നെടുമ്പാശ്ശേരി: ഇത്യോപ്യയില് അഗ്നിപര്വതം പൊട്ടിത്തെറിച്ചതിനെ തുടര്ന്ന് ആകാശത്ത് പടര്ന്ന ചാരവും പൊടിപടലങ്ങളും മൂലം തടസ്സപ്പെട്ട കൊച്ചിജിദ്ദ വിമാന സര്വീസ് ബുധനാഴ്ച വീണ്ടും നടത്തുമെന്ന് എയര്ലൈന് അധികൃതര് അറിയിച്ചു.
ഉംറ തീര്ഥാടകര് ഉള്പ്പെടെ യാത്ര റദ്ദായവര് നിലവില് ഹോട്ടലുകളിലേക്ക് മാറ്റിയിരിക്കുകയാണ്. ഇവരെ ബുധനാഴ്ച രാവിലെ 11 മണിക്ക് പ്രത്യേക വിമാനം ഒരുക്കി ജിദ്ദയിലേക്ക് അയക്കും.
ജിദ്ദയില് കുടുങ്ങിയ കൊച്ചിയിലേക്കുള്ള യാത്രക്കാരെയും മടക്ക സര്വീസില് കൊണ്ടുവരും. മടക്ക വിമാനം വൈകുന്നേരം 3.55ന് കൊച്ചിയിലെത്തുമെന്ന് അറിയിച്ചു.