Connect with us

More

ആന്ദ്രേ കരിയ്യോ: എവിടെ നിന്നാണ് ഈ മൃഗം കെട്ടുപൊട്ടിച്ചു വന്നത്‌

Published

on

മുഹമ്മദ് ഷാഫി

പെറു 0 – ഡെന്‍മാര്‍ക്ക് 1

#PerDen

ആന്ദ്രേ കരിയ്യോ. ഗ്രൂപ്പ് സിയിലെ പെറു-ഡെന്മാര്‍ക്ക് പോരാട്ടത്തിലെ താരം ഇയാളായിരുന്നു. ഫുട്‌ബോള്‍ മൈതാനം മുഴുക്കെ തനിക്ക് മേഞ്ഞുനടക്കാന്‍ തീറെഴുതപ്പെട്ടതാണെന്ന വിധമായിരുന്നു കരിയ്യോയുടെ നീക്കങ്ങള്‍. പക്ഷേ, കളി അവസാനിക്കുമ്പോള്‍ പെറു തോറ്റുപോയ ടീമായി.

ഈ ലോകകപ്പിലെ കറുത്ത കുതിരകളാവുമെന്ന് ‘ഗ്രേസ്‌നോട്ട്’ പ്രവചിച്ച ടീമാണ് പെറു. അതിനുള്ള കളി തങ്ങളുടെ കാല്‍ക്കലുണ്ടെന്ന് അവര്‍ കാണിക്കുകയും ചെയ്തു. പക്ഷേ, അസമയത്ത് വീണ ഒരുഗോള്‍, ഡെന്‍മാര്‍ക്കിന്റെ ബോക്‌സില്‍ പാഴായ അസംഖ്യം അവസരങ്ങള്‍, കാസ്പര്‍ ഷ്‌മൈക്കല്‍ എന്ന കാവല്‍ക്കാരന്റെ ഉരുക്കുമുഷ്ടികള്‍, ലാറ്റിനമേരിക്കന്‍ ആക്രമണാത്മകതയെ വെല്ലുന്ന യൂറോപ്യന്‍ ഡിഫന്‍സിന്റെ പ്രാഥമിക പാഠങ്ങള്‍… ടൂര്‍ണമെന്റില്‍ ഇതുവരെയുണ്ടായതില്‍ വെച്ച് മികച്ച കളികളിലൊന്ന് കാഴ്ചവെച്ചിട്ടും പെറു തോറ്റു. ആദ്യപകുതിയുടെ ഇഞ്ചുറി ടൈമില്‍ റഫറി നിഷേധിച്ചിട്ടും വി.എ.ആര്‍ കനിഞ്ഞ പെനാല്‍ട്ടി ക്രിസ്റ്റ്യന്‍ ക്യൂവ ക്രോസ്ബാറിനു മുകളിലൂടെ അടിച്ചുപറത്തിയത് അവരുടെ കണ്ണീരായി.

ഗുട്മാന്‍ ശാപമുള്ള ബെന്‍ഫിക്കക്ക് ആന്ദ്രേ കരിയ്യോയെ ഇനി ഒളിച്ചുവെക്കാന്‍ കഴിയില്ല. സ്‌പെയിനിലെയോ ഇംഗ്ലണ്ടിലെയോ വന്‍കിട ക്ലബ്ബുകള്‍ അയാള്‍ക്കു വേണ്ടി വലയെറിയും. ഒന്നാം നിരയില്‍ കളിക്കാന്‍ യോഗ്യതയുള്ള എല്ലാം അയാളുടെ കാലുകളിലുണ്ട്. കരിയ്യോ മാത്രമല്ല, എഡിന്‍സന്‍ ഫ്‌ളോറസ്, ജെഫേഴ്‌സണ്‍ ഫര്‍ഫാന്‍, റെനറ്റോ ടാപ്പിയ, പകരക്കാരനായി ഇറങ്ങിയ ഗ്വെറേറോ… കയറൂരിവിട്ട പെറുവിയന്‍ യാഗാശ്വത്തിന്റെ കാലുകളായിരുന്നു എല്ലാവരും. പക്ഷേ, ഭാഗ്യം കൂടുതല്‍ ഡെന്മാര്‍ക്കിനായിരുന്നു. മികച്ച ഗോളിയും ഡിഫന്‍സിലെ മനസ്സാന്നിധ്യവും അവര്‍ക്കുണ്ടായിരുന്നു.

