തൃശ്ശൂര്: ജില്ലയില് വീണ്ടും കാട്ടാനാക്രമണം.ചാലക്കുടി ചായ്പന്ക്കുഴിയില് കാട്ടാന ആക്രമണത്തില് ഒരാള്ക്ക് ദാരുണാന്ത്യം. തെക്കൂടന് സുബ്രന് (68) ആണ് മരിച്ചത്. ചായ കുടിക്കാന് ഹോട്ടലിലേയ്ക്ക് വരുമ്പോഴാണ് ആക്രമണം നടത്തിയത്. മൃതദേഹം ചാലക്കുടി താലൂക്ക് ആശുപത്രിയിലേയ്ക്ക് മാറ്റി.
ഇതേസമയം, കഴിഞ്ഞ ദിവസം കടുവ സെന്സസിനിടെ പുതൂര് ഫോറസ്റ്റ് റേഞ്ചില് കാട്ടാന ആക്രമിച്ച് ബീറ്റ് അസിസ്റ്റന്റ് കാളിമുത്തുവിനെ കൊലപ്പെടുത്തിയ സംഭവത്തിന്റെ പ്രാഥമിക പോസ്റ്റുമോര്ട്ടം റിപ്പോര്ട്ട് പുറത്തുവന്നു. കാളിമുത്തുവിന് ആന്തരിക രക്തസ്രാവവും നട്ടെല്ലും വാരിയെല്ലുകളും തകര്ന്ന നിലയുമുണ്ടായിരുന്നെന്ന് റിപ്പോര്ട്ട് വ്യക്തമാക്കുന്നു. ആന പിന്നില് നിന്ന് തുമ്പിക്കൈകൊണ്ട് എറിഞ്ഞതിന്റെയും തുടര്ന്ന് നെഞ്ചില് ചവിട്ടിയതിന്റെയും ഗുരുതര ക്ഷതങ്ങളും ശരീരത്തില് കണ്ടെത്തി.
കാളിമുത്തുവിന്റെ മരണത്തിന് പിന്നാലെ കുടുംബത്തിന് സഹായമായി മകന് അനില്കുമാറിനെ വനംവകുപ്പില് താല്ക്കാലിക ജോലി നല്കുമെന്ന് വകുപ്പ് അറിയിച്ചു. ആദ്യഘട്ട നഷ്ടപരിഹാരത്തുക ഇന്ന് കൈമാറുമെന്നുമാണ് വിവരം.