പത്തനംതിട്ട: യുവതിയോട് മോശമായി പെരുമാറിയ ചുരുളിക്കോട് സിപിഐഎം ബ്രാഞ്ച് അംഗം കോശി തങ്കച്ചനെതിരെ കേസ്. യുവതിയുടെ പരാതിയില് പത്തനംതിട്ട പൊലീസാണ് കേസെടുത്തത്. പ്രതി യുവതിയെ കടന്നുപിടിച്ചു എന്നാണ് പരാതി. സംഭവം ആരോടും പറയരുതെന്നും താന് പാര്ട്ടി പ്രവര്ത്തകന് ആണെന്നും ഇയാള് ഭീഷണിപ്പെടുത്തിയതായി യുവതി പരാതിയില് പറയുന്നു. യുവതിക്ക് മാനഹാനിയും മനോവിഷമവും ഉണ്ടാക്കുക എന്ന ഉദ്ദേശത്തോടെയാണ് പ്രതിയുടെ പ്രവൃത്തിയെന്നും എഫ്ഐആറില് പറയുന്നു.