ഫ്രാന്‍സിനു പിന്നില്‍ രണ്ടാം സ്ഥാനക്കാരായി പെറു മുന്നേറണമെന്നാണ് ഞാന്‍ ആഗ്രഹിക്കുന്നത്. അത് സംഭവിച്ചില്ലെങ്കില്‍ മനോഹരമായി പന്തുകളിക്കുന്ന ഒരു ടീം നമുക്ക് പ്രാഥമിക റൗണ്ടില്‍ കളഞ്ഞുപോകും. ഫ്രാന്‍സുമായി ഒരു സമനില, ഓസ്‌ട്രേലിയക്കെതിരെ ഒരു Hard Fought ജയം. പെറു മുന്നേറണം, മുന്നേറും…

Continue Reading
Advertisement
Click to comment

Leave a Reply

Your email address will not be published. Required fields are marked *

india

പലസ്തീനെ പിന്തുണച്ച് റഫയുടെ ചിത്രവുമായി രോഹിത് ശർമയുടെ ഭാര്യ

1.4 ദശലക്ഷത്തിലധികം പലസ്തീനികള്‍ അഭയം തേടുന്ന ഗസയിലെ റഫയില്‍ നടന്നുകൊണ്ടിരിക്കുന്ന വംശഹത്യയെ സൂചിപ്പിക്കുന്ന സോഷ്യല്‍ മീഡിയ ക്യാമ്പയിനാണ് ‘ഓള്‍ ഐസ് ഓണ്‍ റാഫ’

Published

on

ഡല്‍ഹി: ഗസ്സയില്‍ താമസിക്കുന്ന പലസ്തീനികളെ പിന്തുണച്ച് ലോകമെമ്പാടുമുള്ള നിരവധി പേര്‍ രംഗത്തെത്തിയിരിക്കുകയാണ്. ഇതിനിടയിലാണ് ഇന്ത്യന്‍ ക്രിക്കറ്റ് ക്യാപ്റ്റന്‍ രോഹിത് ശര്‍മ്മയുടെ ഭാര്യ റിതിക റാഫയില്‍ താമസിക്കുന്നവര്‍ക്ക് പിന്തുണയുമായി സോഷ്യല്‍ മീഡിയയില്‍ പങ്കുവെച്ച പോസ്റ്റ് വൈറലാവുകയാണ്. ‘ഓള്‍ ഐസ് ഓണ്‍ റാഫ’ എന്ന ഫോട്ടോയാണ് റിതിക ഇന്‍സ്റ്റഗ്രാമില്‍ ഷെയര്‍ ചെയ്തിരിക്കുന്നത്.

1.4 ദശലക്ഷത്തിലധികം പലസ്തീനികള്‍ അഭയം തേടുന്ന ഗസയിലെ റഫയില്‍ നടന്നുകൊണ്ടിരിക്കുന്ന വംശഹത്യയെ സൂചിപ്പിക്കുന്ന സോഷ്യല്‍ മീഡിയ ക്യാമ്പയിനാണ് ‘ഓള്‍ ഐസ് ഓണ്‍ റാഫ’. ആഗോള രോഷവും അന്താരാഷ്ട്ര നീതിന്യായ കോടതി (ഐസിജെ) പുറപ്പെടുവിച്ച ഉത്തരവും അവഗണിച്ചാണ് ഇസ്രാഈല്‍ നരഹത്യ തുടരുന്നത്.

Continue Reading

Film

‘മഞ്ഞുമ്മല്‍ ബോയ്‌സ്’ നിര്‍മാതാക്കള്‍ നടത്തിയത് സാമ്പത്തിക തട്ടിപ്പെന്ന് പൊലീസ് റിപ്പോര്‍ട്ട്; പരാതിക്കാരന് മുടക്കുമുതല്‍ പോലും തിരിച്ചു നല്‍കിയിട്ടില്ലെന്ന് അന്വേഷണ റിപ്പോര്‍ട്ട്‌

സാമ്പത്തിക തട്ടിപ്പ് കേസില്‍ നിര്‍മാതാക്കള്‍ സമര്‍പ്പിച്ച മുന്‍കൂര്‍ ജാമ്യാപേക്ഷ ഇന്ന് കോടതി പരിഗണിക്കും

Published

on

സാമ്പത്തിക തട്ടിപ്പ് പരാതിയില്‍ മഞ്ഞുമ്മല്‍ ബോയ്‌സ് സിനിമയുടെ നിര്‍മാതാക്കള്‍ക്കെതിരെ പൊലീസ് റിപ്പോര്‍ട്ട്. സിനിമാ നിര്‍മാതാക്കള്‍ സാമ്പത്തിക തട്ടിപ്പ് നടത്തിയെന്ന് പൊലീസ് റിപ്പോര്‍ട്ട്. പറവ ഫിലിംസ് നടത്തിയത് കരുതിക്കൂട്ടിയുള്ള ചതിയെന്നാണ് പൊലീസ് റിപ്പോര്‍ട്ട്. സിനിമയുടെ നിര്‍മാണത്തില്‍ പങ്കാളിയാക്കാമെന്നും ലാഭവിഹിതം നല്‍കാമെന്നും പറഞ്ഞ് പണം വാങ്ങിയെന്ന സിറാജ് വലിയത്തറ ഹമീദ് എന്നയാളുടെ പരാതിയിലാണ് പൊലീസിന്റെ റിപ്പോര്‍ട്ട്.

