എറണാകുളം: വൈറ്റിലയില് സുധ ബേബി കൊല്ലപ്പെട്ട കേസില് ക്രൂര മര്ദ്ദനത്തിന്റെ വിവരങ്ങള് പുറത്ത്. പ്രതിയായ ഷാജിയെ റെയില്വേ ട്രാക്കിന് സമീപത്തെ സംഭവസ്ഥലത്ത് എത്തിച്ച് പൊലീസ് തെളിവെടുപ്പ് നടത്തി. തെളിവെടുപ്പിനിടെ സുധയുടെ മുഖത്ത് ശക്തമായി കൈകൊണ്ട് ഇടിച്ചതായും തുടര്ന്ന് കല്ലിലേക്കു തള്ളിയിടുകയായിരുന്നുവെന്നും പ്രതി മൊഴി നല്കി. തള്ളിയിടുമ്പോള് തല കല്ലില് ഇടിച്ചതായും ആയുധം ഉപയോഗിച്ചിട്ടില്ലെന്നും പൊലീസ് വ്യക്തമാക്കി. ശബ്ദം പുറത്തുവരാതിരിക്കാന് വായ് പൊത്തി പിടിച്ചിരുന്നുവെന്നും മൊഴിയുണ്ട്. സുധയുമായുള്ള ബന്ധം തന്റെ കുടുംബജീവിതത്തെ ബാധിക്കുമെന്ന ഭയം കൊണ്ടാണ് കൃത്യം നടത്തിയതെന്ന് പ്രതി പറഞ്ഞതായി കൊച്ചി ഡി.സി. പി അശ്വതി ജിജി അറിയിച്ചു. വര്ഷങ്ങളായുള്ള പരിചയബന്ധമാണ് ഇരുവരും തമ്മിലുണ്ടായിരുന്നതെന്നും പൊലീസ് പറഞ്ഞു. പൊന്നുരുന്നി സ്വദേശിയും മുന് ഹൈക്കോടതി ജീവനക്കാരനുമായ പ്രതി ഷാജിയെ കോടതിയില് ഹാജരാക്കി. കേസില് അന്വേഷണം പുരോഗമിക്കുകയാണ്.