വയനാട് ജില്ലയിലെ ചൂരല്മലയിലുണ്ടായ പ്രകൃതി ദുരന്തത്തിന്റെ പശ്ചാത്തലത്തില് ജൂലൈ 30, 31 തീയതികളില് സംസ്ഥാനത്ത് സര്ക്കാര് ഔദ്യോഗിക ദുഃഖാചരണം പ്രഖ്യാപിച്ചു.
വയനാട്ടിലെ ദുരന്തത്തില് അനേകം പേര്ക്ക് ജീവഹാനിയുണ്ടായതിലും വസ്തുവകകള്ക്ക് നാശനഷ്ടം സംഭവിച്ചതിലും സര്ക്കാര് അതീവ ദുഃഖം രേഖപ്പെടുത്തി. ദുഃഖാചരണ കാലയളവില് സംസ്ഥാനമൊട്ടാകെ ദേശീയപതാക പകുതി താഴ്ത്തിക്കെട്ടേണ്ടതും സര്ക്കാര് നിശ്ചയിച്ചിട്ടുള്ള പൊതുചടങ്ങുകളും ആഘോഷ പരിപാടികളും മാറ്റിവയ്ക്കേണ്ടതുമാണെന്ന് ചീഫ് സെക്രട്ടറി അറിയിച്ചു.