ഇസ്ലാമാബാദ്: ദൈവനിന്ദാപരമായ ഉള്ളടക്കത്തിന്റെ പേരില് വിക്കിപീഡിയക്ക് വിലക്കേര്പ്പെടുത്തി പാകിസ്താന്. പരാമര്ശം നീക്കണമെന്ന് പാകിസ്താന് നേരത്തെ ആവശ്യപ്പെട്ടിരുന്നു. എന്നാല് ഉള്ളടക്കം നീക്കം ചെയ്യാനോ വിശദീകരണം നല്കാനോ വിക്കിപീഡിയ തയാറായില്ല.
കഴിഞ്ഞ ദിവസങ്ങളില് 48 മണിക്കൂര് നേരത്തേക്ക് സൈറ്റിന്റെ സേവനം മരവിപ്പിച്ചിരുന്നു. തുടര്ന്നാണ് സമ്പൂര്ണ വിലക്ക് പ്രഖ്യാപിച്ചത്. വിവാദ ഉള്ളടക്കം നീക്കിയാല് നിരോധനം പിന്വലിക്കുമെന്ന് അധികൃതര് അറിയിച്ചിട്ടുണ്ട്.