ഇരുതല മൂരിയെ കച്ചവടം ചെയ്യാൻ ശ്രമിച്ച 7 അംഗ സംഘം മലപ്പുറം പെരിന്തൽമണ്ണയിൽ പോലീസ് പിടിയിലായി. പറവൂര് വടക്കും പുറം സ്വദേശി കള്ളംപറമ്പില് പ്രഷോബ്(36),തിരുപ്പൂര് സ്വദേശികളായ രാമു(42),ഈശ്വരന്(52), വയനാട് വേങ്ങപ്പള്ളി സ്വദേശി കൊമ്പന് വീട്ടില് നിസാമുദ്ദീന്(40),പെരിന്തല്മണ്ണ തൂത സ്വദേശി കാട്ടുകണ്ടത്തില് മുഹമ്മദ് അഷറഫ്(44), കണ്ണൂര് തളിപ്പറമ്പ് സ്വദേശി പനക്കുന്നില് ഹംസ(53),കൊല്ലം തേവലക്കര സ്വദേശി പാലക്കല് വീട്ടില് സുലൈമാന്കുഞ്ഞ് (50) എന്നിവരേയാണ് പെരിന്തല്മണ്ണ പോലീസ് പിടികൂടിയത്.പിടിയിലായ മുഹമ്മദ് അഷറഫ് വളാഞ്ചേരിയില് ഹെല്ത്ത് ഇന്സ്പെക്ടറാണ്.
നാലര ലക്ഷം രൂപ കൊടുത്ത് ആന്ധ്രയില് നിന്ന് എത്തിച്ച് ഇരുതലമൂരി പാമ്പിനെ കേരളത്തിലേക്ക് കൊണ്ടുവന്നത്. ശേഷം മറ്റുള്ള ഏജന്റുമാര് മുഖേന ആറുകോടിയോളം വിലപറഞ്ഞുറപ്പിച്ച ശേഷമാണ് വില്പ്പനയ്ക്കായി പെരിന്തല്മണ്ണയിലെത്തിയത്. പ്രതികളേയും പാമ്പിനേയും തുടരന്വേഷണത്തിനായി കരുവാരക്കുണ്ട് വനം വകുപ്പ് അധികൃതര്ക്ക് കൈമാറി.