വയനാട്ടില് ഹൈബ്രിഡ് കഞ്ചാവുമായി യുവതിയും യുവാവും പിടിയില്. കണ്ണൂര് അഞ്ചാംപീടിക സ്വദേശിയായ കീരിരകത്ത് വീട്ടില് കെ ഫസല്, തളിപറമ്പ് സ്വദേശിനിയായ കെ ഷിന്സിത എന്നിവരെയാണ് പിടികൂടിയത്. ഇവരില് നിന്ന് 20.80 ഗ്രാം ഹൈബ്രിഡ് കഞ്ചാവ് പിടിച്ചെടുത്തു. വാഹനപരിശോധനക്കിടെയാണ് ഇവര് പിടിയിലായത്.
ഇരുവരും സഞ്ചരിച്ചിരുന്ന ബിഎംഡബ്ല്യു കാറും 96,290 രൂപയും മൊബൈല് ഫോണുകളും കസ്റ്റഡിയിലെടുത്തിട്ടുണ്ട്. കാറിന്റെ ഡിക്കിയില് രണ്ടു കവറുകളിലായാണ് കഞ്ചാവ് സൂക്ഷിച്ചിരുന്നത്. ഉപയോഗത്തിനും വില്പനയ്ക്കുമായി ബെംഗളൂരുവില് നിന്നാണ് കഞ്ചാവ് വാങ്ങിയതെന്ന് ഇവര് പൊലീസിനോട് പറഞ്ഞു.
വെള്ളമുണ്ട എസ്എച്ച്ഒ ടി.കെ. മിനിമോളുടെ നേതൃത്വത്തിലുള്ള സംഘമായിരുന്നു പരിശോധന നടത്തിയത്.