ഈ സിനിമയുടെ നിര്‍മാണത്തിനായി ഒരു രൂപ പോലും നിര്‍മാണ കമ്പനിയായ പറവ ഫിലിംസ് ചെലവഴിച്ചിട്ടില്ലെന്നും ഏഴു കോടി മുതല്‍മുടക്കിയ പരാതിക്കാരന് മുടക്കുമുതല്‍ പോലും തിരിച്ചുനല്‍കിയില്ലെന്നും അന്വേഷണ റിപ്പോര്‍ട്ടിലുണ്ട്. സാമ്പത്തിക തട്ടിപ്പ് കേസില്‍ നിര്‍മാതാക്കള്‍ സമര്‍പ്പിച്ച മുന്‍കൂര്‍ ജാമ്യാപേക്ഷ ഇന്ന് കോടതി പരിഗണിക്കും. ഒരു മാസത്തേക്ക് നിര്‍മാതാക്കളെ അറസ്റ്റ് ചെയ്യരുതെന്ന് കോടതി നേരത്തേ നിര്‍ദേശിച്ചിരുന്നു. തുടര്‍ന്ന് ഇക്കാര്യത്തില്‍ അന്വേഷണ റിപ്പോര്‍ട്ട് സമര്‍പ്പിക്കാനും ഉത്തരവിടുകയായിരുന്നു.

Continue Reading

kerala

പ്ലസ് വണ്‍ പ്രവേശനത്തിനുള്ള ട്രയൽ അലോട്ട്മെന്‍റ് ഇന്ന് പ്രസിദ്ധീകരിക്കും; ജൂൺ 5ന് ആദ്യ അലോട്ട്മെൻ്റ്

ട്രയൽ അലോട്ട്മെൻ്റിന് ശേഷം അപേക്ഷയിലെ തെറ്റുകൾ തിരുത്താൻ അവസരം നൽകും

Published

on

തിരുവനന്തപുരം: സംസ്ഥാനത്ത് പ്ലസ് വണ്‍ പ്രവേശനത്തിനുള്ള ട്രയൽ അലോട്ട്മെന്‍റ് ഇന്ന് പ്രസിദ്ധീകരിക്കും. ട്രയൽ അലോട്ട്മെൻ്റിന് ശേഷം അപേക്ഷയിലെ തെറ്റുകൾ തിരുത്താൻ അവസരം നൽകും. അപേക്ഷ നൽകിയ സ്കൂളുകളും വിഷയ കോമ്പിനേഷനുകളുമടക്കം ഈ ഘട്ടത്തിൽ മാറ്റാം. ജൂൺ അഞ്ചിനാണ് ആദ്യ അലോട്ട്മെൻ്റ് പ്രസിദ്ധീകരിക്കുക. 4,65,960 വിദ്യാർഥികളാണ് ഇത്തവണ ഏകജാലകം മുഖേന അപേക്ഷിച്ചിട്ടുള്ളത്. മലപ്പുറം ജില്ലയിലാണു കൂടുതൽ അപേക്ഷകർ.

അതേസമയം മലബാറിലെ ജില്ലകളിൽ കൂടുതൽ പ്ലസ് വൺ ബാച്ചുകൾ അനുവദിക്കണമെന്ന ആവശ്യവുമായി മുസ്‍ലിം ലീഗ് സംഘടിപ്പിക്കുന്ന കലക്ടറേറ്റ് ധർണ ഇന്ന് നടത്തി. പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് കലക്ടറേറ്റുകൾക്ക് മുന്നിലാണ് ധർണ. മലപ്പുറത്ത് ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി,, കോഴിക്കോട്ട് ദേശീയ ഓർഗനൈസിങ് സെക്രട്ടറി ഇ.ടി മുഹമ്മദ് ബഷീർ എം.പി, പാലക്കാട്ട് സംസ്ഥാന ജനറൽ സെക്രട്ടറി പി.എം.എ സലാം കണ്ണൂരിൽ- എൻ. ഷംസുദ്ദീൻ എം.എൽ.എ,, കാസർക്കോട് യൂത്ത് ലീഗ് സംസ്ഥാന ജനറൽ സെക്രട്ടറി പി.കെ ഫിറോസ് എന്നിവർ ഉദ്ഘാടനം ചെയ്തു.

Continue Reading

Trending