മുന് മുഖ്യമന്ത്രി വി എസ് അച്യുതാനന്ദന്റെ ആരോഗ്യ നില ഗുരുതരമായി തുടരുന്നു. മരുന്നുകളോട് പ്രതികരിക്കുന്നുണ്ടെങ്കിലും രക്തസമ്മര്ദ്ദവും വൃക്കകളുടെ പ്രവര്ത്തനവും സാധാരണ നിലയിലായിട്ടില്ലെന്ന് മെഡിക്കല് ബുള്ളറ്റിനില് വ്യക്തമാക്കുന്നു. പട്ടം എസ് യു ടി ആശുപത്രിയിലെ തീവ്രപരിചരണ വിഭാഗത്തില് ചികിത്സയില് തുടരുകയാണ് വി എസ്. ഈ മാസം 23നാണ് ഹൃദയാഘാതത്തെ തുടര്ന്ന് വിഎസിനെ ആശുപത്രിയില് പ്രവേശിപ്പിച്ചത്.