യുപിയില്‍ ചെന്നായ ആക്രമണം; ഉറങ്ങി കിടന്ന കുട്ടിയെ കടിച്ചു കൊണ്ടുപോയി

ഉത്തര്‍പ്രദേശ്: യുപിയില്‍ വീണ്ടും ചെന്നായ ആക്രമണം. ബഹ്‌റൈച്ചില്‍ ഇന്ന് പുലര്‍ച്ചെയാണ് 1.30 ഓടെയാണ് സംഭവം.പൂര്‍വ ഗ്രാമത്തില്‍ സന്തോഷിന്റെ മകന്‍ സുഭാഷിനെയാണ് ചെന്നായുകള്‍ കൊണ്ടുപോയത്.

വീട്ടില്‍ ഉറങ്ങി കിടന്ന കുട്ടിയെ ചെന്നായക്കള്‍ കടിച്ചു കൊണ്ടുപോവുകയായിരുന്നു. കുട്ടിയെ ഇതുവരെ കണ്ടെത്താന്‍ കഴിഞ്ഞിട്ടില്ല. കുട്ടിക്ക് വേണ്ടി തെരച്ചില്‍ തുടരുകയാണെന്ന് ഡിഎഫ്ഒ രാം സിംഗ് യാദവ് പറഞ്ഞു.

ചെന്നായ ആക്രമണത്തില്‍ ബഹ്റൈച്ചില്‍ ഇതുവരെ 32 പേര്‍ കൊല്ലപ്പെടുകയും 10 പേര്‍ക്ക് പരുക്കേല്‍ക്കുകയും ചെയ്തു. ചെന്നായ ആക്രമണത്തില്‍ ബഹ്റൈച്ചില്‍ ഇതുവരെ 32 പേര്‍ കൊല്ലപ്പെടുകയും 10 പേര്‍ക്ക് പരുക്കേല്‍ക്കുകയും ചെയ്തു. പ്രദേശത്ത് ആക്രമണം തുടരുന്ന സാഹചര്യത്തില്‍, ചെന്നായ്ക്കളെ കണ്ടെത്താനുള്ള ശ്രമം വനംവകുപ്പ് ആരംഭിച്ചിട്ടുണ്ട്. കരിമ്പിന്‍ തോട്ടങ്ങള്‍ വെട്ടിത്തെളിക്കാന്‍ വനംവകുപ്പ് ജില്ലാ ഭരണകൂടത്തോട് ആവശ്യപ്പെട്ടു.