടുപ്പ് തോല്വിയോടനുബന്ധിച്ചാണ് അക്രമം നടന്നതെന്നാണ് സൂചന.